$$$ حياكم الله امهات هالموضوع خاص لعيالنا اللي بسادس $$$

[كويتيه ذربه]

والله ماتقصرين ام عبووووود
المنقذه العام واااايد استفدنا
الله يوفق عيالج ويخليهم لج ان شاءالله

 

[أم عبووووود]

حبيبتي تسلمين

والله تستاهلون كل خير ولاتحاتون هالسنه اي شي بحصله لوليدي بحطه لعيالكم تابعونب اول باول

ربي يوفق عيالي وعيالكم

 

[كويتية صغيرة]

رد : $$$ حياكم الله امهات هالموضوع خاص لعيالنا اللي بسادس $$$

الله يعافيكم ياجماعة
بالحاسوب
شنو يعنى
وحدة الصيانة المركزية
محد سولهم مدرستهم لقاء تنويري
يعنى التعاريف اللي بالحاسوب كلها حفظ ؟

 

[أم عبووووود]

ريلي راح اللقاء التنويري بس يقول بس قالوا عن توزيع الدرجات وتكلموا عن نظام المدرسة بس وقال لي ان البدنية مادة اساسية ويمتحنون فيها
معطينه اوراق ارجع البيت واشوفهم
والله يسهل ان شالله

 

[أم عبووووود]

رد: رد : $$$ حياكم الله امهات هالموضوع خاص لعيالنا اللي بسادس $$$

الله يعافيكم ياجماعة
بالحاسوب
شنو يعنى
وحدة الصيانة المركزية
محد سولهم مدرستهم لقاء تنويري
يعنى التعاريف اللي بالحاسوب كلها حفظ ؟

هلا حبيبتي
مادري والله شنو يعني ارجع البيت واشوف الكتاب
بس اتوقع كل التعارف حفظ والله يعينا

 

[هبونه]

اشلونكم بنات بنتي بسادس وحدي خايفه:eh_s(16): حتي اللقاء التنويري ما قدرت اروح له (اجتماع ناظرتنا نفس الوقت):eh_s(14):
ياريت اللي راحت تقول النقاط المهمة علشان نعرف راسنا من كرياسنا ومو عارفه طريقة امتحاناتهم:0bee2e8d89:​

 

[هبونه]

مادري انتوا مثلي ولا لأ ؟كتب بنتي وااايد كل يوم تترس الجنطه
والله تكسر خاطري لما تشيل جنطتها علي ظهرها بروحها نتفه وقصيرة
مافي حقيبه مدرسية ولا طريقه نخفف هالكتب؟

 

[أم عبووووود]

حبيباتي

اللقاء التنويري اللي كان فيه شرحوا عن توزيع الدرجات وان الامتحانات ماتطلع من الكتاب ولازم يشدون حيلهم ويجابلون

وبالنسبة لمدرستنا عندهم موقع نقدر نرسل رساله للمدرسين ونتواصل مع الادارة ونعرف مستوى عيالنا بدون الروحه للمدرسة :icon30:

بس بما انها مدرسة صبيان ومدرسين ما شرحوا طريقة الامتحانات بس وضحوا ان الحاسوب فيه امتحان والبدنية مادة اساسيه ولها امتحان وكانوا مركزين على السلوك اكثر واولياء الامور بس اسئلتهم وهمهم لاتسقطون عيالنا مو نفس الحريم ماتطلعين من الاجتماع الا تعرفين كل شي

توزيع الدرجات بس افضى راح احط لكم كل المواد ان شالله

وسلامتكم :hjy5jewf:

 

[شيــوخه]

واااااااااااااااااي صف سادس الله يعينا عليه

ام عبود صج اطلبو على بنتي انا موضوع اتقول اسامي بنتين يوم الخميس يسونن موضوع انغليزي

يعني بنتي الخميس هذا ومعها وحده ثانيه اتقول موضوعها

والاسبوع الياي بنات غير الله يعينا على طلباتهم وشغلهم البايخ

 

[أم عبووووود]

هلا شيوخه

اي طريقتهم غير عن الابتدائي بس ماشالله زين ابلة بنتج جذي تحدد منو البنات اللي بيقدمون البريزينتيشن

