صراحة عجبني الحوار
مرحبا شلوونكم ان شاء الله تماام؟؟؟
ندخل موضووعنا
انا طالبه>> بصراحه انا يغثووني البنات اللي يستخفون دمهم بالحصه..يعني تقوول سبب سخيف >>انزين الابله شذنبها
والله انا أأيد كلام الابله لأنها مالها ذنب اخليكم مع الحوار
الطالبة ـ ابله مافهمت الدرس
الابلة ـ اكيد مافهمتيه..هذا من الهذرة والسوالف والسرحان و الضحك بالحصة
الطالبة ـ ابله ممكن تعيدين اللي قلتيه ماسمعته
الابلة ـ اكيد ماتسمعيني ..انتي ورفيجاتج بس تسولفون ..شلون بتسمعون؟
الطالبة :ـ ابله عادي اروح الحمام
الابلة ـ يعني ما فكرتي تروحين الا اللحين...بعد الحصة روحي،انتو جنكم الجهال رايحين جايين على الحمام
الطالبة :ـ ابله عادي اشرب ماي
الابلة :ـ يعني ماصرتي عطشانة الا الحين..احسن خليج عطشانة عشان ماتسولفين وتتكلمين
المشهد :الابلة شغلت شريط (كاسيت) للطالبات .واحدة من الطالبات قامت وقالت:
ـ ابله الشريط اللي سمعتينا من شوي ماكان صوته واضح
ـ لو انتو توقفون الازعاج والكلام اللي صاير بينكم بالصف جان سمعتوا
الطالبة : ابله منهجنا صعب...خططيلنا على الكتاب-
من قبل المعلمة فيه 3 ردود لهذا الطلب: الرد الاول:شنوووو؟؟؟اخطط لكم؟؟ يهال انتو؟؟
)الرد الثاني:انتي وحده كبيرة..صرتي بصف (...) لازم تخططين بنفسج
الرد الثالث:مافي تخطيط ..كل شيء معاكم احفظوه>>احلى رد هههههه
الطالبة ـ ابله دفتري ضايع..شسوي؟؟>>مشكلتج
في هالحالة الابلة ترد باحدى هالثلاث ردود: الرد الاول:هاه..نعم؟؟! شرايج اروح بيتكم وادور عليه؟؟لا انتي دوري عليه وانا شذنبي ان كان ضايع؟؟انا اللي ضيعته؟>>اي والله شذنبها
الرد الثاني: لا لا,,الحمدلله..ماعندي دفاتر بمكتبي انا ارسلتها لكم يوم الاحد اللي فات..
الرد الثالث:ترى ان مالقيتي دفترج...راح تعيدينه لي كامل>>شووور
المشهد/بنت تمسح السبورة ومشتطة ..بعد ماخلصت..
الطالبة ـ ابله..ممكن أغسل يدي(البنت اللي تسأل كانت تمسح السبورة)
الابلة ـ انا اعرفكم يابنات ..اذا تبون تطلعون تسمحون السبورة..لا ياحبيبتي مافي طلعة..خذيلج كلينكس
الطالبة ـ ابله .الصف حار مانقدر نستوعب>>>تلقون اللي تكلم كسلانه
الابلة ـ شايفيني انا المصلح اللي يصلحلكم المكيف؟؟روحوا الادراة وقولولهم ..يلا لا تضيع حصتنا
الطالبة ـ ابله..في نملة تحت الدرج!>>اسم الله عليج
الابلة ـ اصلا النملة تخاف منكم..يلا بلا تضييع وقت..خلونا نكمل شرحنا..بس عشان نملة صغيرة مسويين قضية..
الطالبة ـ ابله الجو حلو..عادي نبطل الدرايش
الابلة :-انتو ما تبون تفتحون الدرايش الا عشان تتفرجون على الرايح والجاي..لا ماراح نفتح الجو فظيع..لا نضيع هالفرصة
ـ عندكم فرصتين للطلعة..بعدين..يلا نكمل الدرس
الطالبة :ـ ابله الشمس على عيوننا ممكن نسكر الستاير؟
الابلة ـ لا خلوها احسن لكم ,,الشمس مفيدة لكم>>شذنبنا
الطالبة :ـ ابله صراحة..الامتحان كان حيل صعب
الابلة :ـ سكتوا ماحد طلب رايكم>>هههههههههههههههه
الطالبة :ـ(هذا في حصة الفراغ) ابله..الله يخليج ..طلعينا بره
الابلة :ـ مجنونة انا اطلعكم؟؟!عشان تسوون ازعاج وتزعجون الادارة..بعدين المديرة ماترضى
الطالبة :ـ ابله انتي دخلتي اي جامعة؟؟(البنت اللي تسأل الغرض من سؤالها الاستفادة من تجارب الآخرين)
الابلة :ـ انتو ملاقيف بس تبون تعرفون اسرارنا..شرايج بعد تساليني متى تزوجت؟هذا اللي ناقص!!>>قويه عاد
الطالبة :ـ ابله..انا تعبانة..
