حياتي بدون خادمة .... احلى :_) تجمع بيوت كويتية بدون خادمة

[أغلى حبيبه]

الله يعينكم ان شاءالله

ويسخر لنا خدمنا

 

[البخت ضايع]

غرامي زوجي ...

يمه جنج تتكلمين عني ههههه بناتج نفس عمر بناتي والصغيره ام سنه تاخذ المركزالاول مع مرتبة الشرف بالحنه
ماشفت مثل حنتها ..والثانيه تخصص خراااااااااب بالشقه وعسي ماعطيها ظهري الا طايحه بالصغيره تكفخ وتعضض ورفس

بناات سارلي ست اشهر من غير خدامه اهيء اهيء ماتوفقت فيهم اللي نحاشت واللي ماتبي الشغل واللي نجسه

الحياه صعبه من غيرهم خصوصا اذا عندج عيال وري بعض ... مومشكله ماعندي مانع انظف واغسل واكوي لاكن اللي يقطع قلبج لارحتي مشوار ولا مسيار ولا سوق وين تحطينهم !!! هذي المشكله

لاسيرتي علي اهلج من يشوفهم ويتابعهم من بعيد مع زحمة اليهال والبيبان المبطله ..اخ قهر رضينا بالهم والهم مارضي فينا

 

[حور العيوون]

الله يوفقك ام خالد الخدم شر لابد منه

وياليت يالغاليه ترسلين لي اسم شركة التنظيف ورقمهم ورقم الحرمه اللي تسوي الاكل حاولت ارسل لك على الخاص وطلعت مشاركاتي ما تكفي ابيهم لامي تعبت من التنظيف وخداماتها للحين ما وصلو
وشنو تسوي شركة التنظيف ترتب الاسره , تطق اوتي , تبرش الزوليه ابي آخذ فكره ومشكوره يالغاليه

 

[Killer^Girl]

ماشالله عليج

 

[يويوو]

موضوعج حلوو شوفي ياطويله العمر انا متزوجه صارلي سنه ونص وماعندي بيبي ربي يرزقني ان شاء الله
مااااا احب الخدم ادري بتقولون ماعندج جاهل لا زوجي عن ٤ هههههه كل شي يقطه وما يشيله وانا وراه اشيل.
بس انا احب انظف وارتب وابصراحه اللي اكرهه غسيل المواعيين بس الحمدلله من بعد ماشريت غساله مواعيين ارتحت والله نعمه
بقول لكم طريقه ترتيبي لشقتي ٣ غرف وصاله مفتوحه وحمامين يكرمكم الله ومطبخ
طبعا الحمامات كل يوم مع المطبخ لازم اغسلهم
غرفه اليوم ترتيب يومي للسرير
مع غرفه المعيشه
اما الثانيه مالت الضيوف كل ٣ ايام انظفها لان ما اقعد فيها ومحد يجيني دايم
والرخام امسحه يوم وترك والحمدلله
اي وكوي الملابس مالت زوجي الداخليه اغسلها واكويها ومتى ما خلصت غسلتها يعني كل نهايه اسبوع
وملابسي كل ما بغيت لبس كويته بخار ومريحتني كوايه البخار

اي ومسح الطاولات والمرايا مع الرخام اذا مسحته

وبعد كل اسبوعين اجيب خدامه نص دوام ارتب البيت كله غسيل وارتب الكبتات

وبس 
*

 

[Strawberry Flower]

حبيبتي الله يوفقج ويعينج والله الحال من بعضه بس انا اللي زايد علي بعد ان بيت امي ما عندها خدامه واهي تعبانه ومالها غيري يقوم في بيتها

عموما يالغاليه الله يكون بعونا جميع بس ما عليج امر لو تقدرين تعطيني رقم المره اللي تطبخ وشركة التنظيف وشلون اسعارهم بالتنظيف الاسبوعي

 

[دانه المشيطي]

عساكم على القوه كلكم
ان عندي 4 اطفال وموظفه وماعندي شغاله والحمدالله مرتاحه منظمه عملي ومرتبه اموري ولافكر فيها لان صارت عندي عقده منهن..

 

[b6o6a]

الله يعينج
صج صعبه بدونهم


غرام زوجي هههههه الحنه عندنا وعندج خير الله يخلي الخدم يشيلون عالاقل شغل البيت والملابس

 

[وآحشنــي زمآنـك]

يااا ويلي الحياه من غير خدامه ماا تسوى..



أنا توني متزوجه وماعندي عيال ولايعه جبدي من شغل البيت شلون انتوو ..

