حنا بدو حنا حضر كلنا حلف ... لمواجه الفتنه وكسر المعادي

[زوغه الحقوق]

مشاري المري ​

السَّلامْ عليكمْ و رحمَه الله و بركاتَه ​

شَاعر سمعتْ عَنهْ مِن فترَه بـ إشَاده طيبَه​

و بَحثتْ عَنهْ فـ لقيتْ إنّه يستحقّها مِن أوّل أبيَاتْ قريتهُمْ لَه ​

و وَددتْ أن آتي ببَعَضْ مَا قرأتْ لَه هنيَّا ^^​

مَدخَل / ​

مشْتَاق لك شُوق الشّقي للطفولهْ
والوَصل عقب الشّوق , فَترة نقَاههْ
و الشّوق يلعبْ ب النّفوسْ الخَجولَهْ
لعب الظّنون السيّئه بالنزاهَهْ
و الحب شُوق و وصل وأشيَاء حُولهْ
لا ضيّع المشْتاق دَرب إتجَاهَه
حبيبتي لي بيتْ دايِم أقُولهْ
لا جَر قَلبي كِل مَا أشتَقتْ آههْ
مِشكلتِي إنّي مَا أحبْ بسهُوله
لَكن إذا حَبيت أحبْ بشَراهَه​

النَّصْ /​

إنتي أكبَر إنتي أكبَر إنتي أكبَر مِن كَلامي
لَو أسوّي مِن غَرامي فيكْ مُعجَمْ للمحبَّه ​

إنتي أكبَر مِن قصيدي مِن شعوري مِن هيَامي
إنتي أكبَر مِن حجمْ كرهِي لـ نغمَات المنبّه ​

ليهْ أسمّع لك غَزَل غيري أنا ماني حَرامي
يطعمْ الضيفْ بطعامٍ مَا غرس بيديه حبّه ​

نَامي و خلّيني أتحَرى مجيّك في مَنامي
يَ غذا نفسي و يَ قلبي و يَ جرحه و طبّه​

إتركيني أعشقك بسكات .. يَ همْ إهتمامي
يا نهر .. مجراه في الأرضْ و من الجنّه مصبّه​

فـ السّفر فـ النّوم فـ التّفكير فـ البيتْ فـ دوامِي
آتخيّل وجهك الطّاهر , وأقرّب لَه و أحبّه ​

حـبّنا .. مَا يجرح صيامك , ولا يجَرح صيامي
حبّ كنّه .. آنا آسف .. حبـّنا ما ينتشبّه​

إعشقيني .. لينْ أغَار إذا لمحت إسمِي أمَامي
أبغي مْن الغيرَه إذا مرّني إسمِي .. أسبـّـه​

إسرقي منّي شهيّة نفسي لحاجة طعامي
كلّ فتره .. زعـّليني , و إزعلي مِن غِير سبّـه​

أبغي أراضيك , لأن رضَاك يَرفع من مقامي
وأبغي أعرف قيمة الشاطي عقب ماغوص غبّه​

إنكسار الرجل عند اللي يحبـّه .. كَسر سَامي
خصْ لا صار إنكسارَه ما هُو فـ شكله , فـ لـبّه​

حاربيني .. خسّريني حسّسيني بـ إنهزامي
الخساره منْك .. فَرحهْ مغترب عَاد لمربـّـه​

إزهِدي بـ إسمِي .. أنا مَاحب تَمجيدْ الاسَامي
ما يفاخَر بـ إسمَه الاّ الجَاهل اللّي مَا تعَبْ بَه​

إصْنعي في ضحكتي .. روح التمرّد في ميَامي
وارسمي في داخلي شيبه لحَاله في مشبّه​

كوني أغمضْ من سببْ صَمتي و مِن سرّ إبتسَامِي
لكنْ .. أوضَح مِن طفل يَبكي عَلى ضِيعهْ لعبّـه​

ألهميني شعرْ .. مَا يستأذنْ الشّعر النّظامِي
أغرفَه مِن عِينكْ الحُورا .. و فِي إذنك أصـبّـه​

أنتي .. وحدَه .. مَالها ثَاني .. مثل بصمَة بهامِي
تجمعين .. أحْلى المَناظر , و الصفات المستحبّه​

من غروري فيكْ .. ولاّ .. مِن غروري فِي غَرامِي
ودّي .. أحطب .. حبّ قيس اللي عَبَدْ لَيلى أشبّه​

أنتي أعظَم مِن حجم حبّي و مِنْ نعمَهْ عضَامي
لا وقف جِسمي .. و أنَا مشتاق .. و الوحدَه تهبّـه​

صدّقيني .. إنتي أكبَر .. إنتي أكبَر .. مِن كَلامي
إنتي أكبَر .. مِن حَجم كِرهي لـ نغمَات المنبـّـه​

وقفة وطنية ​

الحبر والقرطاس والشعر والحلف
ما توصف احساسي بقيمة بلادي ​

هيبه غلا غيره معزه وفا ولف
وأشيا كثير لديرتي في فوادي​

حنا بدو حنا حضر كلنا لف
لمواجه الفتنه وكسر المعادي​

اجسادنا من دونها رماح ن وشلف
لا صاحت العذرا ونادي المنادي ​

نحبها بالالف ولا قبل الالف
ونموت لاجل الدار ممتع وعادي ​

​

مَخرجْ / ​

لا ضَاق صَدري يصير الوسْع بلسَاني
يضيع عَقلي وأروح أجْرح بلا سبّه​

يَ كم مرّه جَرحتْ إنسَان بلعاني
مَع إنّي آحنه إمن الجَرح وآحبّه​

​

 

[جوري الغلا ~]

يسسلمو

 

[زوغه الحقوق]

يسسلمو

يسلممممج

شرفني مرورج ​

 

[DALA3.RA8EY]

رووعه


لآ هنتي ياقلبي ,

 

[زوغه الحقوق]

رووعه


لآ هنتي ياقلبي ,

ولا أنتي

مرورج الاروع ​