حيل تعبت

[Hyaam]

السلام عليكم انا ماكتبت هالموضوع الا وانا ابي أحد اشكيله حتى لو مالقيت عندكم الحل انا مشكلتي ويا امي حيل حيل ظالمة والله العظيم بتستغربون وتقولون عيب امج بس الكل يقول وتعب من ظلمها انا عمري 23 واختي اصغر مني عمرها 18 واخوي 16 وخواتي ثنتين كبار متزوجين امي حيل متعبتنا تبي اهيا تسيطر على كلشي لدرجه كل يوم تهاوش ويانا واطقنا وانا واختي نروح نكلم خواتي المتزوجين عنها هم اهما تعبو والله اطقنا وتنفس علينا بدون سبب امي تشيش فاحنا نقول يمكن الشيشه ماكله عقلها وفتره وبيحن قلبها والله من كان عمري 17 واهيا معذبتنااا تعيش جنه مراهقه وتبي نمدح جمالها وحتى تغار منا والله العظيم جد حيل تغار حتى لما يبت عدسات طبيه لان زهقت من نظاره يومين وراحت شرت عدسات حقها والله بكل صلاتي ادعي الله يهديها بس كل يوم تزيد قسا عن قبل واختي الصغيره صار فيها القرحه بسبة امي تعبت نفسيتها وكانت امي كل يوم توديني جامعه وتذلني وجم مره طقتني بسياره اذا ماكانت رايحه مشيشه تخيلو وغير جم مره نزلتني بطريج ومشت عني وانا ابوي متوفي الله يرحمه من زمان ووموقادرين ناخذ حقنا منها حتى كروت البنك كلهم عندها ولا نقدر ناخذ دينار واحد وان كلمناها تطردنا من البيت احنا عايشين بشقه ايجار وجم مره شالت أغراضها ويعني بتطلع من البيت وتروح ادز الحارس يقول ماما يطردكم واحنا شرفها وعرضها ومقطوعين عن اهلنا بسبتها كل مانبث نرجعلهك تقول ايب الدوريه واخذكم غصب منهم ليما اهلنا خافو حتا يكلمونا بسبتها، حتى توه ماصارلي 3 ايام شريت سياره يمعت من اعانتي واختي عطتني ويبت سياره واهيا منغثه حيل لو اروح جامعة وارد البيت القاها واقفه عند الباب اتف بويهي وتحذفني باي شي قريب منها وانا مو مسويه شي كله خواتي يقولولها تعبيتهم شتبين فيهم اطلعلهم اي حجه مثلا تقول اهما قليلات ادب يعلون صوتهم والله العظيم اللي تقوله كله مو صحيح مادري شنسوي انا واختي ابس الحل تكفون بذات انا بالجامعه ومتفوقه وكل يومين تقول بوقف قيدج واطلعج من الجامعه لانج قام تصيعين أكيد في ام تقول لبنتها هالكلام ؟ واهيا تطلع تشيش صبح وليل وماتقعد ويانا وابوي من توفى راحت تزوجت وهم تطلقت وتقول بعيش حياتي قلنا تعيشين بس مو تظلمينا معاج وحتى صارلها اكثر من شهر مخليتنا خدم عندها باببيت نسويلها شيشيتها وموقام تشيش برا وفيج خير تقولييلها مالي خلق اسوي ولا تعبانه حتى ماقدر اروح مشواري لو مستوصف وارد لانها بالبيت ومن ارجع اطقني لانها ماقامت توديني وصار عندي سياره وموقام تذلني علا روحه ورده مثل اول لانها حيل تحب تسيطر والله العظيم وتستانس لما تشوفني ابجي اقولها الله يخليج عندي امتحان وديني تقولي روحي بتكسي شسويلج و بس تبينا نجابلها ولما نجابلها وآلله لسانها وصخ تقولنا الفاظ ماتنقال لبناتها وكله تخزنا من فوق لي تحت وتقولنا انتى حشره انتى واختج انزين ليش شسوينا تقول كيفي والله تعبت ساعدوني موقادره اخلي احد ياخذ حقي انا واختي منها

 

[بسم الحب]

الله يهديه امج ليش تسوي جي اكيد في شي والله عورتي قلبي عليج في قيام ليل وقراءة سوره البقره ودعي لها أن الله يهديه وانتبهي على دراستج عدل ولا تتكرينها مهم يصير لم تحسين انها راح تبتدي تغلط عليج ولا شي قعدي ستغفري ربج وجوفي شلون الله راح يفرجها لج وانتبهي على نفسج وعلى اختج والله يهدي امج ويبعد عنها كل حرام

 

[ععويش]

حبيبتي انتي كسرتي خاطري ووالله بس مهما يصير بتبقى امج , ادعيلها بصلاتج ان الله يهديها :eh_s(17):

 

[ام هيا العلي]

الله يهديها يارب.. والله حرام ينقال لها هذه ام..ماتخاف الله فيكم ياويلها من رب العباد..

