حنيت لصديقات الثانويه وقمت ادورهم تعالو اقولكم شسويت

[مسك الجنه]

دقي وتوكلي علي الله وان شاء الله ترجعون احسن من اول​

 

[الفتاة السماوية]

برايي لا تتصلين نطري اتصال منها

خل اقولج طريقتي لما حنيت لبنات الثانوية وكل مراحلي الدراسيه السابقه

دورت أساميهم بالفيس بوك لما حصلتهم وضفتهم عندي والحين متواصله معاهم

 

[0oR0R0 honeyo0]

طمنينا ها مو تنسينا تفاعلت معاكي

 

[شوشو الشقيه]

ما اكذب عليج في ناس تغير مع الزمن
وفي ناس لا تغير مع مرورو الزمن
بس انتي لا تياسين اتصلي فيهاااااااااااااا جربي يمكن للحين باقيه على ايام الذكريات الجميلة
ولم تنساج
ليش تسيئن بالظن فيهااااااااااا
اتصلي شوفي رده فعلها هل هي مشتاقه لج نفس شوق زمان والله الزمن غيرهااااااااااا

لو انا منج اجرب اشوف حظي
عطيني اخبارج ضروروي

 

[تاجي أخلاقي]

ربي يعطيج على قد نيتج .... قوليلنا شنو يصير وياج ..

 

[Al shaikha 1]

دقي دقي واذا تقدرين بعد على غيرها
والله حاسه فيج انا ودددي نرد ونجتمع وااي
ياحلو رفيجات الثانوي
مرات ادعي ان هذا حلم واقوم الصبح للمدرسه

 

[جذورى كويتيه]

الللللللللللله ونااااااااااااااسه
حبيبتى عاادي دقى ولايهمج احد ..شوفيها وشوفي اخبارها خو انتى ماتبين تاكليينها
والله انا دقت على وحده كانت معااى من 2 ابتدااائى والله عاااادى
دققى ..ووقووليلنا شنو يصيير

 

[عتيبيه رزه]

انا اقول دقي وبقوه بعد
وترى ناس اتوصل ناس
ذكرتيني بصديقتي كنت حييييييييييل معاها من بنات الثانوية وتواصلنا بس تزوجت وهم متواصلين بس فوني اخترب وضاعت اغلب الارقام وغيرت خطي واعرف وحده هم معانا بالثانوية قلت لها منو ليلحين متواصله معاهم قالت فلانه وفلانه يعني عددتهم جان انصدم ذيج الصدمه اثرها اتعرف صديقتي الي حيل مع بعض قلت لها بليييييييز ابي رقمها وعطتني والحمدلله متواصله معاها
وترى البي بي والواتس اب قرب واااااايد ناس الحمدلله

 

[soso2323]

دقي او طبقي قانون الجذب

 

[BshBshanea]

امممم انا اقول نطري جم يوم واذا ما اتصلت

انتي ردي اتصلي عليها بس بـ وقت ثاني مو الصبح

وعجبتني طريقه البنت الي دورت رفيجاتها بـ الفيس بوكـ

جربيها يمكن تلقين احد

وسألي رفيجاتج الي لي الحين متواصله معاها اذا في وحده تعرفها

خل تتصل اهيا بعد او وحده منكم تتصل عليها

 

[سآق نملة]

الفكرررة حلوووووة ..

اتصلي عليهاا

 

[بحر الرمال]

لا تتصلين
مابي احبطج بس مع الوقت الانسان تتغير شخصيته,يعني الحين كبرتو و خلصتو دراسه و في وايد اشياء و احداث تغير الانسان و نوعيه الناس اللي يكون معاهم

 

[فيفي الحلوة]

انا نفسج تخرجت من 12 سنة و ذكرتيني بصديقتي في الثانوي اخر يوم اتفقنا نتواصل وظليت ادق عليها دائما التلفون مقطوع الى حد عقب تخرجنا بخمس سنوات اتصلت فيني تقول لي سامحيني قطعوا تلفونا وضاع رقمج وبعدين حصلته وقت اللي اتصلت مت من الفرحة وزرتها وعزمتني على ملجتها وعرسها وعرفتني على اهلها والى الان متواصلين مع بعض واهلها على طول يسلمون علي ويسالون عني ...الزيارات ما تنقطع الحمدلله بس بعضهم يبطون الجبد اذا شافوج كانه يمنون عليج السلام اللي من طرف من خشمهم خصوصا اذا وياها زوجها الحمدلله والشكر انا بعد وياي زوجي وعيالي مو بس انتي او تفر ويهها بعيد عني ...انا احترم نفسي وما اقرب علشان لا انحرج.

 

[Tom ♥ Jerry]

،


بالعكس زين سويتي !
و آي وحده مكآنج تحلم هالـ حلم رآح تسوي مثلج


نطري جم يوم اذا مآ دقت دقي :eh_s(22):

 

[عادت ذكرياتي]

لا نطري عليها تدق هي أحسن

 

[وديمه 82]

دوريها بالفيس بوك انشاء الله تلقينها دوري اسمها بالعربي و الانجليزي

 

[وديمه 82]

دوريها بالفيس بوك انشاء الله تلقينها دوري اسمها بالعربي و الانجليزي

 

[aya faid]

انا اقول دقي مارح تخسرين شي

على طاري الفيس بوك

والله كل رفيجاتي بالمدرسة لقيتهم من الفيس بوك ورجعنا نتواصل

 

[barbya_q8]

دقيت محد رد علي يمكن الام خافت مني يمكن عندهم كاشف وشافت رقمي وحقرت المهم انا لما ماردو كرامتى عورتني ماحب اثقل ولا اقط نفسي وبنطر اتصال منها وبخلى الايام تمر يمكن امها تنسى السالفه وادق العصر المغرب يمكن اهيا الي ترد علي لانه ما اتوقع امها تقولها فلانه وماتدق كنه نعز بعض حيل ومابينه سوء خلاف ولا شي


والي تقول ادورها بالفيس بوك انا دورت وادري ماراح القى اهي مو منما اعتقد من اهل النت وحتى لو تدش صعبة تحط اسمها اهما من عائلة جداااا مدينه وابوها شيخ دين وتوفى الله يرحمه هذا الي عرفته بالنت وانا ادور اسمهم لقيته اسم ابوها متوفي من جم سنة حسافه لو كنت حزتها ادري جان رحت لهم بس الحين الي زاد طاريها علي ودورت وايد بنات مالقيت اغلبهم صعبة تحط اسمها اشكره الي تزوجت والى والي الله كريم الكويت صغيرة ومصير الحي يتلاقي

 

[barbya_q8]

يافلانه اذا تدشين المنتدي تري انا ادوووووووووووووورج اى وحدة تقولها امها وحدة دقت عليج يمكن تطلع اهيا ))))))))))