::|[حملـة لنبـدأ بتغيير حياتنا للأفضـل »الجزء الثالث]|::بسـم الله،،وعليــه توكلنــا

[نهى الأحمد]

أسعد الله صباحكم أخواتي العزيزات



شخباركم


عساكم بخير



مدمد ياقلبي لي عوده لردج ان شاءالله

توني داشه المنتدى



انا كنت اليوم الفجر بنزل الموضوع اليديد بس المنتدى كان معلق


نطروا الموضوع اليديد تقريبا عقب ساعه

 

[نهى الأحمد]

التقييم ... ​

الحمدلله احس بشخصيتي بشكل عام تصير احسن ​

والتغيير الحقيقي بدا من اول جزء ​

سبحان الله .. كل مرة تبدأ فيها الحملة اكون امر بظرف و تصادف على بداية الحملة ​

و هالشي حيييييييييييييييييييييل ساعدني ​

خصوصا المرة الأولى ​

كأن ربي راسلج لي يا نهى وقتها ​

الله يوفقج يارب و ييسر امرج و يحقق مرادج ​

,,,​

كان التغيير للاحسن في مجال .. ​

دراستي ..​

عملي ..​

علاقتي مع ربي .. مع نفسي .. مع اهلي .. مع الناس اللي حولي .. ​

كل شي بيدنا نغيره للاحسن اذا فعلا كنا نملك الرغبة بالتغيير ​

بعض الجوانب تاخذ وقت على ما تتغير بس مومشكلة ​

المهم ما نيأس ونصر على اللي نبيه .. ​

لو طال الوقت على تحقيق الشغلة اللي تبونها لا تزعلون ​

بس اليأس ألغوه من حياتكم نهااااااااااااااااااااااائي​

طبيعي تحسين باليأس من وقت لوقت .. ​

بس لا تخلين هالشي يسيطر عليج ابد ابد ابد ..​

وبسطي كل شغلة تحسينها تعبج و منتي قادرة تتعاملين معاها او تحققينها ​

شلون تبسطينها ..!! ​

اعتبريها لعبة ..​

ايه لعبة .. ​

كل شي كل شي كل شي ... لعبة .. بيدنا ...​

حياتج مثل الصلصال انتي بيدج تشكلينهااا .. ​

يمكن بعض الزوايا تصير صعبه بتشكيلهاا بس مومشكلة حاولي​

لانه بالنهاية صلصال وتحت ايدج وتحكمج ​

انتي كل اللي عليج تخلين عدتج جاهزة ..​

صلاة .. دعاء مع الحاح.. استغفار .. قيام ليل.. صدقة .. اليقين بالاستجابة و الثقة بالله .. ​

تفكير إيجابي (تفاؤل و إيحاء إيجابي)​

عيشي احلامج بخيالج وتخيلي شعورج لو تحققت ..استمتعي .. ما راح ينقص من عمرج شي لو تخيلتي ..!!​

و خلي ببالج هالشغلات .. انا دايم اذكر نفسي فيها علشان الامل فيني ما يموت .. ​

سهام الليل لا تخطأ .. ولكن لها امد وللأمدإنقضاء .. ​

والاستغفار يفتح الاقفال .. ​

ما ضاقت الأرض الا بالذنوب و ما اتسعت الابالاستغفار ..​

الثقة بالله لا تحقق الأحلام فقط بل المعجزات.. ​

لو كنتي محتاجة مساعدة عادي اطلبيها ترى مووووووووووووووعيب ابد ابد ابد ابد ............. ​

انا اعاني من هالشي .. ​

استحي اطلب مساعدة لو بموت من حاجتي لشخص يوقف معاي ويساعدني ​

عندي مشكلة (اذا صح نسميها مشكلة) بدت معاي من عمري 17 سنة ​

والحين عمري .. 28 سنة ​

11 سنة ...................... وانا بنفس المشكلة .. ​

من اربع سنوات ونص قررت اني اوقف وقفة جدية مع نفسي واحل هالمشكلة لكن عجزت الاقي مخرج .. ​

