حمله لاخصائين النفسيين والاجتماعيين نطالب فيهااا بالكادر..

[نور الكويت$$]

اي والله يستاهلون الكل..

 

[spain-kw]

نور الكويت
اشلون الشغل باللمدرسه؟

وصج مبروك للمعلمه 80 دبنار يستاهلون

 

[نور الكويت$$]

والله مرات كراف ومرات سهود ومهود..
انتي اخصائيه وين.؟
وين قريتي زياده المعلمين؟

 

[جيسيكا]

الله كريم
تهقون راح يعطون الوافدات والوافدين الاخصائيين الكادر ولا لأ ؟؟؟؟

لانهم اهما اللي سووا المظاهرات وكيل الوزارة المساعد بدر الفريح وعدهم بالكادر
معقوله يزيدونهم ؟؟؟؟؟؟؟؟​

 

[Loora]

ها بنااات شنو آآآخر الأخبااااااااااااااااااار عن الكادر

spain-kw

من وين سمعتي خبر زياده المعلمه 80 دينار ؟؟؟

 

[spain-kw]

نور آنا كنت اخصائيه بالتربيه والحين انا بالاوقاف هم اخصائيه اجتماعيه

لورا الخبر قريته عند جيرانا بقسم المعلمات قاعدين يباركون لبعض ب80 انها اقرت وراح تنزل لهم مع معاشات الصيف شهر 5 الله يهنيهم ويرزقهم اللهم لاحسد
وان شاء الله الفال لنا يارب

 

[نور الضي]

بنات يعني شنو ماكو زياده
اقروا 6 مدري 8 كوادر
واحنا ؟؟؟؟؟؟؟

 

[spain-kw]

بنات صج ارفضوا كادر الاخصائي ؟؟؟؟؟؟؟؟؟؟؟؟؟؟؟
يمه يا القهر يقولون اقروا الكوادر حسب اهمية كل عمل وحاجة سوق العمل له ؟؟؟؟؟؟؟
يعني الاخصائي يشتغل هوى ماقاعد يفيد احد
الله المستعان على مايقولون

 

[ترانيم انثى]

شنو هذا حرام عليهم الأخصائي ماله رب ولي متى واحنا جذي ..
قهر رفضوا كادر الاخصائيين ..

 

[لمعة الماسه]

اخر الاخبار

اقرار 6 كوادر (مختبرات الصحه _ الاعلام_ ادراة الخبراء_الموانئ_ الطيران المدني ) !!!!!!!!!!!!!!!!!!!!!!!!!!!!!

الله المستعااااااااان

 

[spain-kw]

الوافدين الاخصائيين يسوون اعتصام واحنا خايفين
قوموا كلنا ايد وحده نسوي اعتصام واضراب كل الاخصائيين فى جميع الوزارات

 

[smile face]

عليهم بالعافيه الكادرات اللي اقروها بس بنات مو ملاحظين انهم دايما يقرون الكوادر حق نفس الجهات ويرفضون باجي الكوادر !
يعني احنا ولا مرة بعمرنا اقرو لنا كادر خاص !! حرام اللي يصير !! تدرون ليش !؟ هذا وانتو نفسيين واجتماعيين المفروض تعرفون!
لان احنا سااااااااااااااااااااكتين ! مانطالب ! مانقول ! مانبين الدور الكبير لنا !! بس نتمنى وبس ! من جذي حقوقنا ضاعت بكل الوزارات
منو يدري شنو الاخصائي النفسي والاجتماعي يسوي! الكل يقول قاعدين واخر الشهر معاش !
خل يشتغلون بهالوظيفة ويشوفون لما الاخصائي يستقبل عدد كبير من الحالات وكل حالة يبحثها ويدرسها ويطبق عليها الاختبارات والنظريات وتالي الحلول ويتابع الحالة ويتواصل معاها ويعالجها ولابعد يكتب تقارير عنها واي غلطة يرد يعيد الخطة ! وماهي حالة ولا ثنتين ولا ثلاث ممكن العشرات واذا مو المئات في بعض المدارس وتعرفون شلون المشاكل زادت بالمدارس والسلوكيات صارت تحتاج علاج
خلاص عندي فكرة خل يشيلون الاخصائيين لمدة جم شهر ويشوفون شنو يصير فيهم ! هل لهم فايدة ولا لا؟ اذا ماتاثر احد خلاص خل يحولون جميع الاخصائيين اداريين بالجهات الحكومية !!!!!!!!!!!!! بس المشكلة انهم يدرون ان احنا ظروريين ومع هذا ساكتين

اللي قلتة من حر مافيني ولان ابيلكم الزين عذروني .. ترى صرنا بنظر الناس حالنا حال خريجين الثانوي مالنا حق نطالب باي كادر ينصفنا لان جنه مالنا تخصص !

