خالتي تحش فبني وانا قاعدة؟

[love-hate-78]

مبارك عليكم الشهر و كل عام وانتوا بخير اليوم كنت حيييل كشخة كالعادة الكل يحسد خالتي جني بنت شيخ رزة وهدوء و تكانة المهم قاعدة عند ظيوف خالتي لا ليا ولا عليا والا وحده من الضيوف تتكلم عن الجناين انها ما تطبخ وهدا موضوع خالتي المحبب الله يسامحها مرت حماي تكرهني موت ومعلنة عليي الحرب من غير سبب يوم سالتها قالت انتي ما تدقين عليي المهم قامت الجلبة مرت حماي و تطنزت علا الجناين اللي ما يطبخون: رفلات كسولات ماادري ليش متزوجين حتى رياييلهم باردين ودايخين واهما بس يبون فراش ولا يدرون عن الريل ومن هالكلام عاد خالتي الله يسامحها قالت هدول مو حريم هدول بقر بس هبابها مكياج و لبس و لاا اهيا خايسة حريم اخر زمن؟؟؟ والله ويهي الواااااان وبس ابولع بريجي ومتوترة لان كل حمواتي يدرون اني مااااااااااااااا اطبخ ما احب الطبخ بغيت ابجي يمكن مرت حماي احترت من كشختي بس خالتي هدا موضوعها جدام الاوادم وانا قاعدة عيب شسوي ما احب الطبخ و بعدين بناتهم مثلي ما يحبون الطبخ الله يخليكم شسوي؟؟؟؟؟؟؟؟

 

[كرز حالي.]

رد : خالتي تحش فبني وانا قاعدة؟

حمواتج يدرون انج ماتطبخين
انزين الناس شدراهم؟؟ شدراهم ان حماتج وخالتج يتكلمون عنج؟؟
انتي اللي بينتي هالشي لهم لما ارتبكتي ويهج قام يعطي الوان
جان فشلتيهم وحطيتي نفسج مو مهتمه وقلتي اي والله مو خوش حريم حتى بعض البنات مايتعلمون الطبخ ببيت اهلهم مادري اذا تزوجو شنو بيسوون واهلهم مايعلمونهم مدلعينهم
علشان يحسون

 

[*الشيـــهـانـة*]

تعلمي الطبخ مومعقوله بتعتمدين على الغير طول عمرج

 

[جـــواهر]

خلج واثقه من رووحج ومالج شغل بأحد
..

وعطيهم اكبر طناااااااااش عرفه التاريخ

 

[So0oKaRa]

والله شقولج اختي بصراحه شي يغث
بس دايما الجنه اللي تعرف تطبخ خالتها تستانس عليها
و حاولي تتعلمين ترى اغلبيه البنات تزوجو ومايعرفون يطبخون مع الوقت تعلمو
الطبخ شي لابد انه المره المتزوجه تتعلمه لانه يرفع من رصيدها جدام ريلها وحمولتها
اهمه غلطانيين عيب يقولون هالكلام بس انتي صيري احسن منهم ولاتردين
وبالمقابل تعلمي الطبخ خاصه احنا بشهر رمضان طبخي ووديلهم
في اكلات سهله ومايبلها شي
الله يكون بعونج

 

[أبله كويتيه]

يعني اهم كانوا قاصدينج

من كلامهم كانوا قاصدينج انتي

ولا الكلام موجهه لكل البنات ؟!

وبعدين حتى لو موجه لكل البنات الي مايطبخون

مولازم .. شنو اهم شي الطباخ الحين .. محد يطبخ الكل عنده طباخ وخدم الحمدالله

نفضى حق روحنا ... لا طبخنا قالوا ريحتها .. ولم مانطبخ يقولون حريم فراش

خلوها على راحتها اذا ماتحب ولا تبي تطبخ مولازم ...

كشخي حياتي واستانسي وعيشي حياتج لاتطبخين ولا تسوين شي

والباجي عطيهم طاااااااااااااااف ورا ظهرج

ومره ثانيه لمن يقولون لج جذي .. طلعي من جنطتج العده وقعدي ظبطي اظافرج جدامهم

يعني مو مهتمه لهم .. مثل ما اهم ماحترموج انتي لا تحترمينهم

 

[randomy]

تعلمي تطبخين

ومحد بيطنز عليج

 

[um fawaz]

غلطانه جان سويتي ننفسج جنى الحجي مو لج وشقيتي الحلج ابتسامه عريضه .. جان احتروا زياده

