- إنضم
- 9 ديسمبر 2010
- المشاركات
- 1,224
- مستوى التفاعل
- 0
- النقاط
- 0
السلام عليكم ورحمة الله وبركاته
موضوعي اليوم انشالله يكون مفيد وتحبونه .. اللي حابة تشاركني الموضوع موضوعها
طبعا كلنا قبل الزواج وايام العزوبية كنا نسمع نصايح تخص الحياة الزوجيه شي استفدتي منه وشي تمنيتي ما سمعتيييه :dddds:
اليوم راح اقولكم بعض النصايح ...........
** نصايح امي **
(بنات عفيه دعولها الله يشافيها والله حالتها تكسر الخاطر حته حمام ما تقدر تروح ولا صلاة تقدر تصلي كل ما اروح عندها بس اسمعها تون ... ياربي تشافيها وتعافيها وترزقها تزور بيتك تمشي على رويلاتها)
امي الله يطول بعمرها ويشافيها من بدايت بلوغنا تقول يمه الكشخه لا باللبس ولا بالمكياج لا يصير اهتمامكم من بره .. اهم شي ريحة جسمج وحلجج
تقول شوفي كشخه البنات بالعروس بس من تمر عليج تصرعج بريحتها .. دايما حافظي عالنظافه شيلي شيره بودر وعطور ...
واهم شي تعطير الجسم من الداخل
امي يا بنات ريحتها مميزه مثل كل ام بس اهي ماشالله فواااااااااااااحه وتينن مو عطر لا لا ريحة جسمها لي درجه نعرف هدومها من ريحه جسمها والسر باكلها ... تدرون شنو ؟؟؟؟
التفاااااااااااااااااااااااااح .. امي تمووت على شي اسمه تفاح باليوم 2 وكل يوم تاكل وماشالله عمري ما شميت منها ريحه اصلا على طول الصق فيها لانها تهببببل ..
النصيحه الثانيه ....
الصبر .....والدعاااااااااااااااااااء ثم الدعااااء ثم الدعاااء والصدقات .. لان الصدقه تدفع البلاء ..
تقول يمه صبري على ريلج الريل يبيله طولت باال وان عاند واستعسر مرده يطخ .. وادعيله وادعي لنفسج ولا تنسين الصدقات على طول قطي بالحصاله تحميكم وتخفف المشاكل
تقول انا صبرت على ابوج 20 سنه مرده طخ <<< حريم قبل والا احنا شنطرنا 20 سنه
النصيحة الثاثة....
اول ما ملجت قالتلي لا تعانديين ريلج ولا تشتطين وايد وتعصبيين خلج ريلاااكس واستانسي هالايام ما تنعاااد ولا تتحلطمين جدامه الريال ما يحب المره القراقه والنكدية
الحين النصايح الجايده لبعد الزواااج ...
تقول ان ياتج الدورة لا تحرمينه خليه يستانس بحدود مثل ما كلكم عارفين ...
اول الزواج الريال جنه مو شايف خير مع المره ... لا اتاففين او تبينين انج خايفه ولا تصدينه وايد اول الايام ثقلي (بالملجه لاااااااااااا يدخل عليج .. احنا عادي اطلع واروح وارد معاه ووايد بنات يحملون من الملجه خو ريلها جدام الله وخلقه بس مو حلوه جنها مو شايفه خير وهم عشان تعرف الريال عدل) بس بعدين عطيه اللي يبي
تقول الريال مثل الياهل .. اذا اللعبه على طول جدامه يمل منها .. بس ان خشيتيها مره وطلعتيها يشتاق لها ويبيها
مره لبسي طويل وتغطي مره طلعي .. مره خليه يشوف حلاله انشالله فاهمين قصدي...
ولا تستعيلين على رزقج مو تلبسين كل شي وتسوين كل شي من البدايه الثقل زين ولاحقه بتسوين كل اللي بخاطرج بس لا تقطين اوراقج كلها من البدايه
الحين نصايح يدتي الله يطول بعمرها ....
خلج على طووووووووووووول نظيفه وجاهزه ما تدرين مته اييج ريلج ....
اشتغلي وخلي معاشج لج وساعديه اذا بغه .. الوظيفه ضمان للمره سبحان الله بغيتي شي بخاطرج شي واهو ما قدر الا عندج بويزاتج
طلبي منه ولا تستحين خلاص اهو ريلج ومسؤول عنج لا تقولين لا فشله .. شوفيني انا قضيت عمري كله مستحيه وصار بخاطري لا سافرت ولا عدلت بيت كله من المسحى ما تعود اني اطلب
لييييه اده الليل << (يعني ليه صار الليل لغير الناطقين) لييه اده الليييل لبسي نفنوف سهره من هالمكودين عندكم خخخخخ وسوي هالشعر وتمكيجي وحطي هالفواكه والحب والجاي والعصير وقعدي معاه سهرو على فلم .. تره الريال يمه لي شاف مرته مهتمه ومخصصه وقت له يحب قعده البيت
طبخيله يمه تره الريال يميز طبخ مرته بين كل الطبخ وبالبدايه بقولج طبخ امي احلى بس انتي حاول وتره الريا يتسانس لي سويتي حق اهله
سولفي معاه عن الاشياء اللي يحبها اهو مو اللي تحبينها انتي .. وخلج على طوول تضحكين وتكركرييين ونكتي معاه تغشمري خلج صديقته .. ساليه عن احواله واخباره واذا ما بغه يتكلم والا شفتيه ساكت يفكر لا تنطين بويهه شفيك شفيك
خليه الريال يحب يقعد بروحه ساعات ويسرح ويفكر
وليه بغه يروح دوانيه والا مع ربعه خليييه .. فجي عنه شوي .. يغير جو ويستانس ويردلج
وديري بالج مو اهو قاعد بالصاله وانتي تنظفين وتخمين وتعدلين تره الريال ما يحب هالشي يمه حلاتج سنعه بس شغلج كله خليه لي طلع اهو انتي خلصي شغلج كلللللللللللللله
ما ايي الا الشقه مبخره معطره ونظيفه تلق وانتي سابحه وكاشخه وناطرته
(عندي وقفه على هالنقطه )
بنات لاحظت هالشي واااااااااااااايد صح الريال اذا قعد يطالع تلفزيون والا يقره جريده يحب مرته يمه انشالله تقعد جنها مزهريه .. ادري ان احنا نمل تقولين ليش اجابله واهو مخه مو معاي ؟!!!!!!!!
خل اعطيكم موقف ...
ذاك اليوم رايحين المزرعه ... ومتيمعين ووناسه وسوالف خالتي اول ما وصلت جان تدش المطبخ تقصص وتسوي عشا ... جان ريلها يتحلطم يقول هذي ما تعرف تقعد لا بالبيت ولا هني @@
وين الخدم خل اتيي تقعد معانا تسولف @@
ومره بالزواره هم قاعدين نسولف مع خالي ...........مرته ينووونها شي عالارض والا العاب اليهال كل شوي تقوم تعدل << اهي ساكنه عند يدتي جان خالي يقولها هدي اللي بيدج وتعالي قعدي يمي
واهي تقوله بوفلان شوف اليهال شمسوين ... جان يصرخ عليها جدامنا وينادي الخدامه واهي يت اقعدت بسكات يمه واهي استانس
نكمل النصايح ......
يدتي تقول عمرج لا تعزمين رفيجه على بيتج يمه تره اللي عندج غيرج وايد يتمنونه ودامج عروس البيت بيتج انتي وريلج وبس محد يدخله.. ولا تعزمينها بطلعه مع ريلج ولا تكلمينها جدامه
ولا تمدحين مره جدامه ولا تسولفين وتفصلين .....
وهم نقطه وااااااااااااااايد مهمه نبهتني عليها
تقول انتو شفيكم بنات هالايام كل شي تقولونه للريل ؟؟؟ الريل ما ينقاله كل شي
اي والله قاعده اتنهوص بطني يعورني وابي مطارة ماي حار ...
يمه عيييب الريال يعرف اسرار مرته لا من دوره ولا من نفاس تلوع جبده منج حته لو ما تكلم
من تييج الدورة لبسي وتدفي بس على كشخه واياني واياج يبات تكرمون (جيس الكوتكس المستعمل بالحماااام) تقول على طول خليها نظيفه لا يشوف من وراج شي
ماشالله الموضوع صار طويييل لوووول
اخر شي نصايح من الرياااااااااااااااااااييييييييييييييييل
ابوي الله يطول بعمره مسكني اول ما ملجت ...
قال : سرج لا يطلع ... سرج لا يطلع ... سرج ا يطلع عادها لي 3 مرات يقول اللي يصير ببيتج مكانه بيتج لا يطلع شي حلو شي مو حلو لا يطلع خصوصا المشاكل لا تقولين لاحد حته انا وامج اذا قدرتي حليها بروحج
سمعي كلام ريلج ولا تعاندييييييييييييين الريال ما يحب العناد يشوفه تحدي وموحلو المره اتحدى ريلها اول الزواج صعب يبا ولازم مشاكل
الزواج بدون مشاكل مو زواج طولي بالج وهدي اعصابج
اهله اهم اهلج وامه امج عامليها عدل وحطيها بعيونج .. يمكن يوم تقولج كلمه ما تعجبج ولا تجرحج يبه هذا ولدها وانتي خذيتي منها اكيد بتغار اهي بعد مره طولي بالج عليها
ووصيه يزور اهله ولا يقطهم صلت الرحم زينه
الصلاة حافظي عليها انتي وريلج بالسفر وبالديره هالله هالله بالدين لا تاخذكم الدنيا صغار ومعاريس
عوديه يروح المسيد يصلي هناك وشوي شوي لا تحنين عليه ان كنتوا طالعين قوليله مر المسيد نصلي
يوم اليمعه قعديه ولبسي وروحي معاه عشان يتشجع شوي شوي
ان شفتيه معصب سكتي ولا اتكلمين خليه يصرخ عادي انا ياما صرخت على امج بس اهي صبرت ومن كبرت خلاص مافيني حيل اصرخ <<<< لووووووووووووول فديته العصبي
وبيتج على طول نظيف خصوصا غرفت النوم الريال يحب لي دخل البيت يشوفه نظيف ومرتب وعيالج خليهم على طول نظاف وملابسهم حلوه
والهدايا يبا تره الريال يحب الهديه يحس ان مهم عندج والهديه مو بقيمتها تذكريه لي رحتي سوق اشتريله شوفي امج مره شرتلي هديه وما اعجبتني وقتلها بويها وحرمت تيبلي من يومها خخخخخخخخخخ .. الله يخليهم لبعض ولا يحرمهم يااااارب
طولت عليكم ادري والنصايح وااااايد .... حبيت افيدكم لوجهه الله وانشالله يعجبكم الموضوع
تحيااااااااااااااااااااتي :fun:
