حنان و سامي و قصه تعور القلب

[Q8.Bee]

قوه بنات
جايه لكم قصه روعه
بكتب بدايتها جان عجبتكم كان بها
اكملها لكم تستاهلون
و جان ماعجبتكم يسلم راسكم
بس انا واثقه انها بتعجبكم




>>>>




القصه تتكلم عن اثنيين قاوموا و جاهدوا و ضحوا في سبيل حبهم .. و سوو المستحيل عشان يبقى هالحب ..
اهو يعشقها بلا حدود .. و اهي متيمه بحبه .. صارو روحين بجسد .. صار حبهم ينضرب فيه المثل ..
قاومو المشاكل و الصعاب و اوقفوا في وجه اهلهم عشان مايمنعون هالحب ..


و صج تزوجوا رغم معارضة بعض الاهل .. و الحين اكتمل حيهم ..هي حبته من كل قلبها و ماتشوف بالدنيا غيره و ماتقدر تستغني عنه لحظه.. و اهو مجنون فيها و يموت فحبها ..

و عقب الزواج قضوا مع بعض احلى شهر عسل ..و احلى ايام العمر .. و مر ع زواجهم شهر .. شهرين ..ثلاثه
.. لين صارت سنه كامله ..عاشوا بهالسنه حلم جميل تمنوا انهم ما يصحون منه ..

و في يوم من الايام .. قام ع رنة التليفةن ..راح صوب التليفون و رفع السماعه .. ولا بهذاك الصوت اللي يخرع
طلعت امه معصبه حيييل ..
قام يضحك و يقول : صباح الخير يا أحلى أم بالدنيا
ام سامي ( و بنبره حاده ) : أي صباح هذا اللي تتكلم عنه ؟!.. الساعه 11 الظهر و تقولي صبا الخير ؟؟؟
سامي : بس احنا للحين الصبح !
ام سامي : خل عنك هالكلام الفاضي و قوم غير ملابسك و تعالي بسرعه .. يلا لا تتأخر ؟!
سامي : ليش يما خير انشالله شصاير ؟؟
ام سامي : قتلك تعال بسرعه ابيك بموضوع مهم ؟؟
سامي : انشالله يما بس اتريق مع حنان (( زوجته و حبيبته )) و عقب الريوق نمر عليج و انشالله محنا متأخرين..
ام سامي ( و بنبرة استغراب و عصبيه ) : شنو؟؟؟ و انت ماتمشي الا معاها؟؟خلها بالبيت و تعال بروحك مابي اشوفها معاك ..ولازم تجي بسرعه و الحين .. و لاتتأخر ..
سامي ( وبنبرة حزن و اهو يدري ان امه ماتحب زوجته ) : انشالله يما ..
حط سامي السماعه و راح غير ملابسه و راح الصاله لقه حنان تحط الريوق و ترتب السفره وتحط لمستها الاخيره ع السفره
شافت سامي مستعجل ..
سألته بكل ود : سامي حبيبي ليش مستعجل ؟؟..مزهبه الريوق !!..
سامي : ماعليه حبيبتي امي تبيني بموضوع مهم ولازم اروح لها الحين ..
حنان : خير انشالله.. لا تنسى تسلم ع خالتي سامي ..
سامي : انشالله ..مع السلامه..

صك سامي الباب وراه وراح حق امه بيشوف شنو موضوعها المهم اللي خلاها تكلمه بالنيرات القاسيه !!

>> وهناك في بيت ام سامي <<

فتحت عليه النار و لارحمة ولدها .. و دار بينهم هالنقاش

ام سامي : بذمتك جم مر ع زوجك ؟؟
سامي : تقريبا سنه كامله يما ..
ام سامي : شتقول ؟؟ سنه؟؟ مر ع زواجك سنه؟؟
سامي : ليش يما في شي ؟؟
ام سامي : شنو ؟؟.. و ماتعرف شنو في ؟؟
سامي ( مستغربا ) : شصاير يما ؟؟
ام سامي : مر ع زواجك سنه و للحين ما شفنا منك شي؟؟
سامي : مني انا ؟؟
ام سامي : يعني بالله عليك ..مني انا؟؟ اكيد من النحس زوجتك ..
سامي ( وهو متكدر ) : شهالكلام اللي تقولينه ؟؟
ام سامي : انت تقول مر ع زواجك سنه .. و احنا للحين ما شفنا منها شي ؟؟
سامي : يا يما ان جبنا عيال ولا ما جبنا هذا الموضوع يخصني انا و اهي بس .. و بعدين ما مر ع زواجنا غير سنه !!
ام سامي : ما شالله تبارك الله قمت تصرخ بوجهي بعد و تتطاول علي .. العيب مو فيك العيب بهالنحس اللي متزوجها !!
سامي : يما لا تقولين هالكلام .. كافي .. لا تظلمين زوجتي ..