بنات اللي ابي اقولة ان المفروض كادرنا عالي علشان نعطي اكثر واكثر ويفترض لجميع الاختصاصيين مو بس بالتربية بجميع الجهات دام نمارس المهنة
اللي تعرف لها احد واصل عضو وزير توصل الصوت لو سمحتووووو
ترى قعدتنا جذي مابتييب نتيجة وراح ينرفض كادرنا مليووون مرة وتنقر بدالة كوادر ثانية

 

[ترانيم انثى]

8
8
8
معاااااج قلبآ وقالبا بكل كلمه قلتيها..

 

[مارغريتا]

بنات ليش ما تكتبون احتجاج وتخلون كل الاخصائين والاخصائيات يوقعون عليه وتوصلونه لوزيرة التربيه

 

[باونتى]

مت من القهر .. بنات الحجى مااا يفيد لازم اضراب واعتصام لى متى حاطين ايدنا على خدنا وساكتين وكل شوى يقصون علينا التوجيه بكلمتين اجرنا عند رب العالمين ونعم بالله اكيد اجرنا عند رب العالمين بس الله سبحانه ما يرضى بالظلم .. شنو لى متى جذى يتجاهلونه ؟؟ بنات لازم اضرااااااااااااااااااااااااااااااااااااااااااب

 

[جيسيكا]

معقووووووووولة يرفضون الكادر عقب كل هالتصريحاااااااات والوعوووووووود شالسالفه ؟؟؟؟؟
منو اللي قالكم ارفضوووووه ؟؟؟؟؟؟​

 

[باونتى]

ندااااااااااااااااااااااااااااااااااء الى كل الاخصائيات الاجتماعيات والنفسيات .. قررت انا ورفيجتى الاخصائية النفسية بتنظيم حملة للاعتصام وراح نسعى ونروح عند كذا نائب وفى محامى مستعد ان يساعدنا اللى تحب تنظم معانا تراسلنى على الخاص بنات نبى اعتصاااام كبير وقوى

 

[جيسيكا]

بناااااااات ابي اعرف منو اللي قالكم ماكو كادر ؟؟؟؟
مو معقوله يوعدون كل هالوعود واخر شي جذب :eh_s(13)::eh_s(13)::eh_s(13):

يمكن اللي قالكم مو متأكد نطروا وانشالله خير​

 

[شموع]

منو قالك ارفضوا !!

اللحين شنو الفرق بين الكوادر و البدلات ..

اقسم بالله الاخصائيين معتوهيين الللي قاعدين للحين بهالوظيفة ..
يا جماعه ما عندنا جمعية .. و لا عندنا احد يطالب بحقوقنا ..

حسبي الله و نعم الوكيل

 

[نور الضي]

محمد الصباح: اعتمدنا 5 ضوابط سهلت علينا الأمر لمنع التضخم الوظيفي
الزبن: الامتيازات الجديدة سيسري العمل بها اعتباراً من السنة المالية الحالية
كتب - خالد الهاجري:
اخيرا... وبعد انتظار وترقب داما طويلا تصاعد "الدخان الابيض" من مبنى مجلس الخدمة المدنية, مبشرا آلاف الموظفين في القطاع الحكومي بالتوصل الى حل نهائي وحاسم لقضية "الكوادر المالية" لم يبق لإقراره سوى ان يمهر بخاتم مجلس الوزراء الذي رفعت اليه التوصيات.
مصدر وزاري مطلع كشف ل¯"السياسة" ان الاجتماع الماراثوني الذي عقده المجلس امس على مدى اكثر من سبع ساعات برئاسة نائب رئيس مجلس الوزراء وزير الخارجية الشيخ د.محمد الصباح اقر زيادات مالية للعاملين في 38 جهة ومؤسسة تابعة للدولة, بلغت 50 دينارا لحملة الشهادة الثانوية وما دونها, و100 دينار لحملة الدبلوم, و150 دينارا للحاصلين على شهادة البكالوريوس.


--------------------------------------------------------------------------------

هالخبر من السياسه