حيــــــــــــاااااكــــــم

[خوية الذيب]

السلام عليكم ورحمة الله وبركاته :

لو زوجج يمشي لج معاش مية دينار شهريا :lkmnkl:شلون تصرفينها وتكفيج والا لا ..؟
وماتبين تتوظفين والسبب اعيالج شلون تخلينهم بروحهم :denya: شنو ردت فعلج بهالحاله ؟

يعني شلون تقسمين هالميـة دينار .؟ :eh_s(6):​

 

[أحـلام * ورديـة]

رد : حيــــــــــــاااااكــــــم

اشتري فيها بدله بحدود 40

وانتي بكرامه جووتي بحدود 10 او 15

شيلات ملابس حق البيت

وبس

 

[كويتيه مذهله 87]

معني انا موظفه الحين بس قبل لا اشتغل كان يعطيني كل شهر بس مو 100 شنو معاش خدامه خصوصا انا طلبااتي وايد وكنت بالكليه

 

[FeShinGoOo]

رد : حيــــــــــــاااااكــــــم

ماتطفي شي الصراحه انا يمشيلي اكثر من جذي بوايد وهم ما ألحق واصرف من معاشي ساعات ..!!
قوليله 100 ماتكفي ..!! عالاقل 250 ..!!

 

[Mini-wife]

حاليا مو موظفه ناطره العله الديوان
بس يمشيلي كل شهر 100 مصروفي الخاص وحق هدايا المواجيب
واكيد اهوا ماراح يقصر اذا كنت معتازه شي وخلصت ال 100

مع العلم انه معاشه ما وصل ال800
700 وشي
والاقصاد ومعاش الخدامه وحارس الشاليه
غير مصاريف البيت والجمعيه واليهال

صج الدنيا غلت وال100 جنها 5 دنانير
بس تمشي الحال للضروره
بس اكيد في شغلات وااايد بخاطر الوحده وهم فشله كل شوي تحرجين زوجج بطلبات موضروريه بس انتي خاطرج فيها
واهوا اكيد مارح يقصر بس وقتها ماعنده
فا عشان جذيه الافضل ان تكود الوحده موظفه وماتخلي بخاطرها شي

 

[fdeet_shosho]

حبيبتى مشي امورج على هالميه طبعن مو كل شهر لبس استغلى فترة الخصومات والتنزيلات واشتريلج هدوم وبجامات وشغلات تكفيج لفتره جداام عشان تخلصين من هم الملابس
ماتوقع عندج التزامات او ديون
50 دينار شيليها اودشي فيها جمعيه من ست بنات يجيج مبلغ حلو
50 خليها للتلفون والكماليات
ولا تجيبين بمصروفج شي للبيت خليه لج لانه المبلغ صغير فلاتصيرين كريمه وتغطين اللى ناقص بالبيت واتمنى يزيد يارب
انتى ادرى بضروف زوجج وحالتكم اذا فى مجال يزيد المصرف خل يزيده بس اذا الرجال مضغوط لا خلج على الميه وادعى ربي يفرجها عليكم يارب
بس ترا بالاخير يعتمد على الوحدة شلون طريقة صرفها
وفى مثل يقول مد رجولك على قد لحافك قضي امورج على قد ميزانيتج

 

[خوية الذيب]

كل واحد وظروفه انا زوجي يمشي لي ميه لان عليه البيت واجار الشقه والخدامه واقساط سياره
ومصروف اعياله بس حلوه فكرة الجمعيه وانشالله القا جمعيه على قدي ..

 

[orchid flower]

رد : حيــــــــــــاااااكــــــم

الصراحة الجمعية وايد تفيد ، حتى لو تسوينها مع خواتج أو بنات خالتج وقتها بتسوين مبلغ تقدرين تتصرفين فيه على الاشياء الي ناقصتج

 

[الغاليه نونو]

الاميه ياقلبي لوبتصيرين مره حريصه عالفلس تقدرين تخلينها تصير 1000 واكثر

شوقي حبوبه احنا بديرتنا الحمدلله الفقير عايش علي قده ويقدر يمشي اموره باللي يحبه والمره العاجله تراعي ظروف ريلها بهالامور يعني
ال100

لوتطلعين منها دينار تتصدقين فيه الله راح يبارك لج في باجي البيزات قال الرسول صلي الله عليه وسلم مانقص مال من صدقه
ثاني شي مو كل شهر تشترين خلاجين وهدوم ون احتجنتي تشترين في محلات يبيعون شغلات حلوه واشزينها ورخيصه واسعارها بالخمس دنانير ون كثرت صارت اب10 هذى الشغلات حتي الشيلات والجواتي اكرمج الله والجنطه ماظن كل شهر بتاخذين اذا بتفكرين اتيمعين جم فلس من ال100 فكري بالرخيص والكويس علي قولتهم خل نقول مثلا اب 30 شريتي قميص ناعم وشيله وجوتي وجنطه وفوقهم عطر صارت قراش التقليد الحين بدينار ونص وطبي وتخيري هذا من ناحيه الهدوم وقلنا موكل شهر
يبقا لج 70 حطيلج مثلا 10 حق كرت التعبئه والعشره الثانيه اذا قاصرج كريم والا مكياج والا اي شي بخاطرج
وصار باجي عندج 50 لي صار موجب والا بتهادين احد ترا ماكلف الله نفسا الا وسعها اذا انتي متعنيه وبتروحين حق المره سواء كانت والده والا معرسه موشرط تشترين شي غالي في شغلات سعرها مايتعدا ال20 وزاد من بيزاتج 30 هالمبلغ حطي بكلبنكس ولفيه وخشيه بظرف ولزقيه وحطيه بقوطي وصكيه وحذفيه فوق الكبت بمكان ماتطولينه وانسسسسسسيه موليه
لي ياج الشهر اللي عقبه بيصير عندج 130

عاد شريتي خلاجين هذاك الشهر الحين ماتبين شي زيدي ال30 ب40 فوقهم وقطيهم بعد فوق الكبت وال60 اللي عندج اصرفيهم بسنع وركاده وانا متأكده بيزيد معاج اخر الشهر حروة ال20



كل شي بالتدبير والراس اللي يفكر صح بيلاقي نتايج صحححححح

هالفكره علمتها 3 قبلج والحين والله العظييييييييييييييم والله العظييييييييييييم يدشون معارض وحالتهم تبدلت صاروا بكل معرض يسوونه يعطوني هديه بلاش

انتي الرابعه ان تسنعت حالتج ودشيتي معارض ياويلج ان ماعطيتيني هديه ههههههههههههههههههههههه

 

[الأميرة جوري]

رد : حيــــــــــــاااااكــــــم

قسميها علي حسب احتياجاتج الشهريه .... والوحده تراعي ظروف زوجها مو تضغطه وكل وحده ادري بحالتهم

 

[غمزه وإبتسامه]

اااااااااااااااب

 

[خوية الذيب]

الغاليه نونو
ابشري باللي تبينه بس خل اصير راعية معارض هههههههه



شكرا خواتي