حياج معانا حملة للستر والزوااااج (الجزء الثاني )

[زهره الجلنار]

ياربي ياحبيبي

شوفي حبيبتي لازم ماتيأسين من رحمه الله وانه رب العالمين راح يشافيج من المرض اللي فيج بس كل شي يبيله صبر وتعب ولازم تستمرين على قراءة سورة البقره واذا ماقدرتي اقري بس الرقيه الشرعيه بس لازم تروحين حق شيخ دين يقرا عليج وترى العلاج يبيله وقت يعني في ناس مايطيبون من اول مره يقرا عليهم
وانا من كلامج احسج مومتفائله كلش ووايد كارهه الحياة لازم تغيرين نظرتج للدنيا والناس وتفائلي دايما انج راح تتشافين وانه حياتج راح تتغير للاحسن
الله يشافيج ويرزقج بالزوج الصالح عاجلا غير اجل

 

[ميونة الحلوة]

قولو يا رب ما ينتهي موسم الحج الا و احنا يا مالجين او مخطوبين يا رب انك سميع مجيب

 

[إستبرق*]

رد: حياج معانا حلمة للستر و الزوااااج (جز الثاني )

بنظم معاكم

انا ان شاء الله هالسنه بحج و ان شاء الله بدعيلكم

وانتوا لا تنسوني

ماشاء الله الله يسهل عليج ويتقبل منج يارب
ادعليناااا

 

[إستبرق*]

الخشف يعطيج العااافيه

وين حنين ونجمه ورور وسوفت فقدنااكــ،م ..؟

 

[زهره الجلنار]

قولو يا رب ما ينتهي موسم الحج الا و احنا يا مالجين او مخطوبين يا رب انك سميع مجيب

اميــــــــــــــــــــــــــــــــن يااااااااااااااااااااااااارب :yaaaaaarb:

 

[~حكايـة طمـوح~]

( واصبر فإن الله لا يضيع أجر المحسنين )

 

[bint_q8]

اللهم اني اريد ان اتزوج فقدر لي من الرجال من هم اعف واحفظهم لي في نفسي ومالي واوسعهم رزقا واعظمهم بركه وقدر لي ولدا طيبا تجعل له خلقا صالحا في حياتي ومماتي ..
اللهم زوجني رجلا صالحا تقر به عيني ياذا الجلال والاكرام
اللهم اني اسالك بخوفي من ان اقع بالحرام وبحفظي لجوارحي واسالك يارب بصالح اعمالي ان ترزقني زوجا صالحا يعينني في امور ديني ودنياي فانك علي كل شي قدير
اللهم اغفر ذنبي واحصني وطهر قلبي
اللهم ارزقني بالزوج الصالح الذي هو خير لي وانا خير له في ديننا ودنيانا ومعاشنا وعاقبة امرنا عاجلا غير اجلا يارب العالمين
اللهم اني اعوذ بك من بواري وتاخير زواجي وبطئه وقعودي واسالك ان ترزقني خيرا مما استحق ومما امل وان تقنع واهله بي وتقنعني واهلي به يارب العالمين ..

اللهم امين يارب العالمين

 

[bint_q8]

قولو يا رب ما ينتهي موسم الحج الا و احنا يا مالجين او مخطوبين يا رب انك سميع مجيب

اللهم اميييييييييييييييييييييييييييييين يارب العالمين

الله يوفقنا اجمعين يارب

 

[الخشف النداويه]

رد : حياج معانا حملة للستر والزوااااج (الجزء الثاني )

والله بنات آنا مسويه لي برنامج من فتره وأقرا كتب وأتابع برامج بس أيامي صعبه مهما أحاول وتمشي الأيام وأقول فرحت تطلع لي أمور مادري من وين ورغم إن ماعندي أحد أقوله أعبرله وآخذ رآيه لمن أحتار وتضيق فيني ووآآآيد أدعي ،، والمواقف اللي تصيرلي مو هينه ربي يعلم اشكثر متمسكه فيه ومالي غيره ،، آنا مو حاطه برآسي فكرة إني مريضة ةقعده أروح القيام وأ،نا بعز التعب والمرض ومرات مو نايمه ولامشتهيه آكل وأقول إني ذاهب إلى ربي سيهدين ،، بس يمكن لأني طولت ع جذي