او بالاصح وصلت للمخرج بس عجزت اكمل للاخير.. اتراجع ..​

اوصل و اتراجع ...............​

ومر العمر .. والمشكلة تتعقد اكثر .. ​

لين امس تـــــــــــعـــــبــــــــت .. وحسيت فعلا الموضوع اكبر مني بكثير ... وتعدى طاقتي .. و كل ما له ياخذ من صحتي اكثر واكثر .. ​

ورحت لامي وقلت لها تساعدني ... ​

طبعا هي من قبل حاولت بدال المره الف وانا كنت اتحسس من الموضوع و ما ارضى لها تناقشني فيه .. ​

كنت بختصر على نفسي سنين من التعب والهم لوطلبت من قبل ..!​

بس يلا ............. تجربة علمتني ما استحي من الطلب ابد لو احتجت ...​

كثرت هذرة :d​

ترى حاولت اختصر لوووووووووووووووووووووووووول ​

أحبكم :eh_s(17):​

يابعد عمري والله يا مدمد


ماشاءالله عليج تبارك الرحمن


عسى ربي يزيدج ثقة وسعاده وايمان ويثبتج على التغيير ودوم للأفضل


ماتدرين شكثر استانست من التغيرات اللي صارت معاج من الجزء الاول للحملة حتى هذا الجزء منها


تدرين ليش صار هذا التغيير ياقلبي؟


لانج فعلا حاطة هالفكرة في راسج وصامده رغم كل الظروف والمصاعب

شخصيتج رائعة جدا وبدت تظهر لنا ملامحها الحلوة


وعقبال عند كل خواتنا في الحملة يشعرون بثمرة التغيير في حياتهم لو فعلا كانوا صادقين مع انفسهم

عسى ربي يوفقج دنيا واخره حبيبتي


واتمنى من خواتي في الحملة يقرون تقييمج


انتي فله ،،، شمعه منوره :d

 

[نهى الأحمد]

​

السلام عليكم


أخواتي العزيزات



موضوع اليوم مهم جدا لا يقدر بثمن


يرتباط اتباط شديد في تنظيم الوقت في حياتنا والمكمّل له



انــــــــــــه


التسويــــــــــــــف


بمعنى من ياجلون أعمالهم لوقت آخر


على الرغم يجب علينا الالتزام بمقولة

لا تأجل عمل اليوم الى الغد :eh_s(15):

أخواتي الحبيبات

عندي اهتمام شديد بمتابعة اي موضوع يتعلق بتطوير الذات


وقرأت موضوع عن التسويف وحفظته عندي بالمفضلة وتميت اقراه كل يوم
حتى استوعب كل نقطة فيه


رح اذكر لكم مثالين عن التسويف :


المدير يقول للموظفة : يا فلانه لوسمحتي تطرشين ايميل للشركة الفلانية الحين

الموظفة تقول: انزين الحين ،، وبعد شوي تقول : ووي ليش اطرشه الحين، خلاص باجر
مارح تطير الدنيا



ومثل ثاني بالنسبة للطالب
لما يأجل بعض من واجباته لوقت ثاني او يوم ثاني
وتتراكم عليه الواجبات والمسؤوليات



هذي بعض الامثلة عن التسويف حبيباتي


والحين رح انقل لكم ماقيل عن التسويف

واتمنى منكم قرائته بتمعن وتركيز



ما هو التسويف ؟

التسويف هو عدم إنجاز نشاط أو واجب او مهمة معينة في وقتها....او عدم اجراء التحضيرات والدراسات من اصلها....


المبررات الاساسية للتسويف :

*:عدم اتعاب الذات....والميول الى حب الكسل.

*:خداع الذات ..والاخر احيانا..والهروب من العمل.. الان.. على امل ..الغد..وما يعد..!!

*:خداع النفس والتمني .. . في تحسن الظروف....او الامل في تعويض ما فات.

*: الحب المطلق للحرية الفوضوية ..وكراهية الزام النفس وتعويدها النظام والرتابة.

