خاطبها ولد أكبر عوايل الكويت

[emankuwaiti]

خلي الأمور تمشي طبيعي مثل أي خطبة الكل يسأل عن الثاني للبنت والولد

وبس والله يكتب اللي فيه الخير

 

[sunshine22]

في شي اسمه سالو عنه

والا بتعاونه البنت جاهزه مجهزه

والكويت هي الديرة الوحيدة اللي ما فيها طبقيه

اذا الهنود عايشين أحسن عيشه شلون الكويتي

 

[دآيم آلحب]

يمكن عندكم بالكويت هالمساله تدعو للشك
بس عندنا بقطر بالعكس نصيب
حتى لو من العائله الحاكمه يقدر ياخذ وحده من الشعب
هاي نصيب وانتو ماعليكم الا تسالون عنه وتستفسرون

 

[نونه المنكوشه]

شوفى خل اهلج يسالون عدل عنه وخل تستخير والله يكتبلها الخيره

 

[قدساوية 99]

حبيبتي أول شي خل تستخير اختج ثاني شي سألو عنه عددل مددل تخيلي في بنت رفضت ولد عمي لأن عنده سوالف أيام المراهقة يعني هوشات شباب وجذي اخوها كان يشتغل بالتحقيقات وطلعوو عنه كل شي مع ان الريال الحين خوش واحد ... دوري أحد يشتغل بالمحكمة أو التحقيقات وسألو عنه بس مو ترفضة علشان هوشة شباب لوول لا يمكن في شي جايد سألو ييرانهم , المسجد القريب من بيتهم , سواقهم , أذا في بقالات بالفريج أو محلات سألي أصحابهاا لاتآخذه اختج ويطلع فيه شي والله يكتب اللي فيه الخير لها

 

[فواصل]

اسألوا عنه في كل مكان وبعد اسالوا عن الام و الاب لان مرات يكون الولد زين بس الام اعوذ بالله منها

وخلها تستخير ..

مب شرط 2 من العايلة يطلعون كلهم مب زينين

والله يكتب لها الخير وين ما كانت

اذا ما تزوجت في الدنيا ..رب العالمين بيعوضها في الاخرة في جنة النعيم

آمين

 

[فووشيه كول]

شوفي اي بنت بالمنتدى تشتغل بالخدمه المدنيه عطيها رقم بطاقته او اسمه وتطلع اخباره لكم
واي بنت تشتغل بالداخليه ممكن يطلع عندها بالكمبيوتر
واذا عندكم سايق خليه يسال سايقهم خبرج السايق يعرف اخبار اهل البيت

قول أعوذ برب الفلق شالفكآر الجهنميه :krkrkr:
كلامج
جذي

​

 

[nancy_360]

ربنا قال الطيبون للطيبات

وطالما هى بنت طيبة واخلاقها زينة يمكن يكون ده عوض من ربنا لها على صبرها وحسن اخلاقها

ولا يمنع من السؤال عليه

 

[al-musk]

الاستخارة والسؤال وربج لي بغا يرزق احد يرزقه من اوسع ابوابه

 

[عسل حدي]

الله يوفقها يارب زين ويكون نصيبها

 

[Nanoosa]

اففف استغفرالله اكره ما عندي سوالف اصيل و مو اصيل و عيال قبايل و ما ادري شنو

الناس يشترون الريال!!

سألو عنه اذا الريال زين خل تتوكل على الله

 

[الورد انا]

ربنا قال الطيبون للطيبات

وطالما هى بنت طيبة واخلاقها زينة يمكن يكون ده عوض من ربنا لها على صبرها وحسن اخلاقها

ولا يمنع من السؤال عليه

كلامج طيب

ماادري ليش الاخت مستكثره على اختها هالنصيب ومستغربته

على الرغم من انج متزوجه لكن ردج فيه غيره هاجمتي العايله والريال من غير سبب وصورتيلنا ان اختج ماتستاهل تاخذ من عيال الهوامير على قولتج

عيال العوايل صار ياخذون من بره الكويت والسبب الناس الي نفس رايج

 

[فيونكه..~!]