 

[أم عامر]

الحمد لله ماعندي ولا افكر فيهم

ربي يعيني ويقويني ولا يحوجني لهم

عندي 4 اسم الله عليهم

وشغلي الخاص ومسؤوليه بيتي والحمد لله الله مبارك لي بوقتي

ومخلصه شغلي اهم شي راحه البال

تعب ريولك ولا تعب رووحك

 

[غرام زوجي]

غرامي زوجي الله يعينج والله حاسه فيج انا عيالي كبار ومو ملحقه لاني اطبخ ومو اي طبخ صرت مطعم كل واحد له طلب غير والغسيل وكله كوم وكوي الدشاديش كوم وليرحت مشوار ارد تعبانه الاقي الشغل ينطر ماكو راحه كلش تعبت ..تعبت..تعبت اربع سنين شقا وعداب ادعوا الله يفرجها علي عسى الله يفرجها عليكم

انا بصراحه اذا على الطباخ مستعده اطبخ وامسح واغسل واكنس وكل شي بس مابي حنتهم ولاركضي وراهم عشان ياكالون ولابالطق غصب يالله ياكلون ولاتعالي حاتيم لايبلعون لج شي ولايعورون بعض اخخخخخ معاناة بس الله يعينا اجمعين

 

[غرام زوجي]

غرامي زوجي ...

يمه جنج تتكلمين عني ههههه بناتج نفس عمر بناتي والصغيره ام سنه تاخذ المركزالاول مع مرتبة الشرف بالحنه
ماشفت مثل حنتها ..والثانيه تخصص خراااااااااب بالشقه وعسي ماعطيها ظهري الا طايحه بالصغيره تكفخ وتعضض ورفس

بناات سارلي ست اشهر من غير خدامه اهيء اهيء ماتوفقت فيهم اللي نحاشت واللي ماتبي الشغل واللي نجسه

الحياه صعبه من غيرهم خصوصا اذا عندج عيال وري بعض ... مومشكله ماعندي مانع انظف واغسل واكوي لاكن اللي يقطع قلبج لارحتي مشوار ولا مسيار ولا سوق وين تحطينهم !!! هذي المشكله

لاسيرتي علي اهلج من يشوفهم ويتابعهم من بعيد مع زحمة اليهال والبيبان المبطله ..اخ قهر رضينا بالهم والهم مارضي فينا

واااااي حبيبتي انااكثر وحده حاسه فيج الله يعينا يارب على هاليهال وعلى هالريايل وفوقهم شغل البيت. نفس حالتي بالضبط طلعه مااطلعها الاوانا متحسفه يحنون ويبجون ويبون اكل ولا يسونها وتعالي غسليهم واي ولا يوم توكلينهم والله ابجي يننوني يتفلون الاكل واللي ماتبي تسو روحها بترجع تكرمون واللي تنحاش واللي تبجي جني بذبحها مو بوكلها واااااااااي لو يصير عندي خدامه حلمي وامنيتي 2011 هههههههههه شسوي خايفه لااستخف منهم ومن شغل البيت

 

[أميرة موناكو]

الله يعين الحياة بدون خدامة تعيسه
عالاقل للتنظيف وغسل المواعين ولا الطبخ امره هيييين

::::::: انا خدامات خالتي ايون عندي ينظفون والحمدلله :::::

الحين بطلب فلبينيه بنات شلون الطريقه سمعت انه فيه عقد عمل توقعينه
تاخذونه من المكتب ولا السفاره ؟
بلييييز بنات علمووني طريقه الطلب
شنو يعطينا المكتب من اوراق وشنو اوراق السفاره ؟
ريلي يبي اقووله كل شي بالتفصيل لانه اول مره يطلب ومو عارفه اقوله روح اسأل يقوول انزين انزين


ويطنش


*

 

[اطياب طيبه.أم عبدالله]

موضوعج حلو مثلج يا ام خلود

والله اني مفكره بهالشي وقلت بس اطلع من النفاس باذن الله بسفر هالعوبه اللي عندي وبلتفت حق بيتي بنفسي

الخدم ما ايي من وارهم الا عوار الراس والاذيه

عجبتني دقت ساعه العمل هههههههههههههه

وعجبتني هم طريقتج بالمواعين السفري كلش ما خطرت على بالي

 

[جيتك تعال]

هههههههههههههههااى ...

موضووعكم يااى عالجرح .... انا صارلي 5 سنوات بدون خداامة ....

والدواام ما يرحم وارد البيت اطبخ واغسل المواعين اول باول ... واخلص المطبخ ... اطلع عالحمامات

وعلى الصالة ... هذا اليومي ... ويوم الاربعاء انضف تنظيف جذري عشاان الخميس والجمعة اطلع واتونس

وعندي غسالة فل اتوماتيك صرااحة مريحتني ... واوتي بخاار ... بس هدووم ابونا اوديهم المصبغة بس اوتي

وحاليا عندي دورة في الجاابرية ما اقوولكم احس مضغووطة ... دوام صبح وعصر " آآآآآآآآآآآآآآآآآآه"

بالليل اناام احس باني ادوور عالفرااش كل ما فيني يعورني هههههههههههههههههااى

ومن كم شهر يبت وحدة نص دواام ... صرااحة وصخة ... وباسها قوى بعد مو هينة الاخت

خلتني عاادي ورااحت لما لقت زوود فلووس ... والحيياة مااشية شئنا ام ابيناااا

ايه وبالليل قبل لا انااام احااول قدر الامكان ارتب الي تخربط من قعدتنا واغسل مواعين العشاا وخلاص

ايه وريلي ... ماشااء الله تباارك الرحمن ... ما يخلي شي في مكاانه حووووووووووسة

كل شي لازم يكون مو بمكااانه ... جذيه يرتااح ... الكبت يبطله ما يصكه ... الملابس ينثورها بالارض

يدخل يغسل ويهها تحسوون انه في تسوناامي كان في الحماام عيزت اتكلم .... ههههههههههههااى

والغريب انه وقت الخداامة كان مرتب ....