>>آنا انخطبت أول رمضان والليله اللي زارونا فيها حسيت بهم كبير قمت وصليت ودعيت ربي إني أبي الشفاء والستر وتكشخت رغم التعب وأهلي يدرون إن أحلى من جذي بس المرض والتعب مأثر علي ،، لمن يت أمه وخواته مرتبكه ما جني آنا طوفت قلت عادي بس الي مو عادي إني منفسه ولمن وروني صورته دخل قلبي بس أحس بضيج جنه الدنيا كلها ضايقه فيني وأحس لاحظوا لان ويهي كان تعبان وحتى خواتي وخالاتي قالوا اشفي ويهج هاليومين صاير جذي صفره مافيج نضاره نفس قبل وأمي لاحظت بس اي أحد يخطب أحس بهم وضيج وأرق حتى لو أقنع نفسي وأقبل الحياه بحب وتفاؤل أحس بضغط كبير حتى لمن أشوف هالشخص بره أتهرب منه وأحس بكره له ولمن أرد البيت أبجي أقول ليش سويت جذي الرايل شاريني وناطرني من العام وأحسه ملاحظ تغيري للأسوأ ليش أحمد ربي وأكمل والله حاولت وآآآيد بس أبي علاج صح لأمراضي مابي منظار وأدية ومستشفيات قاعد أدور بالطب البديل أو النبوي وأبي مساعده منكم دلوني ع مشايخ للطب النبوي والحجامه والأعشاب ((للشقيقه - القولون والمعده-الارق والاكتئاب)) حسافه ع صحتي بي يعوضني ويخلف خير ع كل مريضه ماكان فيني ولامرض كلش الكل يتمناني والحين خايفه من هالأمراض خاصة مأثره علي ويلاحظونها خاصة اللي يعرفوني أ،ا خلال سنة تغبرت وآآآيد رغم إني أحاول وأسوي برنامج ديني -برنامج تغيه ووووو ومايصير شي ماقدر أكمل بس والله حالتي تتدهور حيييل أبي حل والله مابالغ وماخفي أعظم الله المستعان ،، خاصة إن دراستي تأخرت وآآيد الفتره اللي طاقت صرت أخاف من سمعتي وتأثير العين والحسد طول معاي لأن ماكنت حاسبه حسابهم ولاعرف شسوي بالضبط كنت بس أقيم الليل وأقرا قرآآن وأدعي وأبجي بخضوع لله بكمل سنه جذي

مابالغ اذا قلت استغرب ان أعدائي وآآيد حتىاللي كنت أظنهم رفجة عمر ويصدقوني النصيحه يعطوني العكس استغفر الله رغم إني ماقصر عنهم بأي وقت،، الله يصفي القلوب والنوايا

>>>آنا أعرف اللي عاينيني بعضهم قبل فتره اعترفولي وبعضهم وآآآيد أحلم فيهم خاصة بعد سورة البقرة أحس ويهم يم ويهي حتى وأنا عايشه يومي أهلي أشوف ويهم والله آنا مو من اللي يتوهمون أو يتخيلون عشان أقول أوهام آنا بنت مثقفة وذكيه ومعروف بطيبة قلبي وقوتي بس مادري اشصارلي كل محاولاتي مو قاعده أشوف لها أثر والأرق والنفسيه ملازميني أنا حتى لماأذكركم أحس بضيج كبير والنوم يروح مني لاحول ولاقوة الا بالله ،،ولاقدر آخذ وضوء ولا شي ،،


>>آنا شهر 5 اللي طاف رحت عمرهوقلت دام ماقدر آخذ وضوء ولاقدر ع شي بس أدعي وأقيم الليل حتى قبل رمضان ولا كنت أفكر بالمرض رغم السهر وقلة النوم مأثرين علي وقلت ربي حبيبي طبيبي رغم إن شيخ بالحرم قالي العيم اذا ما خذتي غسيلهم ماترح وراح تتطور من شي نفسي لي شي عضوي وكا احنا الحين شهر 9 (((رغم إني ماحطيت الكلام ببالي وأدعي بكل وقت))) في اشياء كانت نفسيه وصارت عضوية خاصة القولون والمعده والصداع النصفي لاحول ولاقوة الا بالله

