حوامل سمينات

[حياة ريلي]

اي و نسيت اقول مؤشر كتلة الجسم عندي 27،9


بنات كل وحده خل تقول كم تبي تنزل وزنها ؟ انا ابي انزل عشره قبل الولاده و بهالمعدل يبيلي شهرين انزلهم
عشان بعد الولاده ما يبيلي انزل شي

 

[7alaty]

هلا وغلا كروشات

أخت ريلي : كملي على نظامج وايد حلو الهدف بس اهم شي يكون فيه توازن للبيبي

الوفيرا: حبيبتي تو الناس باقي شهرين حاولي تقطعين شغلات معينه من نظامج يعني مثلا عيش وحلو ممنوع حاولي تنزلين لو ٣ كغ لان وراج نفاس بإذن الله

تبطئ عظم : حبيبتي خلي عندك مقدار علبة روب وحطي فيها من الغدا اللي يصعدونه حمولتج وذوقي من باقيالاصناف ترا عادي جذي قالتلي وجدان الشمري لما قلت لها مرات أتوهق واضطر اكل معاهم قالتلي أحسبي حساب علبة روب

برد ابو ذهب وينج ؟؟ عسا المانع خير

 

[7alaty]

حياة ريلي : حاليا ودي انزل ٤ كغ عشان ادخل ال٨٠ لان وزني ٩٣

وربي يسهل علي وأوصل بأسبوعين قبل رمضان

 

[7alaty]

اليوم نظامي كان :

الصبح شريحتين توست اسمر ( من بدائل الخبز الأسمر ) وشوي جبن مالح وطماط وزيتون وشاي حليب

امممممم الغلطة الوحيدة خذيت قفشة ونص من جبن القلاص مع شريحتين توست وقت الضحى <<<<< خربطة تستحق عقاب

قررت ما اتغدى شربت كوب حليب حار مع شوي هيل ونمت

قمت قبل شوي مؤ مشتهيه شي الحين شربت ٣ استكانات شاي منعنع وبكمل ال٤ راسي يعورني توني اقوم

بكامل نظامي بس بدون نشويات اللي هو :
سمك فيليه مطبوخ بالفرن وجرجير

واذا يعت السناك تفاحة وروب

وانا قدها بإذن الله ماراح اخلي الخربطة تخرب نظامي

 

[حياة ريلي]

عاشوا عاشوا:eh_s(9):
بنات نصيحه امشوا كل يوم لو ساعه ترا ما تضر بالعكس تشد عضلات قاع الحوض اللي تكون شايله الرحم و تخلي الرحم مسكر و حق حزة الولاده لا قالولج سوي بوش تكون عضلاتج قوية
انا و لله الحمد خلصت المشي اليوم:eh_s(9):

 

[7alaty]

نسيت أضيف الشوربة مع العشا

يعني صار سمك وشوربة وجرجير هههههههههههه



اي والله أخت ريلي صدقتي المشي حلو انا كنت امشي بحملي الاول وايد ووايد ارتحت

بشوف دكتورتي ان شاء الله وضعي اوك عقب أسبوعين وتحددلي

حاليا امشي يوم وترك نص ساعه بالمجمع

 

[تبطي عظم!]

حلو نظامكم

حلاتي ان شاء الله بسوي مقدار الروب احسن واتطمن اكثر


بالنسبه لي ماعندي هدف جم انزل انا بس المهم عندي مااتعدى المعدل الطبيعي


والمشي ماادري انا قبل يومين نزل مني افراز وردي فأخاف امشي واجهد نفسي واتندم بعدين

بخلي المشي اخر اسبوع بالثامن

 

[Aloe Vera]

واااايد حلو نظام علبة الروب

مجربته من قبل يشبع و بنفس الوقت مايثقل عالمعدة و مايوهق اي شي اقدرين تاكلينه

 

[حياة ريلي]

حلاتي منين يايبه اخت ريلي هههههههههه حياة ريلي
يعني ماله معنى اخت ريلي

 

[حياة ريلي]

نظام علبة الروب او الكوب اسويه اذا باكل عيش و مرق احط نص قوطي عيش و نص قوطي مرق

 

[7alaty]

ههههههههههههههههههههههه
اي حبيبتي حياة ريلي

 

[تبطي عظم!]

