حيييل متضضضايقه شاسوي !!

[قلب طفـــله]

متضايقه بنات حسبي الله ونعم الوكيل الله مايرضى بالظلم وعيالي قاعدين ينظلمون ومن منو من اهلهم ! لحمهم ودمهم​

بنات انا ساكنه مع اهل ريلي انا بعيده عنهم مااصريلهم وحمواني 3 ماخذين خوات ويصيرون لهم من الاهل يعني بنات عمهم تخيلو بنات واحد من حمواني عنده 3 اولاد واحد منهم طق طله يطق ولدي فمره من المرات طقه ويا اخوه اللي هو ولدي ودافع عن اخوه وطقه وقعد يبجي فيات حماتي اخت ريلي تركض وتمكسه وتحسب على عيالي !! عيال اخوها عيالي مظلومين مايحبونهم بنات كله واقفين مع عيال اخوهم عيال بنت عمهم ليش بنات والله تخنقي العبره لمن يسوون جذي واشوف عيالي مظلومين اخخخ شكثر مواقف تبين ظلمهم وفي موقف توه صاير امس حماي خذا عياله وعيال خواته هم مطلقات وعيالهم ساكنين معانا اعمارهم 11 و8 سنوات خذاهم كلم ووداهم الالعاب وعيالي المساكين واقفين عند الباب !! وابوهم كان مسافر تخيلو ماكسرو خاطره ماقال هذيلا عيال اخوي خل اوديهم ياو عندي يبجوون خنقتي ليش يسوون جذي مو حرام هذيلا مو عيالي انا الغريبه بس ه ذيلا عيال اخوهم دمهم واحد اهو دمهم اهما مايحبوني مع اني وايد اوك معاهم اساعد عيالهم بدروسهم ومومقصره بس المحبه من الله مايحبوني مو مشكله اخر همي اهم شي عندي زوجي بس عيالي شذنبهم وريلي المسكين مومقصر اذا حريمهم عندهم مواعيد ورياييلهم مشغولين يوديهم ويودي عيال اخوه الجمعيه ويشتريلهم اللي يبونه يعاملهم مثل مايعامل عياله مسكيين سو خير وقطه بحر الله يسامحهم انا ماقمت اطلع لهم بس عيالي يبون يطلعون بالحوش بعد مايصير احكرهم بيملون يهال وانا ماعندي حوش شاسوي بنات ماشكيت لريلي ماابي اسوي مشاكل لاني انا وعيالي الخسرانين ​

 

[@ام ضاري@]

هذا الطيب في ها الزمن محد يبيه
جهال ياربي مالهم شغل انتي ﻻتكبرين الموضوع ابد
طنشي وﻻ جن شي صاير قولي جهال واتهاوش وكل البيوت جذي ترا....

 

[Om wldy]

الله يكون بعونج

 

[M!SS.LOBY]

حسبنا الله ونعم الوكيل
لا حول ولا قوة الا بالله

 

[ماتغير شي]

الله يعينج حبيبتي


انزين انتي طلعي عيالج خلهم يستانسون بدال ماتنطرينهم يحنون عليهم ويطلعونهم

 

[Um Tuki]

قولي حسبي الله ونعم الوكيل وبس
مرده زوجج بجوف و بحس
و اذا حسيتي انج متضايقة وايد كلمي زوجج فضفي له بس قوليله لا تتكلم و لا تسوي شي عشان لا يقولون انج شوشتيه
بس بنفس الوقت حطيه بالصورة

احقد على اللي يدخلون اليهالل بمواضيعهم
حرام هذيلا يهال شعرفهم بسواد قلوب لكبار
لا حول و لا قوة الا بالله

الله يعينج

 

[غـرامـي أنـت]

الله يعينج

 

[Tulips]

الله يعينج

 

[ناتشوو]

اتوقع
والله اعلم
ان مضايقتج شغلات ثانية في تعاملهم معاج
وانت قاعدة تقنعين نفسج انهم ماهموج
بس عيالج
مضيقين خلقج
او انج حساسة
حيل

حبوبة بيت الحمولة يبيله صبر وتغافل وتطنيش
وطبيعي مرة تحسين علاقتج فيهم حلوة
ومرة تسوء العلاقة

الامثلة اللي ذكرتيها
حماتج تدعي ع ولدج
يمكن شافت طقة او كفخة او دزة قوية من ولدج ع الولد الثاني
انت ام مرات تطقيناو تدعين بعد ع واحد من عيالج
لي شفتيه طق او بالغ بالقسوة ع اخوه
ومافي ام تقول عيالي شياطين
كله تشوفهم هادين وملائكة ومايغلطون ع احد
وحماج لما اخذ عيال خواته
يمكن الطلعه تناسب اعمار معينة
يمكن مطلعهم
علشان خاطر خواته
ومايحب كثرة الجهال معاه ( ومنو يحب كثرتهم؟)

الزبدة
طااف
شوفي اعلانات الوسيط
العاب كبيرة
وخيام للاطفال
اشتري لعيالج
دلعيهم بالالعاب
نزليهم
باوقات محددة مع الخادمة بالحوش
وحرصيها مايخربون شي
تحت

وانشغلي مع زوجج
وقولي الحمدلله
اني مستقرة معاه
وتخيلي لو انت مطلقة لاسمح الله
لي بغو اهلج يطلعون عيالج
احترو حريم اخوانج منهم

وحتى لو فعلا نيتهم يغثونج
انت بيني ولاهموج
اصلا
ولا زعلتي
ومردها الايام بتصلح مابينكم
عادي
جذي العلاقات النسائية دايما جزرومد
ولا بتقنعيني
ان علاقتهم
ببنات عمهم
دايما سلام وصفاء؟

 

[om MaRyooM]

كل شي طاف ماعدا ان زوجج يودي حريم اخوانه مواعيدهم !! شكوووووو


قوليله هالشي مايصير ..


