خالتي ام ريلي بتينني :( ساعدوني شسوي

[حبيبه بدر]

شنو مااا ارضى تاخذ ريلي مني ؟؟؟
انتي تدرين انه هي امه قبل لا تكونين زوجه حرام عليج هذا بجرها ويمكن متعوده عليه وتحبه حييل لن البجر غيير وخليها مثل امج ولا تبينين له انج متضاايقه منها لن شكله يحب امه ومايرضى عليها وديري باالج لا تغلطين وتحسفيين المفروض تفرحين لم تشوفينه يخدم امه وبعدين ترا هي اولا بلخدمه منج يعني يخدمها اول وبعدين يلتفت لج​

 

[ام دليار]

بتغلطي غلطة عمرك أذا بتقوليله أمك أخذتك مني
بدك تكسبي زوجك تركيه مثل ماتعود قبل الزواج
هذي أمه أهم منك لاتزعلي بس
الله يسخره لج

 

[قمة الرضا]

نصيحه لوجه الله خلي نفسج طويل ليييين هوو يزهق ويتعب ويحس وده يفرح معاج
لان لو تكلمتي قال صحيح كلام امي بتاخذني لها وبتغيرني وبيعاند اكثر
والله كان حتى وقت العلاقه تكسر الباب يقوم يركض وراها
الله يفرجها بس عليج بالاستغفار والدعاء وغيره انسي

 

[متى تفرج بس]

مشكورين
والله يصبرني على بلواي

 

[Cute mama]

مشكورين
والله يصبرني على بلواي

حبيبتي ليش زعلانه ماعليه نطري يمكن بس اولها جذي لانج توج عروس
وبعدين خلج زينه معاها واي شي تطلبه من ريلج لاتقولينله شي على شان باجر ان شالله اذا ولدج تزوج اتييج جنه تبر فيج مثل مابريتي بخالتج
والله شوفي مرت خالي كانت شريره مع يدتي الله يرحمها الحين زوجت ولدها وتعالي شوفي جنتها مطلعه عينها والله العظيم نفس المواقف اللي كانت تسويها مع يدتي الحين جنتها تسويها معاها

الله يوفقج بحياتج ويحنن قلب خالتج عليج​

 

[فلونه فلنتينو]

يا حبيبتي هدييييييييييييييييييييييييييييييي هدي اعصابك
تراك توك عروس ولا تكسرين فرحتك بامور تافهه هذي امه افهمي امه
وان ما صبرتي واحتسبتي الاجر بصبرك بتتعبين
وراح ياخذون عنك فكرة انك مو زينه وتتغير معاملتهم ويااااااااااااااااااااااااك
اكسبيهم بالزين قبل الشين ولا تهدمين حياتك بامور تافهه

حاولي تفهمين كلامي بنظره ثانيه غير اللي انتي تبينه وساعتها تقولين صج ما كان عندي سالفه يوم قارنت روحي بامه
لان حب الام غير والزوجه غير فهمتي
والله يهديك

 

[زوجة عزيز]

وي الله يعينج ما اعرف شاقولج والله بعد امه ماتقدرين اتسوين شي وان قلتي له خل احد من اخوانك يوديها بيزعل مالج الا الصبر

 

[رضاهم جنه]

فتره وتبي تطخ لان هي متعوده عليه ومعتمده عليه بكل شي مع زياده مسؤوليات زوجج يبي يمل زوجج ويقول دوري غيري
بس نصيحه لاتبينين لزوجج انج متضايقه حيل من امه واذا على الطلعه اذا طلعتوا قولي سكر جهازك وانا اسكر جهازي علشان محد يزعجنا ابيك بروحي >>> مع كلمات دلع

 

[njoom1]

لاتحرمييييييييين امه منه مهما يكون هذي امه انتي خلج اعقل منها اذا اهي صج عقلها صغير خليج انتي احسن منها
انتي قعدي مع ريلج قوليله انا مو قاعده اشوفك يا بالدوام ولا طاااااع حسسيه انج مشتاقتله ولا تيبين طاري امه ولا شي قوليله ابيك تقعد معاي

