خاااص للمالجين الي مايكلمون رياااييلهم بالفوووون ضرووري

[سہكہـرهـہ وذآبہــہـت]

انا طلب مني اكلمه بس رفضت
لاني ما احب سوالف الفون وين رايحه وليش ماتردين شلي بعوار الراس
ولما رفضت تدرون كبرت بعينه حييييل
حتى اخته قالتها لي
لووووووووول حدي استانست

والي تقول شلون راح تعرفين شخصيته؟
يعني اوكي عرفت شخصيته وطلع موشي وحده سطحي؟
يعني شسوي اتطلق منه؟
اعوذ بالله

بس اكيد اهلي ماوافقو عليه الا واهما سائلين عنه ويعرفونه عدل

 

[فارسة خالد]

امركم عجيب !!

اذا الاسلام الحمدلله اجاز الخطبة (فترة التعارف) وايد ناس عبالهم الخطبة بس يشوفها مرة وحده وخلاص عقبها يملج طبعا لا فترة الخطوبة اهيه فترة تعارف بس بشروط ان ما يطول معاها ويكون الكلام بحدود طبعا وما يقعد معاها الا مع محرم اما الملجة اهني خلاص تم الزواج

يعني اذا الاسلام الحمدلله اجاز الخطبة وان عادي يكلمون بعض بس مو تليفون لا وجها لوجه ومعاهم محرم فما بالكم اذا صارت زوجته وملج عليها يعني مادري اشلون تفكير بعض الناس انتي زوجته واهوه زوجج وبعد الملجه تقدرين تطلعين معاه وتكلمينه وتسافرين معاه ويقدر يدخل عليج

بالنسبة لمجتمعنا افضل ان الوحده تملج وتتعرف على زوجها وتكلمه عشان عقب العرس لما تبدي حياتهم الفعلية يكونون متفاهمين اكو رؤوس اقلام عارفينها عن بعض يعني اول ايام قبل كانت الملجه والعرس بنفس اليوم بس الحين الحمدلله يعني اكو وعي صار وقاموا يملجون قبل العرس وهذا شي ايجابي للزوجين انهم يتقفون او انهم لا سمح الله ما يكملون مع بعض يمكن عنده مرض نفسي يمكن وسواسي خواف اعرف وحده ملجت وكلمت زوجها اكتشفت ان ماكو شخصية بين اهله حتى بزوارة اهله كله ساكت ما يسولف ماله حس واعرفت ان قبل الزواج ان اهوه كله قاعد بروحه بالديوانية ويلعب سوني هذي حياته كانت بلاي ستيشن ودوام وصاير مطراش للبيت قبل حق اخوانه وخواته وحريم اخوانه بس الحمدلله رفيجتي طلعت فاهمة وعاقلة واعرفت حالته واطلبت منه تبي شقة بروحهم وعلمته عالمسؤولية وزادت فيه الثقة بنفسه وخلته اجتماعي وتغير وايد الحمدلله والله يتمم عليهم

تجربتي انا كلمته ايام الملجة وكانت 4 اشهر وقبل العرس بـ 22 يوم اتفقنا ما نشوف بعض لان انا كنت بغير ستايلي كامل نيولوك بس نكلم بعض وكان عرسي شهر 10 والحمدلله يعني لي اليوم احس ان عرسي جنا امس صار عسى الله لا يغير علينا

يعني ما فيها شي لو الوحده تكلم زوجها ايام الملجة وتطلع معاه ماهو عيب ولا حرام ولا قلة ادب ولا ولا ولا .... الخ

وعلى قولت عبدالحسين عبدالرضا ان حكى الشرع الكل ياكل تبن خخخخخخخخخخ

 

[miss_math]

ما ادري ساعات اقول شيء حلو انه الوحده تكلم زوجها وساعات اتردد !

 

[الغدق]

انا مااكلمه مع انه من العايلة
بس لو اهو طالب انه يكلمني
عادي ماراح اقول لاء
بالعكس احسن
بس اكلمه بحدود المعقول
مو اطيح ميانه بالمرة
بس طلعات ماطلعات ماايد

 

[نور الكويت$$]

انا ما اكلمه..
لأن مومن عاداتنا..
وكلشي قسمه ونصيب..