حمولتي

[قلب الزعابي]

أنا بالنسبة لي
البس كنادير ومخاوير يوم انزل لحمولتي
وأكون لابسه كندوره وشيلة بيت فالامارات عندنا جي
ومستحيل عندنا بنت فالامارات تلبس بنطلونات او جنزات او شي قصير جدام اهل ريلها
الا اللي ....... استغفر الله
معروف عندنا المخوره وشيلة البيت تغطي الجسم لين تحت البطن
واحيانا تنانير وقمصان او مغربيات فالبداية لبسي هالسوالف من مغربيات وتنانير وقمصان وطقمي مع السكارف او الشيله وعقب لبسي المريح
أنتو أكيد عندكم دراريع اللي فهمته دراعه عندنا كندوره
وهذا افضل لبس جدام اهل الزوج

 

[روح المرح]

امممممممممممم

والله ياختـــــــــي ماظن يجوز شرعــــــــــــــــــــا انك تكشفي على اخوان زوجك لانه موو من محارمكككك

فاستغرب انه الوضع عاادي وفررررري جداا ولا الي تقول جينزات !!!!!!!!!!!!!!! اوو ماي قووووووووووووووود

ماااايججججججججججوز شششششششششششششششششششششششششششششرعا هالشيء

تقبلواااااااا مروري

 

[سيلينا]

عن نفسي اشوف دراعه

اهي المناسبه خاصه ان الحين الدراريع اشحلاتها ونعومه

ما تكبر الدراعه لي اخترتي القصات الي تناسب عمرج والوان حلوه

طبيعي ما تخذين الخامات المشجره او مخططه نفس خامات العجايز

بخصوص العبايه انا ضده انتي من اهل البيت الحين مو زايره تلبسين عياة كلش احس ما تناسب

وانتي بحكم انج ليلحين عروس المفروض اول فتره تلبسين شغلات ثقيله وعقب يخف اشوي تسوين لج

درايع عمليه بس هم الشغلات الحلوه الي تناسب عمرج وهم دخلي بين فتره وفتره دراريع ثقيله اونظام البدلات

يعني نوعي ,, شخصيا اشوف التريننغ مو مناسبه احسه بجامه او بتروحين الجم .. العباة احسها بتكبرج وماراح تنتبهين لجسمج

وانتي توج صغيروونه .. حتى برمضان اول يومين تلبسين شغلات ثقيله فيها شغل وشغلات عمليه للفطور وللقرقيعان بدعي باللبس الالوان الرمضانيه الي تونس

 

[نونه المنكوشه]

اول الايام كشخي بس كشخه مواوفر اله اذا في احد غريب بس اذا اهل البيت لبسي لبس بسيط وكشخه بنفس الوقت وفي دراريع اللي اتكون نص الساق اذا مومتحجبه واذا متحجبه اخذي اطول شوي اصلا الحين في دراريع احلي من البدل وبعدين نوعي ولبسي اللي يريحج ومره بدله ومره دراعه ومره اترنق وهيك

 

[زوجة عزيز]

دراعه طبعا

 

[عناقيد الجنه]

عن نفسي ما أنصحج بالدراريع
انتي توج صغيرة
لبسي ترينغ أو أي شي يكون عملي

وكل واحد وستايله

 

[متوترة]

اهم شي لاتطيحين عندهم كل يوم وقللي كلامي واللبس لاتلبسين وتكشخين مره
تشتغل ام زوجج تعاملج كانج جاره لها وتقول مخسره ولدي البسي اشياء عاديه
واذا فيه احد عندهم اكشخي وانزلي واذا بس خالتج لا والله البسي لبس عادي
ولاتكثرين جلسه تكثر المشاكل والحساسيات بينج وبين خالتج وحماتج
الله يعينج حبي
السسسسكن عند الحموله متعب متعب متعب .واهم شيء لاتطبخين كثير ولاتنزلين لهم
بشيء كل يوم يتعودون
الله يعينج بس

 

[Patcholli]

ليش منصدمين من العبايه يعد شتسوي البنت كل يوم بترد من الدوام ولا من الجامعه وبتقعد تلبس الف قطعه ؟ بترد تاخذ شاور وتقط عباتها وتتغدا << واقول عبايه في حال اذا اخوان زوجها معاها بس اذا اهي عمها وخالتها لا طبعا تلبس الي تلبسه حتى لو هدوم البيت اهي بتصير وحده منهم وفيهم وصعبه حق كل وجبه بتاكلها واهي بتلتزم وياهم فيها ان تقعد تكشخ جنها بتطلع ..@@ فراغه الصراحه
العبايه حلوه مافيها شي وتنلبس حق كل مكان مو بس حق الزواره ولا حق مناسبات خاصه بالعكس عندي ارتب من الدراعه
الصراحه دراعه وحجاب احس الشكل يصير اكس :|

 

[مآيكبرني نك]

يعتمد اذا انتي محجبة آو لآ !

 

[:: COCO ::]

شدعوه بنات عبااااااااااه ترا اهي معاهم بنفس البيت @@ لا لا لا ابتعدي عن العباه

انا اقول استرلج دراريع في موديلات كشخه

خصوصا اذا توج عروس لازم تكشخيين بطريقه ذربه العين بتكون عليج !!

وانتو تقولون عباه الله يهداكم

 

[shouq_m]

انا متحجبه انزين بنات ساعدوني من وين اخذ دراريع حلوه وناعمه ؟

 

[امـ خــزامـى]

انا مع باتشولي

اذا فيه اخوان زوجها عبايه
واذا بس ام زوجها والبنات تلبس اللي بخاطرها ويريحها

انا هذا نظاامي بس للامانه انا مو ساكنه معهم

 

[انا لها شمس]

هذا بيتها بيكون مو فندق ماجره فيه
شنو لبسي عبايتج
بالله بتلبسها طول العمر !!!!!!!!!

ومافي شي اسمه مايجوز شررعا لاتحللون الشرع بكيفكم


تلبس لبس محتشم وانتهت القصه

 

[أأأميرة الورد]

دراريع احسن واستر

في موديلات حلوه وناعمه وبناتيه