حلوو



وين باجي البنات شكله ماكوو اراااده

 

[برد ابو الذهب]

فديتكم والله !!! ماشالله عالكروشات ماشالله !!!!! كفو صراحه تشجعووووون ؟! حياتي تسلمين عالسؤال يا قلبي بس كنت لاهيه شوي مع أمي تعبانه؟! بس من يوم السبت وأنا ملتزمه آكلي جداً جداً قليل واغلبه سوائل!!! من بأجر ببدا اكتب يومياتي معاكم

 

[تبطي عظم!]

صباااحوو شلوون الرشييقات اليوم

برد بوذهب

ماتشووف شر الوااالده

ناطريين اليومياات ~





اليوم ريوقي نفس امس كورن فليكس وحليب

 

[7alaty]

صباح الخير حبيباتي

الريوق اليوم : شريحتين توست وجبن لايت وخيار وجزر وقطعه صغيرة رقي


تريقت مبجر علشان جذي تغديت الحين مت يوع لان بنام

الغدا : من مطعم المفروض حق ريوق هههههههه

كليت شريحتين توست ابيض داخلهم حمسة وقفشتين تبولة بدون برغل وقفشتين من نوعين جبن وقفشتين من حمسة سبانخ مع مشروم


طبعا الأكل قليل بس سعراته وايد

ملاحظة : كنت مع رفيجاتي بمناسبة ف ما حبيت أكسر فيهم بس الحمدلله ما شربت عصير ولا حلو ولا سوالف ثانية

ولاحظت ان خلاص معدتي تعودت من امس على كمية قليله

 

[7alaty]

برد ابو ذهب حبيبتي اسم الله عالوالدة ربي يحفظها من كل شر



بالنسبة حق نظامي كنسلت الغدا وبنام بعد الصلاة

واذا قمت ان شاء الله اقول كم شنو سويت

يلا نبي همة

نسيت اقول : اليوم راح اطلع امشي نص ساعه

 

[Aloe Vera]

انا اليوم وزني الحمدلله زين

تريقت بيضتين اومليت بالطماط و السبانخ حيل حيل لذيذة معني ماحب البيض مع خبز ايراني و بعدها اجرمت شوي بقيمر و عسل ههههه بس كمية صغيرة

و ليلحين ما اكلت سناك بس شربت وايد ماي و ماحس بليوع لان ريوقي متاخر شوي و ثقيل

غداي راح يكون عيش و لحم اكل تقليدي بس باكل شوية و معاه سلطة ان شاء الله


امس شربت حليب خالي الدسم قبل لا انام بس هم كنت يوعانه عالخفيف يعني بادية ايوع و احب انام جذي راحة للمعدة

 

[حياة ريلي]

:hjy5jewf::hjy5jewf:هلا بالغاليات
انا اليوم ريوقي كان توستتين مع جبن سلايس خالي الدسم و نسكافيه خالي الدسم و نسكافيه بدون كافيين عشان بيبياتي و سبليندا

 

[حياة ريلي]

برد بو ذهب سلامتها حلوة اللبن ما تشوف شر

 

[تبطي عظم!]

عاااشوو الرشيقاات

الو فيرا انتي تقيسين وزنج يومياً !!



توني تغديت عيش ومرقة لحم مقدار علبة الروب ونص قلاص لبن قليل الدسم

وقبلها كليت ٣ رقيات يقولون زين للهضم ماادري عاد صج ولا بيخربون نظامي ههههههه



اليوم بسير على بيت عمي الله يستر من الخربطه بس بنتبه حييل ماراح اخربط ان شاء الله