مشكلتي إن كنت لبسيه في المناسبات والأعراس وحتي بين أهلي ورفيجاتي وحتى بالجامعه كل شي أقول عن نفسي عشان جذي معورني قلبي إ ني أنا السبب في ناس ماتعطي خير كلش لو خيرج عليها ومعاملتج حلوه له موالغريب واللي يعور القلب أكثر إنهم مكملي نحسد وقلوبهم مو نظيفه صوبي حتى رغم معاناة 8شهور وأكثر بعد للحين قلبهم مو نظيف ويدورون الزله ومن باب البشاره قلت لوحده معاي بالجامعه أنخظبت أنا متفائلة ما استسلم للمرض ربي يشفيني حتى لو خسرت وآآيدويقلبي ألم كبير واللي صارلي ((رغم إني لازلت مريضه وأدعي بس كا نقصدي أرفع معنوايتهم)) بعدها بجم اسبوع تفركشت الخطبه وأنا السبب محتاره مادري شلون أتعالج أو أنظم نفسي أبي مساعده معنوية و دعاء


**انا أقترح بعد رمضان نتيمع أبي صحبه صالحه وأشهد الله إني صادقه النية وأتمنى الخير للجميع ،،، ذاك اليوم كتبت لكم إني بعد القيام حسيت بتفاؤل كبير لأن دعيت وآآيد وبإخلاص ويقين حسيت إن انتوا بتبشروني بخبر حلو عنكم وبنتشارك تجاربنا وفرحنا وآلامنا ونتناصح ع أمور تفيدنا ،، حسيت إن احنا بنجهز حق بعد بس موضوع الخطبه اللي ماتمت صارت حسره بقلبي لأن آنا السبب الشخص شاريني من العام والباجي علي أنا أعالج نفسي وأثبت ومحتاجتكم خواتي

ادعولي (((غدير ))) وآنا مو مقصره وربي يكشف عني وعن الكل يآآرب

واللي تبي تتواصل معاي تقولي ،، محتاجه أتكلم معاكم ونشوف بعض عشان نثبت على التفاؤل والأخوة الصداقه في الله وآنا ربي يشهد إني أحبكم وأتمنالكم الخير والسعاده والزواج من كل قلبي ودي أفرح فيكم قبلي

حبيبتي والله حاسه فيج ياقلبي بعض إللي تقولينه مريت فيه بس لاتحطين ببالج العين لأنه إذا شغلتي قلبج فيها ماراح تفتكين منها أحسني الظن دايما بربج والله يعطينا ع ظنا فيه سبحانه تفائلي وإن شاء الله المستقبل أفضل أنا مريت بنفس تجربتج وتعبت كثير بس مالقيت حل إلا التقرب من الله تعالي اهو إللي بحلي مشكلتي ودايم أقول اللهم اكفينيهم بماشئت 3 مرات والله تكفيج شر نفوس الناس المريضه وأنا بسألج عن شيخ زين واعطيج بإذن الله رقمه وحنا كلنا خواتج وبنساعدج إذا تبين أي شي لاتترددين حبيبتي وماراح ننساج من دعائنا الله يفرجها عليج يارب واصبري الصبر مفتاح الفرج

 

[بدورة القمورة]

سلام عليكم خواااااااتي والله احبكم في الله

شــلونكم بنـــات؟؟

يمكن كلكم تذكروون اول رمضااان شلون نفسيتي كانت متحطمة

بس حبيت ابشركم حبايبي انه الله استجاب دعائي يمكن لاني كنت ادعي و اقيم الليل

والله كنت قبل لا ادعي نفسي ادعي كل واحده منكم

ادعي المريض وادعي كل شخص اعرفه والحمد لله رب العالمين نتائج ولا خطرت على بالي

بس ماأقول غير اللهم لك الحمد كما ينبغي لجلا وجهك وعظيم سلطانك

,,

والله الحمدالله اموري في الجامعه تيسرت,, قبل احس عيون الناس علي

بس والله يا بنات صلاه الليل مهمه والله تنفتح لج ابواب السما واطلبى من الله عز وجل اى شئ تبينه

الحمدلله الحمدلله الحمدلله الحمدلله ربي واستجاب لى و كاتب لي اني اكمل دراستي في الخارج لاني انقبلت في جامعه

والحمد لله رب العالمين لا ييأس احد ابدا مهما كانت الأمور مستحيلة!!!



