حمل ضعيف يعني شنو ؟؟

[ام مهدي]

بنات تأخرت الدورة علي يومين ولأني مشتركة بنادي وكل يوم وترك اناقز جني كنغر فحبيت اروح النادي وانا مطمنة ان ماكو حمل فسويت تحليل منزلي طلع خط وااضح والثاني خفيف وحبيت اتأكد أكثر فسويت تحليل دم وقالولي في نسبة حمل ضعيفة وعيدي التحليل بعد 3 أيام يعني شنو حامل ولأ؟؟
بنات اللي مرت بالهشي او تعرف اي معلومة تفيدني الله يرزقكم بالذرية الصالحة عاجلا غير آجلا
لأني متوترة وموعارفة شسالفة

 

[أمونة الحلوة]

شوفي حبيبتي انا اللي اعرفه دام طلعلج حمل ضعيف يعني انتي حامل والله اعلم والحمل ياانه توه بدايه الحمل مومبين عدل او انه كان في وراح بنزل وانتي ديري بالج الحين لا تروحين النادي ريحي وردي عيدي التحليل اذا ذاد الهرمون ان شاء الله تكونين جامل

ربي يرزقج الذريه الصالحه يارب

 

[أمونة الحلوة]

انزين جم كان نسبه الهرمون ؟

 

[ام مهدي]

مشكورية أمونة حبيبتي بس ما ادري جم كانت النسبة المختبر قالولي تبين النتيجة ولا تعيدين التحليل بعد جم يوم قلتلهم لا خلاص راح اعيده بس الحمل الضعيف يعني ممكن ينزل بسرعة؟؟ انا من شكيت اني حامل من يومين مارحت النادي وناويه اريح وان شاء الله اكون حامل ويثبت حملي قولي آمين

 

[PINK*LIPS 81]

انا صارلي نفسج مره من المرات وقالولي عيدي التحليل بعد 3 ايام ولم عدته طلع ماكووووو يتلي الدوره .... بس انتي انشالله حااااااامل يا رب الله لا يخيب املج

 

[ام مهدي]

ولايخيب أمل أي وحدة تنطر تصير أم ويرزقج الذرية الصالحةي ياpink*lips 81
بس بصراحة خرعتيني وانا بروحي مخترعة

 

[كبْرٍيآء]

يمكن سويتي التحليل مبجر اذا قبل موعد الدوره او بعد موعد الدوره بيومين ثلاث طبيعي يكون حمل ضعيف

الله يثبت حملج ويرزقج الذريه الصالحه

 

[أم أنور]

حبيبتي يعني الهرمون اضعيف انا صارلي هالموقف بس لما عدته بعد جم يوم طلعت حامل وانشاءالله تكونين حامل

 

[ام مهدي]

كبرياء وام أنور الله يبرد على قلوبكم ويسمع منكم يارب ويرزقكم بالذرية

 

[Swan]

يمكن حملتي متأخر عشان جذيه بالتحليل طلعت النسبه ضعيفه

 

[m e m e]

حياااتي مبرووك
اي خط سواء ضعييف و لا عريض يعني حامل
الفرق بينهم نسبة الهرمونات
و الهرمون يختلف عن بنت لي بنت
في حريم بالرابع و مايبين عندهم بالتحليل

عشان تتأكدين احسن سوي تحليل دم

الف مبروووك

 

[eng.q8]

ان شالله حامل ريحي بالج واجلي النادي وحللي مره ثانيه وبشرينا

 

[زنوبة الحلوة]

حبيبتي ديري بالج ولا تروحين النادي هاليومين نطري ليم تسوين التحليل مرة ثانية وتتأكدين من الحمل

بس شنو معناتة ماادري الصراحة

انشالله البنات يفيدونج


والله يكتبلج اللي فيه الخير يارب

 

[++The DuchesS++]

صار فيج بالضبط نفس اللي صار معاي
انا حللت قبل موعد الدوره وطلع خط خفيف
ولمن حللت دم قالي هرمون الحمل موجود بس ضعيف
تعالي بعد 3 ايام
وبعدها سويت وقالولي حامل

ان شاء الله حااامل وتبشرينا يااارب

 

[بمبرة]

:klhfl:عسى الله يتمم عليج
ويرزقج الذرية الصالحة

 

[ام مهدي]

بنات اشكر كل اللي ردوا علي وأدعيلكم من كل قلبي بالذرية الصالحة آمين يارب العالمين وان شاء الله راح اعيدالتحليل بعد يومين وراح ابشركم

 

[دمثة]

بسألك متى سويتي التحليل الحمل بالضبط وطلع ضعيف

 

[ام مهدي]

بعد تأخير الدورة بيومين اختي دمثة

 

[دمثة]

الله يثبته لج ومن الذريـة الصالحة

 

[كويتيه مذهله 87]

ماصار معاي جذي


بس انشالله حامل مدام طلعلج خط خفيف