حوامل سمينات

[برد ابو الذهب]

هم رديت خرتها أمس واليوم وااااااااي بنات شسوي مو قادره استغفر الله النفسية زيروو

 

[حياة ريلي]

برد بو ذهب سوي نفسي. . روحي حق اخصائي تغذيه خل يتابعج و يعطيج الشي اللي يناسبج و تتحملينه و ما تخربطين

 

[برد ابو الذهب]

حياه ريلي انا رحت طالب بس رجيمه يجوع نفس رجيمه المعتاد ! انتي وين رحتي أي دكتور

 

[حياة ريلي]

أنا راجعت اليوم عند هبه بن سلامه
هي متخصصه بالحوامل اكثر شي
عطتني جهاز صغير تعلقينه بهدومج يحسب كم خطوة تمشين باليوم من حركتج عشان تعرف انت شكثر حركتج. عجبتني هالسالفه لان ساعات الواحد يظن انه حرك بس يكتشف ان مو وايد حرك
و قالتلي اصورلها تحاليلي الاخيرة و اطرشهم لها واتساب
و قالتلي اخذي نوته وكتبي فيها من تقومين لين تنامين شنو تاكلين و تشربين خلال اليوم و اخر اليوم احط شعوري هابي فيس او ساد فيس خلال اليوم.
و عطتني موعد يوم الاربعاء الياي عشان تشوف النوته و اكلي اليومي و عشان تشوف قراءات الجهاز و بناء عليها تسويلي نظام

 

[حياة ريلي]

طبعا سالفة النوته هذه تخليج تتفشلين و تلتزمين لان في احد بيشوفها
يعني وانا طالعه من العياده اشتهيت سنكرز بس قلت لا يبه فشله اكتب بالنوته اني متريقه و عقبها بساعه سنكرز و عقبه بساعه غدا !! و عالغدا قاعده و اعد كم قفشة عيش اكلت هههههههه

 

[برد ابو الذهب]

واو تصدقين مبين خوش دكتوره وين مكانها حبيبتي

 

[Aloe Vera]

وايد يمدحون هبة بن سلامة

انا وزني للاسف زاد ٦٠٠ جرام معناته لازم انزل كيلو

و السبب كثرت عالغدا
و نمت بعد الاكل
و علطول زاد وزني


في طريقةً حلوة تخليني اتحكم بكمية الاكل بس مو مطبقتها حالياً

اهي اني اخذ ملة الكورن فليكس حجمها صغير بس مو حيل مالت الشوربة يعني
و احاول اكل قدها مو اكثر و تكون من اكل الغدا المعتاد مع سلطة

الكمية تشبع بس ما تتفخ

لمن كنت اسويها و انا حامل ارتاااح و وزني حلو

و الحين برجع لها ان شاءالله

 

[حياة ريلي]

مكانها في الدانه بلازا بالشعب البحري. عمارة شلاويط يم ليلى هارموني بالطابق الرابع

 

[7alaty]

اهلا اهلا بالكروشات

حياة ريلي : زين سويتي حبيبتي غيرتي الشي اللي ما ناسبج

 

[7alaty]

برد ابو ذهب:

حبيبتي عادي خربطي ولا تحسين بالذنب بششششششرط اكتبي لنا شنو كليتي ومن خلال النظر راح تشوفين شكثر خربطتي


انا مخربطة اليوم وايد بس عادي لان في بالي ما أعاتب نفسي وايد

 

[7alaty]

طبعا اليومين اللي فاتوا المنتدى مغلق

يوم الثلاثاء الصبح كليت توست اسمر وبيض وشاي حليب + الغدا بيض مسلوق وشوربة وخس + العشا سلطة فواكه وحليب

بينهم شربت قهوه وكاكاو صغير ، وكليت ٦ قفشات معكرونة


يوم الأربعاء:

خبزة إيراني + شوي من حمص وفول وخس خيار طماط وشاي حليب = الريوق

الغدا : ماكو غداً لأني كنت شبعانة

العشا : مشويات مع خبزة لبناني + عصير برتقال + شوي حمص

 