ام سامي سوت روحها تبجي تبي تلين قلب سامي
و تقول : يعني انا غلطانه ابي افرح فيك و بشوفة عيالك قبل لا اموت واندفن تحت التراب..
سامي : يا يما لا تقولين هالكلام ..الله يطول بعمرج و انشالله بيجي اليوم اللي تشوفين فيه عيالي و عيال عيالي بعد ..
ام سامي : و متى بيجي هاليوم؟؟
سامي : قريب انشالله يما ..
ام سامي : متى قريب؟؟.. كل مره تقولي نفس الكلام ..و الحين مرت سنه كامله و ما شفنا شي ..
سامي ( يحاول يسكر الموضوع ) : يا يما كل شي بيد الله .. احنا مابيدنا شي ..
ام سامي : ابصبر و افوض امري لله ..
سامي : انشالله يا الغاليه .. انا بمشي الحين تبين شي ؟؟..
ام سامي : اهتم بنفسك .. و فمان الله و حفظه ..

رجع سامي البيت ..كانت حنان قاعده تنطر سامي ..

حنان : اهلين حبيبي
سامي ( و مبين عليه الحزن ) : هلا حبيبتي
حنان : سامي حبيبي تعال نتريق .. انا ما تريقت قاعده انطرك و انا كلي شوق و لهفه لك حبيبي..
سامي : مو مشتهي

دحل الغرفه و دخلت حنانا وراه ..

حنان : سامي شفيك يا قلبي زعلان ؟؟.. مو عادتك يا عمري ..
سامي : سلامتج حبيبتي .. مافي شي ..
حنان : سامي هالكلام تقوله حق غيري مو انا اللي اعرفك عدل .. انا حنان زوجتك و اعرف شفيك ..
سامي ( و بعد تنهيده طويله ) : امي .. امي يا حنان ..
حنان : خالتي خير انشالله .. شفيها ؟؟
سامي : ههذي المره الثانيه يا حنان اللي امي تقولي فيها ....( سكت سامي من خوفه لا يجرح مشاعر حنان )
حنان : شنو سامي كمل ..!
سامي ( يكمل حجيه ) : اللي تقولي فيها ( و بغصه ) ابي اشوف عيالك ..
حنان ( بين عليها الحزن بس بسرعه اخفته ) : سامي حبيبي .. اهي امك و من الطبيعي انها تقولك هالكلام ..
لانها تبي تفرح فيك و تشوف عيالك يلعبون جدام عيونها .. و ما اعتقد ان خالتي قالت شي غريب .. هالكلام طبيعي و كل ام تقوله لولدها..
سامي : كافي .. كافي ..
حنان : اذا ودك نروح و نسوي تحاليل و فحوصات انا مستعده ..و ماعندي مانع ..بس ما ابي اشوفك حزين و زعلان جذي..
سامي ( قام باس راس حنان ) و قالها : تدرين حبيبتي ان حياتي بدونج ولا شي ..
حنان ( بإبتسامه هادئه ) : و انا بعد حبيبي..


>>>>>

و بالفعل عقب جم يوم راحو يسوون الفحوصات و التحاليل .. و بع ايام قليله طلعت نتايج التحاليل .. و راحوا حنان و سامي يشوفون النتايج .. و بالمستشفى بين ع سامي التوتر و الخوف و حنان كانت اكثر منه خوف ..بس كانت تخش هالخوف بإبتسامه جذابه جدام سامي .. و طلعت النتيجه ..



































































و طلعت الصاعقه ..

























حنان عقيم .. غقيم .. عقيم .. و ماتنجب ابداً.. و من الصعب علاجها ..
حطت حنان ايدها ع حلجها من الدهشه ..و انترست عيونها دموع و اهي اطالع سامي
سامي غورقت عيونه بعد .. ضم حنان بقووووووة و اهي تبجي ..
و اول ما وصلوا البيت تفاجأو بمفاجأه ثانيه كانت تنتطرهم هناك ..





>> يتبع <<

 

[Q8.Bee]

شكلها ما عجبتكم

 

[Q8.Bee]

مبين انها ما عجبتكم
ولايهمكم اجيب لكم وحده احلى

 

[بنوتة كيوت]

لاااااااااااا كمليها بليز كل ما اقراء قصة ماالقة لها اجزاء عفيييييييييية كملى لا تعلقينى

 

[أميرة بلا تاج]

لا كمليهااااااا بلييييييييييييييز

 

[ســــــــــما]

كمليها لانها حلوه

مو بالضروره البنات يتابعون الحين لكن اكيد راح يتابعونها مع الوقت بس انتي صبري عليهم

يلا ناطريييييييين

 

[Q8.Bee]

وااااااي ونستوني خلاص بكملها و مشطورين ع التشجيع

 

[هذي قسمتي]

لا بلييييييييييييييييييييييييييز كمليييييها عفية عشااااااااااااااااااني صدقيني البنااااات مو حييييل يدشووون هالقسم فيعني ما ينتبهووون لقصتج يعني سيييييييييييييييييري و نحن ورائك

 

[** ـالوتين **]

ويييي بلييييز كملييها يا قلبي و الله شوقتييني ..

