خالتي اتهمتني بشرفي

[al-musk]

اي شي متهمتج بهالنقبلة وتبي تنزلين الزوارة.انا لو منج أطلع سجل التلفون وأقطه بوجها ولامايحتاج تلفونج موجود وأكسر عينها ..بس ترا جد السالفة قوية مو سهلة والله يعينج

 

[ريفيل]

رد : خالتي اتهمتني بشرفي

الحمد لله والشكر الحريم هذيلا خلاص مافي حياء ..

 

[هجووورة]

عااااااااااااااااااااااااااديييييييييييييييييييييي
الخالات اللي ما يخافون من الله وما يحبون الكنة يسوون جذي والعن
بس نصيحة لا تنقلين الحجي
عزي نفسج انا عن نفسي لقيت البعد عنهم مو بس غنيمه الا رااااااااااااحه

 

[غرشة عطر]

غريبه مايحبونج لان شخصيتج قويه العاده يموتون ويخافون ويحسبون الف حساب للي شخصيتها قويه !!!!!!!!!!!!!!!!!!!!!!

 

[ياشايل الظبى]

رد: رد : خالتي اتهمتني بشرفي

انتي غلطانه المفروض ما تنقلين السوالف وتشيشين العالم

لو يتذابحون قدامج خلج حياديه

صيري طرمه صمخه عمياء

وخالتج خلج رسميه معاها

والسلام وعليكم والسلام

واذا غلطت حقريها

من باب انها مره عوده وام زوجج

وانا معاها بكلامها

 

[frasha.q8]

اي والله اختي مالج شغل فيهم خليج بعديه باجر تطلعين انتي الغلطانه اخوان ينيازووون كيفهم

 

[كولوراديه]

غلطانه يوم نقلتي السالفه

 

[عاشقة_الجمال]

خلج الاحسن وسلمي على خالتج

ولا تنقلين حجي مره ثانيه

 

[om MaRyooM]

تدرين ياقلبي ؟؟ انا عكس البنات الي قالولج ليش تنقلين حجي وتقولين بين زوجج


اصلا من المهم زوجج يدري لأنها مو سالفة عادي .. باجر ان سويتي روحج طيبة وماتنقلين حجي وتسكتين يمكن تنقلب السالفة ضدج ويشيشون ريلج ويمكن يصدقهم بعد وانتي (ياغافلين لكم الله) وبيستغرب انج سكتي ..ويمكن بيصدقهم عقب جذي


الموهم . .

اللي صار صار . . مع انه خالتج غلطانة فعلا مايستحون .. وانتي لاتعطينهم مجال يعني خليج رسمية وسطحية معاهم .. بس ان كان عالغدا ولا العشا عادي نزلي ولاجنه في شي ع الاقل عشان خاطر زوجج وعشان لايسمع منهم كلام عنج يغثه مسكين



ودايما خليج مع زوجج يعني حاولي ماينزلهم بروحه كوني معاه عشان لايظغطونه ويشيشونه عليج .. واكسبي زوجج كثر ماتقدرين عشان يظل واقف يمج


انا انصحج نصيحة اخت ومن وحدة عانت وجربت بلاوي .. وهذا انسب اسلوب تتعاملين فيه معاهم

الطناااش ياقلبي .. وحقريهم وعسى الله يهنيكم ويسخرلج زوجج

 

[احب المنتدى]

رد : خالتي اتهمتني بشرفي

الله يعينج
طنشيهاااااااااااااااااااا

 

[^مرايم^]

تدرين ياقلبي ؟؟ انا عكس البنات الي قالولج ليش تنقلين حجي وتقولين بين زوجج


اصلا من المهم زوجج يدري لأنها مو سالفة عادي .. باجر ان سويتي روحج طيبة وماتنقلين حجي وتسكتين يمكن تنقلب السالفة ضدج ويشيشون ريلج ويمكن يصدقهم بعد وانتي (ياغافلين لكم الله) وبيستغرب انج سكتي ..ويمكن بيصدقهم عقب جذي


الموهم . .

اللي صار صار . . مع انه خالتج غلطانة فعلا مايستحون .. وانتي لاتعطينهم مجال يعني خليج رسمية وسطحية معاهم .. بس ان كان عالغدا ولا العشا عادي نزلي ولاجنه في شي ع الاقل عشان خاطر زوجج وعشان لايسمع منهم كلام عنج يغثه مسكين



ودايما خليج مع زوجج يعني حاولي ماينزلهم بروحه كوني معاه عشان لايظغطونه ويشيشونه عليج .. واكسبي زوجج كثر ماتقدرين عشان يظل واقف يمج


انا انصحج نصيحة اخت ومن وحدة عانت وجربت بلاوي .. وهذا انسب اسلوب تتعاملين فيه معاهم

الطناااش ياقلبي .. وحقريهم وعسى الله يهنيكم ويسخرلج زوجج

معاها

 

[Tkanh]

الله يعينج

سلمي عليها علشان زوجج وخليج رسميه معاها

 

[DooLy88]

طنشيها

 

[عجايب الغلا]

انا اقول سلمي عليها مادامج عندهم بالبيت وعالاقل لانها ام زوجج

ومره كبيره جذي بتكسرين عينها وتكسبين زوجج واذا مانزلتي بيكثر عليج

الكلام وكل منهم بيطلع عليج سالفه والكثره تغلب الشجاعه يعني بروحج ماراح

تقدرين تسوين شي انتي مرته بس هذولي اخوانه وهذي امه ...!!!

سلمي عليها احتراما لزوجج بس سلام بدون سوالف ووخري عنها دامها راعية مشاكل

والله يوفقج ويعينج !!!

