حيرني وخيرني وراسي عورني بروحة لندن

[فازلين اخضر]

السلام عليكم
انا محتارة وابي احد يساعدني بافكارة احس مخي وقف عن العمل
شوفو معي المشكلة
ريلي بيروح كورس في لندن شهر 7 انزين
قلت بروح معك وانا ولدي والبنات صغاار مايعرفون شنو لندن بخليهم عند امي

للعلم الخادمة تبي تسافر حق اهلها وهي حتى ماكملت سنة

قال شلون اسفر خادمة واجيب غيرها واسفركم معي وتذاكر اسعارها وايد غالية
الميزانية ماتسمح
اختاري بعدين قال شوفي ترى المنطقة الي بروح لها قرية من احد قرى مانشستر
ومافيها الا هالكلية الي باخذ فيها الكورس
وجمعية صغيرة وكم بيت واغلبهم حريم كبار مع شيبانهم وعيالهم وبناتهم يدرسون برى في العاصمة لندن
فاقولج لاحد يزعجني نبي نطلع ولاشي اذ صار ويكند اطلعكم واردكم قبل اليل وعقب انا اطلع خخخخخخ :eh_s(4)::eh_s(1):
تبين اشجار طبيعة تبين انهار بتحصلين غيرة مافية
قلت نروح مانشستر بالقطار قال لالا القطار مايصلح يخوفون الي داخلة
انا بروحي اوكي انتو لا:eh_s(11):
مدري حسيت انة يبي يصرفني باي طريقة
شرايكم
اذ رحت معة اخاف الخدامة تحط الحرة في بناتي انها ماراحت حق اهلها
واذ رحت معه اخاف اندم واتحسف اني رحت لانه كرهني بروحة بيخلنا مقابلين الطوفة
مدري احترت لان اذ تبون الصج انا مابي خدامتي مب ذاك الزود واشوى جت منها
وهو منهبل يقول لا
تسافر خليها عيالج وايد مرتاحين معها
عيالي ها عبالك غشيمة ماافهم بس انا امشي معة بشوف وش تاليتها
الزبدة انتو شرايكم
اروح حق اهلي واخلية يروح لانة لووع جبدي بروحت لندن مع انه نفسي اروح لها
يقول بعوضج في رحلة الى مكة :eh_s(2):
واخلي ها العلة تسافر وتفكني واجيب غيرها قبل رمضان
اقولكم طرى في بالي خطة :rerrerek:استغفر الله ياربي شسوي ابي استانس
بقوله خلاص الخدامة بجلسها مع بناتي عند امي
وانا بروج معك واخاف اروح واتحسف وااكرة عمري لان جدولة مووووو شي ابد
وبعد رمضان اسفرها بقولة والله هي تبجي ليل نهار تحن تبي تسافر
واكون كسابانه من الجهتين شرااايكم

 

[Beauty is Me]

مادري حبيبتي بس اذا رايح دراسه لاتتوقعين بتروحين سياحه يعني هناك مراح تقدرين تحاسبينه لانه يومه جامعه ودراسه واهوه قالج ضروفه ما عندي حل بس الله ييسر أموره ويوفقكم اجمعين

 

[iLLuMinaTion]

لندن ما تتطوف

 

[ظل الياسميـن]

لندن كلها على بعضهاااااا
جناااااااان وما تطوف خيييير شر

 

[ذابحتهم]

روحي احسن

 

[ضي]

شكثر المده؟؟

لانه اذا مده طويله لا خلج عند بناتج

بس اذا فتره قصيره روحي معاه واذا مليتي تتحملين لانها فتره قصره

 

[alzeen- almuteri]

:23_asmilies-com:​

امبي فريتي مخي معااج

انا اقوول استخيري احسن

 

[anooud]

صراااحه لندن ماتطوف بس اهو رايح دارسه يعني راح تملين وعيالج شلون تامنين عليهم عند الخدامه لاتروحين اقعدي وقوليله يعوضج بسفره​

 

[المرتهش]

انتي اخبر منا بزوجج واعرف
زوجج رايح دراسه
وهالشي انتي متاكده منه
بتخلين عيالج عند امج وخدامتج مو راضيه ؟
ان طعتي شوري لندن ماراح تطير
انتي قولي له بخليك هالسنه بس اوعدني السنه الجايه على خير توديني دوله انا ابيها
لندن حلوه بس تبين الصج مالج حاجه فيها اغلب اللي يروحون لها علاج الله يكفينا الشر
انتي ام زوجه
والام والزوجه لازم تضحي
خلني اقولج شنو بيصير ان سافرتي
1- هو معلمج مافيه طلعات
2 - رجال يدرس ونفسيته ماراح تكون اوكي خاصه بوجود جهال
3 - تشتاقين لاهلج وعيالج ان خليتيهم
4 - فلوسج طارت والخدامه بتحط حرتها بعيالج ورمضان جا ان شاءالله نلحقه فتضطرين تقضينه بدون خدامه


