حيروني والله الرباعي والثنائي شسوي

[زشتة]

مساء الخير كروشات
عندي لكم خبر يضحك ويحير بنفس الوقت وصج احتاج لخبيرات بالموضوع

انا رحت سويت سونار كذا مرة بالمواعيد وقالولي بنت ولله الحمد


اليوم رحت سويت سونار رباعي ملون
وكانت تبدل بين الابيض والاسود الى الملون


الابيض والاسود طلع بنت

والملون...






طلع























ولد ?






تبدلها لي التو دي بنت
ترده رباعي ولد


جان تقول يمكن هذا الحبل السري اللي بالرباعي
لان الثنائي يقول بنت ومو مطلع الحبل السري

فأبي رايكم وخبراتكم بنوتات



شكله هالبيبي بتيننا


ومشكورين

 

[سنيار البحر]

عادي السونار مو مضبوط

انا قالوا ولد بعدين بنت والله يستر بعد باجر شيقولون
بنت خالتي قالوا لها فيج بنت بنت بنت لين الولاده الا ولد
مع انهم بالمواساة واجهزه متطورة مو اي كلام

امي ٣ ولادات يقولون لها بنت ويطلع بالاخر ولد

انا ايست صراحه مابي اعرف
اللي يجي من الله حياه الله
واذا ع التجهيز والاستقبال بسوي كله الوان محايده وعبارات تناسب البنت والولد

 

[Aloe Vera]

ويييييييي

مو خوش خبر

انا جهزت و خلصت
عسى مايطلع السونار غلط

 

[زشتة]

والله ياوخيتي حيرونا صج انا نفسيتي تعبت من هالموضوع وبالذات اول مولود

الحين الكل يقول الرباعي اضمن

وما بين اخر شي وتقول يمكن الحبل السري


وفوق هذا مغطيه ويهها ههههههه

فديتها


صارت عندي حاله نفسية وعقدوني هالسونارات

وخلاص نفس ماقلتي لون محايد
واذا طلع ولد ياويله لان شريت ملابس بنوته

بنطر لي الولادة والله يسهل

عادة الاقي زوجي متحمس وفي كل مرة
واليوم اهو قال خنسوي رباعي
اليوم عادي قالتله بنت عادي قالت بعدها جنه ولد عادي كان بارد
جنه مأيس من السونار ان مو مضبوط ههههههه

بس مستانس ان شاف البيبي حلاتها

 

[مرت الغلا]

موخوش خبر ههههه
انا كل مره ايكدولي ولد عاد بنطر السونار الرباعي واشوف
انتي باي اسبوع سويتيه!؟
ووين سويتيه!؟

 

[Mrs.H]

حالتج غريبة العادة يبين بس نطري السونار الياي وشوفي

بالنسبة للاستقبال مثل ماقالوا البنات الوان محايدة اوف وايت.. بيج.. ابيض.. ودخلي عليهم سيلفر او ذهبي.. واذا ناوية تكتبين شغلة او شي كتبي baby al-family

يعني كلمة بيبي واسم العايلة او new baby

والملابس اشتري ابيض بيج اخضر اصفر بنفسجي برتقالي.. نوعي بالالوان المحايدة

 

[Ranoon]

سوي سونار عادي وروحي دكتور شاطر إذا ولد يبين أكثر
وإذا بنت على حسب شطارة دكتور

 

[زشتة]

انا الحين بآخر السادس الاسبوع ٢٥

وبعد اسبوع ادش السابع

وخلاص سويت سونارات وايد ووالله نفسيتي تعبت من هالموضوع

ننطر لي الولادة ونشوف شنو يكون


وان شاء الله يكون من الذرية الصالحة


وانا حبيت استفسر منكم بنوتات من خبرتكم

حرام دفعنا وايد

 

[حبيبي مالكني]

والله حالتج غريبة الله يعينج
توكلي على الله وسوي لون محايد
والله يعطيج الي بخاطرج

 

[Maraya85]

حبيبتي روحي اشرف بالسلام ماشاء الله عليه مو بس يعتمد على رؤية عضو الجنين لا عنده قياسات لطول الساق وشغلات ثانيه .

 

[انسام الكويت]

كثرة السونار مو زينه دام انتي جهزتي وخلصتي عيل خلاص نطري لي الولاده وبتعرفبن

 

[رياح-الورد]

حبيبتي أنا بحملي الأول لي السادس و يقولون مؤ امبين مع أن بطني كانت مدوووره عدل و واضح انه ولد ،،
سويت سوار بمستشفى الأمومة و قالي ولد ،، ما شاء الله وايد شاطر ين و صح طلع ولد

 

[زشتة]

اول شي يعطيكم العافية بنوتات على الردود

وان شاء الله بنطر موعدي الياي ورى العيد عسى يستقر الجنين على راي
والله ما عدت اصدق لا الاحلام ولا السونارات برد على ايام قبل هههههههههه
وشكلي بولد بالبيت بعد لووووووول

ولد بنت ولد بنت بنت بنت بنت - بنت ولد ولدبنت ��
الله يسامحهم لعبو باعصابي ��

 

[مزآجيه!]

صج موضوعج غريب

بس وين مسويّه سونارج !!

معروف الرباعي يبيّن اكثر وتشوفين العضو بوضوووووووح

بس شلون جذي يطلع لج كل شوي جنس!!

 

[زشتة]

سويته بمستشفى دار الشفاء
انا قاعدة اكمل تجهيز اغراض البنوته واللي فيه خير اهو المكتوب
اهم شي يوصل بالسلامة بس لا اتوهق بتجهيزي حرام قاطة وايد