 

[قاب قوسين]

استغفر الله انتي شكو بين الرجال واهله شكو رايحة قايلة لزوجك اخوك وامك يتكلمون عليك وشكو قاطة اذنج وشكو تنقلين السوالف بين الرجال واهلها انتي الحين

- تجسستي على اهل زوجج
- نقلتي الكلام بينهم يعني فتنتي بينهم
-سويتي شرخ بعلاقة زوجج مع اهله

...... يا حريم عويذ الله منكم تدشون بيوت خلق الله وتخربون وتقلبون الولد على امه والاخ على اخته وبعدين تتشكون انكم مظلومين !!! .. البيوت لها خصوصيتها مالج شغل في الرجال وأهله .. دشي البيت جنج ضيفة لا أرى لا أسمع لا أتكلم لو يتذابحون مالج شغل فبهم وتعودي لاتنقلين كلام اهل زوجج لزوجج وتخربين علاقته وياهم !! صكي بابج على نفسج ان كنتي من النوع الحساس والي يتزعل مالج شغل بأهله ....... انتي ترضين مرت اخوج تخرب بينج وبين اخوج والا بين اخوج وامج ؟ والا تنقل سوالفكم لزوجها" اخوج " ؟!


وبعدين انتي اذكر انج سعودية وماخذة كويتي عدل والا لأ ؟؟!! وانتي تعتقدين انه ام زوجج مخلية بنات الكويت وماخذتج عشان هلمشاكل الي تسوينها ؟! انا كنت احسب المشاكل الي نشوفها بس عند بناتنا .. لكن من خلال 7 سنين بالمنتديات السعودية والكويتية والبحرينية والمصرية اكتشفت انه مو بس السعودية والعربية مثل الكويتية الا حتى حريم البنغال والاندنوسيات سبحان الله المرة هي المرة مهما كانت جنسيتها والمشاكل نفسها نفسها .. سبحان الله فينا يا الحريم السالفة مو سالفة ثقافة المجتمع لكن بعقولنا !!!

حبيبتي انتي الحين متغربة وقاعدة بديرة غير ديرتج ... وانشالله انج الحين صرتي وحدة من بنات هالديرة ... ترى خالتج لو ما شاريتج جان ماتعنت وخلت البنات الي هني وراحت خذت وحدة من برا واهي عارفة انه الشغلة هاذي فيها عبالة وتعب على الولد باجر يتعنى ولدها رايحين رادين على خوال العيال .... فشيلي سالفة انه خالتج حاطة عليج !!! باجر يمل من هلمشاكل يطلقج ويردج لاهلج وجنه العيد ! ترى الرياجيل لهم حد ويملون يتزوج عشان يدور الراحة بس يشوف من تزوج واهو بمشاكل بين اهله ومرته اما تطق جبده ويزهق ويصير يطلع من البنت يدور النحشة يبي الفكة من هلمشاكل والا ياخذ عليج وحدة تريحه ! انتي احسبيها بمخج الرجال ليمتى بيتحمل وشله بالمشاكل والنكد ؟! تصافي مع نفسج وحبي نفسج وبعدي عن المشاكل ولاتكبرين كل شي ! .. ولاتصيرين حساسة وكلشي تفسرينة غلط !!! ......... وسالفة انها تسمعج تتكلمين بالليل ... هاذي حتى لو انتي ببيت اهلج وتسمعج امج بنص الليل تتكلمين بالتلفون بروحج بتشك وتقولج تكلمين منو هاذي عقول العجاير وكبار السن ...... انتي لا تسوين الشغلات الي مايتقبلونها العجايز جدامهم ....... واحسني معاملتج وياها واحسني الظن ثم احسني الظن ثم احسني الظن ومالج شغل بأهل زوجج !

 

[موج-البحر]

حسبي الله على هالناس ماعليه حبيبتي اهم شي ريلج وبنفس الوقت سوي نفسج زعلانة علشان لاتحط فبالها انج طوفة هبيطة كل ماشخط فيج

سكتيله والله ييسر امورج ويهديهم

 

[قاب قوسين]

من قال لج اشيشه على اهله لازم يعرف اهم شنو عيل اخلي اخوه يشيشه على امه لا حبيبتي مااسكت اللي يقول كلمه لازم يكون قدها

وزين عرف اخوه بحقيقته الصجيه

سبحان الله .. انتي باسلوبج هذا ماتبينهم يكرهونج ؟! عدلة تنقلين الكلام بين الناس وتفتنين بينهم ؟! وتبينهم مايكرهونج ؟! ارتقي بنفسج وكبري عقلج .. اصلحي من نفسج ونظفي قلبج وبيحبونج ومراح يصير لهم كلمة عليج ! لكن على هل أسلوب فقدت تعاطفي معاج وأتوقع انه الي قال هلمثل فوق كل آفة آفة !! ماقالها عن عبث ! يا بنت الناس مالج شغل بالرجال واهله واسمحيلي ترى أنا اقطها على بلاطة بكل صراحة الي تسوينه هذا عيب ... اهلج ماعلموج قبل لاتزوجين انه لادشيتي بيوت الناس لها خصوصية وحرمة و عيب تنقلين السوالف بين الرجال واهله وتفتنين بينهم ؟! ليش تعطين صورة سيئة لبنات بلدج عند اهل زوجج ؟! اخوهم وولدهم يعني أقربلهم من قربج له ! انتي شكو يحشون فيه والا يتكلمون عليه ؟! وليش تنقلين السوالف بينه وبين اهله وتشحنينه على اهله ! والله انا من دشيت هل منتدى اسمع البنات يتظلمون من اهل ازواجهمم لكن الغالب اشوف البنت اهي الغلطانة الا من رحم ربي ! تنقل سوالف اهل الرجال لزوجها وتشحنه عليهم وبعدين تقول انا مظلومة واهل زوجي مايحبوني !