حولوني طفل أنابيب

[جمانه وحنين]

السلام عليكم ورحمة الله وبركاته

بنات
انا عندي مشاكل وايد منها ( الغده وهرمون الحليب المرتفع وعدم انتظام الدورة الشهرية وفقر الدم ) والحمدلله على كل شي
وزوجي عنده ضعف في حركة الحيوانات المنويه

المهم:
حولتني دكتورتي في مستشفى الصباح إلى قسم طفل الأنابيب
وماني عارفه الخطوات اللي يسوونها
أبي اسأل اللي مروا في حالتي أو أي وحده حولوها لطفل الأنابيب شنو يسوونلج وجم المدة اللي تنطرينها عشان يبلشون فيج العملية

الله يجزاكم كل خير

 

[متوترة]

الله يتمم لج على خير يارب ويكتب لج الحمال قبل الانابيب والتعب يارب .

والله ماعرف بس ماحبيت اطلع بدون ما ارد لو بدعوه

 

[عــود كمــبودي]

الله يتمم لج على خير يارب ويكتب لج الحمال

 

[جمانه وحنين]

الله يجزاكم كل خير عالدعوه الحلوه
اللهم امييييين

 

[boliana_q8]

حبيبتي لا تتضايقين
انتي اسعي والله يرقج
اما بالنسبة للمدة اتوقع 5 شهور
لان حتى الأجانب صاروا يتعالجون مع الكويتيات ودشو معانا بالطابور يعني بين اسمين كويتيات اربع اسامي اجنبيات

انا مو متاكدة من المدة انتي سأليهم وشوفي

 

[اخت الدكتور]

الله كرييييييييييييم ماينسى عبيده

 

[ابدا يالغالي مانساك]

ربي يرزقج ونفرررح فيج

 

[@ام يوسف@]

الله يرزقج الذريه الصالحه

 

[Dodo80]

حياتي انا فاتحه ملف عندهم اول شي يروح ريلج بروحه ويشوف شنو طلباتهم حق فتح الملف بعدها يدقون عليج يعطونج موعد على ما اعتقد كان بعد اسبوعين بعدها يسوولج تحاليل دم وحق ريلج تحليل المني ويعطونج موعد حق السونار بعدين يعطونج موعد حق الدخول حق الدكتوره ويقررون متى العمليه انا باقيلي الخطوه الاخيره واسبوع الياي موعدي عندهم عشان يقررون

بس نصيحه اي تحاليل او اشعات موجوده عندج ييبيها كلها عشان لايعيدونها والمده كلها ماطولت اكثر من شهرين

 

[Hanan82]

والله اختي ماعندي علم ، والله يرزقج الذرية الصالحة يارب

 

[جمانه وحنين]

الله يجزاكم كل خير يالغاليات
وماقصرتي على المعلومات يادودو80

 

[lovemyself]

بعد حطوا اجانب مع الكويتين ؟
اساسا امكانات استيعاب المستشفى للمرضى ضعيفة يعنى تدرين انا رحتلهم وعطونى موعد بعد اربع سنوات تخيلى
هالدور حاطينلى اجانب معانا عيل جم بتصير المدة انشالله !!!؟؟؟