خاااص للمالجين الي مايكلمون رياااييلهم بالفوووون ضرووري

[××بنت شيوخ××]

هلا والله ..

احنا في البحرين عادي نطلع ونروح ونيي معاه بعد الملجه ونجهز .. ونتغده عندهم ويقعد عندنا وقله قليل الي تمنع بنتها عن الطلعه وياه او بوجود احد من خواتها .. ولكن انتو يمكن بحكم عاداتكم وتقاليدكم ان مايزورج او يقعد معاج بروووحج وهلون احنا الناس يقولون اكيد فيها شي اذا ملج عليها وماقامت تطلع وياه

 

[نمله معصبه]

أنا مااكلمه..
بس احس احسن ان الوحده تكلم زوجها بس مو24 ساعه عشان مايمل .. وايجابياته خوف العروس يخف شوي

 

[mirrorsweet]

بصراحة انا انفرض علي هشي لانة زوجي ماطلب


بس بلعكس انا راييي من رايي اضوي


ونكلم بعض على اقل يزورني ويقعد معاي شوي ومايكلمني علطول بتلفون

بس شوية يعني رهبة اتروح سؤال

شنو سالفة شبتسوين شبتقولين او ليلة ماكو شغل ؟


حييييل موشي هلحركة واشوفه فيها احراج كبير يكلمني ويزورني لو بلمناسبات ارحم بوايد من انة اول مرة اقعد معاة وشوفة بليلة العرس


انصدمت وايد بملجتي لا شوفة ولاكلام وملجة شطولها سنة وشي ولا حتي تحديد عرس وماعرف شوراي وشجدامي

 

[لمسه مخملية]

أأيد انه الوحده تكلم زوجها
احس تخفف شوية من الخوف ورهبة العرس





وراحة بينهم

انا ملجة بس ما اكلم ريلي لانه ما طلب يكلمني ... مادري ليش .... اسباب مجهوله بعد العرس بعرفها

الله يسهلها ويعدي ذيج الايام على خير

 

[mirrorsweet]

سخااااافة


شنو هلريال الي لا مناسبات اي يبارك لمرتة ولا يكلمها ولا يزورها


مادري شلون بتصرف معاة

 

[{عسوله مطير]

سخااااافة


شنو هلريال الي لا مناسبات اي يبارك لمرتة ولا يكلمها ولا يزورها


مادري شلون بتصرف معاة

حنا جذي مايكلمنا نقعد ثلاث سنين أربع وعاادي

وماعمري قلت سخافه

هدي ياحلوه وأذا تبين تيسر امورج وتعرسي عليج بالاستغفار بنيه تيسر أمورج ويتم زواج​

 

[softlady]

والله انا ماتزوجت بس تجربتي من الي اخطبوني وقعدت معاهم بحضور اهلي طبعا

واختي بعد نفس الشي

امبييييييييييييه الي تافه وسطحي والي طول الوقت انا وانا وانا والي ماتحسين بقلبه ايمان وخوف من الله والي اسلوبه هيلقي ومايعرف الذرابه


اشلون اتزوج واحد جذي !!!


بصراحه وبدون زعل الي يتزوج وحده ماعرفها تكون بالنسبه له مجهوله

والعكس للبنت

ماتدري عن ماضيه الاسود وطموحه وافكاره وعلى الاقل اشلون يسولف ويتكلم


وللاسف

ممنوع الطلاق بوايد عوايل عشان القبيله ماتزعل


يعني تدبست طول عمري


انا اسفه انا ما اهاجم احد بس هذا الصج وهذا الواقع


يعني لو كل بنت تتمسك بالرؤيه الشرعيه بحضورالاهل وتتجرأ بأهم موضوع بحياتها وتواجه العادات بقوه وتسولف بدون خجل لان ما ينفع بهالمواقف انتي لازم تكونين صريحه وواضحه وتشوفين الي جدامج شنو يبي منج واشلون يبي يعيش


