خالتج تقضب عيالج؟؟

[!الجادل الصعب!]

في نآس عليهآ وجه قوووي:eh_s(10):
بعد تتشكى مآ تبي تمسكهم .. مآهي مكلوفه فيهم ..
عندهآ خدآمه مآ عندهآ خدآمه مو مشكلة الخآله ..
يعني عشآن جده هذي ضريبه عليهآ والا شنو ..!
مره كبيره خلصت من تربية عيآلها وغثآهم بعد تلزمونهآ بعيآلكم ..!
غير هذآ الي تقول يمسكونه وهو يضحك وآذا بجى ودوه لآمه ؟!
شي آكيد يودونه لآمه.. من يعرف للجآهل الا امه تسكته وتشوف شنو علته ..!
تبي ترتآح محد قآلها تجيب عيآل
:eh_s(4):

 

[بعدك طيـب]

والله ماهي ملزومه فيهم خل تاخذهم وياها وين فيها شده لمجابل الجهال

 

[yummy girl]

حراام والله



يعني يا احب ولدي ومابي يطلع من البيت اتحمل شطانه عياله اربيه واربي الجيل اللي وراه؟؟


ولا ماحبه واخلي يطلع بيت بروحه عشان ياخذ عياله معاه ويفكني..........!



هالسؤال مراح تعرف جوابه رفيجتج الا لما تصير جده وتزوج عيالها.......


الكبر والعمر لهم حق



كثر الله الف خيرها لا رحبت فيني وفي عيالي لو نص ساعه.......







بس انتي قولي لها


بترضاها اذا مرت اخوها قطت عيالها على امها؟؟؟ والله تقوووم قيامتهااا.....


خل تدبر لها خدامه بأسر وقت محد ملزوم بأحد


او تدخل عيالها حضانه او نادي العصر وترتاح لها وقت معين باليوم من صيحه الجهال

:icon30:

 

[أم توتو]

حبيبة قلبي محد ملزوم باحد !

مره كبيره وين فيها حيل تراكض ورى جهال صغار !

ورفيقتك دام ماعندها خدامه مو لازم تطلع الا للضروره ،

وليش لما تطلع ماتاخذهم ؟ لانها موقادره اتحملهم لاطلعت؟؟

خلاص هذا وهم عيالها ! جايه تلزم الناس فيهم !

يعني والله العظيم بعض حريم العيال مو الكل بعض،

ماتنعطى وجه .​

معاها :eh_s(15):

 

[جوري 2007]

الصراحه الخاله مو ملزومة تمسك عيال ولدها

اهي اكيد تحبهم بس تمسك وتجابل كيفها مالها خلق كافي ربت عيالها وجابلتهم

في خالات يقدرون وفي خالات لا

 

[•Brown•Sugar•]

كلام البنات صح
الام اهي الملزومه بعيالها
واساسا انا ما يهون علي اخلي بنتي عند احد لالاالا مستحيل
مادري شنو يعطونها تاكل ولا تشرب ومتى موعد نومتها !!
لو اطلع واهي عند امي ادقدق عليها كل شوي
وانا بعد بنتي يبيلها تغذيه خاصه فيها حساسيه من منتجات الحليب
فاخاف يعطونها خرابيط

 

[كويتية نايس]

اب اب

 

[عيش و مرق]

لا مو ملزومه تمسك عيالج

الحريم لكبار مالهم خلق اليهال حنه ورنه ومدابج يقعدون معاهم شويه يونسونهم اوكى بس اكثر من جذى مو مطلوب منها امهم اولى فيهم وله ابوهم يطلع فيهم اذا الام مضطره ع الطلعه اما الجده ابدا مو مطلوب منها اتراقبهم هذه وجهة نظرى واشوف حمواتى يقطون عيالهم على امهم وناقده عليهم لنه اكثر من مره تقولهم وتتحلطم عليهم واهم معطينها طاف بس هم اهى كاشته بعيالهم هادتهم مع الخدم بلبيت واهى تطلع مالومها كبيره وينها وين اليهال

 

[ام ميميتو]

انا ولدي بكمل السنه ان شاءالله لما كان اصغر من جذي كنت دايما اخلي عندها تمسكه اروح السوق و المطعم و سينما كل مكان حرام تمسكه حتى لما كانت مسافره عمي الله يخلي كان يمسكه اذا عندي شغل و يغيرله حفاظته الله يطولنا بعمره يااااااااارب بس الحين انا قمت ما اخليه لان اسم الله عليه قام يتحرك و يخرب بالمعنى تقولي خلي عندي بس انا ما ارضى حرام مهما كان اذا احنا صغار و نمل من عيالنا شلون هما حريم كبار الله يعينهم