خافوا الله فيني و باللي مثلي

[some one waw]

الله يرزقج يارب ويغنيج

 

[ام كوثر2007]

انزين الله يرزقج بس مو تدعين ع الناس. مايدرون انج. جايه لازم يعطونج فلوس وموشرط يعجبهم البضاعه حرام عليج تقولين ماحللهم. ليش عجل كل شي بناخذه. وبعدين عادي شغل موعيب وهذا. الله كاتبه لج بحياتج والله يرزقج بس لاتدعين ع الناس

شنهو اللى ما يعجبهم ؟؟ وشنو مو شرط تعجبهم البضاعه . الحين الوحده فينا لا اطلبت شي .. عارفه اهي شتبي بالضبط . والمندوبه ما عليها الا التوصيل وتاخذ حقها والحق ما ينزعل منه ..

بس بعض الناااس اللى تقول كلامج .. فقرانين مستخسرين دينارين او ثلاثه تعب هالمقروده


يعني يا ويه استح .. صراحه حتي لو البضاعه ما عجبتني مالها ذنب المندووبه تتعنا لي باب بيتي واردها من غير اجرتها ..
​

 

[ام كوثر2007]

ما عليه حبيبتي..

انا مريت بأسوأ من جذي..
انا لا تاجرة ولا مندوبة والحمدلله عندي وظيفة و معاشي راهي بس مرت علي فترة بنص حمالي كنت قاعدة بالبيت وماخذة إجازة قلت أستغل وقتي و أشتغل..
كنت أسوي تي شيرتات ديزايني انا،، والتي شيرت على حسب الطلب، يعني ما عندي كمية منه كنت أسوي بالحبة لما يطلبون مني،،
وانا بنفسي أوصل الطلبية..يعني لا عندي مندوبة ولا هم يحزنون،،
طبعا كنت مسوية تي شيرتات عينات و كنت قبل لا أشتغل على أي طلبية أروح بنفسي حق الزباين و أوريهم نوعية التي شيرتات اللي عندي على أساس ما أشتغل و بعدين يقولون ما نبيهم وإلا ما عجبونا..

وكنت أتعنى لهم بس عشان يشوفون العينات اللي عندي،، بعضهم الله يسامحهم يعطوني الأوكي و يخلوني أشتغل و شغلي الله الشاهد مو أي كلام يعني صج كنت أتعب عليه و انا حامل و ثقيلة و أفتر من مكان لي مكان عشان أضبطلهم التي شيرتات و آخر شي أوصل عند باب بيتهم عشان أسلمهم أدق عليهم و ما يردون، وإلا لما أوصل يكاسروني بالسعر مع العلم إني ما آخذ سعر التوصيل يدوب دينار أو دينارين ربح..ولما يشوفون ماكو فايدة أو ما نزلت بالسعر يقولون مانبي،،إنزين وتعبي و فرارتي من مكان لي مكان، وشغلكم اللي طاح بجبدي والفلوس اللي انقطت عليه!!! مع العلم إني أحرص عليهم و أفهمهم و أعيد عليهم قبل لا أشتغل إن ترى القطعة اللي بسويها مسويتها لكم انا ما عندي لا مخزن ولا عندي محل أعرض فيه بضاعتي..بس لا حياة لمن تنادي،، ضمير ميت..حاشني إحباط مو طبيعي ما تسوى علي..​

فلانه موقف ما تنحسدين عليه ما اقول الا الله لا يعوزج حق احد ان شاءالله

الناس صارت لا تحشم ولا تستحي اللهم يا كافي .... مشافيح ​

 

[فوشية]

المسامح كريم

ومفروض ماتسلمين البضاعه الا بعد استلام الفلوس

 

[قلبي محمد]

فوضي امرج لله حبيبتي وربي راح يحاسب كل وحده أذتج
ودااايما قولي ( اللهم اكفني بحلالك عن حرامك و اغنني بفضلك عمن سواك )
وان شاءالله ربي بيرزقج الرزق الحلال

 

[إنسانه وأكثر]

