حياتي بين نارين وهمي الكبير اللي طحت فيه

[mrs.abk]

أبوج مسكين .. دقة قديييييييييييييييمة ..

بس لو مرة وحدة رديتي عليه بحدة بيبجي مثل البيبي ..


تحملي مرة وحدة وردي عليه بقسوة وقولي له أنا ولي أمري زوجي وانتهى هالموضوع .. بيسكت

ما أقويج بس هالاباء من التصنيف الجديم .. مال الثمانينات ..

طيبين وحليلين بس طماعين ونجريين على الفاضي ..

وأمج شكلها مكبرة راسه ..

خليها تكنسل سالفة التنازل عن البيت .. وتقطع الورقة ..


ولو قال بطلق أمج قولي له مرتك وكيفك .. ولو طردج من البيت قولي بيت أبوي وما أنطرد منه .. ولو قال أنا موب أبوج قولي له ردني بطن أمي واقطع اللي بينا ..


ماعليج بيهدى .. ودي له عقبها هدية ولو صارخ ردي عليه بكلمتين .. بيسكت ..

أبوج مستقوي عليكم بس لأنه ضعيف برا ولأنه عراف نفسه ضعيف فحيلته عليكم


والله يعينكم

 

[جوك احلى جو]

خلج مع الحق زوجج ماغلط

 

[PuPa^^SWeeT]

الله يهديييه ابووج


تصرفج صحيييح

مايصير تهدمين بيتج



الله يعيين اهلج والله

 

[ملگه]

الله يهدي ابوك
ويسخر لك
يااارب

 

[الجرح علمنى..]

​

الله يهدي أبوج يا رب

أللي سويتيه صح
بس نصيحه لوجه الله لا تعلمين زوجج باللي صاير ولا تجيبين له مشاكل بيتكم ابد ابد...ما تضمنين أذا تغير مع الزمن وقعد يعايرج أو يستغل هالشي .. ويحسسج أنج منحده عليه

سايسي أبووج مبين همه الفلوس أنتي وذكائج سايسيه

والله يهديه وينشغل عنج

 

[الهما]

عزيزتي ....بكل الحالات لا تفكرين بالطلاق حافظي على بيتك
ابوك شكله ...و الله اعلم... محتاج بيزات و هو ما يفكر الا بفلوسك بعد الطلاق
انا اقول زوجك لا يدري بالمشاكل هذي (اصبتي انك ما قلتيله مشاكل ابوك )
و بنفس الوقت لا تخلينه يزور بيت اهلك الا بالجم شهر يعني لا تطبيح الميانه واايد اضمن لك....
اممم اذا ابوك رافض تزورين البيت وقت الزوارة ..... لا يدري زوجك و خلي زوارتك في بيت خالتك واتفقي مع امك و خواتك
و انت قدام زوجك قاعده تزورين و الامور زينه
الوالد عطيه على قد عقله ...سوفي له...يعني قوليله يبه مو الحين اطلب الطلاق اصبر في ورث بيستلمه زوجي او شي بيسجله باسمك و انت تخطيطين...العبي على هالوتر....
و الله يلهمك الحكمة في التصرف
باذن الله شكلك حكيمه
يارب يسدد خطاك​

 

[mahawe]

أنا بيكون ردي غير البنات صراحة وأسمحيلي أبوج يفكر بالفلوس وبس ويفكر أشلون يكوش بهالفلوس مردة بيروح حق ربة وأنتوا الي بتاخذون هالفلوس كلها وريلج أذا حنون ومعاملتة زينة ليش تهدمين حياتج علشان أبوج تكلم لا طاعة لمخلوق في معصية الخالق حتى لو أمج الي الجنة تحت ريلها أطلبت هالطلب ماتسوينة وتخسرين بيتج الوالدين لهم حق بالحق مو بالباطل . والفلوس انتي أولى فيها أنتي عندج بيت وريل أهوة أولى تتسنعين بفلوسج حقة . وأذا طلق أمج عندج أخوان ريايل يتكفلون فيها وفي خواتج .