*:الخوف من الفشل..وعدم الثقة بالذات..والخجل من استشارة الاخرين؟؟

*: الفشل الحقيقي والضعف المتاصل ومحاولة تغطيته بالتسويف والتاجيل..لخداع الاخرين والظهور بمظهر القادرين.

* : اسباب بيولوجية ..وامراض نفسية.



كيف تتخلص من التسويف​

1- قرر بشكل حقيقي أنك عازم على ترك التسويف ، وردد ذلك لنفسك بيقين تام حتى تشعر ان ذاتك الداخلية قبلت هذا الأمر ولم تأتيك اي مشاعر او اصوات أو صور تفيد بعكس ذلك
ولو حدث ذلك معك فانتقل للخطوة التالية
أما لو حدث وأن شعرت بان داخلك يرفض ترك هذا الأمر فاعلم أن لديك مكاسب ثانوية من التسويف ينبغي معرفتها للتخلص منها بإيجاد البديل وهذا يحتاج لشخص محترف معك يرافقك في التواصل مع ذاتك واكتشاف مكاسبها الثانوية
2- ركز بشدة على الخسائر التي تعرضت لها من جراء التسويف ( اعمل فوكس عليها ) حتى تحس بالألم الشديد والأفضل أن تكتبها كتابة مع بذل جهد كبير لتعظيم الخسائر من جميع الجوانب حتى تشعر بألم حقيقي ن واحتفظ بورقة الخسائر تلك
والمعنى خذ وقتا كافيا خاصاً بإشعار نفسك بالخسائر التي تعرضت لها بسبب التسويف حتى يعيها عقلك الواعي ثم اللاواعي

3- ذكر نفسك واسترجع كل الخسائر التي تعرضت لها من التسويف كلما راودتك نفسك في التسويف لأمر - والأفضل ان تقرأ مرة أخرى الورقة التي دونت فيها الخسائر -

4- قم بعملية إلغاء للمكاسب التي تحصلت عليها رغم تسويفك فما يجعلك تسوف هو حسب تعبيرك " قدرتي على انجاز الامر المسوف عندما اريد ذلك "
اي اعكس العملية التي يقوم بها عقلك الباطن لأنه - في الوقت الحاضر- يركز على مكاسبك رغم التسويف ، ويمر مرورأ عابراً او ما نسميه مرور الكرام على الخسائر فلا تشعر بفداحتها بشكل حقيقي ( وأعني عقلك اللاواعي وليس الواعي لأن ما يدفع للفعل في اوقات كثيرة هو مدى قبول العقل اللاواعي لأمر وقناعة معينة )

5- كافأ نفسك لو رادوتك نفسك بالتسويف ولم تطعها

6- برمج نفسك على أن شخص عملي تنجز اعمالك بسرعة وهنا سيفيد الحديث الذاتي ، والصورة الذاتية كثيراً
ولكنه بالطبع لا ينفع من غيرالخطوات السابقة التي ذكرتها



حبيباتي

نشاط اليوم المطلوب منكم

1- هل سبق ولجئتي الى التسويف في حياتك؟وماهو السبب الذي ادى بك الى التسويف؟


2- ماهو شعورك من بعد قيامك بتسويف امر ما يتعلق بك؟



بانتظار اجابتكم يا خواتي واتمنى تكونون صادقين مع انفسكم


أختكم
نهى الأحمد​

 

[لذه السكر]

صباح الخير
عذروني عالتاخير بس انشغلت حيل بالويك اند

هل حاولتي ان تعيشي لحظتك وتسعدي رغم ان الالام والاحزان تحيط بك كما تحيط عيون الناس براقصة البالية ؟

اي حاولت رغم ان الموضوع فيه صعوبه شوووي

وماهو شعورك لحظتها ؟

حسيت بالقوه والانجاز لان شي كبير ان الواحد يكتم شعوره

وبرأيك ماهي الخطوات التي توصلنا لهذه المرحلة من القوة والثبات ؟

الصبر والكتمان .. وهالنقطه قاعده احاول اشتغل عليها اللي اهي ان ما اشتكي واحاول ان ما يبين علي الضغوط او الحزن