*,



مـآخاب من أستخآر !!
واسآلوا عن آلرجآل زين ..
والله يوفقهآ ان شآء اللة

 

[بولندية]

البنات كفو وفوو

 

[بولندية]

امبيه بنااااات شفيكم كليتو البنت ما تنلام لما تسأل وتشك عن اللي خاطب اختها

اصلا طريقة الخطبة غريبة بالدوام وجك بوم و لا المرا بويهها و معاها اخت الولد !!!

صج موقف غريب واختي صاحبة الموضوع انا معاج اتوقع الريال فيه شي اغلب الزيجات اللي تتم جذي يطلع الريال فيه بلا

و مبين عليكم ان ما بينكم غيرة ولا شي اخت و خايفة على اختها الظاهر البنات اللي محترين

بس سألو عدل عدل و خل تصلي الاستخارة و بشرينا مو تنسين

 

[Dalo0o3a Cute]

مدري ليش الخير تستغربونه ؟؟

ومعروف عيال العوايل شايفين خير ومتواضعين

اوكي من حقج تخافين على اختج

بس ماكو شي يخوف اسالو عنه عدل ,,, وخل تستخير


وهذا نصيب من عند رب العالمين

وانا اتفق مع كويتيه برومــــا :rerrerek:

 

[Dalo0o3a Cute]

وعسى ربي يوفق الجميع

ويكتب لاختج الخير

 

[أإلع ـشق دلع ـهـأإ]

ياحبيبتي عادي جدا الخطبه

اعرف نااس يصيرون لنآ خطبوهم من ال السعود تخيلي من ال السعوود وهم لا مناصب ولا شي بس شافوا زين البنت

واعرف نااس هم عندنا بالكويت خطبوهم من الاسره المالكه والناس يصيرون لي كلشش مالهم مناصب ولا شي ناس عادييين

ولو تبحثين الشيوخ تاخذ بنات قباايل وماتفكر منصبهااا

الشيخ جابر الله يرحمه وكثير شيوخ من الصباح

وشوفي امير البحرين زوجته عجميه كويتيه !! تخيلي اهو بالبحرين اهي كويتيه


الخطبه قسمه ونصيب من الله سبحانه مافي هذا امير وهذي عاديه

واول مره تمر علي قصص ان اذا بنت عاديه خطبها من الهوامير يعني فيه شي ؟؟

مادري عن الشي هذا

بس اختج خليها تستخير ربها فما خاب من استخار ربه

وابوج خليه يسال عنه عدل اذا اوك الله يوفق اختج ربي اخر زواجها. حكمه منه يبي يعطيها الاحسن

ومبين ان اختج تستاهل وماخطبوها الا عارفين اخلاقها والناس تدور الاخلاق لان الزمن هذا البنات صاروا عوب ولسان شطوله

الله يستر ع اختج ويتمم عليها فرحها ويرزقها اللي يسعدها يارب

 

[أبلة فاتن]

وناسه يازين الخطوبه وريحة الزواج بالمبارك كلكلولولوش عزميني على عرسج بجي ارقص لج

ههههههه

ان شاءالله الولد زين ودام بيطق الباب بالحلال ما ينعاب بس السؤال من حقج طبعا ومليون طريقه تسألين

والديرة صغيره ماكو شيء ينخش مبروك مقدما بشرينا عاد مو تبطين​

 

[أبلة فاتن]

الملكة رانيا هي اللي يابته وابشرج كانت راح تنخطب حق ولد هوامير في الكويت معاها بالمدرسه الانجليزية بس امه راحت وشرشحتهم وهددتهم .......... الاخت راسمه على كبير من الاول

ونفس الشئ كيت

طلعت الفضايح :ggdw::ggdw::ggdw: