خاص لبنات كليه التربيه تخصص رياض اطفال

[ثلجه ماسية]

السلام عليكم بنات
صراحه انا بقدم علي اجازة دراسيه وحابة اختار تخصص رياض اطفال بس ماعندي اي خلفيه عنه بس انا احبه ......
ابي منكم جدول المواد وابيكم توضحولي شنو اخذ مواد اول شى وشنو المواد الصعبه الي لازم اخذها بالصيفي علشان اتخرج بسرعه .......لاني عندي بنت وولد ..... وودي الحق عليهم وادرسهم بالروضه ..... تصدقون مرات احس اني بهون و ما ودي اكمل دراستي بس اهي فرصه ما تتعوض فياريت تساعدوني وتشجعوني وتدعولي
مع الشكر

 

[شادية]

انا معلمه روضه

اقسم بالله انه عذاب
عذاب
عذاب

مهنه معلمه الروضه

والله على ما اقول شهيد

لاتقولين معلمه روضه ماعندها شيء

عندها البلاء وال جلاء


مقارنه بين معلمه روضه +ابتدائي

معلمه الروضه تخيلي انه فراغها باليوم ساعه الا ربع واليوم الثاني نص ساعه

يعني يوم ساعه الا لابع واليوم الى وراه نص ساعه

وباقي الوقت مرتاحه

معلمه الابتدائي تعطي حصصها مثلا 3 حصص باليوم وباقي الوقت مرتاحه

معلمه روضه دخول المشرفه يوميا اما الابتدائي مره بالاسبوع او بالشهر

وماادراكي من مغثت المشرفه وطلباتها


الصراحه تعب ومشيء اف والله


ابيج تفكريييييييييييييييييييييييييييييين انج ماتخصصين رياض اطفال

نصيحه لج مكتبات روعه صح دراستها متعبه بسكوظيفه راحه واخر راحه ماعندها الا تقرا الجرايد

 

[سميني على كيفج]

السلام عليكم
انتي بس شوفي المواضيع بهذا القسم وراح تعوفين رياض الاطفال يعني التعب راح يكون بالدراسه اولا انا رفيجتي رياض اطفال تحسفت من دشت فيها التخصص ماخلو مجسم ولا وسيله مااطلبوها منها لا ولازم يكون مبتكر اهيا الحين وماتدري شتسوي الله يعينها لي توظفت عاد هذا شي ثاني المعاش كله رايح على الصف وتجهيزه غير القعده مع اليهال اللي تصك الراس بصراح نصيحه لا لرياض الاطفال عاد انتي استخيري وشوفي واذا انتي تحبين التدريس دخلي تخصص التربيه الاسلاميه متوسط ثانوي بصراحه دراسته سهله مع ان تدرسين معاه مواد لغه عربيه بس اهون من مواد رياض الاطفال يعني كلش مافي مجال مقارنه

 

[معلمة روضه]

أممممممممم

والله انا احب الرياض....لكن ما احب الاهالي والاداره (بالاخص الموجهه)

تصدقين لما دخلنا الرياض كنا متخيلين شي وطلع لنا شي ثاني....انا اقول تعالي جربي اشلون طريقة الرياض قبل ما تتخصصين علشان تعرفين اشلون صاير...يعني ممكن تحضرين لروضتي وتقعدين معاي يوم كامل وتاخذين فكره عن الوضع ..اشرايج؟

انا هالسنه راح يحطون معاي بنت تربيه عمليه ....صحيح راح أتأذى منها لأنها فرش واحلامها ورديه وما تعرف تضبط الاطفال وراح أتأذي من دخول المشرفه والموجهه عل كل حزه...بس يلا شنسوي مجبراً اخاك لا بطل

 

[شادية]

معليش من معلمه روضه شكلها بضبطه امورها ^^


انحاااااااااااااااااااااااااشي

 

[الحياة]

انا وحدة ليليحن ولله الحد ما تحسفت اني دشيت الرياض.. الصراحة احسن من غيرها .. اذا انتي حابة التصليح والامتحاناات والكشف والدرجات على راحتج بس انا الرياض عندي حلةو ومنها بعد مابي اظلم احد بدرجة زايدة او ناقصة ... اهني لا درجات ولا يحزنون كلهم بالهوى سو
هههههههههههههه

ابلت الروضة لا تخرعونها ترى الروضة حلوة حق اللي يحبها​

 

[لوميه]

استخيري

والخيره فيما اختاره الله ...


انا الحمد الله احمد الله واشكره غيري مو لاقي وظيفي الحمد الله انا بمجال تخصصي و احب شغلي وكل وظيفه فيها منغصات .. مافي شس كامل الا وجه سبحانه ...

 

[بنت جابرنا]

أنــا طـالبه بالتربيه تخصصي رياض اطفال حلوووه موادناا ودكاتره زينين

اذا تخصصتي قولي واعلمج باحسن الدكاتره انشالله

استخيري والله يوفقج انشالله

 

[ثلجه ماسية]

شفيكم خرعتوني انا احب رياض الاطفال واستانس لما ادخل الروضه وما اصدق علي الله لما تقول لي امي روحي جيبي اخوش من الروضه
ادري انها تعب ووسائل بس اول ناس تعطل واريح تدريس وماكو درجات وماكو تصحيح ولاظلم لاحد ولا ام تجي تقول ليش منقصه بنتي..... وتكفين ساعديها ...
عاد كليش غير اذا جاء احد من جماعتكم بنفس المدرسه ...كل يوم امه او امها داقه عليش "تكفين كلمي الابله الفلانيه خليها تنجح بنتي والابله الفلانيه قوليلها لاتهاوشينها ....وكل بصوب ولما تجي تتوسط لبنت جيرانهم وبنت عمت خالت جيرانهم وبنت خال عم جد مرت خال جيرانهم ...................
هاه شرايكم ....
وينكم يا محبي الروضه ..... تكفون شورو علي وانصحوني؟؟؟؟؟؟؟؟؟؟؟

 

[خفايا الروح]

انا طالبة بالتربية وتخصصي رياض اطفال من ناحية الدراسة سهل مع اني بأول كورس

بس والله من كثر ما ذموه الناس قررت اني اهج وانحاااااااااااااااااش

مع ان غرامي الاطفال امووووووووووووت عليهم بس الوظيفة تعب

فقررت اني احول تربية اسلامية او اي شي ثاني ...


بنت جابرنا انت بالتربية بالتطبيقي ولا الجامعة ؟؟؟؟؟ ....



اولا واخيرا مااااالج الا الاستخارة ..... لان كل انسان غير عن الثاني ....يمكن انتي تحبينه وترضين فيه الله اعلم ..

 

[بنت جابرنا]

هــلا خـفايـا الروح

كـليـه التـربيـه جـامعـه الكـويــت

 

[جرجيره]

نصيحه لوجه الله لا تدخلييييييين
ادري راح تقولييييين احب اليهال وهالسوالف بس والله راح تندمين صج ان دراسته سهله و بالجامعه كله لعب
بس كل هذا يطلعونه من عيونج لما تتوظفين
اولا ما يقدرونج ثانيا كل يوم و الثاني يايتج ام ياهل تشكى و على شنو مادري
بعدين 24 ساعه المشرفه عندج و لو بايدها تدش لج بالبيت بعد وااااااااااااي هذا غير النشاط و ما ادراك ما النشاط حشا عرس مو نشاط طعطععط طقطقه من الصبح وذنوب و لا اذا ما شاركتي و غنيتي يحطون عليج و يكتبون لج لفت نظر لا و بعد كل جم يوم لازم تمثلين تخيلي يقولون لج و الله اليوم راح نمثل عن طالبه تتاخر بالنوم و لازم تلبسين بجامه تخيلي بجامه
لاااااااااااو بعد نسيت اقولج اهالي اليهال بعضهم ما يستحون يعني بعد ما يدخل ولده و لا بنته تشوفينه يخز خز مو طبيعي ...استغفر الله


و المصييييييبه الكبرى اهي المعاش
يعني مو كافي كل هالتعب لأ لازم المعاش يطير على تجهيز الصف و الوسائل و المصورات و الالعاب حق اليهال ......الخ
و لما تيين تشرحين لازم تسوين افكلر عجيبه يعني تعصرين مخج عدل مدل و نسيت اسمه بعد واي شسمه هذا اللي نسيت اسمه من كثر ما هو مينني طلعت روحي منه يعني يعطونجمله عن الدرس و كل الدرس انتي تسوينه
تخيلي في عندنا درسته فكرته اهي (يتعرف علة ذاته و جنسه ) بالله انا شلون اشرح اصلا شقول ما اعرف ادخل مواقع اسال رفيجاتي ادرجه اسال اهلي شسوي يا ربي و الله انه مو عذاب اله جهنم الحمرااا و المشكله ان الكل حاسدنه عهالوظيفه المعفنه يعني صار لي جم سنه بحول اي شي ادلور واسطات و هم ماكو فايده من يدرون انج ما تبينهم يحطون عبيج زياده و ما تطلعين الا بتقدي زفت

حسبي الله و نعم الوكيل
حسبي الله و نعم الوكيل