حياكم لو تبون استفسار عن البنوك او فيفا

[اوركيده]

مشكورة يالغاليه على الرد وما قصرتي
عندي استفسار ثاني اذا ممكن....انا توني ماخذه الماستر بال risk management من انجلترا بس توني ماخذيت الشهاده, ان شالله بعد اسبوعين اسافر واييبها..... بس السؤال الحين اقدر اروح البنك الرئيسي للاهلي واقدم من غير شهادة؟ واكتفي بال cv بس؟
وما عليج امر حياتي ممكن توصيفيلي عنوانهم لاني ماادل المكتب الرئيسي مالهم

 

[Om_Ksha]

اوركيده .. البترول بنزلون اعلان شهر 10 .. و اذا عندج ماستر يااااااخذونج و انتى مغمممضه .. المدير قالي بس ماقدرت اخذ ماستر من التوفل و الجيمات توهقت فيهم .. انتى شنو تخصصج ؟ و قدمي بالبنك اذا حابه بس لما قريت انج ماخذه ماستر جان اتذكر البتروووول على طوول .. لانه المدير قالي يا تاخذين ماستر او cma او cfa و تنقبلين على طوول .. بس انا ناويه على ال cma و الللله كرييم .. موفقه

 

[-unreachable-]

رد : حياكم لو تبون استفسار عن البنوك او فيفا

التقدييم حق فييفا وين؟ وين مكانهم؟
وجم معاشهم حق البارت تايم؟
والفل تايم دبلوم؟
ويسلمووووووووووووووووو

 

[عاشقه القيصر]

اب لعيونكم

 

[-unreachable-]

رد : حياكم لو تبون استفسار عن البنوك او فيفا

up
up
up
up

 

[^^ROSE^^]

اوركيده .. البترول بنزلون اعلان شهر 10 .. و اذا عندج ماستر يااااااخذونج و انتى مغمممضه .. المدير قالي بس ماقدرت اخذ ماستر من التوفل و الجيمات توهقت فيهم .. انتى شنو تخصصج ؟ و قدمي بالبنك اذا حابه بس لما قريت انج ماخذه ماستر جان اتذكر البتروووول على طوول .. لانه المدير قالي يا تاخذين ماستر او cma او cfa و تنقبلين على طوول .. بس انا ناويه على ال cma و الللله كرييم .. موفقه

الحين اللي قالج تنقبلين على طول منو البترول ولا البنك؟ لان حتى انا كنت ابي اخذ cma اول ما اتخرج بس خفت ان ماتسوي شي
اذا جذي اسجل عقب التخرج على طول
ويفرق الراتب عليها؟
ترى عندنا بقست الدوره ودكاترتنا زينين اللي يدرسونها
هي ليفلين واذا توج متخرجه فالمعلومات للحين فريش

 

[Om_Ksha]

البترووول اللي قالي جذي .. و انا متخرجه من سنه و ناويه اخذها بقست في دوره شهر 10 .. بعد العيد بروح اسأل و يمكن اسجل انتى بتسجلين ؟
مايفرق الراتب عليها اللي اعرفه بس يسهل قبولج للوظيفه ,, انتى تخرجتي ؟ و شنو تخصصج ؟

 

[karaz90]

يعطييج العاااااافيه

انا حبيت اسال عن البنك الوطني

اذا كانو داقين على وحده عشان تيي تقدم اختبار انجلش ورياضيات عندهم ... هل معناته انهم اقبلوها ؟ واذا لا جم بالاميه انهم يقبلونها ؟

واختباراتهم صعبه ولا سهله ؟ و شلون نوعيتها ؟


سووووري ادري اسالتي وايد :$

 

[^^ROSE^^]

انا محاسبه وبعد ماتخرجت السنه اليايه ان شاء الله
بس يصير اسجلها شهر 10 بس مابي لان بيصير ضغط عندي مواد دسمه
خل اتخرج ويصير خير
ياحافظ ليش مايزيد الراتب عليها نقط فلوس ونتعلم وناخذ شهادات تالي ماتفيد!!

انا بشوف لاتخرجت ان شاء الله يا اسجلها بقست او ايرنيست اند يونغ لان هم يمدحونهم

 

[^^ROSE^^]

كرزه الاختبارات تكون قبل القبول عشان يفرزون منو اللي يصلح من اللي مايصلح
يعني يبون يعرفون مستواها تالي يقررون يقبلونها او لا

 

[اوركيده]

ام كشه .....عسى ربي يوفقج دنيا واخره يارب
تدرين عاد انا ميته وانقبل بالنفط وكنت ناويه اداوم بالبنك على ما انقبل بالبترول لاني حسيتها وايد صعبه اني انقبل هناك
وانا تخصصي اسمه Risk Management "ادارة مخاطر"
بس لازم اقدم اون لاين وانطر اعلان التوظيف للبترول؟ ولا في مكان اقدر اروحله ابنفسي واقدم فيه اوراقي؟
ماتدرين اشكثر فرحتيني عسى ربي ينولج اللي في بالج يارب ويفرحج مثل ما فرحتيني

 

[OM_8oTaDa]

