كلمات حوار الاب و الابنة
يامرحبن ترحيبتن وزنها طن تسبق البي ام وتسبق خياله
باللي من اعرض اقبل ومرن الوالد اللي كل عمري فداله
ترا هواجسي ودن وجابن بشر عسا الجيب قرب مناله
عبدالعزيز ابشر جبنا لكم عن عنن جديده بس ماهي وكاله
نظيفتن بالحيل والنوع ددسن قزازها كهرب ويفتح لحاله
موديلها 2000 ومن بعدها ون نوعيته جي والخير فاله
والله لو تشري مليون ددسن الجيب يا ابيي ما ارضى بداله
نبي الدبل بالنفد دايم يلحن نقهر به البران ونقهر رماله
ويسمى لاند كروزر شكله يجنن واليا نويت البيع يمسك رياله
يعني تبيني ياعزيز ادين ا و حتى اسرق ولا احلم بداله
مثلك انا بالجيب ودي ولكن من راتبه مثلي صعبن يناله
اقنع و انا ابوك بالددسن احسن ترا القناعه كنز والكل قاله
ادري ان القناعه كنز اويمكن اثمن لكن انا صبري فاق احتماله
يا تشتري ها الجيب ولا انا انجن واشقق ثيابي وهذي رساله
كلن كشخ بالجيب وحنا بددسن متى على الله تشري بداله
يالعزي اخسا وش جرالك ملوسن وتهدد ابيك واللهي حاله
اسكت ولا اخلي اذانك تصنصن بمخمسن ما كل حين طراله
وادوس انا ببطنك واضنه احسن والجيب نشريلك سيكل بداله
يبه وراه طبعك اصبح ملون حرية التعبير جاه استحاله
خلك ديمقراطي يا بيي احسن ترا الابو لازم يحاور عياله
كانك تبي تزعل ترا ابهون ونسكر الموضوع وننهي جداله
الجيب يا وليدي ما ينفع ابدن مشاكله واجد ومكثر خماله
قيره يفلت وتروسه تون ون صرفية البنزين براتب لحاله
اركد وانا ابيك الددسن احسن لا يغرك الجيب لو زاد ماله
راع المثل قاله فيها تمعن ترا العين تحمر ذا اللي ما طاله
اشوف ... الجيب من شان ددسن يا ابيي تكفى بس وين العداله
الحق انا اقوله واضح وبين شيخ المواتر جيب والكل قاله
الهرج طول بين جيبن ودسن غير لنا الموضوع او شف بداله
كلامنا طول واشوفه اذن ونقاشنا هذا ماهو مجاله
يالله نبي نصلي اخير واثمن واطلب من المولى جيبن وكاله