لاحول ولاقوة الا بالله

شي يقهر وصرت اشوف هالنماين وايد

هذاك اليوم وحده بمطعم (( كونتينر )) اللي بالجابريه انا تعمدت اذكر اسمه عشان اذا وحده من اللي معاها تقرا وتوصلها انه الظلمات ظلمات يوم القيامه وانج تاكلين وتترسين بطنج وعقبها تطلعين ماتدفعين الحساب لانهم غلطوا بدينار مادري دينارين هالشي مايرضي رب العالمين ولاخلقه دفعي حسابج اللي اهو 17 دينار وشي ولاتدفعين الدينارين عالاقل يعني تكونين نايمه وانتي مرتاحه البال (( حسبي الله ونعم الوكيل )) بكل بني ادم ياكل حق اخوه ويعله حار ونار بجبده

 

[!الجادل الصعب!]

الله يرزقج الرزق الحلال يارب ويفرجها عليج
انا الف مره اطلب من التاجرات لو ماعجبني هالشي ماله
علاقه باجرة المندوب ..!
واخر مره طلبت شغله من اسبوعين قلت للتاجره قبل يجي المندوب
خل يدق لاني ماعرف وقتها ظرفي بالبيت او برا ..!
والمندوب وصلي الشغله بعد يومين وللاسف كان داش المنطقه وانا كنت
بالبر وقلت له انا مو بالبيت وحسيته تضايق وحيييييل تضايقت
انا من هالشي عنيته عالفاضي و واعدته ثاني يوم و وصلها
ماقصر الله يعطيه العافيه بس جد حسيت بالذنب حيييل انه
وصل لعندي وماكنت موجوده ..!

وبالنسبه لج الي ماتعطيج اجرتج اخذيه من جساب بضاعة التاجره
حلوه هذي يواعدونج يوم ثاني يعني عنوة ثانيه بعد ..!
الله يهديهم بعض الناس تغفل عن هالشغله او يقولون التاجره الي تحط
سايق او هي توصل بنفسها وتجذب .. يبا عليها بالف عافيه
هي ماطقتكم علا ايدكم وقالت غصب تطلبون !

 

[فركوشه]

الظلم ظلمات يوم القيامه

استغفر الله

الله يكون بعونج اختي

 

[om MaRyooM]

واي ياكثر ماتصير هالحركة
مادري ليش

انا كان عندي عضوية تجارة وكان عندي مندوب خوش واحد والله هندي
بس وايد لعوزووه مسكين
واللي تقوله انطر ساعه واللي ماتحاسبه واللي تكنسل الطلب

بس للامانة انا كنت احاسبه اعطيه حقه عشان لايصير بذمتي شي

وانتي الله يعينج
وتفاهمي مع التاجرة اللي تتعاملين معاها
مو ذنبج انتي @@

 

[سلاسل ذهبيه]

انزين الله يرزقج بس مو تدعين ع الناس. مايدرون انج. جايه لازم يعطونج فلوس وموشرط يعجبهم البضاعه حرام عليج تقولين ماحللهم. ليش عجل كل شي بناخذه. وبعدين عادي شغل موعيب وهذا. الله كاتبه لج بحياتج والله يرزقج بس لاتدعين ع الناس

عفوا اختي دلوعه انتي مو فاهمه شنو يعني مندوب او مندوبه، المندوب مو سايق يشتغل عند التاجره هو يشتغل بالتوصيل عن طريق التاجره يعني حقه تدفعه الزبونه سواء شرت او ماشرت
هذا تعبه طاق درب ومتعني لبيت الزبونه وناقع عند بابها وبالاخير تقول نزل بسعر التوصيل وهو كله دينارين او 3 لو تاكسي مايوصل باقل من 4 والمناديب البنقاليه والهنود بعضهم والله العظيم يوصل ب 8 دنانير .
الكل يعرف نظام التوصيل والمندوبين واغلب التاجرات حاطين بتواقيعهم اسعار توصيل المناطق فليه يكاسرون ع سعر التوصيل او يسوون نفسهم مايعرفون ان التوصيل بفلوس
هو مو مطعم يوصل مجانا
وسواء دريتي ايها الزبونه ان التوصيل بفلوس او لا والمندوب او المندوبه وصلت لحد بابج عطيها حقها وتعبها مو تقولين ماعندي مايصير جذيه لو مطعم مايروح الا مدبرة له حتى لو تسلفين من خدامتج
الله يفرج كربج اختي ام علي وزين كتبتي هالموضوع لأنا وايد نعاني من هالمشكله مع بعض الزبونات

