والله الحياة من غير خدم احلى واحلى والنفسيه تحلى "
حاليا عندي خدامه لكن قبل لااجيبها جربت 13 خدامه ب6 اشهر بسسسسسس وكل وحده فيهم ما قعدت الا 3- اسبوع ماعدا وحده كانت تشتغل عندي قبل 4 سنين ولما شفتها قلت جاني الفرج بعد التجارب الفاشله وللاسف لحقتهم بعد شهرين والسبب لقيتها سواسوا مع السايق:eh_s(14): وبعدها كملت من غير خدامه لين دخلت شهري واضطريت اجيب وحده واللحين افكر اقلعها مشاكلهاااا واااااااايد
طول الفتره اللي ما كان عندي فيها خدامه عشت احلى ايام عمري تدرون ليش ؟
اولا راحه نفسيه لا يعلى عليها تعرفين اللي داش وطالع من بيتج
ثانيا حسيت بترابط وتماسك وتعاون بعائلتي الصغنونه
ثالثا ماخذين راحتنا انا وابو العيال سواء باللبس او القعده لان اذا في خدامه اكيد بتراعين مسألة اللبس لاازم تحتشمين شوي
رابعا تشمين ريحة النظافه بالبيت مو مثل لما تكون عندج خادمه ريحتها تعج بالبيت لو شنو سوت بعمرها ماينفع الريحه فيها فيها
خامسا العيال يعتمدون على نفسهم بكل شي وانا اراقبهم من بعيد واعدل من وراهم لانهم صغار 4و6 و8 سنين
هاذي ايجابيات والسلبيات كانت
اولا الزباله منو يطلعها (حليتها بالسايق كل يوم بالليل ياخذها من عند الباب)
ثانيا اغراض الجمعيه منو يصعدها للبيت( نفس الحل السايق)
لما جبت الخدامه فرح المسكين اكثر مني
شلون كنت امشي يومي واخلص شغلي :
الصبح اسوي ريوق العيال وبس يداومون اغسل الملابس والحمام واكنس البيت كله وادوتله واكوي الملابس ما اخليها تتكود علي علشان لا اتعاجز اما الدرايش والبيبان انظفهم بالاسبوع2او3 مرات
اسوي الغدا قبل ردت العيال وبعد الغدا ينامون وانا انظف المطبخ عدل مدل لان بالليل انشغل احيانا يكون عندي كوي وازهب ملابس العيال للمدرسه
والحمد لله كانت الحياة ماشيه على نظاااااااام والكل يتساعد ومعتمد على نفسه
