خالتج ام زوجج شنو علاقتج معاها ؟

[زوجة عزيز]

الله يرحمها مالحقت عليها

 

[كويتيه شماليه]

اعزها وهي تعزني وتحبني ودايماً اسمع مديحها عني من الناس الحمدلله الله لايغير علينا يارب
والله انا دايماً اهديها واحبها واذكر زوجي دايماً امك لاتنساها لو تزيد عنده فلوس
وادق عليها دايماً اسلم واللي تبيه انا حاضره معتبرتها امي

 

[ام الحوراء زينب]

الله يرحمها يارب ويطول بعمر عمي

 

[خيشة شكر@]

كنت دايما معاهم ويحوشني طشار حجي وكلام ونقزات مع انه تصيرلي وقريبه مني وكانت الله يسامحها تحرش زوجي علي اشكره جدامي بس ماشاءالله علي ابي اغرف انا شلون كنت مستحمله وماشاءالله علي كنت صابره وماكنت اقدر او اتجرأ اقوول امك لاني كنت اعتبرها مثل امي او ما ادري شلون اقوله شوف امك بس دايما تصير الامور خيره للبني ادم بعد7 سنوات صار موقف غير تعاملي معاهم صرت وحده جديده الله شال غلاها من قلبي استوعبت ولله الحمد والله لا يجزاها عني خير هذاك الوقت كنت صج صغيره وقست قلب زوجي علي مع اني كنت احبه ومووت عليه بس الله مايقطع بالبني ادم

 

[ميمي..]

احبها وعاملها كنها امي لانها هي طيبه حيييييييييل معاي من اول ماجيتهم
حتى لو مرات تدخلت في حياتنا ولا انتقدتني بشي اتضايق بس ماازعل واحط حدود بيني وبينها
لاني عارفه انها تحبني ومستحيل تسوي شي يضرني

 

[يازمان العجايب]

امه متوفيه

​

 

[فلسفة جرح]

علاقتي مع خالتي كلها محبه ومووده وأعتبرها امي
وهي تعتبرني بنتها

 

[انا لحبيبي .]

حبيبتي خالتي الله لا يغير علينا يارب ،

علاقتي فيها كتير حلوه ولله الحمد ،،

 

[بوغاتي88]

الحمد لله انا ام زوجي علاقتي معاها مثل الام وبنتها عسى الله يحفظها لي ويخليلها ذخر

 

[عاشقة_الجمال]

حسبة امي وما اناديها الا يمه

الله يطوووول بعمررها يا رب

اهي عموووود البيت

 

[اليزابيث]

كنت معتبرتها اكثر من ام لي واخدمها اكثر من بناتها
بس صار موقف ودخلتني فيه غصب صدمتني صدمة حياتي

صرت رسمييييه اسوي حق الله معها وبس ...
الله يسامحها
>> قلبتوا علي المواجع

 

[ورده عنابيه]

خالتي اعاملها مثل امي حليوة وحنونه الله يطول بعمرها وهي عدتعاملني مثل بنتها الله لايغير علينا

 

[دايم على البال]

مممم اعزها واودها وهي حليوة وطيبه عايشه معاهم فأشوفهم كل يوم او يوم ورا يوم بس مااطول عندهم اجلس ساعتين بس وصل وبنفس الوقت يمكن بناتها وعيالها بيفضضون لها يبون شئ وانا مسمار جحا جالسة بينهم , تقط كلام وتأمر علي بس عادي ماازعل لان امي تقط كلام وتأمر علي بس لاني عارفه نيتها طيبه وهوب قصدها شئ شين واذا قالت شئ ماقتنعت فيه ابتسم واقول ان شاء الله واسوي اللي براسي وهي ماتدري , بس مااقول لها اي اسرار او افضفض لها ابد مو مثل امي وسوالفي معاها شوي عامة عن احداث واخبار وقصص بالتلفزيون ماجيب لا طاري فلانه ولا علانه من اهلهم او اهلي واذا سألوا اذا شئ عادي اجاوب واذا مو عادي اقول ماأدري وعرفوا اني مني ناقله اخبار واستانسوا علي وصاروا يتكلمون عندي بأي شئ عادي , بس انا اصلن منيب راعية سوالف اخليهم يسولفون واهز راسي مع كم ابتسامة واول ماتخلص السالفة انسى وش قالوا اصلن

نفس كلامها بالضبط

 

[Alia]

اعاملها بما يرضي الله وزينه معاها واهي زينة معاي ولله الحمد لكن انها تكون مثل غلاة امي او اغلى مستحيييييييييييييييل
فاستغرب من البنات اللي بس همها ترضي خالتها وتنسى انه عندها ام !!!! ترى رحتي ولا رديتي انتي جنتها حتى لو كنتي احسن جنه في العالم فلا تغلين احد اكثر من امج وابوج وريلج هذول تعبي على راحتهم اكثر شي

 

[Goth-Girl]

كنت اعاملها مثل امي وكنت كل شهر اعطيها من معاشي مع ان بناتها ما يعطونها
وبعدين صار موقف مع حماتي ووقفت بصف بنتها وطعنتني بشرفي وزوجي خذالي شقة برة والحمدالله الحين مرتاحة
لا تقولون ام زوجج مثل امج ترى مافي مثل الام وقلبها الله يرحم امي

 

[ام هيونه111]

والله ما راح تصدقين

اني ما اعرف شكلها ولا قد شفتها

وانا الحين عندي 3 عيال ما شاء الله

وهي الي تبي هالشي

والا انا كنت احلم تكون عندي ام زوج احبها واعاملها نفس امي

بس للاسف ام زوجي الله يستر عليها

 

[خيشة شكر@]

كنت اعاملها مثل امي وكنت كل شهر اعطيها من معاشي مع ان بناتها ما يعطونها
وبعدين صار موقف مع حماتي ووقفت بصف بنتها وطعنتني بشرفي وزوجي خذالي شقة برة والحمدالله الحين مرتاحة
لا تقولون ام زوجج مثل امج ترى مافي مثل الام وقلبها الله يرحم امي

طلع الصج ووقفت مع بنتها يعني اهي مو مثل امج

 

[خيشة شكر@]

والله ما راح تصدقين

اني ما اعرف شكلها ولا قد شفتها

وانا الحين عندي 3 عيال ما شاء الله

وهي الي تبي هالشي

والا انا كنت احلم تكون عندي ام زوج احبها واعاملها نفس امي

بس للاسف ام زوجي الله يستر عليها

احسن لج والله يستر عليها

 

[خيشة شكر@]

اعاملها بما يرضي الله وزينه معاها واهي زينة معاي ولله الحمد لكن انها تكون مثل غلاة امي او اغلى مستحيييييييييييييييل
فاستغرب من البنات اللي بس همها ترضي خالتها وتنسى انه عندها ام !!!! ترى رحتي ولا رديتي انتي جنتها حتى لو كنتي احسن جنه في العالم فلا تغلين احد اكثر من امج وابوج وريلج هذول تعبي على راحتهم اكثر شي

ياحييااااااااااااااتي ياامي ياست الحبايب يا امي مااكو احد مثلج ولا بنفس قدرج انت الوحيده الي قلتي الصح الله يخلي لي امي:yaaaaaarb:

 

[ام سليمان 2008]

علاقتي فيها هي ام ريلي الغالي بس رسمية وباحترام لا اشكيلها ولا اسولفلها ولا شي عادي يعني سلام وعليكم السلام وسوالف عادية