حوامل سمينات

[برد ابو الذهب]

ماشالله عليكم الوفيرا وحياه ريلي تشجعووووون ؟! والله كلامج صح حياه ريلي أحادي بعد الأربعين شسوي ولا شسوي الله يستر؟! اليوم آكلي معقول توست وجبن وسلطه وقبل شوي حليب كاكاو

 

[حياة ريلي]

برد بو ذهب
اذا انا اللي حامل بتوم و بدش السادس بعد يومين مو زايده ولا كيلو من حملت لي الحين لا بل نقصت
اكيد انت تقدرين عالاقل تحافضين بكل سهوله
بالنجليزي يقولون
If i can do it. . You can do it! !!!
ساعات اتخيل نفسي اول ما اولد و وزني مثالي لا احاتي رجيم ولا شي بالذات ان ولادتي قيصريه يعني شهرين ثلاث ما اقدر العب رياضه عدل​

 

[حياة ريلي]

اليوم تعشيت شوربه خضار مع قطع صدر دياي انا مسويتها بالفندق لذييييييييييييذه

 

[برد ابو الذهب]

واااااااي فديتج حياه ريلي شنو كلامج يشجعني انا خصوصااااااا ؟! ماشالله عليج الله يثبتج وانشالله اوعدج التزم تكفيييييييييين خليج وراي؟! وااااااي أحس جني ياهل

 

[حياة ريلي]

انا شريت لي ملابس حق طلعة الاربعين قياساتهم اصغر من ملابس قبل الحمل و مو رخاص عشان كل ما اشوفهم اتشجع و ما اخربط
و بعدين لاحقين عالاكل. . العمر يمر و الشباب يطير و الاكل موجود. حرام احنا تونا صغار بالعشرينات و متان لا نقدر نلبس عدل ولا نكشخ على شنو! !!! على كاكاو و خبز و عيش و بطاط طول عمرنا ناكل فيهم ولا نشبع! !!!

 

[تبطي عظم!]

حياة ريلي ماشاء الله حييل كلامج يشجع الى الامام حبيبتي


ريوقي كورن فليكس وحليب كالعاده




وبعدها بساعه شربت قلاص ماي


الحين باخذلي شور

وبعدها بتغدى سلطه ورقي وصدر دجاج مع عيش شويه

 

[Aloe Vera]

السلام عليكم
و مبارك عليكم الشهر


حياة ريلي يبيلج تكتبين نصايحج و كلامج المحفز بالانستقرام و التويتر

و على فكرة انا اشاركج الراي

و الحمدلله انا داشة هالتجمع مو لاني سمينه بس لاني ابي احافظ لاني لو ماحافظت بكون سمينة اكيد

عندي بنتين و لمن ماكون حامل كلمن يشوفني يحسبني مو متزوجة لاني حيل مهتمة بجسمي و وزني احس ان يكون جسمي حلو و بشرتي حلوة اهم من اني البس احلى هدوم الدنيا


عندي مبدأ ان شنو فايدة البس ماركات و البس ساعات غالية و الماسات و انا جسمي خايس ؟
شنو الفايدة اكشخ و اتمكيج و انا بشرتي تعبانة و صحتي مو زينة بسبة الاكل الغير صحي و الاهمال و نمط الحياة غير صحي و كسل و كآبة و ؟؟؟


طبعاً انا هالكلام اطبقه على نفسي مالي شغل بالناس و لا احكم عليهم من ناحية الشكل
بس انا انسانة وايد visual مو معناته اني انسانة سطحية بس لاني اشوف وايد اشياء جودتها تبين بالشكل

يعني الشخص اللي صحتة زينة تبين من شكلة

عرفتو قصدي؟

 

[تبطي عظم!]

الوفيرا بالضبط انتي نفسي


انا الحمد لله من بداية الحمل ماتغير وزني ابداً يالله لك الحمد

والحين وصلت الثامن ومو مبين علي واحس حتى لياقتي الجسديه قويه

لان اكلي صحي صح اخربط بس مو واجد

الككاوات والعصاير المعلبه السكريات من زماااان قاطعتها من بيتي


الوجبات السريعه من زمان قاطعتهم حتى الكافيهات

وقاعده التزم بنصايح نينجا ع الانستقرام

 

[Aloe Vera]

حياة ريلي و تبطي عظم!