الله المستعاان ....

 

[أتعبني شمووخي]

توني جايه من الفحيحيل جبت سيلانيه شهر تخيلواااااااااااااااا 150 دينار
على ماتجي خدامتي
امي تقووووول غالين كنت اخذهم على 120
بس واللهموقادره دوام وشغل بالبيت

 

[cat_women]

الله يعيييينكم

انا متزوجه صارلي 3 سنين تقريبا و ما عندي بيبي

و لا عندي خدامه

انا زهقت من شغل البيت مع ان شقتي صغيييييره

بس اغراضي وااااجد اكثر شي اكرهه الاوتي و غسيل المواعين

و برش الزوليه و زوجي نظامه يمشي و يحذف الله يعيييينا

 

[الكويت حياتي]

اخ. الموضوع. حلو وايد صج ان مكرر نوعا ما. بس مالنا. عن الخدم. غرامي زوجي. والله. احسبج تتكلمين عني. اعيالي سنه ونص وسنتين ونص. تقريبا اخ منهم. اخ. طقني وطقك اذبحني واذبحك. طلعت من ولادتي الثانيه من الطبيبماكو خدامه. ولاده. قيصريه. لاحظي. وبنتي عمرها اقل. من سنه والبيبياليديد. طبعا والابوا. اخ منه. مسميته. انه. كريم كراميل جيلي. مهلبيه ذبحني يبيهم ٢٤ساعه. المهم. امي. ماعندها خدامه. فرجعت. شقتي. بنفسي. تقولين شسويتوانه بالمستشفى. طلبت. خدامه. ٥ ايام. تساعد اميبالبيت. حق. بنتي تدرين حفاظه وحلبب وحنه. بس النومه. عند امي المهم. طبعاالطامه. ان من حملت راحت خدامتي لين ولدت يعني ٩ اشهر بدون خدامه. تعالي جربي شغل الحمال. والله كنت ابجي. ادق على نص دوام. بواقين ومو كل مره احصل. يون الشقه. ويع. ويوم. تلق حسب. حالتي للمهم صار عمر ولدي. شهرين جان توصل مالتي يبتها. بنفسي شفتها بمستوصف. السره. وقالت ابي شغل. بسافر. ورديني. كفيلي. مايبيني. جازفت. ويبتها. اطلعت تحب واحد. وقصص. ادبتها ولي الحبن اهيا عندي. بتسافر. اول تسعه. عساها ماترجع. ساعدتني. وايد باليهال. اثنينهم كانوا بيبيات انطرها تذلف. وحلفت ان ما. تدش خدامه. دوام كامل بيتي ابدا. سوي. سيرج. ويطلع. لج. باقي. سوالفها. كاتبه موضوع. من قبل. طبعا. اخذت اجازه بدون راتب لي سنتين عشان اليهال ماهدهمعند الخدامه انطر. بفارغ. الصبر. ان الله يعجل بسفرها. مابي اقطع. رزقها اسفرها ادبتها صارت مستقيمه. قصيت عليها وقلت لها اقامتج تنتهي. ٩. والصج انها. اخر عشره. بس قلت احسن. اذلفها. بعد العيد. مابي خداااااااامه. والله التعب يهون من عوار القلب. هذا كلامي ويوم حامل شلون الحين الامر هين مو حامل. بساليهال حيلصغار. ادري قرقت. عندي كل امور الراحه. بس. الله يعين واكرر. تجربه حياه بدون حمل ولا خادمه. ممكن ارحم

 

[حكاية لليلة]

شسالفة نحشة الخدم كثرة عقب ما نزل القانون الجديد السفر بدون مقابل للي ماعند اقامه والله ضيعنى هالقانون ولا شعارهم (بالسلامة مابني منك غرامية) والله خسرونة هالخدم الله ياخذهم

 

[توتاتوتا]

الله لا يعيد ذا الطاري انا عندي توم 3 من قرب عمرهم 3 الا 4 وزياده كان عندي مشاكل مع الخدم بعدها كانت سنه قاحله 2010 ولا خدامه معاناة مرتاحه من وجبة غدا بس الباقي علي وشغل البيت كوم ومقابلهم كوم وكل واحد له جدول نوم :$

لكن لقيت حل للاطفال بعد ماجبت خدامه وحل سحري ما كأن عندش أطفال

الأيبود من شريته مايتحركون من مكانهم ولا لهم حس ياليت اني مكتشفته من زمان