غدير والله ربي شاهد علي اني كل يوم ادعي لج بدون لا تقولين,,

الله يشفيج يارب ويفرجها عنج احنا كلنا خواتج وقلوبنا معاااج ,,خليج قوية ومتفائلة حبيبتي,,,

غدير ادري نيييتج صافيه ودج بصحبه صالحه,,والله ودي اقابلج بس ربي كاتب لي اكون في الغربه , واكمل دراستي بره
,,
اذا تبيني اتوصل معاج علي مسنجر ولا تعطيني رقمج ماعندي مانع المهم تكونين قوية ومتفائلة

بدورة القمورة​

 

[الخشف النداويه]

رد : حياج معانا حملة للستر والزوااااج (الجزء الثاني )

ماشاءالله بدوره الله يوفقج يارب بالدراسه أكيييد الانسان إللي يدعي ربه بصدق وموقن بالإجابه سبحان الله ربي مايردها عنه وإن شاء الله بعد رمضان نسمع أخبار حلوه لكل وحده فينا يارب .

ربي إني لماانزلت إلي من خير فقير
ربي إني لماأنزلت إلي من خير فقير
ربي إني لماأنزلت إلي من خير فقير

 

[~حكايـة طمـوح~]

بدوره الحلوه القموره

ألف ألف ألف مبرووك .. والحمدلله الحمدلله الحمدلله

الله يوفقج يااااااااارب وعقبال ماتبشرينا بملجتج

 

[رومــآ]

لدور الف مبرررررررررروك

والخير باوله

وسهام الليل لاتخطى

وربي بنآآت بكل صلاة وبكل سجدة ادعي ان الله يرزق بنات المسلمين بالازواج الصالحين

 

[مزآجَيـــِـِـه]

رد : حياج معانا حملة للستر والزوااااج (الجزء الثاني )

اهلين حبوبات واي ويني عن التجمعّ هذا من زماان! بنات بدش بالموضوع على طول انا يابنات خطبني واحد وفركش الخطبه لموضوع تافه وهم بعدها الناس ياخذون رقمي ومايدقووون وايد ناس ياخذون الرقم ومايدقون شالسالفه ! مع العلم اني اناّ كنت ارقص بكل زواج ومره من المرات اول ما طلعت من زواج طحت عند الباب ورحنا للمستشفى ّقالو مافيني شئ !

 

[مزآجَيـــِـِـه]

رد : حياج معانا حملة للستر والزوااااج (الجزء الثاني )

بنات شفيني !!!!!!!

 

[ميونة الحلوة]

بدورة الف مبروك و الله يوفقج بدراستج ان شاء الله و عقبال البشارة يا رب و الحمد الله رب العالمين

مزاجية مافيج الا العافية ان شاء الله نصيبج ان شاء الله بتاخذينه سواء رقصتي بالعروس و لا قعدتي بالكراسي ما تحركين لا تقولين انا اشفيني لان هذا الخطيب مو من نصيبج و مافيه خيرة لج و ان شاء الله انج تاخذين الي احسن منه و الي ربي قاسمه لج

و الله يكتب لنا الستر في هالسنه ان شاء الله

 

[زهره الجلنار]

بدوره الف الف مبروووووووك
الله يوفقج بدراستج ويرزقج اللي اتمنينه

مزاجيه حياج الله بين خواتج
بس لاتحطين في بالج انه فيج شي ان شاء الله مافيج الا العافيه بس النصيب بيد الله حتى لو ماكنتي تطلعين من بيتج ولا تروحين العروس اذا الله كاتبلج انج تتزوجين وانتي في بيتكم ماتتوقعين زيارة الناس عشان يخطبونج

