حبيبتي نهي كيفك حبيبتي
قريت رسالتك اكثر من مره مع اني فهمتها من اول مره بس كنت ابحط يدي علي الاغلاط اول شي انا متاكده ان زوجك انسان كويس وبه ميزات و شفتي معاه اوقات حلوه ولا ما كنتي تفكرين تردينله بعد كل اللي شفتيه بس حنا الحين محنا بحسنات زوجك ولا سيئاته انا الحين اهم شي عندي انتي ابطلب منكي طلب ابغاكي تنسين زوجك مرررررره الحين ادري بتستغربين ويمكن تقولين ايشفيها هادي اقلها ابرجع زوجي تقولي انسيه بس صدقيني اذا تبين الحل باريي انا لاااااازم تبدين مع نفسك
ترا انا متفقه مع زوجك في شي وااااحد ان انتي سبب اللي صار بس مو بطريقته هو لاا بالعكس بطريقه تانيه جدا زوجك شايف ان عدم تنازلك الكافي هو سبب المشاكل و انا اشوف ان تنازلك الذايد هو سبب المشاكل نهي حبيبي انتي من اول سمحتيلهم يتحكمون فيكي وفولدهم بشكل ممل وزايد جدا عن حده انا فاهمه ان الوحده لازم تحترم اهل زوجها وتعاملهم بادب واحترام بس لاااازم تلاقي المثل ولا وقتها نطبق المثل شيل دا عن دا يرتاح دا من دا فهمتيني
نهي تكلمتي وقلتي زوجك وامه وابوه وجده وولدك واهلك بس في انسان مهم جدا ما جبتي طاريه واعتقد انك نسيتي انه موجود وانا ابسالك عنه فين نهي؟؟؟؟ فهمتي سؤالي ؟ انتي فين ايش احتياجاتك ايش اللي تحبينه ايش تكرهي ايش اللي يضايقك دراستك وهادا اهم شي اشوفه الحين وش وضعك فيها ولا تكذبي وتقوليلي دراستك ممتازه مستحييييل زوجك حاطك بسكن طالبات ومو هامه ويدري ان هادا ترمك الاخير تتوقعين ان هادا الوقت المناسب اللي تفكرين فيه كيف تردين له ؟؟؟؟؟ لا يا نهي هادا وقتك انتي
نهي كاتبه ان باقي لاختباراتك شهر ابيكي تنسين زوجك وابنك وام زوجك وكل ابو شي الحين ركزيلي في دراستك وبس ابيكي مو بس تنجحي ابيكي تتفوقين وبشكل يدهش الكل وصدقيني هادا راح يكون اول طريق رجوعك لزوجك وبعدين بتعرفين كيف<بدات تجهزلك خطه خطيطه
نهي الوقت الجاي نهي تايم وبسس لو زوجك اتصل عليكي عامليه كصديق وفهميه ان اختبارات قريبه وان الوقت مو مناسب لاي كلام ابدا وفهميه انك محتاجه لتركيزك وقوليله بالحرف اذا فتح معاكي اي سوالف بعد الاختبارات يصير خير حتا اذا جالك وقالك ردي بيتك لو تبين نصيحتي لا تردين الحين بالعكس شوفي الناحيه الاجابيه انتي الحين في مكان بعيد عن قرف ام زوجك وحتا ابنك الله يحفظه لكي وتشوفينه قريب وتفرحيبه الحين امك الله يخليها لكي مراعيته يعني بالك راااااااايق يا حلوه
نهي بقولك هيه علي بلاطه الشي اللي رح يخلي زوجك مصر يعند ويتغلا ويسوي حاله بايع انه يحس انك موقفه حياتك عليه زوجك تعود من معامله امه انه ما يفهم باللين والانسان الضعيف يذكره بنفسه ومواقفه قدام امه فيحول كرهه لشخصيته قدام امه لهادا الشخص فهمتيني اما اذا شافك قويه بتنعكس عنده الايه تماما نهي ادري قرقرت كالعاده اقري كلامي اكثر من مره وحاولي تفهميه واذا اقنعك يا الغاليه قوليلي وسكري اللابتوب وقومي ذاكري وانا معاكي باذن الله الين تردين بيتكك باذن اللي ما تنام عينه
فمان الله حبيبتي
