حمل ببنت بعد صبيان

[توحه1]

حبايبي
ابي كل وحده احملت ببنت بعد صبيان
تعطينا الطريقه شنو سوت وشنو اتبعت
ادري ان الامر كله بايد الله سبحانه وتعاله
والي نسويه كله اجتهاد
وهو سبحانه مقسم الارزاق
بس هم حابه استفيد من تجاربكم
ورجاءاً لحد يقولي الجدول الصيني لان مايضبط معاي نهائي

 

[خوخه.22]

الله يرزقج بالبنات الصالحاات في بعض الاكلات تاكلينها و في ايام معينة يتم فيها الجماع بحثي بهالموضوع بقوقل بيطلعلج اشكثر

 

[الاخلاص]

هم انا عسى الله يرزقنا بالبنات الصالحات المتعافيات يارب

 

[british rora]

كلها ارزاق من الله

 

[امـ خــزامـى]

الله يرزقك الخير ويرضيك فيه

حبيبتي في موقع شفته يحدد لك ايام اذا صار فيها جماع بإذن الله تحملين بالبنت

ويقولون انها الايام اللي بعد الدوره

وانا حملت بعد الدوره على طول وجبت بنووته



الله يرزقك.

 

[Amlly Ent]

في جهاز تبويض ينباع بالصيدليه اخذيه و سويه و قولي للدكتور يعلمج على طريقته انا ماجربته صراحه بس ناويه عليه و انا عرفته من وحده عندها 6 صبيان وكانت متشفقه على البنت سوته و جابت بنت و الحين حامل و فيها بنت بعد

وهي عموما ارزاق من الله ادعي ربج يرزقج بالذريه الصالحه المعافاة

 

[حشمه]

للامانه سويت كذا شغله وماضبط معاي والحمدالله على نعمه

بس اعرف وحده مشت على ايام التبويض وكانت تاخذ حبوب كالسيوم

لمده 3 شهور قبل لاتقطع مانع الحمل واكلها قللت البوتاسيوم وكثرت الكالسيوم

واكو غسول ينباع بالصيدليه حمضي للبنت مو القلوي والجماع بعد الدوره على طول

ووضعيه الجماع سوري لهالكلمه الرجل فوق والحمدالله يابت بنت

 

[M!SS.LOBY]

الله يرزقج

 

[آنثى طآغيه]

الله يرزقج ويرزقني

 

[زين ودلال]

الله يرزقج بالبنت ويرزق اللي تبي

 

[انصاريه قمره]

مثل ما قالت حشمه قللي البوتاسيوم والكافيين وكثري الكالسيووووووم اجبان البان حليب وهالسوالف

 

[توحه1]

مشكورين حبيباتي على الردوود
نبي بعد تجاربكم ومنكم نستفيد

 

[أبكاني ذنبي]

الله يرزقج بالبنت الصالحه المعافااه

التزمي بايام التبوويض مع الدعاء

 

[cute_mama83]

الله يرزقج بالبنووته اللي تبرج يااا رب

 

[توحه1]

اجمعين ان شالله
ولاتنسوني بصالح اعمالكم
وبالدعاء
الله يرزقني وكل وحده محرومه بالذريه الصالحه الكامله لازياده ولا نقصان ان شالله

 

[توحه1]

كثرة الاستغفار من احدى الطرق الناجحه لانجاب البنت والصدقه بنيت الحمل
استغفر الله ربي واتوب اليه
استغفر الله ربي واتوب اليه
استغفر الله ربي واتوب اليه
استغفر الله ربي واتوب اليه
استغفر الله ربي واتوب اليه
استغر الله ربي واتوب اليه
استغفر الله ربي واتوب اليه

 

[.:lady bug :.]

الحمدلله الله رزقني ببنوته
بس ماسويت شي
انا سمعت من ريفيجاتي
ان ابام التبويض الثلاث
الاول اذا لقحتي فيه صبي
والثنين الباجين بنات
والله اعلم

 

[توحه1]

ليدي بق اللهيرزقج بنت اخت لها
ويحفظها لج ياربي

 

[unknown1988]

مو دابمت تضبط ايام التبويض ..


انا حملت بعد ما اغتسلت ع طول وحامل بولد ...

كان بخاطرنا بنت بس سبحان الله خيره ..


ما قمت اثق بولا شي كل وحده وجسمها و تبويضها غير عن الثانيه ..

تبين شي موثوق .. لا تجازفين بتجارب وهالسوالف روحي حق الدكتور وخلج معاه وشوفي شيقول .. و توكلي على الله



والله يرزقج ويرزق كل وحده باللي ابالها ؛)

 

[.:lady bug :.]

اللهم امين جزاج الله خير