حمواتي وبنتي

[Cristal$$ l$$]

:jumpon:
السلام عليكم
بغيت رايكم وحل لمشكلة اعاني منها والمشكله اني ما اعرف اردعلىاح
الله يسلمك بنتي وحيدتي
عمرها سنة ونص
سمرة
بس موحلوه بعينهم وكله يتطنزون عليها
يمممه ياعيونها
ياشينها
ومن هالكلام<<والبنت نسخه ابوها وانا بسم الله عليه مزيييونه اللي خلق فرق
انا بطبيعتي اضحك او اطنش واسكت
لدرجه انتي ما احب اقعد معاهم
وهاشي يضايقني
بنتي واحبها وما ارضى عليها
وما بي يتطور اذا كبرت
ودي اسكتهم باسلوب مهذب ودبلوماااس

 

[جود22]

حبيبتي والله ..

اذا تطنزو على بنتج ردي عليهم

عادي قولي لهم عندنا وعندكم خير ..

او ماعليكم قاصر ..

هذا انتاج ولدكم ..

انا اسوي جي لان واحد من عيالي مب ذاك الزين والله مقطعتهم مثل ما قطعوه .. من زين عيالهم استغفر الله العظيم ..

 

[قلب مغليك]

رد : حمواتي وبنتي

الا بنتج بكره بياثر عليها
مابي اشيشج بس سكتيهم باسلوب حلو قولي والله هذا انتاجكم بكره لين كبرت بترجعلكم بالشبه

 

[برد ابو الذهب]

ما عليج منهم وزفيهم

 

[~MeeMa~]

رد : حمواتي وبنتي

حبيبتي ردي عليهم لا تسكتين هاذي بنتهم وبنت ولدهم واكيد تشبههم يعني على شنو يعيبون ! اذا احد منهم قالج شي ردي عليه مثل ما قالو الخوات الي قبلي

 

[Al-RoRo77]

رد : حمواتي وبنتي

وعليكم السلام ورحمة الله وبركاته
ماعليج منهم بنتج عسل وديري بالج اتعودينهم وتخلينهم يتمادون واهم شي لا يقولون هالكلام جدام عيالهم علشان لا يعايرونها
ولا اتعقد اسم الله عليها ماعليج منهم كشخيها ودلعيها ووقفيهم عند حدهم يعني مثلا اذا وحده منهم تكلمت لا اضحكين قوليلها
والله بنتي بالنسبه لي تهببببببل ورجاءا مااحب اسمع هالكلام مره ثانيه حتى لو يمها حمواتج الباجيين خل يسمعون علشان مايتمادون
وكلمي ريلج باسلوب حلو وفهميه ان هالشي مضايقج وحرام هالكلام ينقال جدامها بعدين يتعودون ويمسكونه عليها ولا سمح الله
تفقد ثقتها بنفسها فهميه بطريقتج لا تسكتين فديتج
وبعدين حلاتها سمره شفيها السمره اتينن p:
الله يخليها لج ويسخرلج ريلج يارب

 

[ماكنتوشه بنفسجيه 12]

رد : حمواتي وبنتي

الله يعينج ويهديهم


سبحان الله وبحمده

سبحان الله العظيم

 

[ولهااااانه]

لازم تردين عليهم باجر اذا كبرت البنت وفهمت !! تتعقد

ردي عليهم حتى لو زعلوو <<مردهم يرضون

او ردي بكلام قوي مع ضحكه بسيطه اذا ما ودج يزعلون

بس لااااازم توقفينهم عند حدهم............

الله يعينج.....

 

[السهل الممتنع]

وليييه حتى الجهال ما يسلم من شر الحمواات هههه شوفي حبوووبه اذا كاان عندهم احد وسأل عن بنتتتج ققووولي اسم الله عليها نسخة ابوها هههههههههههه
وكل كلمه والثانيه قولي فلان يقولي هذي اناا يوم كنت صغير هههههههههه طفشيهم ... واذا كلش كلش قووولي باجر اذا كبرت الله يسلم التجميل ... وكل كلمه والثانيه دلعيهاا وقولي الله يكبر حظها هههههههههه ويا ملحهااا وكل شي لايق عليهاا وشوفي شلوون هههههه .

 

[mjoariam]

رد : حمواتي وبنتي

لا عاد حرااام عليهم
لازم توقفينهم عند حدهم الكل حتى لو كانت خالتج لان باجر لي كبرت بتتعقد والبنات كفو ووفوا بالرد
وقوليلهم اذا ما فاد كل شي العياب عند الباب خل ينشعمون

 

[BiiShOoO]

لا حول و لا قوة الا بالله


قوليلهم هذي طالعة عليكمم و نسخة ابوها و لو ششنو كانت بنتي عسل على قلبي فديتها


حتى اليهال ما سلموا منهم

 

[الحلا^^مبتليني]

قوليلهم من زين عيالكم القرده ههههههههههههههههه

 

[BroKeN GiRL]

ردي علييييييييييييهم

قوولي بنتي فدعععه قمررر تجنن اسم الله عليها ويلي حلووها المزيوونه
خل يحتروون واذا قالوو شي .. قوولي ازين منكم ومن عياالكم السحووووت

سكتيهم لا تصير علوقه على بنتج

 

[امواج الكويت]

اذا قالوا عنها مو حلوه قولي اشوه ما تشبهني تشبه ابوها يعني طالعه عليكم

 

[mafio98]

ياااااااااحلات السمار والله
اول شي حبيبتي حتى لوبنتج موحلوه لازم تقولين لها انها حلوه موتقولين طالعه على ابوها!!!
بعدين البنت لها 7 ويه يعني بتغير وبتصير احلى الاغلب مايكونون حلوين واهم صغار ولي كبروا العكس
وانا ماايد انج اتلاسنين مع حمواتج عالهموضوع بس فهميمهم ان مايعلقون عليها لانها تقهم وباجر راح اتعقد اعتقد بيقدرون هالشي انا هذي طريقتي مع الجميع حتى امي اذا قالوا كلمه عن ولدي فهمتهم ان باجر بتصير علوقه لها وبيشيل عليكم لان اليهال حساسين وماينسون​

 

[amna_83]

وقفيهم عند حدهم
ولا ترى راح يتمادون مع الوقت
ولا راح يتمون يعيبون عليها لمن تكبر ولا حتى يمكن عيالهم يتعلمون منهم

 

[ابتسامة ساخره]

رد : حمواتي وبنتي

الله يهديهم يارب بس لاتسبينهم <<بعض البنات يقولون قولي القرده قال تعالى <<ولقد كرمنا بني ادم>>

 

[الباسمه]

ما عليج منهم
بنتج قمر
والبنات اذا كبروو يتغيرون 180 درجه
واذا تبين تسكتينهم قولي
لو انتو حابين ولدكم جان شفتو بنته ملااااااااك

 

[احلى سماء]

اذا تطنزوا قولي

بنتكم وتشبه ولدكم

وجانكم تنطنزون عليها تنطزون على اخوكم

وبعيني قمر لو انها سمره

 

[هامورة]

رد : حمواتي وبنتي

صج مايستحون ردي عليهم هاااو اكو احد يتطنز على عياله هذي بنتكم ومنكم وفيكم ولو سمحتوا لا تتطنزون بنتي تينن وتهبل على ابوها ويدها ويدتها احرجيهم وسكتيهم بنفس الوقت واذا ظلوا يتمادون اعتقد ريلج اللي لازم يسكتهم... احس انهم جياكر مادري ليش