 

[منجامور]

الله يعين

 

[شقرديه كيوت]

حبيبتي صح عندها اربعه غيره بس اهو اللي فيه الخير--ياالله يالحريم ليش هالكره لأم الزوج !!!بعدين انتي توج عروس وششتي عليها وحطيتيها براسج !! اجل بعد العيال شبتسوين !! تقولين غلطته انه عودها يوديها قبل الزواج !!!!!!!!! امانه لو اخوج يودي امه ويجيبها ويفضل يسوي شغلها ع شغل زوجته امانه ماتستانسين وتعزينه اكثر من اخوانج الباقين لأن فيه خير بامه وفادت فيه التربيه ؟ تصدقين ضاق صدري عندي عيال صغار قاعده افكر اذا باجر حريمهم بيقولون هالحجي عني وعيالي بيطاوعون حريمهم اجل خساره تعبي الحين عليهم اشحقه اربي واضحي واصبر وادرس وألحق وراهم وشبابي وصحتي تروح عليهم بالآخير لا عجزت بصير ثقيله وهم عليهم وع حريمهم :eh_s(2): دنيا ما فيها خير

 

[nadoooy]

عادي بما انج توج عروس وهو ولدها البجر لازم تسوي جذي بس صدقيني مع الايام بتفج عنكم وانشالله لي حملتي اكيد ريلج بيجابلج ماراح يفضى لها علطول بس اهم شي لاتبينين حق ريلج انج متضايقة من امه دام انها ما ضايقتج

 

[فوفى]

اااااااااااااة انا لو عندى خالة كان اعطيها روحى مو بس اعيوونى الله يرحمج يا خالتى والله مافى مثلج ..

حبيبتى هذى امة والحمد الله انها راضية عليج وعلى ريلج احمدى ربج والله ان شاءالله يصلح الحال.

 

[Tejan]

صباح الخيرررررررررر

يا فؤادي انا نفسج خالتي ما ترتاح الا اذا زوجي وداها المشاوير
و بعد يجابل اي تصليحات بالبيت و العمال و الخدم
عندها عيال غيره و سايق و هي تسوق بعد بس ما تحب احد يوديها الا بعلي ..
سمعي مني لا تخلين السالفه عناد و تدخلينها في باله و الله انتي الخسرانه وقتها و اذا صار في باله انج ما تحبين اهله راح يقعدلج عالوحده و حتى لو يصير لج الحق باي موقف ماراح يوقف معاج لان في باله انج متحاملة عليهم

انا عالطالعه و النازلة اقول لزوجي اكثر شي احبه فيك برك لاهلك يا ربي عيالنا يطلعون عليك <<< الاخ يتشقق

و اذا بوصل خالتي مكان اقوله بروح معاك ولهانه عليك و على خالتي << احم احم
و اهم شي ان غالبا خالتي تخلينا نمر رفيجتها نوصلها معانا العرس او الاستقبال و بعدها استغل الفرصه و نطلع عشى او كافيه

الحمدلله انا خالتي طيوبة و تينن و اشاورها بوايد اشياء و اعطيها قدر و حشيمه مثل امي عشان تجي هي و زوجي يحبوني و ماكو عداوة :*
بس عندي وحده من اهلي خالتها نسرررررررررررة
تخيلوا طول السنه سفرات مع الولد << خاصه ان زوجها متوفي و هذا ولدها الوحيد و مرته بالبيت
انزين اخذوها معاكم مسكينه !!
والله تكسر خاطري و لا يشاورها و لا حتى يقولون لها تنصدم صاكين جناطهم و مع السلامه
تخيلوا السنه اللي طافت لبنان و دبي و العمره و المانيا
و هالسنه شهرين امريكا و هي قاعده تجابل عياله و الاخ و امه طايرين و الهوا طاير
و اللي يحر نفس الفتره اهلها بسافرون و تقوله اروح معاهم قال لا ما تخليني بروحي
و من سافروا اهلها من اهني سافر مع امه و خلاها
و امريكا ما تصير فجأة لازم حجز و فيزا تقول و الله خاموش ما قالولي عن و لا شي !!!