 

[حياتي تكنولوجيا]

الله يرزقج يااااااااااارب
ومثل ما يقولون اللي اوله شرط آخره نور
يعني لازم تشرطين على التاجره اللي تتعاملين معاها ان تبلغ الناس بمبلغ التوصيل وانه ثابت سواء شروا اولا
وموفقه خير حياتي​

 

[غراوي]

انتي ليش تسلمينهم البضاعه قبل لايدفوع كامل المبلغ اللي عليهم
واذاماسلمتج لاتعطينها السلعه بس وجذي تضمنين حقج*

 

[brettey]

شوفي انا احمل التاجره الغلط
المفروض تكتب بالفاتوره مبلغ البضاعه مثلا 10 دنانير
ومبلغ التوصيل 2 او ثلاث ايا كان بس عشان يحفظ لج حقج ولازم تكتب يتم دفع مبلغ التوصيل في حال ماعجبتكم البضاعه في كذا تاجره تخاف ربها وتسويها
وبنات لاتلومونها لاقامت تدعي حسوا فيها المره مضطره و ما الحاجه جان ما اشتغلت الله العالم بالظروف
حبيبتي الله يرزقج من خيره وينصرج على من ظلمج

 

[ليه الجفآ]

الله يفرج همج يارب ويرزقج

ولا حول ولا قوة الا بالله




,,​

 

[آلـغـنـدَ ،]

حبيبتي لآ تعورين قلبج وآلله آلدنيا دوآره
تحسبي ربج و هو بيآخذ لج حقج كآمل و مكمل
والله يفرج عنج كربتج أن شاء الله

 

[Patcholli]

معاج حق
وانا معاج اقول حسبي الله ونعم الوكيل بكل انسانه ماعندها ذمه وظمير ..!!
صارلي موقف مشابهه من زبونه وقحه ولي يوم الدين ماراح احللها
كنت بكتب فيها موضوع بس تعوذت من ابليس
هالانسانه خلتني اطلبلها طلبيه اب 200 دينار وخذت بضاعه اب 100 والثانيه ردتها قالت مابيها ..!
خسرتني 100 دينار وبكل برود قطت طلبها بجبدي حسبي الله عليها
والمصيبه مو بس انا اللي انظلمت منها
حتى المندوب فقير
يوم وصلها الطلب ماعطته حسابه وقالتله وصل الطلب حق بيت ارفيجتي (( بمنطقه ثانيه ))
ويوم وصل الطلب حق ارفيجتها هم هذيج ماخذت الطلب ولا دفعت حساب الريال
حسبي الله ونعم الوكيل فيهم ياعله الزقوم فبطنها اللي ماتخاف ربها
وانا هم دفعت للمندوب حسابها وحساب ارفيجتها مع انه المفروض اهي الي تدفع وبذمتها كله دينارين شدعوه خليتهم بذمتج ..!!
حسبي الله ونعم الوكيل واتمنى هالزبونه تقرى الكلام لاني قتلها ياه شخصيها بس ماكو احساس
ياعل حوبتي وحوبة المندوب المسكين ماتعداها
انا مو عيزانه عن دينارين بس انصدم لما اشوف ناس بهالاخلاق وهالتعامل الزباله حشاكم ..!!

