حمواتي وبنتي

[~LiBrA~]

رد : حمواتي وبنتي

قطيعه تقطعهم باجر بيشوفونه بعيالهم انشالله

اذا قالو جذي...انتي قولي والله ماخذت شي مني خذت كل هذا من ابوها..... حزتها بيموتون قهر....عاد انتي قوليها جنج تتغشمرين والوضع عادي عندج ومو متضايقه

 

[حياتي فراغ]

رد : حمواتي وبنتي

ترى عماتها يعني اهلها و البنت على عمتها ...
شفيج
ترى أنا ادلع بنتي اقولها يا شينه يا جيكره ...

عادي

لأني ادري انها بتكبر و تصك على العالم كله انشاء الله يارب

 

[الصعيريه]

رد : حمواتي وبنتي

قولي طالعه على ابوهاا
وانا اشوفها قمر لو شنو مآكانت


والله يهديهم حتى الجاهل مآأسلمت

 

[G!RLooNa]

قطيعه ماحب هالاسلوب

تلقين البنت اسمرانيه و مملوحه يشوفونها سوده و كويحه و لو بيضه مافيها ملح يشوفونها ملكه جمال صج عقليات متخلفه

و لووو فرضنا انه البنت عاديه يروحون يعيبون عليها امبيه أنا اذا ياهل شفته بالسوق ماعرفه ما اعلق ياربي يهال هالمره يعيبون علا بنتهم و جدام أمها !!!

اللي يبطل حلجه مره ثانيه تجعمينهم قولولهم بنتي شحلاتها وكفايه انها نسخه ولدكم ياحلوهم اثنينهم علا قلبي و مثل ما أنتو ماترضون علا عيالكم أنا مارضا علا بنتي!!!

ويع ناس تييب المرض

 

[M!sS_D!oR]

قوليلهم كافي انها خلقة ربكم وعندي كلها حلا دامها عطية الرحمن
الله يكافيج شرهم بس

 

[مناير البيت]

رد : حمواتي وبنتي

ياربي حراام هالبنت خوفج باجر لي كبرت يتعودون

قولي لهم مثل معروف عندنا

"البنت منسولة من فخذ عمتها "

يعني البنت دوم بالشبه تروح لعماتها

مثل المثل الدارج "الولد ان طاب طيبه من خوااله "

وان شاء الله يسكتون

 

[!! غنج !!]

رد : حمواتي وبنتي

جهال وربي قلة عقل

 

[ريتااجي]

رد : حمواتي وبنتي

حتى اليهال ماسلموا منهم

قولي لهم هذي بنتي لو شنو كانت بتظل في نظري أجمل الجميلات

وكافي إنها في نظري قمر حتى لو ماكانت تشبهني وتشبه أبوها

وبليييييز لااحد يعيب عليها ترى بكرة بنتي إذا تعقدت ماحد منكم راح ينفعني

 

[فديت قلبه]

حاولي تردين باسلوب وتوقفينهم عند حدهم حرام تتعقد بنتج وتتطور السالفه باجر يتمادون

 

[3sho0o8a]

رد : رد: حمواتي وبنتي

لا حول و لا قوة الا بالله


قوليلهم هذي طالعة عليكمم و نسخة ابوها و لو ششنو كانت بنتي عسل على قلبي فديتها


حتى اليهال ما سلموا منهم

معاها​

 

[om al ghaleen]

لاتردين عليهمٌ وطنشينهمٌ
وصدقيني ربنا يمهل ولايهمل "


بس عززي الثقه في روح بنتج علشان لاتتعقد!

\\

 

[كويتيه مذهله 87]

اذا ردوا عليج قوليلهم لي الفخر ان بنتي تشاابه ابووها

ولهم يوم ربهم بوريهم بعيالهم

,,,

 

[اشتياق]

قولي تراني بقول لفلان انكم تتطنزون على بنته

 

[& شرطان الذهب &]

رد : حمواتي وبنتي

قولي لهم والله لتعذرون منها اذا كبرت

واضحكي والله يموتون قهر

 

[:: Diva ::]

لا تتحسسين حياتي
هذيل اهلها
و البنت للحين صغيره ما تفهم


لو بدت تفهم و جرحوها بالحجي او زعزعوا ثقتها بنفسها تردين عليهم عدل و توقفينهم عند حدهم
بس الخوات الي قبلي ردهم يكفي و يوفي
الي تردين عليهم بالغشمره

 

[modern]

رد : حمواتي وبنتي

كلمي زوجك بالاول و اذا ما عرف هو سكتهم و حطلهم الحد جاوبيهم و لا تخافي و وريهم ان بنتك اهم منهم و من زعلهم

 

[الا انــــــا]

رد : حمواتي وبنتي

حبيبتي مايصير انتي حسبالك البنت ماتحس

لازم تسكتينهم عاد انتي وطريقتك بس لاتقولين انو انا اشوف بنتي احلى وحده لا

قولي لهم ان الناس منجنين عليها حتى بالاماكن العامه ياذوني الناس من كثر ما يدلعونها او يبوسونها عاد رفيجاتي يقولون خشيها عشان لا تنحسد

 

[njoom1]

رد : حمواتي وبنتي

لو انا منج اوقفهم عند حدهم ... قوليلهم بنتي وما ارضى عليهااااا ... واذا قالو لج نتغشمررر قوليلهم ولو كل شي له حدود

 

[@فطفوووطه@]

رد : حمواتي وبنتي

اذا حمواتج خوات زوجج قوليلهم عاد تصدقين ان البنت يقولون حلوه والاجيكره لعمتها والولد لخواله باسلوب احسن عشان ماتعقد بنيتج الله يحفظها

 

[om_dodo]

قولى
(..... سلالتكم.....)
ينطمون