[noona]

خوش تجمع بنات ابي انظم معاكم

انا توني داخله الثالث وزني قبل الحمل 64 والحبن 65

وايد اخربط والشهيه مفتوحهه

اول حمله يصير فيني جذي كل باكل احس ما اشبع

قررت اررح حق دكتور ينظم اكلي ذبحني الامساك
بس اروح ان شاء الله اقولكن شنو نظامي

واليوم يوم الزواره اكييييد كل خرابيط الله المستعان

 

[حياة ريلي]

سلام يا كروشات رشيقات
امس عشاي كان متبل شمندر و نص خبزه سمره. و بيضتين بدون دهن
طبعا مثل ما قتلكم هذا مو رجيم الدكتورة يوم الاربعاء الياي تشوف اكلي العادي و تسويلي نظام بعد ما تقرا انا شنو كليت باسبوع
اي و مشيت ساعه و نص بالممشى و وصلت 13.000 خطوة باليوم كله على جهاز عداد الخطوات

 

[حياة ريلي]

اليوم تريقت بيضتين مفيوحات و تفاحه خضرهو الله يستر من اليمعه

 

[7alaty]

يوم الخميس من بدايته الصبح تخربط ههههههههههه

بطاط ليز وبيبسي عالمغرب <<<< مؤ طبعي اشرب بيبسي بس فصصصصصصصصصلت الا اشربه
كليت وجبة والغدا كليت من العيش

وختمتها بالايس كريم

وعلي بالعافيه

 

[7alaty]

أختي الو فيرا :

لازم تحطين لج نظام مؤ تختارين ، الانضباط بشي محدد عالاقل ٤ ايام بالأسبوع افضل من لا شيء عالاقل تثبتين ما تزيدين

أختي مونا : حياج الله حبيبتي تقدرين تنزلين قبل توصلين الخامس
بالنسبة للإمساك أنصحك :
كراوية وينسون ونعناع فريش تحطينهم بكوب او مطارة وتصبين عليه ماي مغلي وتشربينه بعد عشر دقايق

 

[Aloe Vera]

امس وزني ٧٦.٣ ضاق خلقي و قررت اضبط حال
فا ماخربطت و تغديت خضار صينية مع سباغتي اسمر مال ارض الطبيعة و ماذكر شنو كليت بعدها بس قمت الصبح اليوم نازلة كيلو و ١٠٠ جرام !
معقولة ؟

و اليوم طبعاً زوارة و حلويات بس ماخرتها حيل عادي نفس كل اسبوع
و باجر موعدي مع الطبيبة

المهم انا مابي ازيد اكثر من كيلوين لحد ما اولد و باقيلي شهرين و نص

شنو نوع اكل دكتورة هبة بن سلامة ؟؟

 

[حياة ريلي]

هبه بن سلامه لي الحين ما عطتني نظام
اول مراجعه تعطيج جهاز تعلقينه على هدومج يعد خطواتج و تطلب منج تحطين نوته و تكتبين فيها اكلج العادي لمدة اسبوع و شربج و ساعات نومج
و بعد اسبوع لما تراجعين تشيك عالجهاز و تعرف انتي شكثر تتحركين و تشوف النوته و تعرف طبيعة اكلج بعدين تعطيج النظام.
انا موعدي يوم الاربعاء بالليل ان شاء الله احط لكم النظام اول ما ارد البيت

 

[حياة ريلي]

االيوم بالزواره اكلت نص زبيديه مشويه و خمس قفاش عيش و طاسة سلطه
حاولوا يغصبوني عالحلو بس انا يا جبل ما يهزك ريح ابد ما حطيت شي بحلجي غير الغدا و استكانة شاي.»»»»»»»»» زوارة اهل ريلي
و رحنا انا و ريلي عالبحر مشينا ساعه و نص و رديت البيت اكلتلي سبع تمرات مجدول الامريكي و طاسة روب

 

[حياة ريلي]

وينكم يا كروشات ؟
يا ويلكم اذا كشتو!!