انا وليدي الاستاذ قال لهم سووا بريزينتيشن ثاني يوم على طول قام ينادي اسماء عشوائية ويخليهم يقولونه وكل يوم ينادي جم واحد يقولون البريزينتيشن وهذي طريقتهم يقول ولدي انصدمنا متعودين على مدرستنا قبل يعطونا فرصة اسبوع او اسبوعين

 

[أم عبووووود]

اوراق عمل باللغة العربية
http://www.q8yat.net/showthread.php?p=19764169#post19764169

 

[حبيبة الكويت]

أم عبود جزاك الله عنا كل خير

أنا ولدي بالسادس شفت كتبه تشابه كتب خامس والمدرسين بعضهم عطوهم واجبات والباقي احتياط الله يوفقهم نبي يشاركون معانا المدرسات الثانين رياضيات علوم .................الخ

 

[78MariMar78]

حبيبتي ام عبووود
ربي يجزاكِ الخير يارب

والله منهج سادس مو طبيعي ا

الله يعينا ويعين عيالنا

 

[أم عبووووود]

أم عبود جزاك الله عنا كل خير

أنا ولدي بالسادس شفت كتبه تشابه كتب خامس والمدرسين بعضهم عطوهم واجبات والباقي احتياط الله يوفقهم نبي يشاركون معانا المدرسات الثانين رياضيات علوم .................الخ

حبيبة الكويت
وياج حبيبتي

ربي يوفق عيالنا ان شالله

 

[أم عبووووود]

حبيبتي ام عبووود
ربي يجزاكِ الخير يارب

والله منهج سادس مو طبيعي ا


الله يعينا ويعين عيالنا

ويااااااج يارب

الله يعينا ان شالله ويوفق عيالنا يارب ولا يخسر التعب

ناطرين تلاخيصج واااايد استفدنا منهم العام :icon30:

 

[Um_3boud]

الله يعطيج العافيه ياام عبود... وايد استفدت من مواضيعج وتلخيصات السنه الي طافت.. االله يوفقج يارب
بنات انا طلبو من ولدي برزنتيشن لمادة الانجليزي..

 

[أم عبووووود]

الله يعطيج العافيه ياام عبود... وايد استفدت من مواضيعج وتلخيصات السنه الي طافت.. االله يوفقج يارب
بنات انا طلبو من ولدي برزنتيشن لمادة الانجليزي..

الله يعافيج ياقلبي ويبارك لج بعيالج ويوفقهم ان شالله

 

[كويتية صغيرة]

رد : $$$ حياكم الله امهات هالموضوع خاص لعيالنا اللي بسادس $$$

شلونكم جماعة
ماريمار شلونك فقدناك ان شا الله بخير

انتى شفتى كتاب الدين
انا عبالي الدين اسهل مادة

شنو دروس الدين ....والله طلاسم و مستوى ثانوية
انا بعرف المدارس الخاصة جذيه مناهجهم والا اصعب شلون يقولون الحكومة اسهل والله شكله لا اسهل ولاشي
الدين
في درس اسمه
ارهاصات النبوة

وحدة تفسر لي شنو يعنى ارهاصات ..... والله مستوى ثانوي مو ثانية متوسط
:nocommint:

 

[بواسم]

رد: رد : $$$ حياكم الله امهات هالموضوع خاص لعيالنا اللي بسادس $$$

شلونكم جماعة
ماريمار شلونك فقدناك ان شا الله بخير

انتى شفتى كتاب الدين
انا عبالي الدين اسهل مادة

شنو دروس الدين ....والله طلاسم و مستوى ثانوية
انا بعرف المدارس الخاصة جذيه مناهجهم والا اصعب شلون يقولون الحكومة اسهل والله شكله لا اسهل ولاشي
الدين
في درس اسمه
ارهاصات النبوة

وحدة تفسر لي شنو يعنى ارهاصات ..... والله مستوى ثانوي مو ثانية متوسط
:nocommint:

حبوبه ارهاصات معناتها المعجزات التي تحدث للانبياء قبل تبشيرهم بالنبوه

يعني علامات النبوه

 

[بواسم]

مشكورة ام عبود انا وليدي مدرسة الاخلاص الخاصه بس نفس منهج الحكومه

وصج المناهج تعقد بس الحمد لله قادرة اتحكم بزمام الامور . هههههههههه