حياتي الزوجيه متوقفه عليكم ساعدوني

[حلاه الكون]

الله يعينج
وانا مع ام فوازي
كلامها وااااايد حلو
شوفي اهي وخده من الثنتين
ياإما انج تطلقين وهذا اللي بالمره ماانصحج فيه
او انج تصبرين وتضفين عيالج احسن مو كل شوي ببيت
وهالريال اعتبريه موموجود صج قويه بس هذا احسن شي لج

 

[توني انتبهت]

مااقدر اقول الا الله يفرجها عليج


وع كل متزوووجه ان شاءالله



مالج الا رب العالمين


وحاولي تشيلينه من قلبج لان حبج له مو مخليج تفكرين

ولاتنسين ان عندج عيال منه ولج بيت تاخذين خصوصيتج فيه مااحد يحكمج

فكري عدل


والله يسخره لج

 

[((shoOoshoOo))]

ماعقب كلام ام فواز كلام .. (( حيييييييل كلامها واقعـــــــــي ))

ولايهوونون البنات


ربي يهديه

 

[&&&&&&&&]

ما وصلت للإنتحار يا قلبي

ادعيله بالهدايه

الله يهدي سركم ​

 

[قموووره]

الريال ما يحب المره تواجهه باخطاءه اهي حره ادري بس شتسوين ؟
تغاضي عنه وسوي روحج ماتدرين عن شي وعيشي لعيالج وحاولي تصلحين ما بينج وبين الله علشان الله يصلح امورج

عليج بالعاء حبيبتي ما لنا غير رب العالمين والله يمسح على قلبج ويهديه ويسخره لج​

 

[سوسو حبيبتى]

تفل عليج !!
حسبي الله عليه جليل الاصل
لو فيه خير ما نزل من قدرج عشان بنات زباله عزج الله يوم له وثاني يوم لغيره
لا وانتي حضرتج تبين تنتحرين عشانه من زينه ولا من حلاه عشان تيتمين عيالج بسبته ؟؟؟
لا والله لو انا منج ورب البيت بعد هالحركه اللي سواها ما تنزل مني دمععععععه وحده عشانه
شوفي ياقلبي تبينه يمشي سيده ويصير رجال عدل
اول شي دموووع انسييييييييييييييييييهم حتى لو تموتين من قهرج بس اكتمي بنفسج وسكتي وقوي نفسج بنفسج
خليج ياجبل مايهزك ريح ياقلبي مهما يسوي خليج صامده وقويه حتى لو هشه من داخلج بس جدامه عطيه العكس
ولا تقصرين بحقوقج ولا واجباتج اتجاهه واحترميه بس بنفس الوقت عطيه طناش جنج تقولين له ترى اللي اسويه لك تادية واجب مو اكثر ..~
يعني شوفي بيتج واحرصي على عيالج وعطيه حقوقه كامله وبنفس الوقت خليج بارده وياجبل مايهزك ريح وصامده واضحكي وااستانسي وبيني له انك ماهميتني لو شنو تسوي ماهزيت فيني شعره
حتى لو بداخلج عكس هالشي بس انتي مثلي له القوه والبروود ولا تبجييين كلش
وغيري من ستايلج وبيتج العبي مع عيالج بالبيت وعطيهم وقت اكبر واضحكي معاهم ودرسيهم واطلعي مع عيالج او مع اهلج وغيري جو واقترحي على اهلج فكرة شاليه وروحي انتي والعيال مع اهلج بالويكند وردي السبت منها تغيرين جو ومنها تفتكين من وجهه الودر ومنها تراجعين حساباتج عدل وتقوين نفسج بعيد عنه
بس مااا انصحج تطلعين م بيتج ابدااااا وتخلين غيرج تهدمه بارده مبرده لا ياقلبي خليج ذكيه ولهلووبه
واي شي تحتاجينه راسليني عالخاص مرح اقصر معاج حبيبتي والله يوفقج ياااارب ويسعدج ويهدي زوجج
بس الله يعافيج لا تنسين الدعاء اطلبي من ربج ينصرج عليه وعليهم ويقويج ويعينج على هالرجال واستغفري دايم وصلي عالنبي

والعنوان لاهنتي ياليت تطلبين من المشرفات يغيرونه حرام تقولين حياتي متوقفه عليكم لانه حياتج كلها متوقفه على رب العالمين ان قال كن فيكوون بلحظه وحده سبحانه



ونسيت اقولج شغله حاوولي قد ما تقدرين تتجنبينه وخليج بارده وقليلة الكلام معاه وانتي جربي اللي قلته وشوفي النتايج وبشريني

البنات كفوو ووفووا

والاخت كتبت كل كلمه صراحه كنت هااكتبها لك

مبداء بالحياه :ch12:


الحقران يقطع المصران

اكتبيها لنفسك كداا ع المرايا والا فى اى مكان تشووفيه

وكل يوم اقريها واضحكي

اضحكي على هبله ... لانه بجد اهبل ومش عارف مصلحته

وحقررررررررررررريه من هنا للسنه اليايه

واطلعي واستانسي وحبي نفسك وعمرك

وكل هواياتك الى بطليتها ارجعي اعمليها

وكل اصحابك الى قطعتيهم بسببه ارجعي لهم

وانسيه انسيه انسيه ...خليه مجرد فيزا كارت اسحبي منها فلوس على اد ماتقدري وفلسيييه