صج هالبنت تكسر خاطري
<< اذا شفت بلاوي الناس احب خالتي خخخخخخ​

 

[نونه المنكوشه]

حبيبتى اللى مافى خير بامه مافى خير فيج وامه اهيه الاولى منج بصراحه وكثر مايخدم امه مايوفيها يزاها والله ياحلو الوالدين وياحلو البر فيهم المفروض اتشجعينه وتكسبيه وتكسبين خالتج وتقوليه انت كل ماتخدم امك تكبر بعينى اكثر بصراحه استغرب من بعض البنات شلون اتحطين نفسج بمقارنه مع امه اصلا مافى اى مقارنه واتمنى انج اتخلين النحاسه شوى على صوب وتصفين النيه علشان ربى يوفقج ولاتنسين انه الدنيا دواره وباجر بتيج مرت ولد نفسج بالضبط وبعدين خليها اتمشوره شنو المشكله اهوه راضى انتى ليش محتره

 

[لعبير]

أسمعيني عدل أنا أقوالج شلون تخلينا يقعد بالبيت بما انكم توكم معاريس اجذبي لج اكشخي دايما وسويله حركات اللي خبري خبرج ودلعي واذا قال بروح اودي امي قوليله انا كاشخه لك ومزهبي نفسي حقك وتخليني يعني من هالحركات صدقيني بتعذر من امه باي شي ادري طولت بس اتمني اني عطيتج الحلول المناسبه عاد قوليلي تطورات لووووووووول صرت فوزيه دريع هههههههههههه بالتوفيق​

 

[ليلو جبريت]

الله يعينج الي يده فالنار غير الي في يده فالماي
انتي عايشة المشكلة وعارفة ظروفها
وصح في امهات وايد يغارون من مرة الريل
انا اعرف وحده جي خالتها تدلع وتسوي روحها ياهل جدام ولدها
وتموت فيه وتغار من زوجته وكله تطلع عيوب فيها وتقول طلقها وازوجك احسن منها ​

 

[فوفو22]

الله لا يرزقني جنّه مثلج يارب

يا بنت النااااس هي امه امه امه امه

تاخذه كل اليوم نص اليوم هي امه

هي تدخله الجنه والنار برضاها

لو انج سنعه جان رحتي معه يودي امه مشاويرها

لو انه فيج جزء من الحكمه جان عرفتي انه هالزوج ذهبه اللي فيه خير لامه في خير لزوجته

لو انه فيج جزء من الرحمه جان حسيتي بشعور الام اللي حملت وسهرت ربت ولدها سنين جان تعطيج ياه جاهز من مجاميعو

بدال ما يشكرها بتقديم خدمات وطلببات لها تبينه يرفض ويجابلج



بالنهاية اقوووول لكل امرء ما نوى

اذا نويتي خير بامه رح تحصدينه

واذا نويتي زرع فتنه وشر لامه رح تذوقينه

فوفو

 

[انا لحبيبي .]

موضوع غيرة الخاله هاد شي لا مفر منه ، لانه هاد ابنها وكان معها وفجأه يروح من عندها

هي مو قصدها تكون لئيمه او خبيثه ، بس سبحان الله الام مرات بتتصرف تصرف ببينها هيك

مو مشكله حبيبتي كلها شوية ايام ورح يهدى الوضع لاتحطي ببالك

 

[Melazlaza]

حبيبتي هدي بالج وانا اشوف اهم شي تصرف زوجج لازم شوي شوي يسحب نفسه يعني مرة يقولها مشغول ويتعذر باسلوب حلووو ومرة يقولها سوري كنت نايم ومرة عادي يوصلها لما تحس اهيا ان بالفعل هالولد تزوج وانشغل وحاولي تحسنين علاقتج معها لان اذا حبتج ماراح تتدخل بينج وبينه الا بالخير اهيا باعتقادها انج خطفتيه منها فانتي فهميها انج دايما توصينه عليها حتى لو مو الحقيقة عشان ترتاح وتنساكم