اعطيج مثال انا ماعندي الا اخت وحده وانا الكبيره والوحيده اللي اوجب الناس سواء العروس او عزا او ولاده او استقبال اي مناسبه تخطر في بالج انا لازم اكون فيها لانه امي وابوي علموني انه انا الكبيره ولازم اتعلم لانه عيب البنت الكبيره ماتوجب الناس هالشي عندنا بالعايلة مصيبه لوووول المهم من هذي المناسبات كلها والله انخطب والناس اتكلم امي ولا اتكلم وحده من خالاتي ماصار نصيب سبحان الله ربي موكاتب
بس اختي اللي كله قاعده بالبيت ويمكن الناس مايعرفونها يدرون عندنا بنت ثانيه بس محد يعرفها واذا اطلعت معانا يدوب تتكلم وماتروح المواجيب الا لما يكونون حييييل قراب علينا مثل ولد عمي ولا ولد خالتي جذي يعني يوم من الايام واحنا قاعدين كلنا ولا يتصلون علينا ناس يقولون نبي الوالده احنا جايين انخطب ومااذكرو اي وحده فينا بس اتفقنا انا وامي انه انزلها اهي لانه انا مابي اخذ الا واحد نفس قبيلتي مابي شي ثاني <<<<<معقده وترى اهلي يعتبرون حضر ومالهم شغل بهالسوالف بس انا مخي مقفل ولما انزلت وشافها اعجبته وعجبها وتقريبا 10 ايام وصارت الملجه وشهر من عقب الملجه صار العرس يعني ولاكانت حاطه هالشي في بالها سبحان الله
ادري قرقت على راسج بس اللي ابيج تفهمينه انه نصيبج للحين ماجاج وانه كل ماتأخرتي معناته هالشي خيرة لج وربي كاتبلج الاحسن

 

[Sarah Gardenia]

رد : حياج معانا حملة للستر والزوااااج (الجزء الثاني )

وحشتوني حييييييييييييييييييييل يا أحلى بنات ،،

والله وحشتوةني وليل نهار في بالي :hjy5jewf:

ان شالله تكونوا ما نسيتوني من دعواتكم الحلوة :yaaaaaarb::yaaaaaarb:

بنات .. جايبالكم معي رقية 100% حتفيدكم واااااااايد والله وعن تجربة

أنا صار معي أشياء بجد غريبة، أول شيء صرت أحلم أحلام بقطط وقاذورات ونساء عريانة وحسد
فنصحتني إحدى الأخوات أقرأ هالرقية وفعلاً قرأتها وهلأ مداومة عليها 4 أيام

لما قرأتها أول مرة حسيت في شغلة تقرصني بكتفي إلا هو خراج كبير ب3 رؤوس طلعلي أثناء قراءة الرقية
والله :eh_s(11): خفت حيييييييييييل فنصحتني الأخت أستمر لأن العينن بدأت تطلع .. وقالتلي انو كل أحلامي دليل إن العين هي اللي موقفة حالي :eh_s(11):



http://www.4shared.com/file/8jdLBsFH/__online.html

حملوها وارقوا نفسكم كل يوم يا بنات كأنها ورد يومي والله يفتحها علينا ويفرج كربانتا ويحلل عقدنا عاااااااااااجلاً غير آجل يارب ..

ما تنسوني من دعواتكم

*** ألف مبروك بدورتــــــي وإلى الأماااااااااااااااااام يا عسل :eh_s(7):​

 

[ميونة الحلوة]

:krkrkr:زهرة جلنار ضحكتيني بالمخ المقفل :eh_s(13):

بس لا تقولين جذي ما تدرين يمكن بالنهايه ما تاخذين من قبيلتج مو شرط اتذكر رفيجتني بالجامعه عجمية خواتها ماخذين عجمان الا اهيا طلعت برى القبيله و ما اتذكر شنو خذت نسيت و الله

اهم شي الاخلاق صدقيني لا تحطين العوايل ببالج عشان ما يقفل مخج مرة ثانية و يزوجونج اهلج غصب :23_asmilies-com:

سارة وينج صارلج فترة ما دخلتي عسى المانع خير ان شاء الله

ما تشوفين شر ان شاء الله ان شاء الله ان غدا الشر

و الله يجزاج خير على الرقيه حملتها عندي و ان شاء الله بقراها

 

[زهره الجلنار]

^
^
^
^
لا ابشرج مخي قام يتبطل شوي شوي وقمت افكر من ناحية الاخلاق وادرس السالفه عدل والله يكتب لنا اللي فيه الخير