حلالك وحقك وحق عيالك احسن مايروح لغيرك .. والله لو فلس مافى بنت هاتعبره

واقعدي على قلبه ف البيت وافرسيييه وخليه يموت قهر

وارجعي احكي لنا ايه الى حصل معاكي . واى سوال حياكي ع الخاص

 

[فراولةksa]

تبغين نصيحتي صلي اخر الليل وادعي واكثري استغفار والله باذن الله ليسخره لك ربي

 

[نونه المنكوشه]

كتبت رد ومسحته لانه مابي استاثم فيج كل انسان وله ردة فعل وطاقه فانتي ادري بنفسج وفيه بس بقولج شغله انتي من الاول عارفه انه مغازلجي فماوقفت ع الورقه واللي مايصلي ولافي بقلبه خوف من الله توقعي منه كل شي وريلج مايستاهل دموعج الله يفرلجلج الحين ادعي الله واستخيري وشوفي شنو ربي يكتبلج اما امساك بمعروف او تسريح باحسان

 

[بسبوسه2]

الله يفرجها علي كل وحده ردة علي وهدتني وطفت ولو جزء من النار اللي بقلبي
مشكورين بنات والله يعطيكم العافيه وراحة البال يارب

 

[نسمات 26]

مالت عليه طنشيه ولا تفتكرين فيه

وعيشي حياتج واستانسي وونسي عيالج

مرده بحس و بيتم بروحه ومحد له

ولا تنسين تدعين له بالهداية

 

[Qataria elegant]

حبيبتي عورتي قلبي بكلامج فووق شينه قوات عينه بس الله يريح قلبج ان شاء الله وبقول لج شي:
بشكل عام الرياييل كلهم خاينين بس المصيبه اللي يجاهر و ما يعمل حساب لزوجته... لا تعورين راسج وطنشي له خلي بالج ترا الريال حتى لو يغازل ترا كل اللي يكلمهم مستويات واطيه مسحيل يقارنهم فيج..

فكري عدل ثب ما تتخذين قرار تبين تهدمين بيتج ؟ او تبين تنتحرين وتيتمين عيالج المساكين ؟ او تخسرين اخرتج ؟
ما عندج سالفه والله شلي فكرة الانتحر من راسج وخلج ضد الصدمات ولا تاثر فيج , ولو شفتي اي دليل خيانة لا تواجهينه وخلج غامضه ترى الرجل يخاف من غموض الزوجه ... سكوتج ما يعني انج غبيه بالعكس يعني انج ذكية وتبين تحافظين على بيتج...

وصدقيني مارده بيندم على اللي هو سواه وراح يعوضج.... انا ما انصحج بالانفصال عنه لان حرام عندج عيال بس هم لا تسمحين له انه يهينج والصراحه تصرف حقير انه تفل عليج ... ازعلي عليه ولا تكلمينه لمدة ثلاث ايام يمكن لو زعلج.. بس لا تطلعين من بيتج ... نامي بغرفة عيالج وخلج مستانسه مع عيالج وهو سفهي له لين يعتذر... وقولي له انج بتعطينه فرصه ثانيه يراجع حساباته فيها ... يخسر حبيبته ام عياله علشان ق--------- ما اظن .

اذا هذا اسلوبه معاج انتي ام عياله على بالج بيداري على البنات اللي يكلمهم اصلا اكيد محد ماعطه ويه ولا يحبونه لان البنات يحبون اللي يدلع مب اللي يزف ويهاوش ويتفل .... ما ابي اغلط عليه بس قاهرني

كلش لا تدورين من وراه على ادلة خيانه ولو لقيتي شي طنشي ... كل الرياييل جذي يعني انتي ما تعرفين الشي هذا ؟

طمني قلبج واللي يكون بينه وبين بنات الحرام... ما يهم لان اللي بينكم انتوا اكبر... ولو تلف الدنيا وتدور هو بالليل عندج.. وانتي ام عياله .... احتويه اكثر دلعيه وكسبيه لصوبج.... خليه يحبج وانتي حبي نفسج خلي شخصيتج قويه...
واهم شي لا تواجهينه ابدا بالخيانة لانه ما راح تستفيدين شي ......

حبيبتي بعضهم يقولون ضل راجل ولا ضل حيطه... لا تخلين بيتج حق وحده ثانيه تاخذه خلج ذكيه

 

[حبيبي مالكني]

تعوذي من ابليس شنو تفكرين بالانتحار
تخسرين دنيتج واخرتج على سبت ريال
نلفي شي يستاهل تغضبين ربج
قومي صلي لج ركعتين وادعي ربج الي عينه لا تغفل ولا تنام
وروحي بيت هلج زواره ريحي عندهم جم يوم
ادري الي يسويه ريلج يحر ويموت من القهر
بس عندج رب ما يضيع حق احد