التقييم

**ثقتي بنفسي تغيرت حييل حيل خصوصا اني اشتغل عليها بره وداخل الحمله معاكم
الحمدلله انحطيت باكثر من موقف اثبت فيه تقدم
**ماصرت اهتم لكلام الناس وشنو قالو لان ببساطة مشغوله بنفسي وبيتي
**اعتمد السريه بحياتي مولازم الكل يعرف تفاصيلها ويعطيني نصايح وهالشي كان حيل يضايقني
**رديت لقراءة الكتب

**اما التغيير الاكبر واللي قتلكم عنه ببدايه الحمله اني ودي اكمل دراستي

تشجعت وقدمت على امتحان التوفل ولكن للاسف النتيجة اصدمنتي الامتحان كان حيل صعب وماكنت مستعده للاسف .... ادعولي اييب النتيجه المطلوبه
ولو مانجحت راح افرح لان عالاقل حاولت
طبعا حاشتني بعد الامتحان صعوبات وتقريبا رفض وقاعده افكر اني اتنازل عن حلمي بس قبلها راح استخير وراح اعوض بناحيه ثانيه من حياتي

دعواتكم :eh_s(7)::eh_s(7):

 

[ورده حمرآ]

موضوع رائع نهـــى


1- هل سبق ولجئتي الى التسويف في حياتك؟وماهو السبب الذي ادى بك الى التسويف؟

نعم وايد وايد اوييييييييييييد والى الان بعد

2- ماهو شعورك من بعد قيامك بتسويف امر ما يتعلق بك؟

بصراحه اتضـايق واتحسف واقول هذي اخر مره ولاكن يغلبني الكسـل والاهمـال

 

[لذه السكر]

​

1- هل سبق ولجئتي الى التسويف في حياتك؟وماهو السبب الذي ادى بك الى التسويف؟​

2- ماهو شعورك من بعد قيامك بتسويف امر ما يتعلق بك؟​

​

​

يوووووووووه ياكثر ما ااجل طبعا ايام الدراسه حدث ولا حرج
وللحين في شغلات وايد وساعات تكون مهمه ااجلها ..خصوصا تنظيف البيت :eh_s(4):

شعوري ان يضيق خلقي وودي اسوي بس الكسل ذابحني والله صج صج مشكله اعاني منها الكسل
لقيت لها حل ولكن للاسف ما استمر:

**اولا الرياضه تخليني احس بالنشاط واخلص شغلي كله
**ثانيه اذكر نفسي اني ماراح اخسر شي اذا خلصت هالشغله الحين
مثلا بنظف غرفتي فجاه اقول اووه بعدين مالي خلق ..اذكر نفسي ان دام الحين ذكرت وفاضيه خلاص انظف وافتك

+ ودي اسوي تحليل لان الخمول والكسل اللي فيني مو طبيعي او يمكن اقص على نفسي وحاطته عذر مادري

 

[Sweet Angle]

مساء الورد خوااااتي والله فديتكم حقكم علي اني ماشاركت هاليومين اللي طافوا بس خذوا مني لابتوبي علشان يصلحونه وعطوني note book اصغر من اللابتوب الصغير عيوووني حيل تعورني لو قعدت عليه صغير ومزعج

الله يعطيكم العافيه كلكم وخصوووصا الغاليات نهى و حديث الروح . .شكرا جزيلا على كل اللي اتسوونه

شنو اللي تغير فيني من بداية الحملة ؟؟

اني صرت اقوى و صرت افكر بالشي قبل لا اتصرف و اتعلمت اني اخذ قراري بنفسي و احب نفسي مثل ما احب الناس وان السعاده مكانها من داخلي ماراح انطرها من الناس
باختصار نضجت



هل حاولتي ان تعيشي لحظتك وتسعدي رغم ان الالام والاحزان تحيط بك كما تحيط عيون الناس براقصة البالية ؟