اهي مسؤوله عنكم واللي تسويه فيكم في رقبتها..معليه ياحبيبتي ..تصبري واطلبي الله يلهمج الصبر

والفرج..والله يرزقكم من ويوقف واياج انتي واختج ويفك هالظلم والقهر من حياتكم.. والله قلبي معاكم..

 

[ظبية بوظبي]

بقول لش شي هذي امش مستحيل تتغير
الا بمعجزه من الله
فمن الافضل تشيلين من بالش فكره ان تحننين قلبها عليش عشان ترحين حالش وتاخذين الامور من قصرها
لان امش وبكل اسف مريضه وهذا دور الدكاتره يعالجونها مب انتي

الحل انش تبين لها الشي الي يعجبها الا وهوا الانكسار والمسكنه لين ما تتخرجين وتشتغلين ... وتالي قولي لها سلملم طلعي وعيشي في بيت انتي و اختش

 

[Hyaam]

يعيطكم العافيه بنات ريحتوني بكلامكم حتى لو ماعطيتوني الحل وتوه راده ويا اختي من مستشفى زادت عليها القرحه والنفسيه عندها لعبت دور حيل فصايره تتعب أكثر من اول وامي ولا تحركت واهتمت تقولها إنشاءالله يزيد بعد

 

[ظبية بوظبي]

الله يكون في عونكم
اختش لازم تفهم ان لاازم تغير من طريقه اخذها للامور عشان تقدر تتحمل الحياه
قوليلها تعتبر امكم ان هذي مب ام وانها حاله مريضه وانتوا ابتليتوا بها عاملوها انها مريضه نفسيا لا تاخذون تصرفاتها بشكل شخصي لان لو كانت امكم صاحيه ما سوت الي سوته

وختش خليها تشغل نفسها بشي مفيد بالدراسه بالقراءه بالنت عن نفسي ما القى وقت لتفكير كله عالنت
تنشغل بصديقاتها وانتي صبريها وقليلها انش قربتي تتخرجين و وعديها انش بتطلعينها معاش تسكنون بروحكم
وخلوها على الله
الا ما تفكرون تسكنون عند احد من اهلكم ؟
ترى تقدرون وبالعكس المفروض امكم الي تخاف على نفسها من محاسبه القانون مب انتوا
لقتكم صغار وقالت بلعب عليهم ولا بيعرفون حقوقهم

 

[كنوشة 2009]

لله يعينكم على امكم ووضعها مو طبيعي
اهي تحتاج علاج نفسي
واشلون كانت تعاملكم على حياة ابوكم ؟
وجيكي على الخاص

 

[Ro7_alwfa]

الله يصصبركم ويجزيكم خير ... يعني حالتج صج صعبه
وخصوصا جرح الام واذا محد من اهلكم قدر لها واذا دورين حل شوفي كلمي
استشاره اجتماعيه ممكن تفيدكم بوضع ... وانتو قووا نفسكم مع بعض الحين
كم سنه امكم ف هالحاله وما تغيرت ف لا تعبون نفسيتكم حاولوا اموركم تحلونها
بمساعده خواتج والله يكون في عونكم

 

[ماكواسم2]

ركزي بدراستج وتفوقي هذا أهم شئ وبعدين راح ينفتح لج كل شئ وامج تبي من يعالجها ... بس انتي لا اتحطينها في بالج وتوقعي منها دايما اسوء الاحتمالات ..وديري بالج على اختج

 

[Tom ♥ Jerry]

.


مشكلتج يبيلها تدخل قوي من الآهل .. يخافون من الشرطه و عادي عندهم بناتهم ينذلون جذي
حتى لو من آمهم .. آمج الصراحه مو كفو تصير آم .. و يبيلها علاج نفسي يمكن
آتوقع فيها خلل نفسي . يبيلها علاج ضروري قبل لا اتيننكم معاها!!!

لازم عمج الي يكون قوي الشخصيه يوقف بويهها و يوقفها عند حدها
حتى لو اضطر آنه يسوي أي شي عشان يوقفها عند حدها أو أي خال لج يعرف يتصرف معاها..
الاهل عزوة لازم يوقفون وياكم بهالحاله!

 

[نجمه السيد]

هذه آلات تكلمي عنها تراها امش جنتش ونارش لاعذب الله أمي انها شربت حب الوصي وغذتنيه في اللبن