خالتي تحش فبني وانا قاعدة؟

[love-hate-78]

الله يبرد على قلبكم مثل ما بردتوا قلبي صج خوات دنيا

 

[mar( مرمر )mar]

رد : خالتي تحش فبني وانا قاعدة؟

طبقي المثل القائل
الحقران يقطع المصران
وانتي ترتاحين طول العمر

 

[~ ياسمينه ~]

يا حبيبتي مو شرط تطبخين طبخ ثقيل

بس سوي خفايف وتعلمي شوي شوي

مو عشانهم عشانج انتي وريلج

الريال حتى لو ما اهتم لمسألة إن زوجته تطبخ او لا بس هو يحب ياكل شي من يد زوجته

بالتوفيق اختي

 

[مـزآج ــــية]

انا نصيحتي لج انتي عليج من ريلج

انتي متزوجته اهوا مو امه يعني اذا ريلج عادي عنده ما تطبخين و عندكم من يطبخ لكم اوكي لا تطبخين ومالج شغل باحد لو قعدوا ينغزون لمن باجر

بس اذا ريلج مو راضي احسن لج تعلمي الطباخ

يعني خلي الشغلة عشانج انتي و ريلج مو عشان خالتج قطت نغزة

 

[حسايف 0]

رد : خالتي تحش فبني وانا قاعدة؟

تبين نصحتي تعلمي الطبخ عشان تكسرين عينهم

 

[جان زين]

حياتي اخذيها مني لو الخالة تحب الكنه جان ابليسوووو دش الجنه

انا اطبخ واتفنن بالطبخات وتزيين الاطباق والكل يشهد بهالشي......لاتشوفين خالتي وحماتي شمسوين فيني :eh_s(13):

:eh_s(13):اسوي الطبق واحطه عالسفره الشباب كلهم يمدحون شكله ..اهم يتغير ويههم :27d66a9c24b146327bf

لما ياكلون طبعا حماتي وخالتي مايذوقون واذا ااحد قال لهم ذوقوه طبقها عجيب يطلعون الف عيب فيه من القهر

طباخي قام يصك على طباخ خالتي وحماتي مع اني صغيرونه بس الحمدلله احب المطبخ واحب الفناتك....

بس ماكو فايده الغيره والحقد والحسد موجودين

ف طبختي يحرهم وماطبختي يحرهم كشختي يحرهم وماكشختي يحرهم

:23_asmilies-com:

 

[أسم والسلام]

الله يغث اللي غثج


ان تكرر الموقف قولي الحرمه دورها تريح زوجها مو تصير له خادمه

وشرعا ماعليها لامن طبخ ولا حمسة بصل

والرجال وسيع البطن خل يحط شرط يدورون وحده ريحة القلي ماتفارق هدوما وبينطمون ههههه

 

[حرم راشد الماجد]

بصراحه حبيبتي انا ماراح اجاملج بس ترا مو سنع ان الوحده تكون ما تطبخ خصوصا اذا ماعندج خدامه يعني المفروض يعني تتعلمين اشياء لو بسيطه

وما اعتقد يقصدونج يمكن الموضوع كان عن البنات بشكل عام لا تدققين خصوصا اذا انتي مقتنعه ان اللي تسوينه صح

 

[روحي تحبه غصب]

حريم فاضيه ماعندها سالفه الا المغثه:0bee2e8d89:

طنشي وتعلمي تطبخين لريلج واذا السالفه تكررت شاركيهم السالفه وطبي في اللي ماتدخل المطبخ_03BA:
واذا حاولت تحرجج :tomato2:قولي اكيد اعرف اطبخ قبل اتزوج كل شي اسويه بس ريلي الله يهداه مايبيني ادخل المطبخ_03BA: يقول يبيني كاشخه على طول مايحب ريحة الطباخ

صدقيني بتموت من الحره:eh_s(14):

 

[Nafnooofa]