اي دووووووووم اسوي اي شي يسعدني علشان انسى وهالشي صار معاي من دشيت الحملة.. ومتى ما الواحد قدر يوصل لمرحلة انه بنص حزنه يقوم يسوي اي شي يسعده ولو حتى بسيط حييييييل مثل شرب قهوة بجو هادي او يقرا قرآن او ياخذ دوووش ونلعب بالمكياج او نرسم اي شي بالحياه نحبه راح تتغير ردة افعالنا للاشياء من حولنا وراح نصير نستمتع بكل لحظة ومانضيع الوقت بالتفكير اللي ماله دااعي

وماهو شعورك لحظتها ؟

سعادة غير طبيعية من الداخل مالها اسباب من الله بس و شعور بالقوة

وبرأيك ماهي الخطوات التي توصلنا لهذه المرحلة من القوة والثبات ؟

التفاؤل و التأكد بان اللي ياي احلى واحلى و الصبرررررر مفتاح الفرج وحب الذات و انه الواحد يحس انه نفسه تستاهل السعادة

 

[شادن33]

1- هل سبق ولجئتي الى التسويف في حياتك؟وماهو السبب الذي ادى بك الى التسويف؟

انا ام التسوييييف بس في شغل البيت خخخخ اشياء ضروريه لا ام السريع السريع


2- ماهو شعورك من بعد قيامك بتسويف امر ما يتعلق بك؟

اشعر بالندم وأقول ياريت خلصت الامور في وقتها

 

[نهى الأحمد]

مساء الخيرات


ويا هلا وغلا بخواتي


ان شاء الله رح ارد لكم حتى اقرا مشاركاتكم وارد عليكم


شدونه يا ام التسويف انتي هههههههههه

انتي ملح الحملة بضحكتج الحلوة وغشمرتج

عسى ربي يديم السعاده عليج وعلى كل البنات

 

[شادن33]

نهووووي مشكوووره انتي راس المال

 

[نهى الأحمد]

نهووووي مشكوووره انتي راس المال

بعد عمري انتي تسلمين

راس المال مرة وحده

 

[فجر 1]

مساء الخير ..المنتدى عندى يعلق .. اكتب رد ويمسح ..ان شاء الله اذا تعدل عندى اشتغل الواجب ..

 

[حلمي الأمومة]

نهوي ياقلبي عندي صداع شديد حبيت اسجل دخول
ولي صحصحت اقرأ كل الي فاتني


تحياتي لج وللجميع

 

[بدوعة النعنوعة]

[color="seagreen[size="5"]​

"]اي نهوي راس المال ونص ؛)مؤ وااايد عليج صج ما قصرتي معانا :**



1- هل سبق ولجئتي الى التسويف في حياتك؟وماهو السبب الذي ادى بك الى التسويف؟

اي وااايد كنت ألجأ للتسويق بأغلب أمور حياتي وأبسطها بعد اما الحين لا من بعد تخرجي من الجامعة وااايد أشياء غيرتها بشخصي تي وما صرت ااءجل اي شي اما السبب اللي يخليني اسوف أهوا الكسل بصراحه هههههههه

2- ماهو شعورك من بعد قيامك بتسويف امر ما يتعلق بك؟

اندم وا تضايق من روحي واحس ان الوقت يضيع مني كللش مأ احب هالشعور​

​

[/color][/size]

 

[نهى الأحمد]

مساء الخير ..المنتدى عندى يعلق .. اكتب رد ويمسح ..ان شاء الله اذا تعدل عندى اشتغل الواجب ..

مساء الورد

هلا والله فجوره
شخبارج

اي والله المنتدى مدري شفيه وحتى بطيء شوي

ماعليه ياقلبي انطرج لما يتعدل ان شاءالله

نهوي ياقلبي عندي صداع شديد حبيت اسجل دخول
ولي صحصحت اقرأ كل الي فاتني


تحياتي لج وللجميع

هلا والله حلومه ياقلبي

شخبارج

سلامات ماتشوفين شر حبيبتي

بانتظارج ياقلبي

 

[نهى الأحمد]

صباح الخير
عذروني عالتاخير بس انشغلت حيل بالويك اند

هل حاولتي ان تعيشي لحظتك وتسعدي رغم ان الالام والاحزان تحيط بك كما تحيط عيون الناس براقصة البالية ؟