يلا بليييز بلييييز ..

ننتظر التكمله يا قلبي ..

 

[بلووونه]

كمليها احنا ناطرين لا تتأخرين

 

[مـ سهله ـو]

كمليها حبيبتي امانه بأقرب وقت وحطي جزأين ثلاث اربع انتي كريمة واحنا نستاهل

 

[Q8.Bee]

انشالله تامرون الظهر اذا نامت بنتي اكملها و لا يهمكم
عيوني لكم
فديتكم انا

 

[Q8.Bee]

المافجأه اهي ان ام سامي كانت موجوده فبيتهم تنطرهم ..
و اول مافتحوا الباب استغربو و تفاجأوا بوجودها بدون سابق انذار..

ام سامي ( بإحتقار ) : صباح الخير.. ظني طلع بمحله ؟!

راحت حنان تركض و اهي ميته من البجي و دشت غرفتها ..و سامي واقف بالصاله ..و توه يبي يروح ورا حنان ..
نادته امه ( و بصوت حاد ) : سامي كان ظني بمحله صح؟؟؟؟؟؟؟
سامي (متلعثم ) : يما .. يما ..
ام سامي قاطهتع ( بغضب شديد ) : كان ظني بمحله .. العيب فيها ؟؟..
سامي : هذا قضاء الله و قدره..
ام سامي ( مندهشه و تلومه بغضب : شفت يا سامي هذا جزا الولد اللي مايطيع امه ..هذي اللي تحبها و ميت عليها ..
شوف الحين شجانا من وراها ..هذي اللي خذيتها غصباَ علي ..ووقفت بوجهنا كلنا عشانها ..ما قتلك؟؟..ماعلمتك لا ترجى من وراها خير..


>> بغرفة حنان و سامي <<


كانت حنان واقفه و مسنده راسها للطوفه .. و دموعها غسلت وجهها و تنزل ع خدودها و بدون توقف و اهي تسمع كل الكلام اللي دار بين سامي و امه..


>>>و للحين سامي بالصاله مع امه و قالها : ي يما هذا قضاء الله و قدره..
ام سامي ( و اهي معصبه ) : و نعم بالله.. بس تستاهل اللي انت فيه هذا جزاك عصيت امك و تزوجت هالنحس
لو تزوجت بنت خالتك اريج..احسن لك من هالعقيمه اللي داخل..

عصب سامي من كلام امه و قالها : كافي .. كافي يما.. هذي حياتنا و احنا احرار..مابي عيال..مابي احد..
انا احبها..احبها و ماراح اتخلى عنها و لا راح اتزوج غيرها..

ام سامي ( في قمة عصبيتها ) : حبتك القراده انت و زوجتك النحس قول امين..اسمع يا سامي ..بالاول عصيت امرنا و مشيت ع هواك و تزوجتها و وافقناك ع اللي تبي..و شوف الحين وين وداك عنادك..خذاك عند مره عاقر ماتنجب ..
و الحين جا دوري و ماراح اسكت ابداً..

سامي : هذي حياتنا و احنا احرار و لااحد يتدخل فينا..
ام سامي ( مولعه ) : اسكت ولا كلمه .. في احد بالدنيا مايبي عيال..يكبرون جدام عينه يشيلون اسمه و اسم عايلته!!
.. شنو تبي الناس تقول عنا ؟؟.. بننفضح..

سامي ( يرفع صوته في مجه امه و لايسمع كلامها ) :احبها .. و ما ابي عيال ابداً..

سامي ( خفف صوته ) : يما ارجوج ..قصري صوتج و سكتي .. حنان حزينه حييييل بسبب هالموضوع..و ما ابي ازيد ع هما كافي اللي اهي في..

ام سامي ( و اهي مندهشه و معصبه ) : لا و الله خلها تسمع ..مايهمني انا ان كانت تسمع و لا لأ ..العيب منها مو منك انت عشان تخاف عليها .. اسمع يا سامي ..انت للحين شاب فلا تقولي انك بتضيع عمرك مع وحده عقيم مافيها عيال لا ترجا من وراها شي..!!

سامي : راح اقضي عمري كله مع حنان .. و مو مهتم بموضوع العيال.. و ماراح اهتم بأحد غيرها مهما كان..