رد : حياكم لو تبون استفسار عن البنوك او فيفا

السلام عليكم

اختي حبيتج اسالج .. انا عندي دبلوم بنوك معدلي 2.70 .. ودي اعرف اكثر عن البنك الاهلي المتحد وفيفاا

يقبلون الحين ؟ وشلون طريقه التقديم .. وكل شي ما عليج امر

وحبيت اعرف البنك الاهلي المتحد اهو اسلامي عدل ؟ نفس بيت التمويل قسم للبنات بروح ولا مع بعض

وسوري :dddds:

 

[راكبت الخيل]

رد : حياكم لو تبون استفسار عن البنوك او فيفا

اوركيده مشاءالله عليج اي قدمي عادي وكتبي بالسيفي انه عندج ماستر مكانهم بالكويت بالديره قبال بوظه وحلويات الكواكب يمنا البنك الدولي

 

[راكبت الخيل]

رد : حياكم لو تبون استفسار عن البنوك او فيفا

ام كشه انا اوافقج الراااي الصراحه

انريشابول ام زووز فيفا على البحر شارع الخليج قبال المركز العلمي برج الومبياا البارت تايم تقريبا 200 دك الفل تايم 550 طبعا من غير البدلات + دعم العماله

 

[راكبت الخيل]

رد : حياكم لو تبون استفسار عن البنوك او فيفا

عاشقه القيصر و انريشابل ام زووز مشكووووووورين ما قصرتوو على الرفعه


والله يقدرني اني اساعدكم وصدقوني لا تستحون ما ني مقصره وياكم

روس من صجج سجلي وانتي مغمضه كل مكان ياخذج بالسي بي ام أو الام بي آيه من غير تفكير ياخذونج

ام كشه يفرق الراتب عندج اذا بالخاص اما بالحكومه لا ما يفرق وايد بس المسمى والترقيه اسرع انصحكم اخذوها من غير تفكير لا تستخسرين شهاده على عمركم انا قاعده ادرس ام بي ايه بس ابروسيا

كرز لا عادي الاختبار بعدين المقابله الشخصيه بعدين قبول او رفض ااذا انتي كويتيه وتوج متخرجه يقبلونج سيده ان شاءالله الوطني ينتبهون على شكل البنت متحجبه ولا لأ متروه لا ضعيفه يعني اا كنتي اوكي على طوول هذي مشكلتهم ينقون البنات نقوه

 

[راكبت الخيل]

رد : حياكم لو تبون استفسار عن البنوك او فيفا

اوركيده موفقه ياااااااارب

ام قوتاده اهو اسلامي بس مختلط شنو تبين تعرفين عن البنك سألي واجاوبج بنكي اي يبون قدمي وربي يوفقج

 

[نـ(المطيري)ـازكـ]

راكبت الخيل .. حبيبتي مايبون نص دوام ..

انا ماعندي شي لا طالبة ولا موظفة يعني بس انطر اسمي ينزل بالديوان

وعندي شهادة سكرتارية 9 اشهر واعتمدة من العديلية ..

ينفع اقدم بالبنك او فيفا .. ؟؟

 

[karaz90]

مشكوووره



بس ماقلتيلي شنو اهي اختباراتهم ؟ انا اللي اعرفه انهم انجلش ورياضيات

بس شنو محتوى الاختبار وشنو اسالته مادري !!!

 

[Om_Ksha]

:

ام كشه .....عسى ربي يوفقج دنيا واخره يارب
تدرين عاد انا ميته وانقبل بالنفط وكنت ناويه اداوم بالبنك على ما انقبل بالبترول لاني حسيتها وايد صعبه اني انقبل هناك
وانا تخصصي اسمه Risk Management "ادارة مخاطر"
بس لازم اقدم اون لاين وانطر اعلان التوظيف للبترول؟ ولا في مكان اقدر اروحله ابنفسي واقدم فيه اوراقي؟
ماتدرين اشكثر فرحتيني عسى ربي ينولج اللي في بالج يارب ويفرحج مثل ما فرحتيني

لا ماله داعي اتروحين تقدييمهم بالنت و ان شاءالله على شهر 10 بيكون
و هذول ارقامهم


For admin. support please call :



24994281 – 24994780 – 24994176



only during working hours 8 am - 3 pm, from Sunday to Thursday .

You may reach us at http://twitter.com/kpc_recruitment

عندهم تويتر تقدرين تسألينهم لان اللي يرد عليج المدير نفسه .. و تابعيهم و الله كريم ..
و موفقه يااارب و الللللله يرزقنا بالوظايف السنعه :yaaaaaarb: و يصبرني على هالنطره بشي يفرحني :eh_s(11): و مشكوره على هالدعوات الحلوه

 

[ام عبدالعزيز2]

رد : حياكم لو تبون استفسار عن البنوك او فيفا






مرحبا



بسالج حبيبتي
انا سعودية ومقيمة بالكويت
عندي بكالوريس اداب انجليزي من السعودية
وتوني متخرجة وحابة اتوظف بشركة فيفا
جم الراتب الاساسي وهل يفرق راتب السعودية عن الكويتية
وسمعت فيفا ما احد يتوظف فيها من الكويتيين بس اغلبهم وافدين هنود لان رواتبهم مو شي
هل تصلح لوحدة منقبة