حياكم حق اللي موجودين حاليا بلندن واللي يحب ياخذ معلومات

[شيخة.]

أنا أحتاج معلومات عن لندن.
عن التسوق فيها بليـز عاجل أحتاج الأماكن حق السوق مع توصيف دقيق شوي..
تعروفوا الآوت ليت..؟أبغى بعد توصيفه هو الثاني
الله يعطيكم العافية.

 

[al_gardenia]

اهلين شيخه اوت ليت القريب يم لندن اسمه بستر فيلج يهبل تقدرين اتروحين له بالقطار

 

[al_gardenia]

مرحبا بنات .... انذكر اسم بورسمث وبورتسموث ... الظاهر صار في لخبطة المنطقتين وحدة اسمها بورنموث والثانية بورتسموث
portsmouth, bournemouth
انا درست في بورتمسوث 3 سنين .... منطقة حلوة وعالبحرواهي اصلا مدينة جامعية كلها طلاب من جميع انحاءء العالم ووايد يدرسون فيها من الدفاع ..المدينة صغيرة وتبعد عن لندن ساعتين اذا المحطات وايد وساعة نص اذا المحطات 5...... سوقها صغيرون بس حلو ... وعادة كنا نتسوق من المنطقة اللي فوقها واسمها ساوثهامبتون سوقها اكبر ومدينة حلوة .....
مدينة بورتسموث فيها سوق outlet حق هالمحلات غاب وماركس اند سبنسر ومونسون ونكست بالاضافة الى محلات كثيرة ... مدينة بورتسموث تبعد عن فرسنا ساعتين بالعبارة و24 ساعة عن اسبانيا..... بالصيف المدينة تصير مكان لقضاء الوقت على البحر ويصير فيها مهرجانات عالبحر والعاب حق اليهال ..يعني سوالف حلوة
اسواقها في 4 مناطق معروفة .... سيتي سنتر ... وساوث سي .. ومول الغن وورف ...النورث اند

معلومات بسيطة ان شاء الله تفيدكم

هلا انا لما كنت موجوده بلندن كنت كل جم شهر لازم اروح بورتمسوث احب سوق اوت ليت كنت ابدع فيه وكنت لازم امس سوق السنتر ساعات يكون فيه بسطات من اغلب الدول احب هالسوالف

وبورتميث اروح كل جم شهر مره لان ريلي يحب يتذكر اول ايام الدرسه

وساثهمبتون هم حلوه واتطل على البحر

 

[شيخة.]

هلا حبوبة al_gardenia
أطلع له عن طريق محطه قطار المارليبورن ؟؟

شارع أكسفرد ستريت الأقدر أطلع له عن طريق مترو ماربل آرش ؟
وشارع البوند ستريت .؟؟

وشكرًا على مساعدتك..
أبي أكثر عدد ممكن لتوصيف المحلات هناك أعكف على جدولي حاليًا وأبي أستفيد.

 

[Bnt 36a]

حبيبتي شيخه
بسستر فلج تطلعيلها من مارليبون ستيشن
يوصلج هناك تنطرين باص عند المحطه بالظبط باص صغيروون ايي تدفعين له 2 باوند
يوديج بوسط السوووق
كله ماركات(بولو + بربري + فرزاجي + ديور + دي اند جي .... ) ووايد
وتصكر الممحلات على ال 6 يقفلون
روحيل مبجر من ال 10 11
والرده نفس الطريقه
تنطرين الباص وتردين المحطه وتنطرين القطار وتردين
وانشالله اكون فدتج

 

[Bnt 36a]

الفاردينيا
والله حيل ودي ارووح بورتسمث و بورتميث
و وساثهمبتون
بس مادري ليش ماصار نصيب

 

[حلم الأمومة]

اشلونكم ياحلوات .... انا ان شاءالله بروح لندن اول شهر 4 طبعا علاج ... وابي شقق تكون نظيييييفه لان فيني وسواس نظاافه وحدي خايفة لاني سمعت ان اغلب الشقق هناك فيها فيران ...؟؟ وياليت لو تحددون لي السعر جم بالضبط لان السفر بيكون على حسابنا مو على الحكووومة .....

نــــــــــــاطره ردودكم ... وفزعتكم ...................................................................................................