الابلة :ـ ما عليه..لا تشاركين معانا..بس اسمعي او تقولها:ـ حطي راسج على الدرج ونامي,>>هوا ده
المشهد/دق الجرس وبدأت فرصة الصلاة والابلة باقي تشرح الدرس البنات يقولون :ـ ابله نبي نطلع..بنروح نصلي
(تبتسم المعلمة ابتسامة خبث وتقول:تصلون؟؟ولاّ تلعبون؟؟..>>فاهمتها اسم الله عليج
المشهد:المعلمة تملي البنات الدرس..
ـ ابله شنو عيدي>>يا كرهييي يا الحركه الف وحده تقوول
ـ اسكتوا وتسمعون
الطالبة : ابلة اندرس من الدفتر ولاّ من الكتاب؟؟>>>سؤال غبي
الابلة : تتحول ملامحها الى ملامح شر وتقول: ـ من الأثنين..>>هههه اذكري الله
المشهد/المعلمة داخلة الفصل..والبنات بتأفف يسالونها
ـ ابله اليوم بتعطينا درس؟؟
ـ ها ليش يايه؟؟
الطالبة : ـ ابلة ماجبت الدفتر
الابلة : في هالحالة المعلمة تختار احد هذه الردود:
(1) ليش؟؟شيسوي بالبيت؟؟نايم؟؟
(2) ليش جاية المدرسة؟؟؟
(3) شلون نسيتي الدفتر؟؟ا من كل المواد مانسيتي الا دفتر مادتي؟؟
(4) ليه نسيتي الدفتر نسيتي تاخذين فلوس نسيتي تريقين... مثلا؟؟
الطالبة :ـ ابلة ماأستلمت كتاب
الابلة :ـ ليش؟؟؟ كنتي نايمة لما وزعوا عليكم الكتب؟؟
او تقول:
ـ انا شذنبي؟؟روحي المكتبة
او تقولها:ـ صوريلج كتاب من اي بنت (رغم امتلاء المكتبة المدرسية بمثل هذه الكتب)ههههههههه
الطابة :ـ ابلة ..لا تمتحنينا بالدرس السابق..كان علينا اليوم امتحان وماامدانا نذاكر الدرس السابق
الابلة :ـ اصلاً الدرس هذا سهل وبسيط...ومايبيله شيء...لو انكم امس منتبهين معاي جان عرفتوا تحلون الاسئلة حتى لو ماذاكرتوا
الطالبة :ـ ابلة عادي نفتح الباب
الابلة :ـ لا..عشان تتفرجون على رفيجاتكم..خليه مقفل..عشان تنتبهون للدرس
المشهد/بنت تتعنى وتطلع من فصلها ،وتروح لفصل رفيجتها عشان تاخذ منها شيء..تدق الباب :
ـ ابله ممكن اكلم (فلانة)
الابلة ـ لأ..بعد الحصة
الطالبة ـ ابله بعطيها شيء وأروح
الابلة ـ لأ..أطلعي بره..قلتلج بعد الحصة>>العلم ما ينفع
المشهد/الأبلة تفتش على الواجب..بنت توقف وتقول
ـ ابله انا كنت غايبة..ماحليت الواجب
الغياب عندي ماينفع عذر..ليش ماكلمتي وحده من رفيجاتج ولا ماعندكم تلفون؟؟؟>>انزيين غااايبه
ـ ابله..ماكنت اقدر اكلمهم..لاني كنت تعبانه
ـ تعبانة؟؟(تقولها باستخفاف)ليش جيتي المدرسة اليوم ..جان قعدتي في البيت>>يا حووول
صراحة عجبني الحوار ههههه
لا تحرموني من ردوودكم؟؟
:bye22:
