خافوا الله فيني و باللي مثلي

[مجنونة ضحكاته]

الله يعينج حبيبتي ويرزقج ويبعد عنج عيال الحرام والي مايخافون الله
ومثل ماقالوا البنات لازم تتفقين مع التاجره ولاتسكتين عن حقج يالغلا
ربي يفتحلج ابواب الخير ان شاء الله

 

[شندوخه]

الله يرزقج الرزق الحلال المبارك فيه
وصدقيني اذا تبين الله يرزقج صفي نيتج وابدي بدايه يديده وحطيلج شروط مع الزباين ان فلوس المندوب مدفوعه حتى لو الزبونه رفضت استلام الطلب
بعدين ياقلبي مفروض فلوس التوصيل تكون بالنص
نص من التاجره ونص من الزبونه
عشان تظمنين حقج من الجهتين

 

[عسل مرت قيمر]

لا حول ولا قوة الا بالله


صج في ناس مايستحون

بس حبوبه العتب على التاجره

لازم ننبههم ان فلوس التوصيل لج


حتى لو تنكنسل الطلب

وانتي مدام شفتي جذي حاولي ماتسلمين الطلب قبل استلام الفلوس

 

[Danger_Beauty]

حياتي .. لا تتضايقين ولا شي ..

ادري ان الكلام وايد اسهل من الفعل ..

قلبي انا اشتغلت موظفه بالمحلات من قبل .. صح كان مجرد فتره مؤقته و لا كنت محتاجه ..

لكن صدقيني تقريبا اعرف اللي تعانين منه

حياتي الناس تغيرت .. و طبايع البشر ماعادت مثل اول ..

والله ياقلبي لو اقولج قصص تشيب الراس بس ربي يفرجها عليج

حبيبتي الي اقدر اقوله .. لاتسمحين لهم جذي يسوون فيج ..

لا تتحركين من مكانج ليمن تحصلين المبلغ .. و قوليلهم هذي القوانين ،، التاجره ملزمه علي ولا ادفع من جيبي

و لزمي على التاجره انها تآكد عليهم سعر التوصيل

او انتي اخذي رقمهم ان تقدرين و دقي عليهم فهميهم اذا يبون البضاعه ولا لا؟ و فهميهم انه فيه سعر للتوصيل ..

علشان مايكون لهم حجه عليج

و لاتسمحين للناس جذي تعاملج ،، انتي انسانه حالج حال الكل ،، و هذي شغلتج و موعيب

المشكله ان احنا صار فينا هالعقليه ان الانسان اللي يشتغل هالنوع من الشغل اهو اقل منزله منا ..

و انا اقول هالكلام عن تجربه .. فعلا الناس تعتبر البياعه اقل منزله .. لكن انتي فهميهم ان هالشي غير صحيح بطريقه تصرفج ،، ابدا لا تسمحين لهم جذي يسوون .. و حاولي تكلمين التاجره اللي تتعاملين معاها

لا تستحين من انج تشتغلين ،، الشغل اشرف من انج تقعدين عاله على غيرج

حياتي و ربي يوفقج و ييسر لج امورج كلها اللهم امين

 

[zqertya]

الله يعينج حبيبتي وصدقيني انا بيرزقج دبل هالرزقه والله ماينسى تعب احد

 

[غيدآء]

السلام عليكم

الله يعينج اختي..وبعض الناس اعوذ بالله على بالهم اللي يوصولون الطلب عيال تجار والله عيب مو من الاخلاق هالتعامل المفروض تعطون الاجير اجره قبل ان يجف عرقه وهالكلام كلام اشرف الخلق الرسول عليه افضل الصلاة والسلام!

 

[أإلع ـشق دلع ـهـأإ]

تعوذي من الشيطآن وقولي بس حسبي الله ونعم الوكيل

وحقج الله بيجيبه

والله يرزقج بآوسع آبوآبه

 

[ترانيم القصيم]

حبيبتي عوّرتِ قلبي ,, الله يرزقك من خيري الدنيا و الآخرة ,, آمين

 

[ام شيخوه]

الله يعينج

 

[جنتي زوجي]

العفو عند المقدره
وربك كريم مايضيع عنده ضايعه سبحاانه

 

[بندووشه المطيري]

آلله يعينج ويفتحهآ عليج

مآدري هآلأوآدم شلوؤن تحط رآسهآ ع آلمخده وتنآم !!!!

 

[فلسفة جرح]

الله المستعان

 

[فـراوله]

الله يكون بعونج حبيبتي

ويا ويلهم من حساب ربي

​

 

[!! دلوعته !!]

اب اب

 

[DALALEY]

الله يكون بالعون حبيبتي

 

[Sweet October]

عند الله ما يضيع حبيبتي

 

[ام كشـة]

الله يككون بعونج حبيبتي

 

[كتكوته نورة]

يعني أنا متسغربه من هالناس يطلبون بسعر غالي مو هين وتالي يتحسفون يحاسبون المندوبه وكلها ما تاخذ الا دينارين او ثلاث الحين دفعتوا المبلغ اللي هو تحسفتوا علا رزق المندوب ،، وبعدين اللي تهون وتكنسل الطلب دفعي حق المندوبه ترا هم اهي تفتر كافي هاده بيتها غير استهلاك سيارتها يايه لي عند بيتج تردينها علا اساس هونتي ،، حسبيها حقها اعتبريها ضيفتج ،، استغفرالله ناس ما تفكر ببعدين همها الدنيا حللوا ذمتكم شوي ،،، صج احتريت ،،

حاسب قبل ان تحاسب ،،، حسبي الله ونعم الوكيل وعسا الله يعوضج بخير ويرزقج من حيث لا تحتسبين

 

[ديمــــــــــه]

كثري التحسب وربي بيعوضك ان شاء الله
لاتخافين ربي مايرضى بالظلم وكلي امرك لله
من توكل على الله فهو حسبه

 

[ليدي الحاره]

ي حياتي ع الله يفتح لك ابواب الرزق يارب