 

[فطوم 84]

استغفر الله الله يرزقج ومره ثانيه لاتشتغلين الا شغله مضمونه الراتب موشغلة مندوبه معروفه الناس يلعوزونها واحب اقول شي لكل الخوات اللي مايعطون الناس فلوسهم وحقهم "ومستهينين بالسالفه "وتصلي الاخت وتصوم وتاكل فلوس الناس يوم القيامه تجي ماتدش الجنه الا لما تحللها اللي كلت فلوسها يعني توقفين يوم القيامه عند الجنه الله سبحانه مايدخلج لين تحللج اللي كليتي فلوسها خواتي والله الله سبحانه يغفر كل الذنوب الا اكل مال الاجير قال النبي عليه الصلاة والسلام اعطوا الاجير اجره قبل ان يجف عرقه واحنا للاسف مانعطيه حقه بالمره خافوا علي انفسكم تنحرمين من جنه عرضها السموات والارض علشان مبلغ بسيط اتقوا الله يااخواتي

 

[أم علي المندوبة]

انزين الله يرزقج بس مو تدعين ع الناس. مايدرون انج. جايه لازم يعطونج فلوس وموشرط يعجبهم البضاعه حرام عليج تقولين ماحللهم. ليش عجل كل شي بناخذه. وبعدين عادي شغل موعيب وهذا. الله كاتبه لج بحياتج والله يرزقج بس لاتدعين ع الناس

كل تاجرة تقول للزبونة ان في توصيل و يحطون بمواضيعهم التوصيل حسب المنطقة و يعني عارفة هي شرت او ما شرت مشواري لها حسابه غير حساب التاجرة! شلون ما تبين أتحسب على اللي ياكل حقي و تعبي؟ ترضينها على نفسج؟

و أنا ما قلت شغل المندوبة عيب!!! انا عبت على الزبونات ظلمهم لي و اللي ايده بالماي مو مثل اللي ايده بالنار، لا تتهميني قبل لا تفهمين الموضوع صح!


خواتي التاجرات مو مقصرين بس الحريم يا يكاسرون التاجرة او لا وصلت لهم يكاسروني مع انه مكتوب بالفاتورة توصيلي جم حسابه و اذا بوقف عند كل زبونة تكاسرني او تداحرني ما راح اخلص شغلي

لو الشي لهم ما يسكتون و غير التحلطم، و الله يا ان بعض الزبونات كنز ما يتعوض ما يقصرون بنات الحلال، يعطوني حقي بدون نقاش و يدعون لي دعوة طيبة

فلوس التوصيل هذي منها كرت التلفون اللي ادق منه على الزبونة أضبط معاها الموعد او لا ضيعت و ما عرفت البيت غير بانزين السيارة و امور ثانية

الظلم ظلمات يوم القيامة و يا بشر تدفعون مبالغ و تستهينون بالتوصيل اللي دينارين او ثلاثة، زبونة كاسرتني ما رضت تعطيني دينارين الا دينار و نص و سبحان الله مرده طلبها طلع غير ما تبي و دفعت مبلغ اضعاف النص الدينار اللي ما رضت تدفعه لي

يا بشر زينوا قبوركم لآخرتكم مو بس دنياكم الفانية و أرد أقول حسبي الله و نعم الوكيل بكل زبونة كلت حقي

و الأخت اللي قالت اشتغلي انا موظفة لكن بسسب ظروفي محتاجة شغل ثاني و يا كثر ما دورت و ما لقيت و لاني من الحريم اللي عندهم مهارة بشي معين و فكرت اسهل شي بالنسبة لي شغلة المندوبة و خصوصا التاجرات يبون مندوبة و شغلي بيكون مع حريم مو رجال و لا تحتاج راس مال

يزاكم الله خير خواتي ولا الله يوريكم الحاجة و أرد أقول انا اشتغلت هالشغلة مع انها متعبة لأني مابي منة أحد و لا أبي أثقل على أحد، ميخالف أتعب بس بكرامتي و عندي يقين عند الله ما يضيع

 

[fajoora75]

حسبي الله عليها صج عيب الي سوته اهي ماتفقت مع التاجره الا عارفه المندوبه تاخذ حسابها ماله شغل سواء خذت او لا حساب التوصيل
غير حساب البظاعه وكل تاجره لازم تفهم زبونتها هالسالفه عشان لاتنظلم المسكينه كافي المشاوير ومخليه بيتها وشوفي طلعتها من الصبح والدوام
وطالعه عشانج والبانزين هذا ماله حساب لا حسابج عند رب العالمين والله يعوظج خير ياام علي صج انا تعاملت معاها انسانه خلوقه والنعم فيها
والله ماتستاهل الا كل خير

 

[سآق نملة]

الله يكون بعونج