ماشاءالله عليكم محافظين على اوزانكم



انا بصراحة هالشي ما يصير معاي بس تظل زيادة وزني ماتتعدى الطبيعي اللي اهو ١٢-١٥ كيلو
طبعاً اجاهد عشان ما ازيد اكثر

و شكلي مع هالزيادة مايتغير وايد لاني طويلة ١٧٠ سانتي

تخيلو اعرف وحدة زادت بحملها ٤٠ كيلو !
و حملت بعدها مره ثانية بعد جم شهر و تقول بالنفاس بسكر حلجي خلاص بس ياربي احس هالشي مو صحي حتى بالنفاس مو زين الحرمان من الاكل و الجسم فاقد دم و تعبان

 

[حياة ريلي]

مشكورين عالكلام طيب احرجتوني :tek::tek:
الوفيرا اتفق معاج بكل كلمه انا لايف ستايلي صحي و ملتزمه بالرياضه من عشر سنين
وزني عادة يتأرجح بين 75-78 و طولي 183بس انا عشان احمل اقعد اعالج شهور و اوقف عشان احمل و هالشي يزيد وزني مو ماي لا دهون بس ميتابوليزم جسمي يخترب من الهرمونات.. ابسط شي اكله يتفخني و انا ما اقصر ساعات اطيحله توست و جبن و انتفش هههههههه
عشان جذي اخرص بحملي ما ازيد عشان لما اولد على طول ارد بوزني الطبيعي بالسبعينات
اتفق معاج ان اهم شي الجسم و البشرة و الشعر. . الحلو حلو لا قعد من منامه و الشين شين لا لبس هندامه! !!!
و انا لبسي كله جينزات و قمصان و ما احط مكياج الا نادر عشان جذي لازم تكون بشرتي حلوة و جسمي حلو والا يطير الرياال هههههه

 

[Aloe Vera]

حياة ريلي صح كلامج


امس سحوري سلطة حلوم مشوي
خمس تمرات مع قهوة عربية
نص علبة روب قليل الدسم
ماي طبعاً




تصدقون دام اليوم زوارات خل يكون فطوري خفيف سلطة و شي جذي لان اكيد كل بيت اروحله فيه شي اكله مابي انغث من اول يوم

 

[حياة ريلي]

الو فيرا انت حامل بولد ولا بنت ؟

 

[Aloe Vera]

انا حامل بولد ان شاء الله حسب السونارات

 

[Aloe Vera]

و انتي شنو نوع التوأم؟



تبطي عظم!

جنه فيج ولد صح ؟

 

[حياة ريلي]

:wqedqw:بنت و ولد

 

[Aloe Vera]

ماشاء الله تبارك الرحمن الله يباركلج فيهم و يحفظهم

 

[Aloe Vera]

توني تفطرت صدر دياية مشوي و سلطة خضار فيها شوي باستا
خمس تمرات
نص علبة روب
ماي

احس اني خفيفة الحمدلله

 

[حياة ريلي]

تقبل الله صيامكم و اعمالكم.

 

[حياة ريلي]

سلام بنات :eh_s(8):
ما اوصيكم بالسحور المتأخر عشان لا تتعبون من الصيام و عشان لا ينزل الميتابوليزم عندكم من قل الاكل. . وافضل سحور يكون بعد الساعه 12 و يكون كوب شوربة عدس او كوب هريس او جريش او كوب روب نع خمس تمرات. و هالله هالله بالماي انتوا حوامل يبيلكم عشر قلاصات ماي ثمانيه لكم و اثنين حق البيبي او في حالة اتا اربعه حق البيبيات :eh_s(9):
خلوا دولكة ماي بارد يمكم و كل نص ساعه او ساعه شربوا قلاص

 

[حياة ريلي]

لا زرتوا و حطولكم حلو اكلوا بس باعتدال يعني قطيفه وحده او ثلاث حبات لقيمات و سووا مثلي اخذ و ابتسم و اخلي ريلي ياكله هههههههههه