 

[حلم الأمومة]

؟ ؟

 

[Bnt 36a]

حلم الاموومه
جيكي على الخاص حبيبتي

 

[queen_k]

Bnt 36a

جزاج الله خير يا حبيبتي جدا استفدت منك ومن الاخوات لاني حاليا في لندن الله يوسع عليك دنيا وآخرة يارب حبيت اسال وين احصل محلات تبيع اغراض المطبخ وقوالب الكيك والكاكاو ياريت تفيدوني

 

[@شمس الضحى@]

bnt 36a

جزاج الله خير يا حبيبتي جدا استفدت منك ومن الاخوات لاني حاليا في لندن الله يوسع عليك دنيا وآخرة يارب حبيت اسال وين احصل محلات تبيع اغراض المطبخ وقوالب الكيك والكاكاو ياريت تفيدوني

روحي لماركس و سبنسر وهم السلفردج عندهم اغراض المطبخ تينننننننننننننن تقطع القلب

 

[mona77]

انا بروح شهر7 معني بشه4 كنت هناك قبل عيد الايستر وقعدنا10 ايام صج ادمان بس مشكورين بنات وايد استفدت منكم

 

[مي الصغيره]

بنت عطا بسالج عن الانفلونزا اللي خابصتنا ومو عارفين نسافر او لا
انا حاجزه لندن على شهر 8
بس خايفة من المرض
طمنينا الله يشفيج يا قلبي

 

[ba6bo6a1]

................

 

[بدويه دمار شامل]

فيه مجمع ماااااااااحد تكلم عنه

اسمه برنت كروس ايجنن فعلا فعلا رووووووووووعه وهادي مافيه زحمه

وكبير حيل وفيه مطاعم وكوفي ماراح ايكفيج يوم تفترين فيه

يبيلج يومين يلا اتخلصين منه

 

[q8tia27]

مجمع بنت كروس يبيله جذي نص ساعه تقريبا اهو هادي حلو صح بس كل محلاته مكرره بس عادي الواحد يروحله تغيير وحلاته الضحى لان كله جام المبنى واحلى شي فيه فينويك جناط دكني هناك غير شوي عن السوق وحسيتها ارخص شوي والدلاقات تهبل كد ومد وشغلات للبيت وملابس البيت حلوه فيه اهو مثل دبنهامز بس شوي اكشخ والمجمع فيه جم محل مو معروفين باكسفورد يعني تلقطون منه اشيا حلوه ولاتنسون ويستفيلد بعد هذيل بلندن اما مجمعات ثانيه عندكم ترافورد بمانشستر وبلو ووتر بعد :*)

 

[عسولة حبيبي]

السلام بنات لندن بليز وين احصل محلات الغسيل اللي تحطين الهدوم بالغسالة و تحطين خردة و تنطرينهم يخلصون لاني قاعدة 20 يوم بالفندق و ما اقدر كل شي اوديه الدراي كلين
يليت اللي تعرف تفيدني

 

[انا ودنيتي]

الله يشفيك حبيبتي ويردك سالمه لديرتك
ماقصرتي على المعلومات الحلوه

 

[الذوق]

بنت عطا بغيت اسألج عن دكتورة المخ والاعصاب اللي ذكرتيها ... جربتي العلاج عندها ونفع ولا سامعه عنها ولا شاللي خلاج تقولين اهي احسن دكتورة مخ واعصاب لان موعدي عندها اخر الشهر ... صراحه انا خايفه يلعبون بولدي هذا مخ مو لعبه ... بس تطمنت يوم قريت اللي كاتبته ... طمنيني اكثر فديتج ..

 

[H.Heavn]

السلام عليكم بنات لندن

انا صار لي بلندن ثلاث اشهر وشي (ولي الحين باقي تقريبا شهرين) يايين عشان علاج الوالد بعيد عنكم الشر في كانسر بس الحمدلله على كل حال
ماكو ما غير اذا مارحنا المستشفى عشان الوالد ياخذ علاجه نطلع مرات انا او امي عشان نغير جو شوي والله احسن مكان رحت له سوق الويست فيلد وايد حلو والاشياء اللي ما تلاقينها باكسفورد تلاقينها هناك لا والحين بدت التنزيلات فالوضع اينن