لو كل بنت تتمسك بهالشي جان هالعادات قلت مع الوقت

والمشاكل قبل الزواج تصير ميخالف هذا دليل ان هالشخصين مايصلحون لبعض احسن من تصير وهما عندهم 3 او 4 يهال


الله يوفق الجميع

 

[softlady]

أنا مااكلمه..
بس احس احسن ان الوحده تكلم زوجها بس مو24 ساعه عشان مايمل .. وايجابياته خوف العروس يخف شوي

لا والله اختي اخالفج الراي

اذا انا ملجت وخلصت اخليه مايغيب عن نظري

عيل اشلون يحبني ويتعلق فيني اذا ما اسأله اكلت نمت صليت اشلون دوامك

اصلا جني اخذته عن حب واهو راح ينشغل فيني واملي عليه حياته ويحس ان في مره معاه

وينطر الايام عشان اكون معاه في بيت واحد

 

[Deep FeeLing]

الله يعين

 

[~..MiMiNi..~]

احنا عندنا بالعايله تكلمه وتطلع معاه عادي !!

اللي يربطهم ابعض ورقة العقد و دام انهم املجوا يعني خلاص زوجته اهو اللي له حكم عليها مو اهلها .. اما الحفلة هاذي شي شكلي و ممكن انه يقول ابيها ومابي حفلة شبيسوون حزتها ؟ ما يقدرون يمنعونه زوجها جدام الله والناس :/

و الأحسن انها تكلمه بالعكس اصلا ً يتقربون من بعض وااايد .. بعكس اللي مو مكلمته كلش فجأه اهي وياه بفراش واحد كما خلقني ربي وااااي يالفششششششششله اشلون @@ ؟؟

انا ماخذه ريلي عن حب والله انه كل ما اكلمه او اطلع معاه احس هالحب يكبر وكل يوم اعرفه زياده و هاذي احلى ايام حياتنا ..

الله يعينكم ويسهل عليكم ..

 

[nona2009]

بنات كل شئ قسمة ونصيب مو شرط تكلم وتصير مشاكل وطلاق ومو شرط ماتكلمة ويصير مشاكل وطلاق او زعل هذا كله حسب شخصياتهم وهم النصيب انا ماكلم ريلي مرات احس اني ودي يشاركني الراي و ودي يكون معاي ولكن هذي العادات والتقاليد لا يمكن نقدر نغيرها واذا بكلمة يعني من وراء اهلي وهوه ريلي ...... وليش اكلمة من وراء اهلي وجني مسوية جريمة طول عمري عايشة معاهم بصراحة يوم ملجت بكلمة من وراهم وطبعا ماعندي الجرى اني اطلب هل الشئ

 

[kuwaitya_zoGaa]

يعنى انا بفهم شغله
الشوفه الشرعيه الله ورسوله محللينها ليش غيرنا يحرمها ؟؟؟
وبعدين الريال اذا كلم خطيبته والا زوجها ... قاعد يسوى شى غلط ؟؟؟
هذا اشهار كل الناس تدرى ان فلان الفلانى خاطب والا مالج على فلانه الفلانيه
شالمشكله ؟؟؟
يعنى شنو بيقول لها ... بالعكس بهالشى تخف حالات الطلاق بالكويت
اغلب حالات المشاكل والطلاق لانه الافكار والميول والاطباع مو متشابهه
واللى استمروا بالعربي تدبسوا !!!
واحس بهالشى يخلى بين الزوجين الراحه والموده والحب
وبالعكس بنظري يزيد الشوق لانه يبي يشوفها ومتلهف على هاليوم لانه بيشوف حبيبته
مو وحده والسلام ... ماتفرق عن غيرها اللهم انه يعرف اسمها ؟؟؟
الناس تطورت وتمدنت ... انا يضحكونى لما يقولون مايصير تكلم زوجها واهيا 24 ساعه سوالف مع المراجعين
قمة التخلف !!!

 

[لمسه مخملية]

8
8
نونا صح كلامج كل شيء قسمه ونصيب والتوفيق من عند الله سبحانه سواء كنت اكلمة او لأ ....

