حمولتي

[shouq_m]

السلام عليكم
بنات ببلش على طول
انا تقريبا صارلي 4 شهور متزوجه وساكنه بشقه بروحي
والحين بروح اسكن مع حمولتي

ادري الشي الي بسال عنه حددده سخيف بس ماعندي غيركم
بنات اذا قعدت وياهم او اذا عالشا ولا الغدا شنو البس؟
بدلات دراريع ترينق !!
والله مادري
ادري سؤالي سخيف بس اذا بدلات حماي معاي بالبيت
واذا دراريع احس جني كبيره
بليز بنات ساعدوني

 

[ملاك الدهمشي]

عن نفسي
حتى لو البيت مافيه حموين
البس دراريع
لان البدل ابداً موعمليه
والتريننق ماعتقد مناسب
الشي الثاني من قال الدراريع تكبر
انتي ماراح تلبسين دراعات عجايز ام نقشات
اخضر وازرق جويتي
لا .. طبعاً بتختارين شي بناتي وحلو
نصيحتي لج الدراعات اتكن واذرب
وانتي على راحتج

 

[انا لها شمس]

ع حسب حياتكم وزوجج شنو يرضى فيه واهم شي لبس محتشم قدام حماج
مايكون قصير اوضيق

الترينينغات ضيقه دايما وقصيره مايجوز جدامه
بس عادي ليقنزات ونفانيف طوال
او جنزات وبديات طوال

وايد في لبس والدراريع هم حلوه وذربه

 

[iLLuMinaTion]

الله يعين

 

[حشمه]

على حسب نظام البيت انا عن نفسي كله دراعه

لان في بالبيت حمواني بس مرت حماي كانت عادي

جينز ولا بنطرونات وبلايز طويله حسب طريقتج باللبس

ومنو موجود بالبيت وهم اخذي شور ريلج مايمنع

 

[حبيبي مالكني]

اذا فيه ريايل الدراعة احسن لج ستر
وانتي بس قعدي معاهم على وجبة وحده لا تطيحين كله عندهم

 

[نـعـومـه]

متحجبه ؟؟

لبسي شيله وعبابه

او نفنوف مع تونز يكون بسيط

 

[شطانه طفله]

دراريع مرتبه وكشخه مو مالوت طباخ لا دراريع كشخه يكون فيها شغل

 

[مذهلة2013]

دراريع حلوه

 

[miss.unique]

احسن شي

عبي .. من صجج كل مرة بتلبسين دراعة

 

[M!SS.LOBY]

دراريع افضل

 

[نور المدينة.]

اهم شي يكون ساتر ويناسب عمرج

 

[Patcholli]

اول ايام كشخي
وبعدين شوفيلج اي لبس مريح لبسيه وتقدرين تنوعين
مره بلايز وجينزات ومره دراعه ومره عبايه وانا افضل العبايه لانها سريعه وعمليه

 

[روح امها]

يوم دراعة يوم بدلة يوم عباية
خليج كل مرة شكل

 

[نوفآ]

بتسكنين عندهم وتنزلين لهم بعبايه قووويه صرراحه


في دراويع تجي ع نظام بدل و في دراريع عمليه وكشخه بنفس الوقت مريحه

فصلي دراريع او اخذي لج جاهز من دراعات ساره واخذي لج من شغل الحريم
تلقين اشياء حللوه
وبنبهج على شغله مهمه ممكن بعض الدراريع خامتهم خفيفه البسي تحتها الشلحه اللي تجي نص نفس التنورة عشان رجولج ما تبين

و لا تنسين الملافع يا حلووه

واول الايام اكشخي عالاقل 10 ايام بدل ودراريع كشخه وبعدين البسي اشياء عمليه ة ذربه اريح لج

وموووفقه

 

[دلوعة ماماتي 88]

اسفه بنات

بس اللي يقولون عبايه !!!

من صجكم !!!!!!!!!!!

اهي بتسكن عندهم مو مسيره عليهم !!

 

[granted]

وييييه شنو دراريع البنية تقول غدا وعشا يعني يومياً الدراعة تغمت لا وفيها شغل عزالله فطست البنية
حبيبتي نفس ماتلبسين بيمعة خوالج وخالاتج وعماتج البسي عندهم

 

[مناير ...!]

دراريع

 

[الريم اللعوب]

اذا تمونين عليهم بوقت الغدا قمصان قطن بناتيه شبابيه

 

[الراقيه 81]

دراريع
شنو عباية استغرب من اللي تقول عباية