خافوا الله فى هذا البلد

[السكوت مشكلتى]

السلام عليكم ورحمة الله وبركاته




من الأخر كثرت المواضيع فى المنتدى من النوع المؤجج للفتن فى هذا البلد

و تصير الردود والشتايم و المداحر ما لها اخر حتى يتكرمون علينا المشرفات باغلاق الموضوع

فى رايكم شنو اكثر شى تصير فيه الفتنة
:eh_s(14)::eh_s(14)::eh_s(14)::eh_s(14)::eh_s(14)::eh_s(14):

الدين ( سنة و شيعة ) خل ينذكر فى العنوان وشوفوا الردود الى بعضها يعبر عن مستوى التربية

و العاقل الغير مسموع صوته ،،،، لمتى احنا جذى ما يكفى الديرة من فتن لاحقتنا بعد فى المنتديات
اغلبنا يدخل المنتدى حتى يريح شوى ،او يعبر عن وجهة نظر ، او نشر خبر جديد



المنتدى ما افتحوه للمساعدة فى نشر الفتن


يا ناس يابشر خافوا الله فى هذا البلد لمتى قاعدين تتناحرون على السنة والشيعة
:eh_s(14)::eh_s(14)::eh_s(14):

تبون تعرفون شلون الفتنه تصير

قريب منكم مو بعيد طالعوا العراق والمصايب اللى فيه
طالعوا باكستان عادي ناس تفجر مسجد سنى وناس تفجر حسينية
واحسن وقت لهم وقت الصلاة


تبون تصيرون نفسهم كملوا امشوا على درب الفتن

صنفتوا اهل الديرة سنة وشيعة
رافضى و ناصبي

و النتيجة و بعدين يعنى


والله من القهر اكتب الكلام بدون ترتيب ، ما ابي حجى مصفف وما فيه فايدة


نبى وقفة شجاعة من المشرفات

اي وحدة تنزل موضوع يثير الفتن يتم ايقاف عضويتها
ولا تقولون حرية الرأي ، حرية الرأي معناها انك تكون مسؤول بطرحك ، والطرح يكون ناضج ،مو قلة عقل ودين




اللى معاي وتأيد اقتراحى تتكرم و تقوله

 

[فديتوني..q8]

آلسنة آلله ربهم ومحمد عليه آلصلآة وآلسلآم رسولهم ..

آلشيعة آلله ربهم ومحمد عليه آلصلآة وآلسلآم رسولهم ..


الشيخ نبيل آلعوضي يقول ببرنآمجه
ليش آلمسلمين صآروآ يحآربون بعض
بدل مآيحآربون آعدآء آلدين ..

فعلآ ...........

غير آلمسلمين يستهينون بآلدين وبآلرسول
وآحنآ هني قآع نتخآنق سنة وشيعة ؟؟

غير آلمسلمين يغنون يسبون ويحطون صوت آذآن بآغآنيهم
وآحنآ هني نتخآنق سنة وشيعة ؟؟

غير آلمسلمين ينشرون لنآ ثقآفتهم ويخربون جيل آلشبآب
وآحنآ هني نتخآق سنة وشيعة ؟؟

آلمسلمين سآروآ سحآقيآت ولوطيين وآيمو وعبدة شيطآن ..
آلمسلمين ينتحرون و يزنون و يشربون آلخمر ويحطون آوشآم ..

وآحنآ ..... نتخآنق سنة وشيعة


فعلآ على رآآسي سنة وشيعة آنكم هديتوآ لهم آلخيط وآلمخيط
عفآآرم على هيك مسلمين

تقبلي مروري

 

[نجاة44]

عدل كلامج لاعت جبدي من المشاكل في هالمنتدى

 

[السكوت مشكلتى]

شكرا لمرورج فيديتوني و نجاة 44
نبي نوقف الفتنة عند حدودها ما يصير جذى والله المنتدى صار يغث لما اشوف البنات يتهاوشون على سنة وشيعة
و اكبر اثبات اليوم ،كلما هدوا شوى جت الثانية تشعلها زيادة

 

[كشموووشه]

كلامج ذهب

 

[السكوت مشكلتى]

كشموووووشة انت الذهب
تسلمين على الرد

 

[Ibtisama]

هذا بس عندنا

عمري ما شفت مسيحيين كاثوليكي و ارثوذكسي و حتى يهودي يتناجرون و يتداحرون مثل ما نتداحر بيناتنا.. لأنهم بكل بساطه ما تربوا على حقد فلان و على كره فلان و سب فلان


الله يكافينا شر الحاقدين

 

[puppet]

في وايد أشياء نقدر نشغل نفسنا فيها

بس في ناس مادري ليش مخها جذي ؟؟

 

[يمة يادلبي]

ترا هالمشكلة الي تشوفينها بالمنتديات نقطة بحر من الي نشوفه برا ؟
شكلنا بنرد على ايام التفرقة والطائية والاضطهاد

 

[super model]

عدل كلامج

وفي ناس عقولهم مااقول الا حمدالله وشكر


يسلموو حبييتي ع الموضوع ^^

 

[q8iLady]

بسم اللـــه الرحمن الرحيم

{ تلك أمة قد خَلت لها ما كسبت ولكم ما كسبتم ولا تُسألون عما كانوا يعملون }

صدق اللـــه العظيم

( البقرة : 141 )

 

[....q8....]