حياتي والله كسرتي خاطري .. ماحب هالمواقف احرااااج
بس انا اقول ان مو الطبخ اهوه اللي راح يخلي خالتج تحبج وما تقط نغزات .. يعني دام انتي خوش بنيه وعلى قولتج تمشين يم الحيط .. اهما الناس ترى ما يعجبهم العجب .. لو الجنه تطبخ قالوو متينه والا مهتمله والا اي شي ثاني .. لي صارت تهتم بكشختها بس ما تعرف تطبخ مسكو عليها انها مو سنعه ما تعرف تطبخ .. يعني بالمختصر طبختي والا ما طبختي ما راح تفتكين من القيل والقال اذا اهما نااس يحبوون يقطون نغزاااات .. فأحسن شي على قولت حامد زيد ( احسن دوا للي يحاول يستفزك تحقره )

 

[الغلاااااا]

تعلمي خفايف ياقلبي موشرط طبخ اساسي

عان اذا رحتي لهم معاج شي يسوا تعلمي حلويات سناكات


انا تزوجت وانا ماعرف حتى القهوه اسويها وشريت كتاب النخبه وصرت اطبخ حالي حال الحريم

ولما كنت انزل لحمولتي اسوي حلا خفيف واخذه معاي((بصراحه استحي انزل وايدي فاضيه واكل واغسل ايدي وارد شقتي فشله))مع انه عندهم طباخه.
اما اذا اهما اللي يطبخون ظروري تتعلمين لان فشله الناس يطبخون لكم وانتو يوصل اكلكم جاهز مجهز


صدقيني الطبخ فيه متعه خصوصا اذا كنتي ببيت حمولتج((عشان الخدامه تغسل الصحون وراج>>عقدتي ماحب اغسل الصحون واطبخ بنفس الوقت اذا معاي احد يساعد بالغسيل اوك لو يبون اطبخ ذبايح ماعندي مانع))

 

[LeeMa q8]

انا خالتي تفضل مرت حماي العووود ليش انها تعرف تبطبخ !!

وانا تدري عني اني مادري وين الله قاطني بالمطبح لووولز

 

[om Firas]

خلاص تعلمي واكسري عيونهم

 

[chanel N22]

الله يعين عطيهم طاف

 

[فوفو22]

رد : خالتي تحش فبني وانا قاعدة؟

استغرب من اللي يقولج طااااااااف

حبيبتي موضوعج محتاج طريقتين للعلاج

الاولى علاج نفسي وهو اي تعليق تحسين انج مقصوده فيه تردين بابتسامه او مشاركه مثل تقولين

الناس قدرات فيه ناس متفوقه بالطبخ ونفسهم حلو وناس متفوقه بأشياء ثانية


العلاج الثاني

ان تقصيرج له حلول ممكن تسوين اطباق بارده سهله من الكتب وتنزلينها لهم وتكسرين عينهم


فوفو

 

[Mrs_Orchidia]

البنات ما قصروا

 

[مريومه.10]

رد : خالتي تحش فبني وانا قاعدة؟

يعني ان تعلمت بتكبر في عينهم !!

الحريم مايملى عينهم شيء وهي ماهي ميته عليهم طز فيهم

اذا انتي ماحسيتي انك محتاجه تتعلمين الطبخ لاتتعلمين براحتك

وهذي غيره منهم بس لاتوضحين لهم انهم اثرو فيك طنشي وابتسمي

 

[روبالوا]

لاتحترين ولاتعصبين .ما تطبخ اي ما اطبخ بس مكياج اي اتمكيج واتسنع بعد خليج ياجبل ما يهزك ريح

 

[كشختي ماركه]

رد : خالتي تحش فبني وانا قاعدة؟

خليها تولي خليها تعرف انج تسمعين بس طنشيها
وشووفيها بنظره تنرفز عشان تتنرفز عدل
بس في حرمه تكره بنت اختها صج حقوده
بس اهم شي مااتقصرين بعمرج بشي
طبااخ تعلمي واللبس البسي والمكياج تمكيجي
عاادي مااعليج منهاا

 

[Cander]

انتي المفروض ما تعطينهم فرصة يتكلمون عنج

طبخي بس متى مابغيتي

مثلا اذا بتسوين طبق عالعشا قولي لخالتج تر اليوم بسوي جذي

عشان ما تلتزمين كل يوم طبخ

عادي طوفي الاهل لازم يعذربون بالجنة