حول بعين الطفل

[Om-hamadly]

السلام عليكم ورحمة الله

حبيباتي ولدي عمره سنه وشهر تقريبا وفجأه صار فيه حول واحسه كل يوم يزيد ويصير اوضح

سويت اشعة رنين على راسه والحمدلله طلع سليم فقالو روحو لدكتور عيون

وامس رحت للعجمي بس شافه قال هذا حول وهذا عادي ولبسوه نظاره وكتب لنا قياسها من غير فحص ولا شئ

وانا اشوفه صغير على النظاره حتى توه ما يمشي

منو جربت نفس هالحاله تطمني او تعرف دكتور عنده حل ثاني غير النظاره

والله حايسه وخايفه اسلم هالامانه بييد الاطبه انتو تعرفون حالة الطب عندنا

بليز بنات لا تبخلون علي​

 

[جامعيه]

انا ولدي بعد عمره ثلاث سنين والاحظ مرات عيونه تحول فوديته عند سامي ربيعه وسوالي فحص عالكمبيوتر وقالولي ان عنده بعد نظر وعشان جذي يضغط على العين ف تحول ولازم نظاره لعمر 8 سنوات ولا راح يزيد الحول ويصير معاه انحراف الله لا يقولي وكاني مسويتله نظاره وهو مايبي يلبسها ويبجي والله قلبي معورني عليه بس الحمدلله

 

[واثقه بالله]

روحي حق دكتور اسمه محمود راجح بمستشفى دار الشفا اهوا تخصص الحول والحول الكاذب وكسل عيين اخذي عنده موعد واستشيريه لانه ممتاز لا تعتمدين عل كلام دكتور واحد هذي عين

 

[Om Ghalia]

النظارة ضرورية حتى لو اهو ما يحبها بس شوي شوي يتعود عليها...... نصيحة مثل ما يقولج الطبيب سوي....

 

[فطومه الحلوة]

اهم الشي النظاره لا تهملينها لان اهيه اللي راح ترده طبيعي بس يبيله وقت

 

[Om-hamadly]

يعطيكم العافيه حبيباتي

والله ما قصرتو

وانا بعد ما خلصت جولتي على الاطبه اقتنعت ان النظاره الحل الوحيد

والله يصبرنا ان شاءالله

​

 

[عيش و مرق]

احسن شي النضاره مع الوقت تشد اعصاب عينه وترد طبيعيه

الحول يكون سببه ارتخاء بعضلات العين