 

[زهور المحبة]

لا حول ولا قوة الا بالله

نصييييحه لا تخسرين زوجج مهما ضغط عليج ابوج

الله يسامحه ويهديه ابوج طماع وبخيل وبياكل فلوسج

صدقيني بس تتطلقينبيقول عطيني كرت البنك

وسالفة انه بيطلق امج ويطرد خواتج فهذي لعبه يلعبهت عليج

علشان يضغط عليج لا يمكن يسويها لانه بهالطريقه بيفضح عمره عند اهله وجماعته

اذا كان زوجج حبيب وطيب قوليله شسوى معاج علشان يتنبه مره ثانيه

وان سواها ابوج مره ثانيه لا تسمعين له ترى وليج زوجج مو ابوج وواجب عليج اطيعين زوجج

يعني شرعا مهما قال لج ابوج ماعليج اثم ولا ذنب

دام هذا اسلوبه وكلامه فصدقيني ماراح يفيدج بشي

وسالفة خل يحط لج سايق ومادري شنو ردي عليه وقوليله وانت ليش ماحطيت لنا

وعزيت امي وعزيتنا

لا تسمحين له يدخل بينج وبين زوجج وعسى ربي يوفقج ويسخر لج زوجج

 

[وه ياحلاتي]

راضي ابوك بالفلوس اعطيه. مبلغ. وخليه ينبسط فيه اكيد بيفرح به وبيسامحك عشان ياخذ المبلغ وجيبي اخوانك معك يكلمونه يرضى عليك

 

[shak!shoka]

الله يعينج والله الواحد يشوف مشاكل غيره تهون عليه مشاكله

افضل انه زوجج ما يعرف شي

و حاولي تحلينها مع ابوج

حاولي تروحين له بالويك اند اخذيله هديه او مبلغ بظرف و سايسيه وحبي ع راسه

هم هذا ابوج ما يصير

بس طبعه صعب
تحملي والله بيحنن قلبه عليج و يسهل امورج



مو كاسر خاطري بالموضوع كله غير امج
ديري بالج عليها

 

[al-musk]

ديري بالج شنو تتطلقين من صجج انتي يبا خلج مع ريلج ومالج شغل فيه ويزعل بعدين يرضى خييير تهدمين حياتج ..امبيه احتريت لاحول ولاقوة الا بالله

 

[BubbLe87]

اسفة بس ابوج انسان مريض و لا تحاتين الدعوة على الولد بدون الحق ان شا الله ربي ما يستجيبها الله عارف انه ظالمكم لا تسمعين كلامه ديري بالج

 

[طيوبته]

أنتي ماغلطتي لما رديتي مع زوجج
أبوج طبعه حار واعصاب ، خليه يحجي
ويهدد على كيفه المهم لا يسمع منج الا الكلام
الزين والمعامله الزينه لأن مصيره يهدى ويعوره
قلبه من اللي يسويه فيج
كثري استغفار وادعي له دايم
واذا ابوج مادي توددي له بين فترة
وفتره بمبلغ لو بسيط المهم ترضينه

ونصيحه لا تضيعين مستقبلج بالطلاق
تمسكي بزوجج ولا تقولين له اي شي عن
اطباع ابوج خلي الوصع طبيعي وستري
على اهلج بإذن الله الامور تتيسر وتفرج


حبيبتي الله يشرح صدرج

 

[noor salam]

الله يعينج و تقدرين تسوين شي غير الدعاء بالهداية لابوج ولا تخافين ان شاءالله ربنا راح يحلها اهو ابوج في بداية كلامج انه يخاف من كلام الناس لذلك استغلوا هذه النقطة خلي امج تستغل هالنقطة انه لو طلقها الناس شنو بتقول بعد هالعمر كله يطلق زوجته ويقط بناته بالشارع ....
الله يعينج و لا تنفرطين في زوجك لان الطلاق يهتز له عرش الرحمن وبالاساس ماكو سبب مقنع للطلاق و حاولي تتفاهمين مع زوجك انه يوديج الجامعة و نصيحة لا تخسرين الشهادة فهي سلاح في ايد المراة

 

[نشيج الروح]

زوجج هو ولي امرج حاليا ،،،، ولا طاعة لمخلوق في معصية خالق ،،،، اذا ابوج طلب الطلاق بدون سبب وانتي يعني بتبرينه فهذا مو بر للأسف ☺
خلي علاقتج بابوج سطحية وكله قولي له إن شاء الله حاضر ولا تسوين الشي الي مو مقتنعة فيه....
ودائما ادعي له بالهداية

 

[شــــــــــــــوقــــه]

ابوج اهو الي قالج ان المطلقة يمشيلها معاش و غيره يعني عارف اذا طلق امج شنو راح يصير

لا تخافين من هالناحية ما يطلق و اخذيه على قد عقله

 

[قَلبڪْ صًخرْ]

اسالي شيخ
شوفي شيقولج
مادري والله
بس ابوج موطبيعي الله يهديه

 

[الغضى]

نصيحتي لج ريلج لايدري عن مشاكل أبوج مهما كاااااااان