خالتج تقضب عيالج؟؟

[cheese cake 84]

[بناااااات شلووونكم؟؟ ذاك اليوم رفيجتي تسولف عن خالتها قايلتلها اذا بتطلعين لاتخلين عيالج مع العلم رفيجتي ساكنه عندهم ودووووم اهي وامها شايله عيالها وماره بظروف اللحين ان ماعندها خدامه وهمن ماتنزلهم الا بالغدا واذا بغت تطلع تاخذهم معاها ولا تخليهم عن ريلها تقول راسها يعورها منهم انزين انا ساكنه عندكم وين اوديهم ونظام شقتها مو مفصول عنهم يوم بغووو راحه وهدوووء جان خلت ولدها ياجر بره استغرب الصراحه من اليدات اللي مايبون احفادهم فعشان نعرف هل كل الخالات جذي ولا شنو نظامكم؟؟size="5"][/size]

 

[Vaniela]

لا والله يحبون ولدي بس شوي عن الخاطر اما يوودونه واطلع و اخليه عندهاا نو وااااي اهي ما تستحمله واذا سويتها لقيتها قايله لخدامته شيليه وروحوا لغرفتكم لووووول

مالها بارض صراحه عيزت واهي تربي بعد ناقص تربي بعيالنا وتيودهم لنااا

كفت ووفت مسكينه ماتنلام

 

[Tom ♥ Jerry]

.


يده عن يده تفرق بعضهم مآ يستحملون
تكون كبيره وآيد بالعمر مآ تقدر على الياهل ,،
الياهل يبيله وحده ترآكض وراه و تجآبله اذا وسخ تكرمين تغيرله
تسويله حليب و تلوووي فيه عشان ينآم .، يعني لويه


بالنسبه لي .، الحمد لله !
خالتي تمسك بنتي و اي مكآن اروحله عآدي عندهآ تمسكها
حتى لو بروح عرس يعني من الظهر صآلون و جي بعدها البس و اروح " يعني من الظهر ليه بالليل "
مآ عندهآ مشكله تمسك بنتي !


الله يخليها لنآ ياررب ؛)

 

[miss-toota]

والله المرا كبيره واكيد ماراح تتحمل صيحه اليهاال

والصراحه اهي مو ناقصه يهال يحوسون فوق راسها ... وبهالزمن محد يتحمل احد واهي مو ملزوومه

بهالشي تحبهم اي اكيد احفادها بس مو مضطره تجابلهم والله يعين رفيجتج وان شاءالله تلاقي خدامه

 

[دموع-الاصايل]

لام الله من لامها المسكينه
الجده مو ملزوومه والله يعينها عاللى هى فيه مو ناقصه بعد عوار راس اصلا مقابل الجهال و معابلهم يمرض الصاحى شلون عاد العجايز

 

[.،:"$الـعـوبــــة$":،.]

حبيبة قلبي محد ملزوم باحد !

مره كبيره وين فيها حيل تراكض ورى جهال صغار !

ورفيقتك دام ماعندها خدامه مو لازم تطلع الا للضروره ،

وليش لما تطلع ماتاخذهم ؟ لانها موقادره اتحملهم لاطلعت؟؟

خلاص هذا وهم عيالها ! جايه تلزم الناس فيهم !

يعني والله العظيم بعض حريم العيال مو الكل بعض،

ماتنعطى وجه .​

 

[قلبي عبدالله]

اختي تراها مو ملزومه يعني علشان هي يده تكون هذي الضريبه

مسكتهم برضاها كان بها مارضت هي حره امي وهي امي ماامسكها عيا لي لاني اخاف عليها من التعب وحنة اليهال وامهاتنا ضغط وسكر ويالله تقدر تقوم امسكها جهال يبيلهم معابل ومراكض

خلها تصفي النيه وتعذرها

 

[ميمي..]

خالتي ماتقصر تاخذ بنتي حتى لو مااطلع تاخذها
بس ترى هذا شي مو اجباري ومالها حق صديقتك تلوم خالتها مو كفايه انها ربت عيالها بعد تبونها تمسك عيال عيالها
من حقها ترتاح
وترى الناس تختلف في حريم يتحملون الاطفال حتى لو مزعجين وفي حريم لا

 

[أو عبوش]

حراام والله



يعني يا احب ولدي ومابي يطلع من البيت اتحمل شطانه عياله اربيه واربي الجيل اللي وراه؟؟


ولا ماحبه واخلي يطلع بيت بروحه عشان ياخذ عياله معاه ويفكني..........!



هالسؤال مراح تعرف جوابه رفيجتج الا لما تصير جده وتزوج عيالها.......


الكبر والعمر لهم حق



كثر الله الف خيرها لا رحبت فيني وفي عيالي لو نص ساعه.......







بس انتي قولي لها


بترضاها اذا مرت اخوها قطت عيالها على امها؟؟؟ والله تقوووم قيامتهااا.....


