ليتني المحك
انا لا قصدي اضيق خلقك ولاشي
وبالعكس متعاطفه معاج وكاسره خاطري
كل ابن آدم خطاء
وخير الخطائون التوابون
مافي انسان ما يغلط
بس الانسان ان غلط يتحمل مسؤولية غلطه وباب المغفره مفتوح الحمدلله
والتوبه تمحو ما قبلها من ذنوب
مافي احد ماغلط
ويمكن ربي يبي يخليج تحسين بغلطج عشان تستغفرين ربج
وعشان يبي يجزيج خير
الحمدلله توج 27 وصغيره
والله مايخلي عباده
انا طرحت قصتي
لان عين المظلوم ما تنام وعين الظالم تنسى وتنام وهم عشان المطلقات المظلومات يزيد ايمانهم بالله تعالى ويشوفني شلون متمسكه بربي وعندي يقين بقدرته
الظلم الظلم انا تعبت منه بحياتي
ويبي ربي ينتقم لي ان شاء الله
سبحان الله حتى اختي من ام وابوي ظلمتني
وربج مو موفقها
امس تحلطم تقول شفيني انا ربي مو راضي عني مو موفقني
سكت
لو بقولها يا ما ظلمتيني ودعيت عليج
بزيد همها هم
مع اني اتمنى لها الخير بس الواحد مرات على قد الظلم من حرقته يدعي
ادعي والقى دعائي صابها واتحسف من زمان دعيت عليها وللاسف هذي هي تشوف بعينها
وربج مايترك احد
والحمدلله على كل حال
اللهم اجعلنا مظلومين ولا ظالمين
هلا بالظلم كانه عند ربي يرفعني ويستجيب دعائي
يابعد عمري يا قاهره جعلج تقهرين عدالج يوم ودووم ان شالله
كامج حلو وريحني والله كثير ربي يجزيج الخير
وانا الحين متقربه من ربي كثير وبقرب اكثر واكثر
ابي ربي يغفرلي خطاياي ويبدلها حسنات ويرفعني بها درجااات
ويوفقني ويرزقني ب شيخ الشباب اللي سمعته ماليه الدنيا ان شاللله
جزاااج ربي كل الخير وبارك الله فيج