اي حاولت رغم ان الموضوع فيه صعوبه شوووي

وماهو شعورك لحظتها ؟


حسيت بالقوه والانجاز لان شي كبير ان الواحد يكتم شعوره

وبرأيك ماهي الخطوات التي توصلنا لهذه المرحلة من القوة والثبات ؟

الصبر والكتمان .. وهالنقطه قاعده احاول اشتغل عليها اللي اهي ان ما اشتكي واحاول ان ما يبين علي الضغوط او الحزن






**ثقتي بنفسي تغيرت حييل حيل خصوصا اني اشتغل عليها بره وداخل الحمله معاكم
الحمدلله انحطيت باكثر من موقف اثبت فيه تقدم
**ماصرت اهتم لكلام الناس وشنو قالو لان ببساطة مشغوله بنفسي وبيتي
**اعتمد السريه بحياتي مولازم الكل يعرف تفاصيلها ويعطيني نصايح وهالشي كان حيل يضايقني
**رديت لقراءة الكتب

**اما التغيير الاكبر واللي قتلكم عنه ببدايه الحمله اني ودي اكمل دراستي

:d:d:d تشجعت وقدمت على امتحان التوفل ولكن للاسف النتيجة اصدمنتي الامتحان كان حيل صعب وماكنت مستعده للاسف .... ادعولي اييب النتيجه المطلوبه
ولو مانجحت راح افرح لان عالاقل حاولت
طبعا حاشتني بعد الامتحان صعوبات وتقريبا رفض وقاعده افكر اني اتنازل عن حلمي بس قبلها راح استخير وراح اعوض بناحيه ثانيه من حياتي

دعواتكم :eh_s(7)::eh_s(7):

هلا والله ياقلبي

شخبارج

عساج بخير

ماعليه حبيبتي

كلنا تصير معانا ظروف وتشغلنا


بالنسبة لاجابتج على اسئلة موضوع الغاليه جولينار عن السعادة


يا الغاليه

دام انه الانسان حاول فهذا يعني انه مافي شي صعب عليه

وشعورج بالقوة والانجاز انج لما تعيشين لحظة السعادة مهما كانت الظروف سيئة

هذا شي رائع وحافز لج للتفاؤل في حياتج مهما كانت الظروف




بالنسبة للتقييم


احلى تقييم اهنيج عليه حبيبتي

كلها ايجابيات ماشاءالله عسى ربي يزيدج ويبعد عنج كل السلبيات


اما بالنسبة لامتحان التوفل

انتي لا اول وحده ولا اخر وحده ما تنجح فيه

وديري بالج لا تتنازلين عن حلمج ياقلبي

درسي عدل رح تحققين الحلم اللي تبينه ان شاءالله

 

[نهى الأحمد]

موضوع رائع نهـــى


1- هل سبق ولجئتي الى التسويف في حياتك؟وماهو السبب الذي ادى بك الى التسويف؟

نعم وايد وايد اوييييييييييييد والى الان بعد

2- ماهو شعورك من بعد قيامك بتسويف امر ما يتعلق بك؟

بصراحه اتضـايق واتحسف واقول هذي اخر مره ولاكن يغلبني الكسـل والاهمـال

هلا والله ياقلبي
شلونج

حاولي ياقلبي تتخلصين من التسويف وبعدي عن الكسل والخمول

لا تأجل عمل اليوم الى الغد :eh_s(15):

لانج لو اجلتي اي عمل لوقت ثاني رح تحسين انج ما انجزتي شي حلو في حياتج

 

[نهى الأحمد]

[/CENTER]

يوووووووووه ياكثر ما ااجل طبعا ايام الدراسه حدث ولا حرج
وللحين في شغلات وايد وساعات تكون مهمه ااجلها ..خصوصا تنظيف البيت :eh_s(4):

شعوري ان يضيق خلقي وودي اسوي بس الكسل ذابحني والله صج صج مشكله اعاني منها الكسل
لقيت لها حل ولكن للاسف ما استمر:

**اولا الرياضه تخليني احس بالنشاط واخلص شغلي كله
**ثانيه اذكر نفسي اني ماراح اخسر شي اذا خلصت هالشغله الحين
مثلا بنظف غرفتي فجاه اقول اووه بعدين مالي خلق ..اذكر نفسي ان دام الحين ذكرت وفاضيه خلاص انظف وافتك

+ ودي اسوي تحليل لان الخمول والكسل اللي فيني مو طبيعي او يمكن اقص على نفسي وحاطته عذر مادري

هلا حبيبتي

اولا انتي ذكرتي نقاط مهمة وايجابية تخليج تبتعدين عن التسويف :eh_s(15):

ان طبقتيها رح تسوين كل شي بوقته ياقلبي ومن دون تأجيل

 

[نهى الأحمد]

مساء الورد خوااااتي والله فديتكم حقكم علي اني ماشاركت هاليومين اللي طافوا بس خذوا مني لابتوبي علشان يصلحونه وعطوني note book اصغر من اللابتوب الصغير عيوووني حيل تعورني لو قعدت عليه صغير ومزعج

الله يعطيكم العافيه كلكم وخصوووصا الغاليات نهى و حديث الروح . .شكرا جزيلا على كل اللي اتسوونه

شنو اللي تغير فيني من بداية الحملة ؟؟

اني صرت اقوى و صرت افكر بالشي قبل لا اتصرف و اتعلمت اني اخذ قراري بنفسي و احب نفسي مثل ما احب الناس وان السعاده مكانها من داخلي ماراح انطرها من الناس
باختصار نضجت



هل حاولتي ان تعيشي لحظتك وتسعدي رغم ان الالام والاحزان تحيط بك كما تحيط عيون الناس براقصة البالية ؟

اي دووووووووم اسوي اي شي يسعدني علشان انسى وهالشي صار معاي من دشيت الحملة.. ومتى ما الواحد قدر يوصل لمرحلة انه بنص حزنه يقوم يسوي اي شي يسعده ولو حتى بسيط حييييييل مثل شرب قهوة بجو هادي او يقرا قرآن او ياخذ دوووش ونلعب بالمكياج او نرسم اي شي بالحياه نحبه راح تتغير ردة افعالنا للاشياء من حولنا وراح نصير نستمتع بكل لحظة ومانضيع الوقت بالتفكير اللي ماله دااعي

وماهو شعورك لحظتها ؟

سعادة غير طبيعية من الداخل مالها اسباب من الله بس و شعور بالقوة

وبرأيك ماهي الخطوات التي توصلنا لهذه المرحلة من القوة والثبات ؟

التفاؤل و التأكد بان اللي ياي احلى واحلى و الصبرررررر مفتاح الفرج وحب الذات و انه الواحد يحس انه نفسه تستاهل السعادة

هلا حبيبتي سويت

نورج ولا نور القمر

حبيبتي والله

ماعليه

المهم انج بخير


بالنسبة للتقييم انا مستانسه منج واعطيج عشرة على عشر :eh_s(15):

عسى دوم ياقلبي


وبالنسبة لأسئلة السعادة

كلام رائع ياقلبي

ودليل على انج انسانه متفائلة باللي ياي وتسعدين نفسج مهما كانت الظروف

عسى ربي يديم السعادة عليج وعلى كل احبابج :yaaaaaarb:

وبانتظار اجابتج على اسئلة التسويف اللي طرحتها امس

 

[نهى الأحمد]

1- هل سبق ولجئتي الى التسويف في حياتك؟وماهو السبب الذي ادى بك الى التسويف؟

انا ام التسوييييف بس في شغل البيت خخخخ اشياء ضروريه لا ام السريع السريع


2- ماهو شعورك من بعد قيامك بتسويف امر ما يتعلق بك؟

اشعر بالندم وأقول ياريت خلصت الامور في وقتها

هلا حبيبتي شدونه يا ام التسويف

اذا على شغل البيت مقدور عليه ههههههههه يا ام السريع السريع

ياحلوج يا شدووووون

سوي كل شي بوقته علشان تبعدين عنج الشعور بالندم :eh_s(15):