وان مارحتي شوفي خياراتج
1 - كبرتي بعينه هو وهالشي ابدا شي عليج
2 - سفري هالخدامه واصبري هالشهر وجيبي غيرها وجربيها قبل رمضان
3 - فكيتي اهلج من تعب عيالج ومحاتاهم
4 - اخذتي منه وعد انه يوديج سياحه مو رحله دراسيه واختاري انتي الدوله

وارد اقول انتي اخبر واعرف منا بزوجج وشنو يبي

 

[Om_Ksha]

اي حتى انا ماستوعبت ,,

بس فكري فيها الخدامه لو خذيتيها مغصوبه عادي تسويلكم مشاكل هناك وتاذيكم

 

[*غنج*]

ما ادري اذا المدة طويلة ما ينفع تقعدين بروحج بطق جبدج وبالنسبه للخدامه دام قالت بسافر وحرمتيها ما تدرين شنو يمكن تسوي احسن شي استخيري والخيره فيما اختاره الله،،،

 

[خشف العذارى]

صدقيني استخيري وهو قال بيعوضج

 

[bal8es]

بناتج يقعدون عند امج وخدامتج قولي لها انشالله بس ارد من السفر انتي تسافرين وعطيها مغريات زيدي معاشها 5 دنانير ترا تفرق عندها واايد وقولي لها انا ابيج انتي بس عشان البنات يحبونج وبس ارد من السفر وعد اسفرج واشتري لها جم شي يديد راح طير وريلج رييييييييييييلج على ريله سفره برووووووووووووحه مــــــــــــــــــاكــــــــــــــــــولا يقولج دراسه انشالله بيروح يطق الطوفه ويرد يقولج تجابلين الاربع طوف مو مشكله في نت تتسلين عليه ادشين كل يوم تقولين لنا يومياتج ما نخليج برحج خواتج كويتيات و بعدين اذا ريلج شاف الوضع وانكم بروحكم بدون البنات بروحه بتغير و يونسج بالسفر لا تحاتين
سوري طولت عليج

 

[PuPa^^SWeeT]

انتي اخبر منا بزوجج واعرف
زوجج رايح دراسه
وهالشي انتي متاكده منه
بتخلين عيالج عند امج وخدامتج مو راضيه ؟
ان طعتي شوري لندن ماراح تطير
انتي قولي له بخليك هالسنه بس اوعدني السنه الجايه على خير توديني دوله انا ابيها
لندن حلوه بس تبين الصج مالج حاجه فيها اغلب اللي يروحون لها علاج الله يكفينا الشر
انتي ام زوجه
والام والزوجه لازم تضحي
خلني اقولج شنو بيصير ان سافرتي
1- هو معلمج مافيه طلعات
2 - رجال يدرس ونفسيته ماراح تكون اوكي خاصه بوجود جهال
3 - تشتاقين لاهلج وعيالج ان خليتيهم
4 - فلوسج طارت والخدامه بتحط حرتها بعيالج ورمضان جا ان شاءالله نلحقه فتضطرين تقضينه بدون خدامه


وان مارحتي شوفي خياراتج
1 - كبرتي بعينه هو وهالشي ابدا شي عليج
2 - سفري هالخدامه واصبري هالشهر وجيبي غيرها وجربيها قبل رمضان
3 - فكيتي اهلج من تعب عيالج ومحاتاهم
4 - اخذتي منه وعد انه يوديج سياحه مو رحله دراسيه واختاري انتي الدوله

وارد اقول انتي اخبر واعرف منا بزوجج وشنو يبي

100 % صاجة

 

[جيكره(و)تتغلى25]

قوليله بروح واتفقت مع امي والخدامه وشوفي كلامه عن المكان يتغير ولا لا اذا صج قريه استريحي ههههههههه واذا لا طلع مكان حلووووو روحي وشغلي كيد النساء والله انا ماجربت هالسوالف بس انتي شجعتيني ههههههههه وبعد الرمضان سفريها

 

[داناتا]

شوفي انا موجوده بمنطقه قريبه من مانشتر ويا ريلي وايد حلوه وفيها عرب وكويتين هناك يدرسون فيها مو الا تطلعين مع ريلج بروحج تمشي لان فعلا الجامعه من الصبح لي المغرب انتي استغلي روحته الجامعه تمشي الصبح بس كافي الطبيعه والراحه النفسيه انصحج اقنعيه بروحتج معاه بس لا تطفرينه يمكن اهوا لما يروح يشوف الناس هناك والله احسن من لندن امان وناس مبتسمين راح ييبج بالعربي لاتحنين

 

[فازلين اخضر]

مشكوووورات حبيباتي بستخير ان شاء الله

 

[*peace*]

اولا استخيري

ثانيا لو اني منج اروح معاه

واخلي بناتي عند امي

وخدامتج كلميها قوليلها اعطيج زياده على معاشج على ماارد من السفر

وانتي كيفج

 

[جوري 2007]

اذا الخدامة مو زينه لا تخلينها سفريها اريح ولاتخلين بناتج عندها اخاف تطلع حقودة وتسوي شي والا تضرهم

انا لو مكانج مااروح

لانه اللي مايبيني ايي مالازم اروحله

 

[بحر الذكريات]

روحي معاه