خل تدبر لها خدامه بأسر وقت محد ملزوم بأحد


او تدخل عيالها حضانه او نادي العصر وترتاح لها وقت معين باليوم من صيحه الجهال

 

[ScarletteO'Hara]

لأ طبعا اليدة ام الريل مو ملزومة بعيال جنتها!!!
اصلا عيب الزمها تجابل عيالي او حتى اطلب منها
اذا اهي طلبت مني هذا الشي عيوني لها
بس لا صعبه احط عيالي عندها و احط توقع انها بتوافق و اطنقر اذا ردتني
حتى لو كنت ساكنة عندهم
امي امون عليها عادي اقط عيالي عندها
بس الصراحة خالتي مو ملزومة بعيالي
لاني اشوفها حايسة مع عيال بناتها و عيال و لدها الي ماخذت بنت اخوها
حرام بعد اقط عيالي عندها
صج اني ما عشت هذا الوضع للحين
بس عن قريب ان شاء الله بولد و عارفة الوضع ذوقيا شلون لازم يكون

 

[ورد وردي]

بصراحة انا اشوف ان اليهال مسؤليه صعبة الام صغيرة وودها تطلع وتستانس شلون اليدة؟؟

برايي يه دورها ترتاح

حتى الامهات هالايام عشان ما نسيء الظن بالخاله ام الزوج ....... حتى الامهات مالها خلق عيال عيالها


اما انها سكنت ولدها عندها مو معناتة تمسك عيالة دام سكن بلاش والا تدفعون شي بسيط هم هذي نعمة

 

[^noonaa^]

والله انا الحين مسافره وعيالي عند خالتي والعاده عند امي بس لانه امي بعًد مسافره
فا اضطريت اخليهم عند خالتي والحمدالله والله مو امقصره معاهم كلش
و ولا اشتكت منهم وعلى قولتها امونسينها لووول ولو اني اشك 

ومثل ماقالو البنات مو كل اليدات مثل بعض في بعضهم والله كلش ما يواطنون الياهاال ولا صيحتهم
على حسب

 

[Al shaikha 1]

انتوا شفيكم المسكينه ماقالت لخالتها هاج ربي عيالي هي عارفه هالشي عشان جذي بس هالمره اضطرت تخليهم عندها
وبعدين بيت كبير وفي خالتها واكيد في عيال غير زوجها ساكنين معقوله ماعندهم خدامه
يعني جم ساعه بس مسكيهم يت ع هاليوم
هالبنت وابخص بخالتها
والي يحر ياخذون الياهل يضحك لابجى قطوه عالام انزين خلوا المسكينه تريح لو ٤ ساعات بس من حياته

 

[الأميرة جوري]

بعض الكبار ما يحبون الازعاج وبعضهم يحنون ويتحملون علي حسب

 

[little-voice]

خالتي تحب عيالي وتاخذهم معاها بس لازم تخلين الخدامه معاهم عشان تراكض وراهم خصوصا اذا كان عمره سنه و يبدي يحوووس و يعفس

 

[miss_jamsheer]

لا بالعكس خالتي تمسك عيالي بس يعني لاتمصخينها لوووووول
والصراحه انا شقتي صغيره وولدي يحب ينزل يلعب مع بنت حماتي وحماتي الصغيره وجذي فاغلب وقته معاهم تحت واهوه ماشالله عليه لويه وحنه يعني فشوي متضايقين منه بس شسوي فيه مااقدر اقيده كله فوق

 

[وردة-الكويت]

الله يعين الخالات على الجنات الي جذي المرا كبيره موملزومه تمسك العيال خلاص ماصدقت عيالها يكبرون تبي ترتاح

وهذي تقول ماتمسك عيالي عيب عليها والله

 

[أعشقه]

يؤ وش له تشتكي هي دام هي تعبانه ومصدعه وش له تطلع ترى الجده مهوب دوم مزاجها يسمح لها تمسك العيال
ومالها جق تشتكي اصلا
هذا انا عندي بنتي اذا هم طلبوها يبونها اوديها لهم وللعلم انا ساكنه معهم بنفس البيت ومالي الا غرفه ..
اجل الزمهم في بنتي ويالله واذا ماخذوها ابزعل ولا بجيب شغاله
لا يا ختي لا شغاله ولا شي انا ملزومه في بنتي وبكل شي ..
واذا بطلع لعرس او لزومه اقول لهم تقدرون تمسكونها لي انا معزومه وكذا اذا رضو يمسكونها زين مارضو مجبروه اجلس مع بنتي ولا اشيلها معي

 

[OUM FAHoOoDI]

يعني المرة بكيفها اشدعوه عاد تزعل بعدين يا حلوة امج غير وام زوجج غير حتى لوكانت اخت امج ...خليها توسع صدرها

 

[بنت التمايمة]

انا خالتي تقولي انا مالي خلق اطفال بس الاعبهم بصراحه انا ما اطمن عليهم لو عند خالتى عادي عندها
يصيح يطيح جوعان ما احس حريصه ماتهتم بس انا ما ازعل بالعكس انا مرتاحه انهم عند امي لانى ادري ان الجده من للأم احن من الجده للاب وهي قالت لي هالكلام

​