خالتج ام زوجج شنو علاقتج معاها ؟

[UM M&M]

شلونكم بنات


شنو طبيعة علاقتج مع ام زوجج ؟

تحسين انها مثل امج و تتكلمين معاها على راحتج و تسولفين على راحتج و تشوفينها كل يوم ؟

ولا علاقة تحسبين فيها للكلمة اللي تطلع منج الف حساب

يعني بالمختصر شلون علاقتج مع خالتج ؟

 

[kanoosha]

اامه متوفيه عنده مرت ابو ماتواطني بعيشة الله وتغااار مني بكل شي وكنت ساكنه معاها وطلعت صارلي سنه لانه تهاوشت معاها ومع بنتها ويت منهم فكه وطلعت شقه فعلاقتناااااا اكس بكس اصلا انا مااشتهيهااا

 

[نشيج الروح]

علاقة ود واحترام ..... وهي ما شاء الله عليها تهبل
وأتعامل معاها على شخصيتها ...

 

[غـرامـي أنـت]

علاقتي فيهاا رسميييه

 

[إنسانه وأكثر]

اعاملها مثل الام وكل مازادت غلاتج بقلبها زادت غلاتج بقلب زوجج

 

[ساااارونه]

رسميه

 

[tbola]

والله اعاملها حسبت امي لانها تستاهل تعاملني حسبت بنتها الله لا يغير علينا

 

[سكوتي بذوقي]

مثل امي ماقول لها الا يمه

طبعاً أنا ماشوفها الا بين فتره وفتره لأنها بالكويت

بس إذا جات أحطها فوق راسي

طيبه لأبعد الحدود الله يطول بعمرها ويخليها

 

[غارقة بأحزانها]

علاقة ام ببنتها الحمدلله احبها وتحبني

 

[ELFAD3Ah]

سطحيه

 

[الحالمه]

رسميه وبحدووووود
وللأمانه أنا شبه قاااطعه معاها بس عمي لا

بس هالحجي ماصار الا من العام وللحين بسبب المشاكل اللي سببتها لي
عيالي يجونها ويواصلونها انا لا

 

[swanyway]

مممم اعزها واودها وهي حليوة وطيبه عايشه معاهم فأشوفهم كل يوم او يوم ورا يوم بس مااطول عندهم اجلس ساعتين بس وصل وبنفس الوقت يمكن بناتها وعيالها بيفضضون لها يبون شئ وانا مسمار جحا جالسة بينهم , تقط كلام وتأمر علي بس عادي ماازعل لان امي تقط كلام وتأمر علي بس لاني عارفه نيتها طيبه وهوب قصدها شئ شين واذا قالت شئ ماقتنعت فيه ابتسم واقول ان شاء الله واسوي اللي براسي وهي ماتدري , بس مااقول لها اي اسرار او افضفض لها ابد مو مثل امي وسوالفي معاها شوي عامة عن احداث واخبار وقصص بالتلفزيون ماجيب لا طاري فلانه ولا علانه من اهلهم او اهلي واذا سألوا اذا شئ عادي اجاوب واذا مو عادي اقول ماأدري وعرفوا اني مني ناقله اخبار واستانسوا علي وصاروا يتكلمون عندي بأي شئ عادي , بس انا اصلن منيب راعية سوالف اخليهم يسولفون واهز راسي مع كم ابتسامة واول ماتخلص السالفة انسى وش قالوا اصلن

 

[حامل يديدة]

لها مني كل الاحترام واواصلها واهديها




لكن ما احبها


ام زوجي من النوع اللي لسانها متبري منها وعانيت معاها

 

[احلى ـآ وحده]

احترام وود واهي اصلا عمتي اخت ابوي

الله يطول بعمرهاا

 

[ماني من الناس]

اممم انا ماعرف اتعامل مع الحريم الكبار يعني سوالف وجذيه فمادري شراح اسوي تورط خخخ

 

[ام فله]

كل احترام وتقدير

وكلن عايش علي حلاله

هذي حال الدنيا كلن مشغول في شنو ما ادري

الله المستعان

 

[أم توتو]

امه متوفيه بس يوم كانت عايشه كنت اعاملها مثل امي واهي تحبني على محبه ولدها وانا بعد احبها فقدتها حيل لما توفت الله يرحمها ويجمعني فيها بالفردوس يارب

 

[Tame]

علاقتي رسميه ماتدخل بشي ولا احد يتدخل فيني حاولت اندمج مع ام زوجي وبناته بس مزاجيين اروح لهم كل جمعه المغرب وواوجبهم فالمناسبات واتصل كل فتؤه في ام ريلي مع أني مع اهل ريلي وأهل امه من احسن ماااايكوووون دايم اروح لهم احس نفسياتهم غير
بس جذي أنا مرتاحه خلني بعيده ورسميه لان لما حاولت أصير احسن صدوووني وايد وزوجي شايف وداري وقول كبرتي في عيني مع أني ماتكلم كلش واهم شي علاقتي بزوجي ورضاه *

 

[Tame]

كنت اتمنى ان علاقتي تكون افضل ان تكون مثل أمي وخوات زوجي مثل خواتي خاصه أني مو في ديرتي بس للأسف وانا حامل ولا حتى احد فيهم يسال عني كلش

 

[مولاي الفرج]

الله يرحمها