حملي ضعيف وغصب الدكتور يعطيني مثبتات

[تواقه للجنه]

السلا م عليكم حبيبات خواتي في المنتدى انا حللت وطلع هرمون الحمل ضعيف واقول حق الدكتور اذا الحمل ضعيف لا تعطيني امل فاضي لانه يعطيني مثبتات وابر وتحاميل وابر سيوله وبيبي اسبيرين ولما يسويلي تحليل يطلع الهرمون ارتفاعه بطئ ويصر ويعطيني المثبتات وانا اقول خلاص يمكن موزين وهو معند معنى لما يشوف التحليل يقول ارتفاعه مو قوي ويرفع ضغطي والله يا بنات يلعب بالنفسيه وانا اجهضت من قبل مع متابعته

 

[فرااااولة]

عليكم السلام
حبيبتي اذا مو مرتاحتله روحي عند اي دكتورة ثانية وقوليلها اللي صار
وبعدين جم الرقم اللي طالعلج
انا اذكر ع ولدي ما ارتفع حيل وعدته مرة ثالثة ارتفع
ان شاء الله خير لا تحاتين والله يثبته ان كان فيه خير لج

 

[تواقه للجنه]

انا في اليوم الرابع من الاسبوع السادس وكان هرموني 535

 

[تواقه للجنه]

انا حاسه ان المثبتات اهي الي ترفع النسبه

 

[تواقه للجنه]

انا نزل علي دم بس خفيف ووردي

 

[فرااااولة]

شوفي حبيبتي احسنلج روحي عند احد ثاني
اخاف شغله مو مضبوط
انا ما يعطوني مثبتات الا اذا تاكدوا ان الرقم تضاعف لاني اجهضت من قبل
لا تنطرين روحي ويارب خير

 

[تواقه للجنه]

شنو الدكتور او الدكتوره الي تنصحيني فيه اختي فراوله

 

[الأميرة جوري]

غيري دكتورج ويمكن يثبت الحمل ويرتفع....

 

[مجنونه هواهـ]

حبيبتي بعض المثبتات تسوي تشويه خلقي للجنين >> الله يا يقدر
ثاني شي هاذا الدم الوردي عباره عن نزيف وهاذي عباره عااديه يعني اذا طول اكثر من يوم او يومين روحي سوي كشف
حبيبتي انا ما ابي اخوفك بس لازم تحطي املك على الله الولاده بتون صعبه لا تفركين فيها ابد حطيها على ربي اللله يقومج بسلامه تقبلي مروري ولا تخافين

 

[فرااااولة]

والله انا دكتورتي نجيبة القطان ارتاحلها الصراحةوشاطرة بسوالف التحليل الهرموني
اذا حابة تروحليها على راحتج
عيادتها بالسالمية ورقمهم : 25713016
اليوم تقعد لي الاربع ونص تقريبا اذا بتروحيلها

 

[تواقه للجنه]

انا حتى الم الصدر الي احس فيه ماعد احسه انا الحمد الله عندي اعيال بس عندي مشاكل في الحمل والاجهاض

 

[تواقه للجنه]

انا عندي احساس اني راح اجهض لاني متعوده بس والله يابنات انه تعب علي

 

[تواقه للجنه]

رفع

 

[تواقه للجنه]

رفع

 

[بنت ذآك الأمير!]

ماعندي رد بس الله يثبته لج يآآآآآآآآآآرب

 

[عبث طفله]

ادا ربي كاتب له يرتفع الحمل راح يرتفع ..

وادا كاتب بتجهضينه راح ينزل ..

وكلي امرج لله .. وروحي لدكتور ثاني .. وشوفي شنو يقول ..

 

[تواقه للجنه]

الله كريم

 

[@سيدة نفسي@]

غيري طبيبج اذا مو مقتنعة بكلامه ,, انا لو مكانج أسوي جذي

الله يكون بعوونج ياااارب

 

[q8sweeta]

امبيه بنات لا تفتون على كيفكم وشنو مثبت يرفع هرمون الحمل ومثبت يشوه الجنين وين قاعدين تاكدوا من المعلومات اول
حبيبتي هرمون الحمل في يوم 28 يكون ضعيف او مرتفع حسب كل وحده وجسمها وطبيعه المبايض وتاريخ الدورة شهريه عندها
واذا في حمل او مافي لازم تردين تعيدين فحص دم بعد جم يوم
اذا في زياده بالهرمون في حمل وبعدها سونار داخلي لانج ببدايه شهر الثاني بالاسبوع رابع او الخامس صعب يبين وهم حسب حجم الجيس
والمثبت اذا في حمل بيساعد يثبته قبل السونار وقبل تحليل الدم الثاني
والمثبتات انواع في هرمونين بجسمج البروجسترون والاستروجين
حسب المثبت شنو يرفع من هالرمونين حسب حالتج صحيه طبعا
واذا مو مرتاحه عل دكتور غيريه وعيدي فحص تحليل الدم لهرمون الحمل والدكتور الفاهم بيسويلج الخطوات اللي قتلج عليها وان شاءالله في حمل

 

[دمثة]

حبيبتي المثبتات ماتسوي تشوه ولا شي

الله يثبته لج ويقر اعيونج