انا سنيه واقرب رفيجه لي شيعه وعاادي ما فيها شي ..

بس الحمدالله في نااس وااايد ما يعطون لهلموضوع اهتمام لان بالنسبه لهم مافي شي اسمه فتنه بس الاعلام والصحافه قاعدين يزيدون هالشي

 

[Tutti-Frutti]

صـح كـلامـج

كـل بـنـت تـكـتـب رد يـدل عـلـى اخـلاقـهـا وتـربـيـتـهـا

تـبـيـن الـنـاس يـاخـذون فـكـره زيـنـه عنـج وانـج مـتـربيـه واخـلاقـج عـالـيـه
خـلـي اسـلـوبـج يـدل عـلـى هـالـشـي

يـعـنـي بـهـالـيـومـيـن الـلـي طـافـو والـمـواضـيـع الـلـي انـحـطـت
شـفـت ردود عـضـوات مـا تـوقـعـت انـه هـذا تـفـكـيـرهـم واسـلـوبـهـم :eh_s(1):
الله يـهـديـنـا اجـمـعـيـن

وبـعـديـن مـالـه داعـي هـالـمـواضـيـع
كـلـنـا مـــســـلـــمـــيـــن يـا نـاس يـا عـالـم فـهـمـوا !!

بـالـعـكـس خـنـصـيـر ايـد وحـده عـشـان الـغـرب لا يـضـحـكـون عـلـيـنـا
مـا اشـوف الـغـرب يـتـذابـحـون وكـل واحـد يـعـايـر الـثـانـي بـمـذهـبـه
ولـلـعـلـم عـنـدهـم اكـثـر مـن ديـانـه واكـثـر مـن مـذهـب
لكـنـهـم تـربـو عـلـى احـتـرام الـنـاس مـهـمـا كـانـت ديـانـتـهـم وتـفـكـيـرهـم


والاخـتـلاف بـالـراي لا يـفـسـد لـلـود قـضـيـه

 

[عاشقه مودي]

أي والله صصدقتي .. :0bee2e8d89:


بسسس هذا ابليسسس الله يكفينا ششره يحرضضض ويسسبب الفتن ..

 

[a3andho0om]

s7 klamch w tslmen 3l mwthu3 w alaah yhde ele y7bon el ftna ma shfna mn wraha '3er el mshakl w el tfrqa hal no3ya nfos,hum th3efa

 

[Marka Store]

كـلامـج
صـح

 

[alice]

صح السانج حبيبتي صراحه انا تعبت وانا اتكلم لكن وين الي يسمع يسمعون مني ويطلعون من الصوب الثاني
لاحول ولا قوه الا بالله ليش جذي وبعدين لي وين بيوصلون مع هل فتن

 

[hello.kitty_85]

الله يعطيج العافيه عالموضوع والله يحفظ المسلمين ويبعد عنهم شر الفتن

 

[Stylista_Q8]

عاد توووه داشه القسم بحط موضوع بهالشي

لنه عن جد مليينااااااااااااااا احنا مو بالعراااق عشان جذي نتهااااوش !

والله الدنيااا ما تسوى الشيعه لهم دينهم والسنه لهم دينهم كل واحد يسوي اللي يريحه

يعني انا رفيجاتي كلهم شيعه واحبهم ويحبوني بس مانييب طاري المذاهب ونتهاوش عليها

مثل ما نشووف بالمنتدى لنه كل واحد عقله براسه ويعرف خلاصه

وبنااات مو على بونه المنتدى سني تغلطون على غيركم عيب والله ..!!

من عمر احنا اخوان شاللي تغير ؟ ترا من توفى بابا جابر كل شي تغير والله احنا من متى

نقول هذا شيعي ولا هذا سني ؟ شصاااير ؟

الله يهدي الجمييع ان شالله ويثبتنا على دينه ويحفظ ديرتنا وشعبها من كل مكروووه ..

 

[Stylista_Q8]

هذا بس عندنا

عمري ما شفت مسيحيين كاثوليكي و ارثوذكسي و حتى يهودي يتناجرون و يتداحرون مثل ما نتداحر بيناتنا.. لأنهم بكل بساطه ما تربوا على حقد فلان و على كره فلان و سب فلان


الله يكافينا شر الحاقدين

سوري برد مرة ثانية :$

بس ابتسامه ترا في مسيحيين يتهاوشون ويعيبون على بعض اسمهم protestant معه ال Catholics شي جذي

يعني مثل سنه وشيعه بالضبط ;s

والمسيح يعيبون على اليهود واللي ماعندهم دين يعيبون على الكل ويحقدون عليهم مافي احد مرتاااااح