والطلاق اسبابه من الله مالها دخل اذا كنت اكلمه وعارفه شخصيته او ما اكلمة ومو عارفة شخصيته ...
الظروف والاقدار تتغير وتتبدل برمشة العين ..


بس ودج تعيش هاللحظات الحلوه مع ريلج وتكلمينه ... حتى الزعل احس يكون له طعم بهذي الفتره .....
يعني تخفيف وتلطيف من خرعة الايام االاولى معاه ... ماتحس بغربة وهلع ....

مع انه قالوها لنا غيركم مو احسن منكم كاهم عاشو حياتهم ماكو احسن منهم لا نقصت ايد ولا ريل...<<<هذي الجمله تكون محبطة شوي



بالنسبة لي غاسله ايدي من ريلي .... احس بتصير معجزه اذا تقدم وطلب يكلمني ...


الله يسهل وييسر يارب وعلى قولة عسولة مطير مالنا غير الدعاء وربنا انه ييسر لنا امورنا يارب ويسخر لنا رياييلنا
ويارب يطلعون هادييييييييييين وطيبين ... والله كريم ...

 

[قلب راشد]

بصرااحه كلمته ولا ما كلمته

يووم العررس غيير جنج ما تعرفينه من قبل :/

ولا عمررج كلمتي او شفتي

العررس له رهبته

 

[رووح غـالـيـهـا]

كل ما اقرا كلام وحده منكم اتخربط اقول اي هاذي صح لاتكلمه وبعدين اقول لا هاذي صح لازم اتكلمه لكن انا مقتنعه اني ما اكلمه تقدرون تقولون خايفه بس مدري ودي احس بشعور البنات اللي يكلمون ازواجهم قبل الخطبه :eh_s(22): بس اختياري الاخير هو لا لا لا...

 

[زبــــــــدة]

بالعكس ضروري يتعرفون على بعض اكثر

واحنا اهلنا عادي يكلمون بعض ويطلعون مع بعض...ويجهزون الشقه مع بعض...

بعد ريلها مافيها عادات وتقاليد...

لي متى يعني..؟؟

وبعدين احلى ايام الزواج ايام الملجه وسوالفها....احس غييييييير...وفي مواقف حلوة تصير...

وادعولي اصير عرووس :dddds:

 

[قلبي خذيته]

بصراحة انا انفرض علي هشي لانة زوجي ماطلب


بس بلعكس انا راييي من رايي اضوي


ونكلم بعض على اقل يزورني ويقعد معاي شوي ومايكلمني علطول بتلفون

بس شوية يعني رهبة اتروح سؤال

شنو سالفة شبتسوين شبتقولين او ليلة ماكو شغل ؟


حييييل موشي هلحركة واشوفه فيها احراج كبير يكلمني ويزورني لو بلمناسبات ارحم بوايد من انة اول مرة اقعد معاة وشوفة بليلة العرس


انصدمت وايد بملجتي لا شوفة ولاكلام وملجة شطولها سنة وشي ولا حتي تحديد عرس وماعرف شوراي وشجدامي

سيم يوووو
صح يزورناا كل شهر وفي المناسبات بس ما اجوفه ولا اكلمه
حتى ما طلب رقمي ولاشي
ساعات احس انه افضل ما اكلمه وساعات اتمنى لو اكلمه

 

[لمسه مخملية]

بصرااحه كلمته ولا ما كلمته

يووم العررس غيير جنج ما تعرفينه من قبل :/

ولا عمررج كلمتي او شفتي

العررس له رهبته

صح كلامج

 

[مشتطـه]

انا بصراحه مع انها تكلمه ومع اختي اضوى برايها


بس مو وايد الطلعات ولا وايد المكالمات

يعني بين فتره وفتره بس مو يوميآآآآ

 

[dal3 kuwaiti]

الحمدالله اني ما اكلمه لان ما احب اسولف بالتلفون احب الشي وجها لوجه

واذا على الاطباع بعدين بنعرف شنو يحب وشنو يكره لاحقين على عواااااااااار الرااااااااس