ام سامي ( ترد بإستهزاء ) : يا عيني ع الحب ..!!.. يا سلام يا سلام .. اترك عنك هالكلام الفاضي ..و هالمصاخه حب ما حب ..شوف ترا اليوم بروح للخطابه ام جمعه و بخليها ادور لك ع مره زوجه احسن منها.. و تجيب لك عيال يشيلون اسمك و اسمنا.....
يرد سامي ( و اهو مندهش و مصر ع قراره ) : سمعي يما لو تنطبق السما ع الارض.. ماراح اترك حنان و لا راح اتخلى عنها مهما كان .. حتى لو جبتي لي اجمل و اغنى مره ع وجه الارض..

ام سامي : اسكت ..ولا تنطق بكلمه زياده!!..من باجر بدورلك ع زوجه جديده.. احسن من اللي عندك ما منها فايده ..هذي عقــــيم ..عقيـــــــــــــــــم .. افهم يا غبي.. عقيم ماتجيب عيال..!

و للحين حنان تبجي بحراره و بقهر و دموعه الحاره تصب ع وجهها و كلام خالتها يتردد براسها : عقم عقيم ماتجيب عيال..!!

انجن جنون سامي و عصب حيييل و قال لأمه : ماراح اتزوج و سوي اللي تبين تسوينه ..حنان زوجتي و حبيبتي و كل دنيتي..

ام سامي معصبه : مالت عليك و ع حنان فوقك ..راح تتزوج غصباً عنك و عنها .. انا امك و ادرى بمصلحتك .. و ابي اشوف عيالك قبل لا اموت .. تسمـــع؟؟؟؟ و اذا ما سمعت كلامي و طعت شوري فمن اليوم لا انت ولدي و لا انا امك ..و راح اظل غضبانه عليك لي يوم الدين ..

سامي : حنان زوجتي و حبيبتي و راح تبقى زوجتي و حبيبتي طول العمر..

اندهشت ام سامي و جن جنونها و خزت ولدها و بنظرة غضب و الشرا ينط من عيونها ..
و قالت : رووح يا سامي لا انتــ..... و قبل لا تكمل ام سامي كلامها الا و انفتح باب الغرفه .. و طلعت حنان تركض و دموعها تنزل بكثره شلال دموع يصب بحراره من عيونها اللي صاروا حمر من البجي و صرخت ع خالتها :
كافي يا خالتي لا تكملين .. و ركضت لسامي تتوسله و منزله راسها و تبوس ايده و دموعها بللت ايد سامي و اهي تقول و تبجي بقوه و حرقه متوسله و اهي تحت رجوله : سامي حبيبي .. ابوس ايدك .. ابوس رجلك ..اجوك وافق
و تزوج يا ياسامي و لاتغضب امك عليك حبيبي ..!!!!!

و نزلت دموع ساخنه بحراره ع خدود سامي .. و نزل حق حنان و اهي تحته ..و مسك ايدها و يبوسها بقوه
و يقول : حنان ... حنـــــــان .. ما اقدر اعيش بدونج .. انتي دنيتي شلون اتزوج غيرج ..احنا حق بعض و بنظل مع بعض للأبد..

كانت ام سامي اطالع و اهي بقمة اندهاشها و حنان تمسك قدم سامي و اهي تبجي بشده و تصرخ متوسله و تقول :
ارجوك يا سامي ... وافق ارجوك.. ارجــــــــــوك ..انا موافقه انك تتزوج .. انا موافقـــه .. وافق يا سامي و لا تخلي امك تغضب عليك

و قف سامي صامت و صامد و اهو يبكي و يقول : ما اقدر اعيش مع غيرج .. مابي عيال انا ابيج انتي ..
و قامت حنان تبجي و تصرخ : اذا كنت تحبني صج ..؟ و تبي راحتي وافــــــــــق ع زواجك ..
ارجوك وافق .. و اهي تبوس ايده بقوه .. اهني انكسر قرار سامي ..




>> يتبــــــــــــــــــــــــــــــــــــع <<

 

[M!sS*bdLiyat]

كمليييييييييييهااا ليش تقطعينهاا لناا والله بعدين مانفهم شي


بليز خلصيها كلها اليوم متشوقه ابي اقراها كلها

 

[pama girl]

بالااااااااااااااااااااااااااااتظااااااااااااااار
مسجينه حنان

 

[أميرة بلا تاج]

تسلمييييييين حبووووبه بس كملييييهااا ابسرعه مو اتعلقينا

 

[Q8.Bee]

حاضر اليوم بالليل اكملها

 

[مـ سهله ـو]

يا عمري حنان تكسر الخاطر ((((((((((((((((((


امانه كملي القصه ناطرينج

 

[mimi89]

كمليها بلييييييز

 

[M!sS*bdLiyat]

يـــــــــــــــلاااااا ويييييييييييييييييييييييييييييييين ؟؟ بسرعه بي اقراها كلها