اهما يبون يحرونج ووصلوا حق اللي يبونه .. والله ما حر نفسي ولا شي واعيش حياتي طاااااااف

 

[زهراء الركابي]

رد : خالتي تحش فبني وانا قاعدة؟

تعلمي الطبخ وخليج احسن منهم ....... وفي شغله قاعده تقولين عن مرت حماج الجلبه ............ النعت حرام لا تنعتينها بالجلبه لانها مو جلبه ...... استغفري ربج حنا بشهر الطاعه

 

[al-musk]

خلاص تعلمي واكسري عيونهم..........عشان محد يقدر يحط عليج واحد وياحلاة البنتكامله مكمله مزيونة وهادية وأخلاق وفوقها قايمه فبيتها وطباخها يهبل

 

[Little_Queen]

اول شي حبيبتي مافيها شي تعلمي الطبخ و بتكبرين بعينهم

واضح ان حمولتج مو من نوع اللي تهمهم بس المظاهر و الكشخه

يحبون الحرمة ست البيت و اللي تهتم بالطبخ و هالسوالف

و بعدين حبيبتي مافيها شي الطبخ سهل و تعلمي تحبينه تستانسين عليه والله احساس حلو لما توكلين الناس من ايدج و يمدحون طبختج ترى صج ترفع معنوياااااااااااااااتج وايد و احساس حلووووو وايد


و اتفق مع اختي زهراء

ماله داعي الفاظ مثل الجلبه ......


بنت الشيوخ ما تقول هالالفاظ حبيبتي و الوحده قبل لا ترتقي بمظهرها و لبسها لازم ترتقي بألفاظها و كلامها قبل كلللللللل شي


الله يهنيج

 

[L a w y e R]

رد : خالتي تحش فبني وانا قاعدة؟

المره مانخلقت للمطبخ

واجبج كزوجه يحتم عليج احترام ريلج وتربية عيال وصون بيتج

انتي مو محاسبه شرعا عالطبخ !!

اذا المره بتطبخ شي واااايد زين ، واذا ماتبي يسلم راسها ، مافي شي يلزمها

الله يهداهم هالناس عليهم سوالف :\

.

عموما الطبخ حلو ويونس

.

استغفري ربج بهالشهر الفضيل

 

[غير كل الناس]

طاااااااااااااااااااااااااااااف ولا يهمك

 

[ام عفاف الكويت]

هذا رمضان
دشي المطبخ سوي لج طبق

وكل يوم نزلي بطبق
قولي تنقصته لكم
خل يعرفون انه شغلج

 

[miss-winter]

طبخي سوي اي شي وبعدين شكو محترين منج وانا ملاحظه كلللللللللللللله مرت حماي تحتر مني لووول شسالفه الله يعينج بس

 

[يا حبنـي له..}]

رد : خالتي تحش فبني وانا قاعدة؟

شوفي اذا زوجج راضي انج ما تطبخين اوكي ..بس اذا لا خلااص تعلمي

وابصراحة انتي مو غلطانه كل البنات الحين ما يطبخون..الزمن تغير

واللي ينقد على جذي ما عنده سالفه من يطبخ الحين..الله يسلم الخدم

والمفروض اتكونين واثقه من نفسج..دامج مقتنعة باللي اتسوينه

واي شي يقولونه طااااااااااااااااااااااف من امه

 

[love-hate-78]

اسفة مو قصدي اقول عتها جلبة بس من حر ما فيني انا ما استاهل خاصة اني امشي جمب الحيط يعني ما كوصوت ولا نقزات فليش يتحرشون واي صج صج قثوني

 

[مينونه باباتي]

رد : خالتي تحش فبني وانا قاعدة؟

ماعرفتي تردين !

المره مانخلقت للمطبخ

واجبج كزوجه يحتم عليج احترام ريلج وتربية عيال وصون بيتج

انتي مو محاسبه شرعا عالطبخ !!

وشدعوه بيموتون من اليوع عاد

واي احتريت

اي والله واهي الصاجه جان رديتي عليهم
والله المطاعم ماتقول لا اتيب لهم من المطعم يزحرون ولا ميتين من اليوع على قوله lawyer
واااااي احتريييت والله قهر وانتي ليش انقهرتي جان سويتي شي يقهرهم وقلتي اي والله صاجه لا لا عيب بس اخ ماعرفتي
يووووومه طلعت على طبيعتي

 

[love-hate-78]

شنو كان لازم اسوي يعني لو يتكرر الموقف بصراحة ابي اتدرب علا الرد

 

[^noonaa^]

والله هالخالات اسنخفو واقعدو الحمدالله والشكر