وبالنسبة لليهال عادي طنشي مو شرط يسوولهم كل شي نفس عيالهم
انتي وابوهم موجودين وهالشي كافي



واذا بتحطين ببالج سووا وما سووا وقالو وليش ماقالو ..صدقيني انتي الوحييده اللي بتخسرين وبتتعبين ع الفاظي !



طنش
تعش
تنتـعش

 

[مــســك]

الله يكوون بعونج ..

 

[قَلبڪْ صًخرْ]

شكو ريلج يودي حريم اخوانه ؟؟
خير ان شالله مو محرم لهم

والباجي سهالات وطاااف
وايد مشاكل الحموله
وقلتي المحبه من الله
مو غصب

 

[manoooram]

الله يعينج حبيبتي​

وما عليه سوالف اليهال ما تخلص وانتي الحمدالله عاقلة ورزينه ​

تجاهلي وطنشي والله يخليكم انتي وزوجج لعيالكم ولا يفرقكم​

وهذا الأهم​

​

يجوز ان يضايقج اهمالهم لليهال لأن أهلهم لكن براحتهم ​

ويجوز عندهم أسبابهم الخاصه والله العالم​

مو مشكلة اذا ودوهم ولا ما ودوهم خلي الوضع طبيعي ​

لأن انتي وابوهم ما راح تقصرون معاهم أكيد ​

فاذا كان هناك خلاف بينج وبينهم ​

ونيتهم سيئة وبظنهم يعاقبونج بعيالج​

المفروض يرتقون بتفكيرهم ويكبرون عقلهم وما يخلون اليهال بينكم ويستقوون بهالشي​

لأن اليهال عيال ولدهم شايلين اسمه مو اسمج​

فالعيبة عليهم اذا هذي نظرتهم للأمور​

واختي اسمحيلي اقتبست كلامج
وريلي المسكين مومقصر اذا حريمهم عندهم مواعيد ورياييلهم مشغولين يوديهم ​

ليش ريلج المسكين !!! ​

زوجج شعليه من حريم اخوانه مو متكفل فيهم !!​

واخوانه شلون يرضون بان يودي حريمهم لمواعيدهم ؟!!!!​

 

[عز الخويه]

هي كلمه وحده ردديها حسبي الله وكفا سمع الله لمن دعا ليس وراء الله مرمى والله يكون بعونج

 

[اميره^_^بحلآها]

الله يعينج

 

[امـ خــزامـى]

مع اختي ناتشو

 

[!! دلوعته !!]

اللله يعنييييج هاذا بيت الحموله لازم نتحمل الغثاااااااااااااااا

 

[Tom ♥ Jerry]

,

واي شهالناس !
محد قالكم عيل تطلعون بره العايله و تاخذون حق ولدكم
دآم انتو عقلكم جذي ليش تغربلون بنت الناس

الله يعينج حبيبتي .. خلي عيالج آكثر الوقت عندج
يبه خل يلعبون عندج
لا يختلطون فيهم و انتي خلي علاقتج وياهم رسميه
آهم شي عمج و خالتج .. خلج زينه وياهم !
و حطي بالج على بيتج و ريلج و عيالج و طنشي الباجي
حريم حمآنج و حمآنج و حمآتج .. خليهم يولون

 

[عسل حدي]

قُلْ هُوَاللَّهُ أَحَدٌ * اللَّهُ الصَّمَدُ * لَمْ يَلِدْ وَلَمْ يُولَدْ * وَلَمْ يَكُنْلَهُ كُفُواً أَحَدٌ }


قُلْ أَعُوذُ بِرَبِّ الْفَلَقِ * مِنْ شَرِّ مَاخَلَقَ * وَمِنْ شَرِّ غَاسِقٍ إِذَا وَقَبَ * وَمِنْشَرِّ النَّفَّاثَاتِ فِيالْعُقَدِ * وَمِنْ شَرِّ حَاسِدٍ إِذَا حَسَدَ }


قُلْ أَعُوذُ بِرَبِّالنَّاسِ * مَلِكِ النَّاسِ * إِلَهِ النَّاسِ * مِنْ شَرِّ الْوَسْوَاسِالْخَنَّاسِ * الَّذِي يُوَسْوِسُ فِي صُدُورِ النَّاسِ * مِنْ الْجِنَّةِوَالنَّاسِ }

 

[متيمه فيه]

والله يا اختي بكره كل هالسواف تصير ذكرى كبري مخج ولجل عين تكرم مدينه
عشان خاطر عيالج دزي هالحياة كثر ماتقدرين وان شاءالله تفرج
والله يفرج عليج بالدنيا والاخره ويسهلها على كل متضايق يااارب